×
Hair

ဆောင်းဦးရာသီအတွက် ရွေးချယ်စရာ HAIR COLORS

မှိုင်းပျပျ Fall မှာ ဒီဆံပင်အရောင်တွေနဲ့ လန်းလိုက်ပါ။

by Su Yi Htet

November 1, 2017

မကြာခင်ရောက်တော့မယ့် မှိုင်းပျပျ Fall အတွက် အပ်ကြောင်းထပ် ရိုးအီနေတဲ့ ဆံပင်အရောင်တွေကို ထည့်မစဉ်းစားပါနဲ့တော့။ သင့်အနေနဲ့ ဆံပင်အရောင်အပြောင်းအလဲ လုပ်ချင်တယ်ဆိုရင် အရောင်မှိုင်းဘက်တွေပဲသွားသွား၊ အရောင်တောက်တွေပဲဆိုးဆိုး၊ ဒီအောက်မှာပြောပြထားတဲ့ အရောင်တွေထဲက တစ်ရောင်ကိုတော့ ရွေးကိုရွေးသင့်ပါတယ်။
ဘာကြောင့်လဲဆိုရင် သူတို့က ဒီနှစ် Fall မှာ အကြီးအကျယ်နေရာယူလာကြဦးမယ့်အရောင်တွေဖြစ်လို့ပါပဲ။

Blonde

ဒီနှစ်ရဲ့ဆောင်းဦးမှာတော့ ရွှေအိုရောင်ဆံနွယ်တွေကို ပြန်လည်ခံစားရတေ့ာမှာဖြစ်ပါတယ်။ Gigi Hadid ကစလို့ J-Lo, Sarah Jessica Parker အဆုံး သူမတို့အားလုံးဟာ နဂိုဆံပင်အခံပေါ်မှာ ရွှေရောင် highlight ဖောက်တာတွေ၊ အရောင်စပ်ဆိုးတာတွေ၊ စသည်ဖြင့် အမျိုးစုံအောင် လုပ်ထားတာမြင်ရမှာဖြစ်ပြီး ရွှေရောင်ဟာ မျက်နှာလင်းစေတဲ့ အရောင်တစ်ရောင်ပါ။ အထူးသဖြင့် လူငယ်တွေကြားထဲ တစ်ခေတ်ပြန်ထလာမယ့် အရောင်ဖြစ်ပြီး အရောင်ဆန်းတွေကြားက ဘယ်တော့မှမရိုးသွားဘဲ Fallအတွက် ရွေးသင့်တဲ့အရောင်ကောင်းတစ်ရောင်ပါလို့ညွှန်းဆိုပါရစေ။



Raven Black

အနက်ရောင်ကလည်း ဒီနှစ်အတွက် ဆယ်လီတော်တော်များများဓာတ်ကျတဲ့အရောင်ပါ။ သူများတွေ ရောင်စုံရောင်ကာလာတွေဆိုးနေချိန်မှာ ကိုယ်က အနက်ရောင်ဆိုးချလိုက်ပြီး အထာကျကျပြင်ဆင်လို့ရသလို အနက်ရောင်ဟာ အမှောင်ဘက်သွားတဲ့အရောင်ဖြစ်လို့ Fall နဲ့ မလိုက်ဖက်စရာအကြောင်းမရှိပါဘူး။ အထူးသဖြင့် သဘာဝအနက်လိုမဟုတ်ဘဲ Matte Black လိုအရောင်မျိုးက သင့်ကို လူတွေ ပိုမိုငေးကြည့်စေမှာဖြစ်ပါတယ်။



