Fashion News   |   Posted on May 24, 2016 by kiki

Designer Guo Pei


Riri ရဲ့ Met Gala ဂါဝန်ရှည်နောက်ကွယ်မှ ဖန်တီးရှင်.....

Share this article

Guo Pei က ၁၉၆၇မှာမွေးဖွားခဲ့တဲ့ တရုတ်လူမျိုး ဖက်ရှင်ဒီဇိုင်နာတစ်ဦးဖြစ်ပါတယ်။

သူမကို တရုတ်အနုပညာရှင်များရဲ့အဝတ်အစားများနဲ့ Rihanna ကို ၂၀၁၅ Met Galal ပွဲတော်အတွက် အဝါရောင်အင်ပါယာအသွင်ဝတ်စုံပြုလုပ်ပေးခဲ့ခြင်းကြောင့် လူသိများပါတယ်။၂၀၁၄ မှာပြသခဲ့တဲ့ The Monkey King ဇာတ်ကားထဲမှ သူမဖန်တီးပေးခဲ့တဲ့ အဝတ်အစားများကြောင့် ဟောင်ကောင်ရုပ်ရှင်ဆုပေးပွဲမှာ စကာတင်စာရင်းဝင်ခဲ့ပါတယ်။ Guo Pei ရဲ့ဒီဇိုင်းကုမ္ပဏီဟာ စူပါစတားများရဲ့နှစ်သက်မှုကို အများဆုံးရရှိခဲ့တာဖြစ်ပြီး ဒါကသူမကို ဖက်ရှင်လောကရဲ့ အထူးအာရုံစိုက်စရာ ဒီဇိုင်နာတစ်ဦးအဖြစ်သို့ ရောက်ရှိစေခဲ့ပါတယ်။

Guo Pei က သူမရဲ့ပေကျင်းအခြေစိုက်ဖက်ရှင်ကုမ္ပဏီဖြစ်တဲ့ Rose Studio ကို ၁၉၉၇ မှာ တစ်ရာစုနီးပါးလောက် အပြင်ပိုင်းဒီဇိုင်နာအဖြစ်လုပ်ကိုင်ခဲ့ပြီးမှ ဖွင့်လှစ်ခဲ့တာဖြစ်ပါတယ်။ အဲ့ဒီအချိန်ကတည်းက သူမဟာတရုတ်ပြည်မှာ နာမည်အကြီးဆုံး ဒီဇိုင်နာဝတ်စုံချုပ်လုပ်သူတစ်ယောက်ဖြစ်လာခဲ့ပါတယ်။ ၂၀၁၅ နှစ်အစောပိုင်းလောက်မှာ ဂရမ်မီဆုရှင် Rihanna က Guo ရဲ့ အဝါရောင်အင်ပါယာဂါဝန်ရှည်ကြီးကို နယူးယောက်ခ်မြို့မှာကျင်းပခဲ့တဲ့ Metropoitan Museum of Art ပွဲမှာဝတ်ဆင်ခဲ့ပါတယ်။

အဆိုပါဂါဝန်ရှည်ဟာ ပေါင် ၅၅ ပေါင်အလေးချိန်ရှိပြီး ချုပ်ရိုးချုပ်သားအသေးစိတ်ကျနစွာဖြင့် နာရီပေါင်း ၅၀ဝ၀ဝ နာရီ၊ အချိန်အားဖြင့် နှစ်နှစ်နီးပါး အချိန်ယူကာ ပြုလုပ်ခဲ့ရတာဖြစ်ပါတယ်။Vogue မဂ္ဂဇင်းကြီးမှလည်း ၄င်းရဲ့ Met Gala အထူးထုတ်စာအုပ်မှာ Rihanna ရဲ့ပုံကို ကာဗာတင်လိုက်ခြင်းအားဖြင့် Guo Pei ရဲ့နာမည်ကို ဖက်ရှင်လောကမှာ နိုင်ငံတကာအောင်မြင်မှုတစ်ခုဖြစ်စေခဲ့ပါတယ်။

Guo Pei ဟာ ဖောင်းကြွလက်မှုပညာရှင် အယောက် ၃၀ဝ၊ ဒီဇိုင်နာ အယောက် ၂၀ဝ၊ pattern ဒီဇိုင်းပြုလုပ်သူနဲ့ စက်ချုပ်နည်းပညာရှင်များစွာကို တရုတ်ပြည်မှာ အလုပ်ပေးခန့်အပ်ထားနိုင်ပါတယ်။ သူတို့တွေဟာ နှစ်စဉ် အထည်ပေါင်း ၃၀ဝ၀ လောက်ထုတ်လုပ်နိုင်ကြပြီး တန်ဖိုးအားဖြင့် ဒေါ်လာ ၄၀ဝ၀ ကနေစတင်ပါတယ်။ Rose Studio ဟာခုဆို တရုတ်ပြည်ရဲ့ အလယ်အထက်အဆင့် လူတန်းစားများပိုဝယ်ယူနိုင်ရေးအတွက် လက်မှုပညာအသေးစိတ်တစ်ဝက်ပါဝင်ချုပ်လုပ်ထားတဲ့ တရုတ်သတိုးသမီးလို့အမည်ပေးထားတဲ့ မင်္ဂလာဆောင်ဝတ်စုံတွေကို ထုတ်လုပ်ဖို့ စီစဉ်နေပြီဖြစ်ပါတယ်။

