Art & Books   |   Posted on Jun 8, 2016 by kiki

ပန်း​ချီ​နှင့်​အ​တူ​ရူး​နေ​သော ​လူ​တစ်​ယောက် (​သို့​မ​ဟုတ်)​ဆ​ရာ​ဝင်း​ဖေ​မြင့်​နှင့် ​ခ​ဏ​တာ​တွေ့​ဆုံ​ခြင်း


ဘယ်နိုင်ငံ ဘယ်ပန်းချီဆရာမဆို သဘာဝကို မရေးတတ်လို့ လက်ရာမကောင်းလို့ မော်ဒန်ကို ရေးကြတာ ဖြစ်ပါတယ်......

Share this article

မြန်မာနိုင်ငံရဲ့ အထင်ကရ ထိပ်တန်း ပန်းချီဆရာတွေထဲမှာတစ်ဦးအပါအဝင်ဖြစ်တဲ့ ဆရာဝင်းဖေမြင့်ရဲ့ လက်တွေ့ ဆီဆေးပန်းချီ ရေးဆွဲခြင်းနဲ့ ပြပွဲကို ၂၀၁၅၊ နိုဝင်ဘာလ (၁)ရက်နေ့ ကနေ (၇)ရက်နေ့အထိ ရန်ကုန်မြို့၊ ပန်းဆိုးတန်းလမ်း (အောက်ဘလောက်) မှာရှိတဲ့ လောကနတ်ပန်းချီပြခန်းမှာ ကျင်းပပြုလုပ်ခဲ့ပါတယ်။ နိုဝင်ဘာလ(၂)ရက်နေ့ကနေ(၆)ရက်နေ့အထိက ရေးနည်းတစ်မျိုးစီအသုံးပြုပြီး ဆီဆေးပန်းချီကား(၅)ကားကို ဆရာက တစ်နေ့တစ်ကားနှုန်းနဲ့ လက်တွေ့ရေးဆွဲ ပြသခဲ့ခြင်းလည်း ဖြစ်ပါတယ်။ အဲဒီပွဲကို ပန်းချီစိတ်ပါဝင်စားသူ အများအပြားတက်ရောက်လေ့လာခဲ့ကြပြီး ဆရာကလည်း ပန်းချီနဲ့ပတ်သက်တဲ့ သူ့ရဲ့ အတွေ့အကြုံတွေ၊ သူတတ်မြောက်တဲ့ ပညာတွေနဲ့ ပန်းချီအကြောင်း၊ ပန်းချီဆရာများအကြောင်းကို ပန်းချီရေးဆွဲရင်း မျှဝေပေးခဲ့ပါတယ်။ အထူးသဖြင့် ဆရာက အရောင်နဲ့ပတ်သက်တဲ့ အကြောင်းအရာတွေကို အထူးရှင်းလင်းမျှဝေခဲ့ပါတယ်။ ဆရာဝင်းဖေမြင့်ဟာ ပန်းချီဆရာကြီး ဦးလွန်ြးွကယ်၊ ဆရာသိန်းဟန်၊ ဆရာပေါ်ဦးသက်တို့ထံမှာ တပည့်ခံ သင်ယူခွင့်ရခဲ့ပြီး၊ ပန်းချီဆရာတစ်ဦးနဲ့ တစ်ဦး အယူအဆကွဲပြားပုံများနဲ့ သူတို့ဆီမှာ တပည့်ဖြစ်ခွင့်ရခဲ့တာဟာ သိပ်ကြီးကျယ်ခမ်းနားပြီး ကံကောင်းခဲ့ကြောင်းကိုလည်း ဂုဏ်ယူဝင့်ြွကားစွာနဲ့ တက်ရောက်လာကြတဲ့ ပန်းချီချစ်သူများသို့ လက်ဆင့်ကမ်းခဲ့ပါတယ်။

ဆရာဝင်းဖေမြင့်ဟာ ဆီဆေးပန်းချီကို တစ်စိုက်မတ်မတ် အထူးပြု လေ့လာရေးဆွဲသူတစ်ဦးဖြစ်ပြီး သဘာဝ သရုပ်မှန်ပန်းချီရေးဆွဲတဲ့နေရာမှာ သြချရလောက်တဲ့ ပန်းချီဆရာတစ်ဦး ဖြစ်သလို ဆရာ့ရဲ့ ပန်းချီကားတွေဟာ ပြည်ပထိအောင်ထင်ရှားလို့နေပါတယ်။