Ash Black

အနက်ဖောက်ထားတဲ့ မီးခိုးရောင်ကတော့ အနက်ကို အခြေခံတဲ့ အရောင်ဆန်းတစ်ရောင်ဖြစ်ပြီး မီးခိုးရောင်စစ်စစ်၊ ငွေရောင်စစ်စစ် မဆိုးချင်သူတွေ try ကြည့်သင့်တဲ့အရောင်ပါ။ Fall နဲ့ အစပ်အဟပ်တည့်တဲ့ အရောင်လို့ဆိုနိုင်ပြီး အခုလတ်တလောမှာ အောက်က ဆံပင်အရင်းကို ချန်ပြီး အပေါ်ကိုပဲဆိုးတဲ့စတိုင်လ်တွေလည်း ခေတ်စားနေတာဆိုတော့ သင့်အနေနဲ့ အောက်ခံဆံပင်တစ်လွှာကို နဂိုအနက်တိုင်းထားပြီး အပေါ်ကိုပဲ Ash Color ဆိုးလိုက်ရင်တောင် အဆင်ပြေနေပါပြီ။ အပေါ်မှာလည်း နမူနာကောင်းလေးတွေပြထားသေးတယ်နော်။



Warm Chocolate

အပြာရောင်ထက် ပိုရင့်တဲ့ Dark Tone ဘက်သွားပြီး အနက်ဘက်လည်း မရောက်၊ အညိုလည်း အရမ်းမဖောက်ထားတဲ့ Chocolate မှိုင်းရောင်ကတော့ ဒီ Fall အတွက် ခေတ်စားလာဦးမယ့် အရောင်ဆန်းတစ်ရောင်ပါ။ ဆံပင်ပုံစံတိုင်းနဲ့လိုက်ဖက်လို့လည်း ဒီအရောင်ကို try ကြည့်ဖို့ အသားအရောင်ကန့့်သတ်ချက်လည်း မရှိပါဘူး။ နေရောင်ထဲထွက်မှ ခပ်ဖျော့ဖျော့ Shadeလေးပဲ ပေါ်မှာမို့ ဆံပင်အရောင်ကို လုံးဝကွဲထွက်မသွားချင်တဲ့သူတွေနဲ့ တကယ်ကို အဆင်ပြေမှာဖြစ်ပါတယ်။ Zendaya ကိုပဲကြည့်လေ..highlight နည်းနည်းဖောက်ထားတဲ့ ချောကလက်ရောင် ဆံပင်လိမ်ကောက်ကောက်လေးတွေနဲ့ ချစ်စရာကောင်းနေတာအမှန်ပါပဲ။



Copper Red

ဆံပင်အနီရောင်ဆိုးတာက ခေတ်ကုန်နေပြီဆိုတာ မှန်သင့်သလောက်မှန်ပေမယ့် ဒီထဲမှာ ခြွင်းချက်အနေနဲ့ Copper Red ကိုတော့ထားရမှာပါ။မဟော်ဂနီလိုအရောင်တွေ၊ စတော်ဘယ်ရီရောင်လို  အရောင်တောက်တွေ ခေတ်ကုန်သွားပြီးနောက် ခုထိ Fall အတွက် လူတွေအာရုံကျနေဆဲ အရောင်က ကြေးနီရောင်ပါ။ ဒီအရောင်က အထူးသဖြင့် အသားလတ်သူတွေနဲ့ ဖြူသူတွေ မဖြစ်မနေ ဆိုးကြည့်သင့်တဲ့အရောင်ဖြစ်သလို "Game of Thrones" ဇာတ်ကားထဲကမင်းသမီး Sophie Turner ရဲ့ ကြေးနီရောင်ဆံပင်က သင့်ကို လိုက်ဆိုးချင်လိုက်အောင် နှစ်သက်စေမိမှာဖြစ်ပါတယ်။

Unicorn Colors

အပေါ်က သမရိုးကျအရောင်တွေပြီးတဲ့နောက်မှာတော့ ဒီနှစ်ရဲ့ နေရာအယူဆုံး Trend ဖြစ်တဲ့ Unicorn ဆန်ဆန်အရောင်တွေကိုလည်း ချန်မထားသင့်ပါဘူး။ ဒီနှစ်မှာဆိုရင်ဖြင့် Unicorn Color တွေထဲက ပန်းဖျော့ရောင်၊ လိမေ္မာ်ဖျော့ရောင်၊ ရေညှိစိမ်းရောင်နဲ့ ခဲရောင်တို့ကအများဆုံးနေရာယူလာမှာ ဖြစ်ပါတယ်။