 

Guo Pei

 

အသက် ၄၈ နှစ်ရှိတဲ့ Guo Pei ကလောလောဆယ်မှာ The Wall Street Journal နဲ့ ဖန်တီးမှုပိုင်းဆိုင်ရာ၊ ဒီဇိုင်းပိုင်းဆိုင်ရာနဲ့ တရုတ်ပြည်အတွင်းမှာ စီးပွားရေးတစ်ခုစတင်တဲ့အကြောင်းအရာများကို ပြောဆိုဆွေးနွှေးထားခဲ့ပြီး အောက်မှာဖော်ပြထားတာကတော့ သူမရဲ့အင်တာဗျူးထဲက အကြောင်းအရာများဖြစ်ပါတယ်။

Q : တရုတ်ပြည်မှာ ဒီဇိုင်နာဝတ်စုံချုပ်လုပ်တဲ့ လိုင်းကို စတင်ရတဲ့အခါ ဘယ်လိုစိန်ခေါ်မှုမျိုးတွေနဲ့ ရင်ဆိုင်ရပါသလဲ။

A : ၁၉၉၇ မှာ သီးသန့်ဒီဇိုင်နာလိုင်းကို စတင်တုန်းက လူတော်တော်များများက ဘာကြောင့် ကျွန်မဒီဇိုင်းတွေက ဈေးကြီးတာလဲလို့မေးကြတယ်။ လူတွေဟာ ဒီဇိုင်းပြုလုပ်ခြင်းက ကုန်ကျမှု အရမ်းများတဲ့ ထုတ်ကုန်တစ်ခုရဲ့ တိုးတက်မှုတစ်ခုဆိုတာကို မမြင်ကြဘူး။ အဲ့အချိန်တုန်းက လူတွေဟာ တစ်ခါတစ်ရံမှာ ဖက်ရှင်ဒီဇိုင်နာတွေကို အပ်ချုပ်သမားများနဲ့ အထင်မှားခဲ့ကြတယ်။

Q : အပ်ချုပ်သမားတွေကဘာလုပ်တာလဲ..။

A : သူတို့တွေက အထည်စတွေကို အပိုင်းပိုင်းဖြစ်အောင် ညှပ်တယ်၊ အဲ့အပိုင်းအစတွေကို အတူတူကပ်ဖြတ်တယ်၊ ချုပ်တယ်၊ နောက်တော့ အသင့်ဝတ်ထည်များဖြစ်အောင် ပြုလုပ်လိုက်ကြတယ်။ အပ်ချုပ်သမားများက သူတို့ရဲ့ကိုယ်ပိုင်ဒီဇိုင်းကို မပြုလုပ်ကြပါဘူး။ ကျွန်မက အပ်ချုပ်သမားများထက် ပိုတဲ့အလုပ်ကို လုပ်ပါတယ်။ ကျွန်မက ဝတ်စုံအတွက် ဒီဇိုင်းတွေကို သေသေချာချာ ဒီဇိုင်းထွင်တယ်။ နောက် proto နမူနာတွေကို ပြုလုပ်တယ်။ ကျွန်မက အလုပ်အပ်တဲ့သူတွေကို အရင်ဆုံး နမူနာတွေကို စမ်းဝတ်ခိုင်းတယ်။ နောက်ပြီးမှ လိုအပ်တာတွေကို ဆက်လက်လုပ်ဆောင်ပါတယ်။ စစချင်းမှာ ကျွန်မရဲ့ဒီဇိုင်းတွေကို haute couture လို့ခေါ်မှန်း သတိမပြုမိခဲ့ဘူး။ ဘာကြောင့်လည်းဆိုတော့ ပြင်သစ်မှာရှိတဲ့ ဒီဇိုင်နာတွေကလည်း ဒီနည်းလမ်းအတိုင်း haute couture တွေကို ဖန်တီးတယ်ဆိုတာ မသိခဲ့လို့ပါ။ အဲ့တုန်းက ကျွန်မဟာ အဝတ်အစားများကို ပိုပြည့်စုံကောင်းမွန်အောင်နဲ့ ဒီဇိုင်းတွေကို ဈေးမြင့်မြင့်မှာ ရောင်းနိုင်အောင်ပဲ အာရုံစိုက်ခဲ့ပါတယ်။