အဆိုပါပွဲနဲ့ပတ်သက်တဲ့ အကြောင်းအရာတွေအပြင် တခြားပန်းချီ အယူအဆတစ်ချို့ကိုပါ ဆရာနဲ့ တွေ့ဆုံအင်တာဗျူးထားပါတယ်။

 

 

ယခုပြုလုပ်တဲ့ ဆရာ့ရဲ့ ဒီပွဲရဲ့အကြောင်းအရာတွေကို နည်းနည်းလောက်ပြေပြပါလားဆရာ။

ဒီပွဲက ပန်းချီပြရောင်းတဲ့ ပွဲမဟုတ်ဘူး။ ဆီဆေးပန်းချီရေးပြတဲ့ပွဲပါ။ မြန်မာနိုင်ငံမှာ ဆီဆေးပန်းချီရေးတဲ့သူတွေ နည်းလာတယ်။ ဆီဆေးပန်းချီကို စိတ်ဝင်စားတဲ့သူတွေ များလာအောင်လို့ လက်တွေ့ဆီဆေးပန်းချီ ရေးပြတာပါ။ ကိုယ်နားလည်တဲ့ ကိုယ်ကြိုက်တဲ့ကောင်းမှန်းသိတဲ့ ဆီဆေးပန်းချီရေးနည်းကို ဝေငှချင်လို့ ဒီပွဲလုပ်တာပါ။

ဒီပွဲကနေပြီးတော့ ဘယ်လိုအကျိုးအမြတ်များမျှော်လင့်ပါသလဲဆရာ။

ဆီဆေးပန်းချီကို စိတ်ဝင်စားတဲ့သူပိုများလာမယ်လို့ထင်တယ်။ နောင်နှစ်တွေများမှာ ဆီဆေးပန်းချီရေးတဲ့သူတွေ ပိုများလာမယ်လို့ထင်မိပါတယ်။ တကယ်တမ်း ဆီဆေးပန်းချီက ရေးရတာ အရသာအင်မတန်ရှိတယ်။ ဇိမ်ရှိတယ်။ စိတ်အေးလက်အေးရေးလို့ရတယ်။ တခြား ရေဆေးတို့၊ Acrylic တို့က ဆီဆေးလောက်ဇိမ်မရှိဘူး။ ဆီဆေးရေးရင်းနဲ့ရတဲ့ ချမ်းသာသုခဟာ ဘာနဲ့မှမတူပါဘူး။ 

ဆရာက ဒီဆီဆေးတစ်မျိုးတည်းကိုပဲ စွဲစွဲမြဲမြဲရေးဆွဲတာပါလားဆရာ။

ဟုတ်ပါတယ်။ အနှစ်လေးဆယ်ကျော် ဆီဆေးတစ်မျိုးတည်းကိုပဲ စွဲစွဲမြဲမြဲရေးဆွဲလာတာပါ။

ဆရာရေးဆွဲပြတဲ့ ပန်းချီကားတွေက Realism ပေါ့ဆရာ၊ သရုပ်မှန်ပန်းချီထဲမှာ ပါဝင်ပါသလားဆရာ။

သရုပ်မှန်ပန်းချီထဲမှာပါလိမ့်မယ်။ သရုပ်မှန်ပန်းချီအားပြုတယ်ပေါ့နော်။ သဘာဝကို အားပြုတယ်။ သဘာဝရဲ့ အရသာ၊ သဘာဝရဲ့ အဖြစ်အပျက် တွေကိုဖော်ထုတ်တဲ့ဟာကို အားပြုတယ်။ လူအများရဲ့ သဘာဝနဲ့ကင်းလွတ်တဲ့စိတ်ကူးစိတ်သန်းကို ဖော်ထုတ်တာမဟုတ်ဘူး။ သဘာဝကိုအခြေပြုတဲ့ လူသားရဲ့ စိတ်ကူးစိတ်သန်းနဲ့ ခံစားချက်ကို ဖော်ထုတ်တဲ့ရေးဟန်တွေပါ။