Blonde Based Pink

Blonde Based Color တွေထဲမှာမှ ဒီနှစ် Fall အတွက် အများဆုံးခေတ်စားလာနိုင်တာက ပန်းရောင်ခပ်ဖျော့ဖျော့ပါ။ ပန်းရောင်ခပ်ဖျော့ဖျော့ဟာဆိုရင် ပြီးခဲ့တဲ့နှစ်ကတည်းက ဂယက်ထခဲ့တဲ့အရောင်ဖြစ်ပြီး ဖက်ရှင်ဘလော့ဂါတွေကြား၊ ဆယ်လီတွေကြားမှာလည်း မရိုးနိုင်အောင် မြင်တွေ့နေရဆဲပါ။ Rose Gold ဘက်သွားတဲ့အရောင်မဟုတ်ဘဲ ပန်းရောင်ဖျော့ဖျော့ Candy Colorရောင်က Fall အတွက် ဆန်းပြားတဲ့ Taste အသစ်ကို ပေးနိုင်မှာ သေချာပါတယ်။



Seaweed Green

အစိမ်းဖျော့ရောင်တွေ ခေတ်စားပြီးတဲ့နောက်မှာတော့ ရေညှိစိမ်းလို အစိမ်းရင့်ရင့်တွေ အားကောင်းလာတာကို ကျွန်မတို့မြင်ခဲ့ရမှာပါ။ သူ့ရဲ့ထူးခြားချက်က အစိမ်းနုလို အရောင်မဖျော့တ့ဲအတွက် Fall နဲ့ ပနံသင့်သလို အရောင်ဆန်းလည်း ဖြစ်တာမို့ သင့်ကို ခေတ်ရေစီးကြောင်းမှာ ထင်ရှားနေစေပါတယ်။ Bella Throne ဆိုးထားတ့ဲ အရောင်ဟာ နမူနာယူဖို့ အရောင်ကောင်းပါပဲ။



Blorange

Unicorn Inspired အရောင်တစ်ရောင်ဖြစ်တဲ့ လိမေ္မာ်ဖျော့ဟာ Instagram တို့၊ Pinterest တို့မှာ နေရာအယူဆုံးအရောင်တစ်ရောင်ဖြစ်ပြီး ဒီနှစ်ရဲ့ Fashion Week က Streetstyle အတွဲအစပ်တွေ၊ Festival တွေနဲ့ပါ ယှဉ်တွဲပြီး မြင်ရမှာပါ။ ပန်းရောင်မဆိုစလောက်ဖောက်ထားပြီး လိမေ္မာ်ရောင်တောက်တောက်မဟုတ်ဘဲ neon နဲ့ blonde ဖောက်အရောင်ဖျော့မျိုး ဖြစ်ပါတယ်။ အထူးသဖြင့် အပေါ်မှာ ပြောပြထားတ့ဲ Unicorn Inspired အရောင်ဆန်းတွေထဲက ကွဲထွက်ချင်သူတွေအနေန့ဲ ဒီ Blorange လိမေ္မာ်ဖျော့ရောင်ကို မဖြစ်မနေ စမ်းကို စမ်းကြည့်ပါလို့။



Still Grey

ခဲရောင်ကတော့ Fall အတွက် နှစ်တိုင်းမပါမဖြစ်အရောင်ဖြစ်တဲ့အပြင် Granny Hair Color တွေဟာ အခုထိ ခေတ်စားနေဆဲဖြစ်သလို ငွေရောင်ဖောက်ထားတဲ့ ခဲရောင်တွေကလည်း လူကြိုက်များနေဆဲလို့ ဆိုနိုင်ပါတယ်။ ဒါ့အပြင် အနက်ဖောက်တာ၊ငွေရောင်ဖောက်တာမျိုး မဟုတ်ဘဲ အစိမ်းတို့၊ အပြာတို့နဲ့ ရောစပ်ထားတဲ့ ခဲရောင်တွေကို နေရာအန့ှံမြင်ရဦးမှာပါ။ ဆံပင်အရောင်ဖျော့နဲ့ပဲ အမြဲနေလေ့ရှိတဲ့ Kim Kardashian တောင် ငွေရောင်ဖောက်တဲ့မီးခိုးရောင်ဆံပင်ကို ပြောင်းလဲလိုက်တယ်ဆိုတော့ the power of grey လို့တောင် ဆိုနိုင်ပါတယ်။