Q : မင်းမိသားစုကကော ဒီစီးပွားရေးကို လုပ်ဆောင်နိုင်ဖို့ နောက်ကွယ်ကနေ ဘယ်လိုပံ့ပိုးပေးလဲ။

A : အတိုင်းအထွာ မှန်မှန်ကန်ကန်နဲ့ အဝတ်အစားများကို အတိအကျချုပ်လုပ်ရတဲ့ သဘောတရားကို ရှင်းပြရတာ ကျွန်မမောလှပါပြီ။ တစ်နေ့တော့ ကျွန်မခင်ပွန်းကို မေးလိုက်တယ် ‘ဈေးနှုန်းတွေ အရမ်းမြင့်တယ်လို့ ရှင်ထင်သလား’ လို့လေ။ သူက ‘ဈေးနှုန်းနဲ့ တန်ဖိုးကို ခွဲခွဲခြားခြားတွက်ချက်သင့်တယ်။ ဈေးနှုန်းဆိုတာ ကိန်းဂဏန်းတစ်ခုပါ။ တန်ဖိုးကတော့ အရည်အသွေးကို တိုင်းတာတာဖြစ်တယ်။ ဈေးကြီးတယ်ဆိုတဲ့အကြောင်းပြချက်တစ်ခုတည်းနဲ့တော့ customer တွေကို ဝယ်ယူခြင်းကနေ ရပ်တန့်စေမှာမဟုတ်ပါဘူး။ မင်းထုတ်ကုန်ရဲ့အရည်အသွေးက တင်ထားတဲ့ ဈေးနှုန်းထက် ပိုမြင့်နေသ၍ ဝယ်ယူသူများက မင်းအလုပ်ကို ချီးကျူးဂုဏ်ပြုနေမှာပဲ’ လို့ ပြောတယ်။ ဒီစကားကိုကြားရတာ ကျွန်မရဲ့အမောတွေကို ပြေသွားစေတယ်။ အဲ့အချိန်ကစပြီး ဈေးနှုန်းမြင့်မြင့်ထားတဲ့ ကိစ္စကို မစိုးရိမ်တော့ဘူး။

Q : မင်းနဲ့ မင်းကုမ္ပဏီအတွက် နောက်ထပ်ခြေလှမ်းအသစ်က ဘာဖြစ်မလဲ။

A : ရာစုနှစ်တစ်ခုတိုင်းကို ကျွန်မရဲ့အသက်မွေးဝမ်းကြောင်းရဲ့ အခန်းအသစ်တစ်ခုအဖြစ် သတ်မှတ်ပါတယ်။ နောက်တစ်နှစ်က ဖက်ရှင်လောကမှာ ကျွန်မရပ်တည်မှု ၃၀ နှစ်ပြည့်တဲ့ အထိမ်းအမှတ်တစ်ခုဖြစ်စေမှာပါ။ ပထမဆုံးအခန်းတစ်ခုအဖြစ် ကျွန်မသင်ကြားခဲ့တယ်၊ ဒုတိယအခန်းမှာတော့ ကျွန်မလေ့ကျင့်ခဲ့တယ်။ ဒီခု တတိယအခန်းကတော့ ကျွန်မနဲ့ထိုက်တန်တဲ့ ဆုတွေကို စတင်ရိတ်သိမ်းမှာ ဖြစ်ပါတယ်။ နောက်တစ်နှစ်စတာနဲ့ ကျွန်မကိုယ်ပိုင်အမှတ်သညာ ဖက်ရှင်တံဆိပ်တစ်ခုကို စတင်သွားမှာဖြစ်ပြီး အဲ့ဒါကို ပဲရစ်မှာ Guo Pei နာမည်နဲ့ စာရင်းသွင်းထားပါတယ်။ မနှစ်တုန်းကဆို ပေကျင်းနားမှာ ကျောင်းကြီးတစ်ကျောင်းနဲ့ စက်ရုံတစ်ခုကို စတင်တည်ဆောက်ခဲ့ပါတယ်။ အဲ့ဒါက ကျွန်မဖက်ရှင်ကုမ္ပဏီအတွက် ပါရမီရှင်တွေကို မွေးထုတ်ပေးမယ့် နေရာဖြစ်ပြီး ကျွန်မရဲ့ တရုတ်သတိုးသမီး ဝတ်စုံများကို ထုတ်လုပ်ပေးမယ့် အခြေစိုက်နေရာတစ်ခုလည်းဖြစ်ပါတယ်။