သရုပ်မှန်ပန်းချီဆိုတဲ့ နေရာမှာ ကျွန်တော့်အနေနဲ့ ခံစားမိတာတစ်ခုရှိတယ်ဆရာ။ အဲဒါက ဘာလဲဆိုတော့ ရသပါတဲ့ သရုပ်မှန်ပန်းချီနဲ့ ရသပျောက်နေတဲ့ သရုပ်မှန်ပန်းချီပါပဲ။ အထူးသဖြင့် အတိအကျ detail ရေးဆွဲထားတဲ့ကားတွေကို ရသပျောက်နေသလိုခံစားမိပါတယ်ဆရာ။

ကိုယ်က ဒီလိုရေးတာ။ သစ်တုံးရေးတယ်ဆိုရင် သစ်တုံးကြီးနဲ့တူဖို့အဓိကမဟုတ်ဘူး။ သစ်တုံးကြီးက ပေးနေတဲ့ စိတ်ခံစားမှုတစ်ခုပေါ့၊ လူကိုပေးတဲ့ စိတ်ခံစားမှုတစ်ခု အဲဒါကိုရေးပြတာ။ ဒီသစ်တုံးကြီးကြည့်ပြီး ကိုယ့်ရဲ့ စိတ်ခံစားမှုပေါ့နော်။ အပင်ကြီးလဲသွားပြီ။ အဖိုးတန်တဲ့အပင်ပြိုလဲသွားတယ်။ နှမြောတဲ့စိတ်၊ ဆုံးရှုံးမှုကို ယူကျုံးမရဖြစ်တဲ့စိတ်တွေပေါ့။ အဲဒီစိတ်တွေကို ရေးတာ။ သရက်သီးသုံးလုံးရေးတယ်ဆိုပါတော့၊ သရက်သီးသုံးလုံးကို တစ်ထပ်တည်းတူအောင်ရေးတာမဟုတ်ဘူး။ ရုပ်တူအောင်ရေးတာမဟုတ်ဘူး။ သရက်သီးသုံးလုံးက ပေးနေတဲ့ အရသာကိုရေးတာ။

အတိအကျ detail ဆွဲတယ်ဆိုတာက အဲဒါကျသူတို့က အတွေးတွေပေးတာ။ အတွေးအားပြုတာ conceptual art တွေပေါ့နော်။ ကိုယ်က visual art ။ visual art က ပဒါသဖြစ်ဖို့ဦးစားပေးပါတယ်။ သူတို့ကျတော့ အတွေးတွေကိုဦးစားပေးပါတယ်။ ကိုယ်က visual art ကိုပိုသဘောကျတယ်။ တစ်ချို့က ပန်းချီရေးတယ်။ မျက်စိနဲ့က visual picture ကိုဦးစားမပေးဘူး။ သူတို့ပန်းချီကားကြည့်ပြီးတော့ တွေးစရာဖြစ်အောင်လုပ်တာ။ thinking ဦးစားပေးတယ်ပေါ့။

ဆရာ့ရဲ့ True Colour Studio အကြောင်းကိုလည်း နည်းနည်းမိတ်ဆက်ပေးပါလား ဆရာ။

True Colour Studio မှာ ကိုယ်ပန်းချီဆွဲတယ်။ ဆွဲချင်တဲ့သူ လာဆွဲလို့ရတယ်။ အနှောင့်အယှက်ဖြစ်ရင်တော့ လက်မခံဘူး။ သိချင်တာရှိလို့လာမေးရင် သိသလောက်ပြောပြမယ်။ ကိုယ်မသိရင်တော့ မပြောဘူး။ True Colour ရဲ့ အဓိပ္ပာယ်က အစစ်အမှန်ကိုပြောတာပါ။ အရောင်ကိုပြောတာမဟုတ်ပါဘူး။ ဥပမာ - သီပေါမင်းမျိုးနွယ်ဆိုပါစို့။ ဆွေနီးမျိုးစပ်တော်တာနဲ့လိုက်ပြောရင် အဲဒါ True Colour အစစ်မဟုတ်ဘူး။ သီပေါမင်းရဲ့ မြေးတော်၊ မြစ်တော် အစစ်ဆိုရင် ဒါဟာ True Colour ဖြစ်တယ်။ ပန်းချီဆရာအစစ်ဖြစ်တယ်။ ပန်းချီအရောင်မဟုတ်ဘူး။ ပန်းချီဆရာအတုမဟုတ်ဘူး။ ကိုယ်က ပန်းချီဆရာအစစ်။ ပန်းချီသမားအစစ်။ ကိုယ့်လောက်စစ်တဲ့ ပန်းချီဆရာ မြန်မာပြည်မှာ တစ်ယောက်မှမရှိဘူး။ ကိုယ်ပြောရဲတယ်။ ကိုယ့်လောက် ပန်းချီရူးတဲ့သူတစ်ယောက်မှမရှိဘူး။ ကိုယ့်လောက်ပန်းချီချစ်တဲ့သူတစ်ယောက်မှမရှိဘူး။ ရူးမှရတာလေ။ မရူးရင်မရဘူး။ ဗိုလ်ချုပ်အောင်နိုင်ငံရေးရူးခဲ့တာပဲ။ တိုင်းပြည်လွတ်လပ်ရေးရဖို့ ရူးခဲ့တာပဲ။ ဆရာဒေါက်တာ သန်းထွန်းလည်း သမိုင်းနဲ့ရူးခဲ့တာပဲ။ ကိုယ်လည်း ပန်းချီနဲ့ရူးတာပါပဲ။