Editor's Picks

ဒီနှစ် Fall အတွက် Editor'Pick အရောင်ကို ရွေးပေးရမယ်ဆိုရင်တော့ Warm Chocolate န့ဲ Seaweed Green ကိုရွေးပါမယ်။ Warm Chocolate အရောင်က ငြိမ်ပြီး အရောင်ဖျော့လေးက မိန်းမသားဆန်တဲ့အပြင် ဆံပင်သားလေးတွေနူးညံ့နေတယ်လို့ပါ ထင်ရစေပါတယ်။ Seaweed Green ကတော့ အုံမှိုင်းနေတဲ့ရာသီဥတုနဲ့ လိုက်ဖက်မယ်လို့ ထင်ရပြီး အရောင်ဆန်းဖြစ်တာကြောင့် ခေတ်ဆန်ဆန်ကောင်မလေးအသွင်ကို ထင်ဟပ်သွားစေသလို တဖက်သားရဲ့စိတ်ဝင်စားမှုကို ရနိုင်မယ့် အရောင်ဖြစ်ပါတယ်လို့ ပြောပါရစေ။

Hair

ခေါင်းမလျှော်ထားတဲ့နေ့ရက်တွေမှာ ယုံကြည်မှုရှိစေမယ့် Hair Style များ

အရေးပေါ်အခြေအနေမှာလည်း အသုံးဝင်မယ့်နည်းလမ်း

by JN Ja Seng Pan

June 4, 2020

ဒီ Article လေးကို ထောက်ကြည့်တယ်ဆိုကတည်းက ခေါင်းလျှော်ထားတာ ဘယ်နေ့ကလဲ? မှန်မှန်ဖြေနော်။ ဒီတစ်လောကတော့ ရုံးတွေဖွင့်ပြီဆိုပေမယ့်လည်း အိမ်ထဲမှာသာ တတ်နိုင်သလောက်နေရတဲ့ အချိန်ပဲမို့ ခေါင်းလျှော်တာ၊ တစ်နေ့ ရေနှစ်ခါချိူးတာတွေက ပကာသနတွေနော်။ Hair Stylist တော်တော်များများကတော့ ဒီအချိန်က ခေါင်းကို အနားပေးရမယ့်အချိန်ပါလို့ ပြောကြပါတယ်။ ခေါင်းလျှော်ရည်ကလည်း Chemical ပါတာပဲမို့ ဦးရေပြားနဲ့ တတ်နိုင်သလောက် မထိတွေ့တာက အကောင်းဆုံးပါ။
ဒါပေမယ့်လည်း ဦးရေပြားအဆီပြန်ချွေးထွက်ပြီး ဆံပင်တွေကပ်ကပ်ကြီးဖြစ်နေတာကလည်း အပြင်ထွက်ရတော့မယ်အချိန်တွေဆို စိတ်ရှုပ်စရာကောင်းနေမှာပါ။ ခေါင်းလျှော်ရမှာ ပျင်းတဲ့နေ့တွေမှာလည်း အလွယ်တကူပြင်ဆင်လို့ရမယ့် Hair Style ကလည်း လိုနေပြန်တော့..အခုဖော်ပြပေးမယ့် ဆံပင်ပုံစံလေးတွေက ခေါင်းမလျှော်ထားတဲ့နေ့တွေအတွက် အသုံးဝင်မှာ သေချာပါတယ်။ ကဲ ကိုယ်အကြိုက်ဆုံးပုံစံလေးကို ရွေးပြီး အချိန်မှီလှလိုက်ရအောင်နော်။