Guo Pei က နောက်ထပ်အကြောင်းအရာတစ်ခုဖြစ်လာမှာလား..။ Rihanna ရဲ့ တရုတ်ရိုးရာ ပိုးထည်ဂါဝန်ကို လက်ဖြင့်သာ အချိန်နှစ်နှစ်ယူပြီး ချုပ်လုပ်ခဲ့တယ်ဆိုတဲ့ ဒီဇိုင်နာမလေးနဲ့တွေ့ ကြည့်ပါဦး (ဝတ်စုံတန်ဖိုးက ပေါင် ငါးသိန်းနီးပါးအထိ တန်ဖိုးမြင့်လျက်ရှိပါတယ် ) 

Rihanna ရဲ့အဝါရောင်ဂါဝန်ကြီးအကြောင်းက ပွဲနေ့ကတည်းကစလို့ ဆိုရှယ်မီဒီယာတွေဖြစ်တဲ့ Twitter နဲ့ Instagram မှာ ပရိသတ်များအဆွေးနွှေးဆုံး၊ လူပြောအများဆုံးအကြောင်းအရာတစ်ခုဖြစ်လာခဲ့ပါတယ်။ ဒီဂါဝန်ကြီးက နိုင်ငံတကာဖက်ရှင်လောကမှာ couture အစိတ်အပိုင်းတစ်ခုအနေဖြင့် သတ်မှတ်ခြင်းခံခဲ့ရပြီး တစ်ခုလုံးကို လက်မှုပညာဖြင့်သာ ဖန်တီးခဲ့တာဖြစ်ပါတယ်။ သင်တို့ သူမအကြောင်းဘာဆိုတာကို မသိခင် Guo Pei ကို Rihanna က online ကနေတွေ့ရှိ်ခဲ့တာဖြစ်ပြီး ခုဆို တရုတ်ပြည်ရဲ့ အလားအလာအကောင်းဆုံးသော ဒီဇိုင်နာထဲမှ တစ်ဦးဖြစ်နေပါပြီ။

 

Rihanna ဝတ်ဆင်ခဲ့တဲ့ ပါးစပ်အဟောင်းသားဖြစ်ရမယ့် ဖောင်းကြွဝတ်စုံ

ဒီနှစ် Met Gala ပွဲတက်မည့်သူများကို China : Through The Looking Glass ခေါင်းစဉ်အောက်ကနေ ဝတ်စုံထွင်ဝတ်ဖို့ ကြေငြာခဲ့ပေမယ့် Rihanna ကိုတော့ အကောင်းဆုံး ဝတ်ဆင်နိုင်သူတစ်ဦးအဖြစ် သတ်မှတ်ရမှာဖြစ်ပါတယ်။

Fourfiveseconds   သီချင်းအဆိုကျော်မလေးက တရုတ်ဒီဇိုင်နာGuo Pei ရဲ့ဝတ်စုံနဲ့ ကော်ဇော်နီတစ်ခုလုံးကို သူမဘက်ပါအောင် အပိုင်သိမ်းနိုင်ခဲ့ပါတယ်။ ဒီဖောင်းကြွလက်ရာ အနုစိတ်ဂါဝန်ကြီးဆီမှာ သားမွှေး၊ သိုးမွှေးစများအပြင် အခြားသော အဆင်တန်ဆာများကို ထည့်သွင်းချုပ်လုပ်ထားတာဖြစ်ပါတယ်။

 

ပေကျင်းအလှတရားကို ဖော်ပြခဲ့တဲ့ အဆိုတော်မလေးက သူမရဲ့မျက်နှာအပြင်အဆင်ကို ဝတ်စုံနဲ့လိုက်ဖက်အောင်ပြင်ဆင်ခဲ့ပြီး ခေါင်းပတ်ခေါင်းစီးများနဲ့ အပိုအလိုမရှိ ဝတ်စုံကို အကောင်းဆုံးဖော်ကျူးနိုင်ခဲ့ပါတယ်။ တစ်ခုပဲ ကျွန်မတို့သိချင်တာက သူမဒီဝတ်စုံနဲ့ ဘယ်လိုများထိုင်မလဲလို့လေ။

ကြည့်ကြည့်လိုက်ပါ။ သူတို့တွေက အပေါစားမဆန်ပါဘူး။ ပေးရလောက်တဲ့ ဈေးနှုန်းအတိုင်း ဤသည်မရွေးထိုက်တန်ပါတယ်။

 

https://www.youtube.com/watch?v=5rWhvIJTSzI

 

 

 



Share this article

TOP 5 ARTICLES


Celebrity News   |   Posted on Nov 8, 2019

Nihi Sumba resort ကို Hon...


Parties & Events   |   Posted on Nov 8, 2019

MDS မှ Junction Square တွ...


Celebrity Style   |   Posted on Nov 8, 2019

မိုးဟကေိုရဲ့ Myanmar Trad...

Sign Up for MODA Newsletters







Why we asked you this information to be in touch with us? We will regularly send you some news, invitations, promotions, etc, by email or by SMS.