ပန်းချီကားချပ်တစ်ချပ်ရဲ့ အသက်လို့ခေါ်တဲ့အရာ(သို့မဟုတ်)နေရာရှုထောင့်က ဘာများပါလဲဆရာ။

ပုံသေတော့မရှိဘူးဗျ။ ပန်းချီကားတစ်ချပ်ရဲ့အသက်က ပန်းချီကားနဲ့မဆိုင်ဘူး။ ပန်းချီဆရာနဲ့ပဲဆိုင်တယ်။ ပန်းချီဆရာကိုကြည့်ပြီးသတ်မှတ်ရတယ်။ အဲဒါလူတွေအဓိကလွဲချော်နေတာပေါ့။ ပန်းချီကားကြည့်ပြီးတော့ ပန်းချီကားက အသက်ဝင်တယ်။ ပန်းချီကားက တန်ဖိုးရှိတယ်ပေါ့။ အဲလိုဆုံးဖြတ်နေကြတာ။ တကယ်တော့ မဟုတ်ဘူး။ ပန်းချီဆရာအဖိုးတန်မှ ပန်းချီကားက အဖိုးတန်တာ။ ပန်းချီဆရာက အတွေးအခေါ်နက်နဲမှ ပန်းချီကားက အတွေးအခေါ်နက်နဲတာ။ ပန်းချီဆရာက အနုပညာဆန်မှ သူ့ပစ္စည်းက အနုပညာဖြစ်လာတာ။ စီးပွားရေးဆန်တဲ့ ပန်းချီဆရာရေးရင် ရောင်းတန်းပန်းချီကားဖြစ်တာပေါ့။ ထင်ပေါ်ချင်တဲ့ ပန်းချီဆရာရေးရင် အထူးအဆန်းလုပ်ပြတဲ့ ပန်းချီကားတွေတွေ့ရမယ်။

ပန်းချီနဲ့ပတ်သက်တဲ့ ပုံစံသစ်တွေ ရှာဖွေနေတာများရှိသလားဆရာ။

အလိုလိုတွေ့သွားပါလိမ့်မယ်။ အလိုလိုတွေ့သွားတာမျိုးသဘောကျတယ်။ အမြဲတမ်းတွေးတောဆင်ခြင်နေတယ်။ အမြဲတမ်းဆက်စပ်နေတယ်။ အဲဒီတော့ ထိုက်တန်သလောက်တွေ့လိမ့်မယ်လို့ ယုံကြည်တယ်။

မိမိမှာရှိတဲ့ပညာက ပေါ်လာတဲ့ စိတ်ဆန္ဒနောက်ကို မလိုက်နိုင်လောက်တာမျိုးရောဖြစ်ဖူးပါသလားဆရာ။ ခုမဟုတ်လည်း အရင်တစ်ချိန်ကပေါ့။