Hair Claw



Hair Claw ကတော့ အိမ်မှာလည်း ဆံပင်တွေ ရှုပ်နေရင် သုံးနေကျဖြစ်မှာပါ။ ဒါမယ့် အပြင်ထွက်ရမယ့်အချိန်တွေမှာတော့ အမိုက်စားဖြစ်နေအောင် Hair Claw ကို အမိုက်စားရွေးချယ်ဖို့လိုပြီး စတိုင်ကျအောင် လျော့တိလျော့ရဲလေးပုံစံလေး ထုံးဖွဲ့ဖို့လိုမယ်နော်။ မဟုတ်ရင်တော့ ကိုယ့် အမေတွေ၊ အဘွားတွေလို ဟင်းချက်၊ အဝတ်လျှော်စတိုင်ဖြစ်သွားမှာမို့ပါ။


Ponytail



Ponytail တွေကလည်း အရေးပေါ်အခြေအနေတွေအတွက် အမြန်ဆုံးပြင်ဆင်မှုလေးပါ။ ခပ်မြင့်မြင့် Ponytail က ယုံကြည်မှုအပြည့်ရှိတဲ့ ကောင်မလေးလေးအသွင်ကိုဆောင်စေပြီး Accessory အနေနဲ့ နားကပ်ခပ်ကြီးကြီး တပ်ဆင်ဖို့ပါ။


Loose Topknot


ပေါ့ပေါ့ပါးပါးထသွားထလာ သူငယ်ချင်းတွေနဲ့ လျောက်သွားမယ့်အချိန်လေးမှာ အမိုက်စားအသွင်ဖြစ်နေစေမှာပါ။ ဆံပင်တစ်ဝက်ကိုပဲ ယူပြီး ထုံးလိုက်တာမို့ လူငယ်ဆန်ဆန်လှနေစေမှာပါ။


Neck Bun



ရုံးတက်ရမယ့်နေ့တွေမှာ အိပ်ရာထနောက်ကျလို့ ခေါင်းမလျော်လိုက်ရတဲ့အဖြစ်တွေ အမြဲကြုံဖူးကြမှာပါ။ ဒီလိုအချိန်မှာ မြန်မြန်နဲ့ အလှပိုသွားစေမယ့် နည်းလမ်းကတော့ ခပ်လျော့လျော့ Neck Bun တွေပါ။ Office Wear တွေနဲ့ လိုက်ပြီး Fashion လည်းကျတဲ့အပြင် Classy Look လေးကို ပေးတာကြောင့် ရုံးဝန်ထမ်းမမတွေအတွက် အသင့်တော်ဆုံးပါ။

High half up half down



လူငယ်မိန်းကလေးတွေနဲ့ လိုက်ဖက်တဲ့ ပြင်ဆင်မှုလေးပါ။ ဓာတ်ပုံပဲရိုက်ရိုက်၊ အပြင်ပဲ မုန့်ထွက်စားစား တစ်နေကုန် အလှမပျက်၊ ယုံကြည်မှုအပြည့်ဖြစ်နေစေမယ့် Hair Style လေးပါ။

Hat

ရုတ်တရက် သွားစရာ၊ လာစရာရှိတဲ့အခါမှာ ခေါင်းမလျော်ထားတဲ့ ဆံပင်တွေကို အချိန်မှီ ဖုံးကွယ်နိုင်မယ့် နည်းလမ်းလေးတစ်ခုပါ။ အဆီပဲပြန်နေ၊ အနံ့အသက်ပဲထွက်နေနေ ဦးထုပ်လေးဆောင်းလိုက်တာက ပေါ့ပေါ့ပါးပါးနဲ့ အလွယ်ကူဆုံးပြင်ဆင်မှုတစ်ခုဖြစ်နေမှာပါ။

Slick Back



ကဲ ညနေဘက် Dinner တွေ၊ Party တွေသွားတော့မယ်အချိန်တွေမှာ ခေါင်းမလျော်ထားတဲ့ဆံပင်တွေကို ဘယ်လိုပြင်ဆင်ကြမလဲ။ ဒီလို Slice Back ဆံပင်ပုံစံက အဆီပြန်နေတဲ့ ဆံပင်ကို အမိုက်စားအသွင်ပြောင်းလဲစေနိုင်မှာ အသေအချာပါ။ တစ်ခုသတိထားရမှာက Hair Spray တွေ၊ Hair Wax တွေကို အများကြီး အသုံးမပြုမိဖို့ပါ။ မဟုတ်ရင်တော့ ဆံပင်က ပိုပြီးစေးကပ်ကပ်နဲ့ ဂွမ်းသွားမယ့်အဖြစ်ကို မြင်ယောင်ကြည့်နော်။

Messy Bun



Messy Bun တွေကတော့ မိန်းကလေးတိုင်းအတွက် အချိန်တိုင်းအကြိုက်တွေ့စရာဖြစ်မယ့် Hair Style လေးတစ်ခုဆိုလည်း မမှားဘူးနော်။ ခပ်မြင့်မြင့် ပွယောင်းယောင်း Messy Bun လေးက ကျောင်းသွား၊ ဘုရားသွားကနေ Show တွေ၊ Club တွေအထိ ကြည့်ကောင်းနေစေမယ့် ချစ်စရာထုံးဖွဲ့မှုလေးပါ။ ခေါင်းမလျော်ထားရင်တောင် လှနေတဲ့ မိမိပါပေါ့။

Scarf



ခရီးသွားတဲ့အချိန်၊ Day Trip တွေမှာ အသုံးဝင်မယ့် Style ပါ။ ခရီးသွားတဲ့အချိန် ဖုန်တွေ၊ လေတွေကြောင့် ဆံပင်က နေ့တိုင်းညစ်ပေနေမှာမို့ နေ့တိုင်းခေါင်းလျော်ဖို့ မဖြစ်နိုင်တဲ့အချိန်မှာ ဒီလို Scarf လေးနဲ့ ဆံပင်ကို အလှဆင်တာက ချစ်စရာကောင်းစေတဲ့အပြင် ဆံပင်တွေ ပျက်စီးတာကနေလည်း ကာကွယ်ပြီးသားဖြစ်တာပေါ့။

, , ,

Hair

ခေတ်တွေ ပြောင်းသွားလည်း၊ ဘယ်တော့မှ ရိုးအီသွားမှာ မဟုတ်တဲ့ သင်္ကြန် Braided Hair

လူငယ်တိုင်းက အများနဲ့မတူတဲ့ ဒီဇိုင်းတွေနဲ့ အပြိုင်အဆိုင်မိုက်နေကြတဲ့အချိန်ပါ။

by JN Ja Seng Pan

April 12, 2020

သင်္ကြန်အပြင်အဆင်အကြောင်း ပြောမယ်ဆိုရင်တော့ သင်္ကြန်မတိုင်ပြုလုပ်လေ့ရှိတဲ့ ဈေးသင်္ကြန်ကိုလည်းမေ့ထားလို့မရပါဘူး။ ဈေးသင်္ကြန်လို့လူသိများတဲ့ ဗိုလ်ချုပ်ဈေးသင်္ကြန်မှာတော့ လူငယ်တွေ ဒီဇိုင်းကာလာမျိုးစုံနဲ့ လည်ကြပတ်ကြတာပါ။ အဲ့ဒီအချိန်မှာ ဆယ်ကျော်သက်လူငယ်တွေရဲ့ ထူးခြားဆန်းပြားတဲ့ ပြင်ဆင်မှုနဲ့ လွတ်လပ်ပျော်ရွှင်စရာကောင်းတဲ့ အခိုက်အတန့်တွေကို ခံစားရမှာပါ။ မိုးထိမြင့်အောင် ထောင်ထားတဲ့ ကာလာစုံဆံပင်တွေနဲ့ ဈေးပတ်ပတ်လည်က လူတွေနဲ့ အဲ့ဒီအချိန်မှာ တစ်သားတည်းဆိုသလို စတုဒိသာတွေစားကြ၊ ရေလောင်းကြနဲ့ တကယ့်ကို ကြည်နူးစရာကောင်းစေတာအမှန်ပါ။