မရှိပါဘူး။ ပန်းချီကို တကယ်တတ်တဲ့ ပန်းချီဆရာမှာ အဲဒါမျိုးဘာမှာမရှိဘူး။ ပန်းချီပညာကို အခြေခံခိုင်ခိုင်မာမာမတတ်တဲ့သူကတော့ ရှိချင်ရှိမှာ။ ပန်းချီကို အခြေခံပညာခိုင်မာတဲ့ ပန်းချီဆရာတစ်ယောက်အတွက်တော့ စိတ်ကူးတည့်ရာ အကုန်ရေးလို့ရတယ်။ နတ်ပြည်လည်းရေးလို့ရတယ်။ ငရဲပြည်လည်းရေးလို့ရတယ်။ တစ်ခါမှမမြင်ဖူးဘဲ အကုန်ရေးလို့ရတယ်။ ဒါပေမဲ့ ကိုယ်က အဓိပ္ပာယ်မရှိတာမရေးဘူး။ ကိုယ်က ငရဲမယုံဘူး။ နတ်ပြည်မယုံဘူး။ နောက်ဘ၀မယုံဘူး။ ကိုယ်က သဘာဝတရားကို တန်ဖိုးထားတယ်။ ဒီကမ္တွာကြီးရဲ့ ဖြစ်တည်မှုကို တန်ဖိုးထားတယ်။ ကိုယ်က လက်တွေ့ကျတာကို ပိုပြီးတော့ ယုံတယ်။ သဘာဝကို တန်ဖိုးထားတယ်။ သဘာဝပျက်စီးမှာကို ကိုယ်စိုးရိမ်တယ်။

 

 

မော်ဒန်ပန်းချီကိုရော ဆရာဘယ်လိုသဘောထားပါသလဲ။

မော်ဒန်ပန်းချီမကြိုက်ပါဘူး။

ကျွန်တော်ပန်းချီအင်တာဗျူးတစ်ခုမှာဖတ်မိခဲ့ဖူးတာတစ်ခုရှိပါတယ်။ မော်ဒန်ပန်းချီက ဒီသဘာဝတရားတွေကို ရေးဆွဲနေရတာ ငြီးငွေ့လာတာကြောင့် မိမိရဲ့ စိတ်ထွက်ပေါက်နောက်ကို လိုက်ရင်း ရေးဆွဲဖြစ်လာတာပါလို့ဆိုထားပါတယ်။ ဆရာဘယ်လိုယူဆပါသလဲ။

ဘယ်နိုင်ငံဘယ်ပန်းချီဆရာမဆို သဘာဝကို မရေးတတ်လို့ လက်ရာမကောင်းလို့ မော်ဒန်ကိုရေးကြတာဖြစ်ပါတယ်။ ကိုယ်ပြောရဲတယ်။ realism ရေးတာ အရမ်းပင်ပန်းတယ်။ သဘာဝကို အမြဲတမ်းနေ့တဓူဝစောင့်ကြည့်နေရတယ်။ သဘာဝရဲ့ အပြောင်းအလဲအဖြစ်အပျက်တွေကိုပေါ့။ ကားတစ်ကားပြီးဖို့ အကြာကြီးရေးရတယ်။ သူတို့အဲလို အချိန်မစောင့်တော့ဘူး။ မြန်မြန်ဖြစ်ချင်လို့ မြန်မြန်ပြီးချင်လို့ မော်ဒန်လုပ်ကြတယ်။

ဆရာ့ရဲ့ ဘ၀မှာ ဒီပန်းချီနဲ့ရပ်တည်လာရတဲ့ မိမိရဲ့ ဘ၀ကို ထိုက်တန်တယ်လို့ယူဆပါသလားဆရာ။

သိပ်ယူဆတယ်။ သိပ်ထိုက်တန်တယ်။ ပန်းချီကလွဲလို့ ကိုယ်ဘာမှ မသိဘူး။ ပန်းချီပဲသိတယ်။ နိုင်ငံရေးစိတ်မဝင်စားဘူး။ ဘာသာရေးစိတ်မဝင်စားဘူး။ စီးပွားရေးစိတ်မဝင်စားဘူး။ ကိုယ့်ပန်းချီကားတွေ အနုပညာတန်ဖိုးတွေ မြင့်သထက်မြင့်လာဖို့၊ အနုပညာပိုဆန်လာဖို့ပဲ ကိုယ်ကြိုးစားနေတယ်။

 

 

 

 



Share this article

TOP 5 ARTICLES


Sex & Relationships   |   Posted on Apr 29, 2017

နာမည်ကျော်ရုပ်ရှင်ဇာတ်ကား...


Celebrity News   |   Posted on Apr 29, 2017

Zombie ကမ္ဘာပျက်ကိန်းသာတစ်...


Celebrity News   |   Posted on Apr 29, 2017

ကမ္ဘာလှည့်ခရီးသည်ကြီး Shak...

Sign Up for MODA Newsletters







Why we asked you this information to be in touch with us? We will regularly send you some news, invitations, promotions, etc, by email or by SMS.