နှစ်စဉ်နှစ်တိုင်း သင်္ကြန်ဖက်ရှင်၊ သင်္ကြန်အပြင်အဆင်ဆိုတာကလည်း ရှိနေတော့ ဒီအကြောင်းနဲ့ ပတ်သတ်ပြီး A List Celebrity တွေအသွားများပြီး သင်္ကြန်ကျစ်ဆံမြီးမှာ နာမည်ကြီးတဲ့ တီချို၊ တီခိုင် (Hello Hair & Makeup) တို့နဲ့ သင်္ကြန်တမ်းချင်းလေးကို အတူတူခံစားလိုက်ရအောင်လား။
နှစ်အလိုက်ခေတ်စားလာခဲ့တဲ့ ဆံပင်ပုံစံနဲ့ ပတ်သတ်ပြီး တီချိုက “၈၆၊ ၈၇ တုန်းက ဒိုင်ယာနာကေတွေ ခေတ်စားတယ်။ သဘောၤသားတွေရှိတဲ့ အိမ်မှသာ နိုင်ငံခြား Magazine တွေကြည့်ပြီး လိုက်ညှပ်တာပေါ့။ တစ်ခုခေတ်စားပြီဆို တစ်တိုင်းပြည်လုံး လိုက်လုပ်ကြတဲ့အချိန်ပေါ့။ ၉၀ ကျော်လောက်မှာ ဒယ်ဘီမိုးကေလေး ညှပ်လာကြတယ်။ အဲ့ဒါပြီးတော့ ဟေမာနေဝင်း ဆံပင်ပုံစံလည်း ခေတ်စားလိုက်သေးတယ်။ ပြီးတာနဲ့ ဆံပင်ဖားလျားအရှည်တွေ ခေတ်စားလာတာပေါ့။ တင်နီလာဝင်းတို့၊ စိုးမြတ်သူဇာ တို့ ထက်ထက်မိုးဦးတို့ရဲ့ စတိုင်လို့ ပြောလို့ရပါတယ်။ တက္ကသိုလ်ကျောင်းသူလေးတွေကြားမှာ အရမ်းခေတ်စားခဲ့တဲ့ ဆံပင်ပုံစံလေးပေါ့။ တက္ကသိုလ်တက်မှပဲ သပ်သပ်ရပ်ရပ် အလှပြင်ကြတာဆိုတော့ သူတို့ကိုကြည့်လိုက်တာနဲ့ ဆံပင်ဖြောင့်ဖြောင့်ဖွာဖွာလေးတွေနဲ့ပေါ့။ ၉၆ ကျော်မှာ စပြီး ဆံပင်ကို အရောင်စဆိုးလာကြတယ်။ ရွှေရောင်ဆိုးတာ ခေတ်စားလာတယ်။ အဲ့ဒီ Blonde Hair ကိုမှ စပရိန်ပုံစံ ကောက်လိုက်ကြသေးတယ်။ အဲ့ဒီနောက်မှာတော့ ဖြောင့်တဲ့ခေတ်ကို ရောက်လာပါရော။ ချည်ပေါင်ရိုးရောင်၊ ခရမ်းနီရောင် ဆံပင်ဖြောင့်ဖြောင့်တွေကို မိန်းကလေးတိုင်းလုပ်ကြတာ မှတ်မိကြမှာပါ။ အင်တာနက်ခေတ်မစားတော့ တစ်ယောက်လုပ်တာတွေ့တာနဲ့ အကုန်လိုက်လုပ်ကြတယ်။ ၂၀၀၀ လောက်ထိ ဒီလိုမျိုးတွေ ခေတ်စားခဲ့တာပေါ့။ ၂၀၀၀ ခုနှစ်အကျော်မှာ Internet Café တွေခေတ်စားလာတာနဲ့ လူတိုင်းက ခေတ်မှီလာကြတယ်။ Update ဖြစ်တဲ့ဟာတွေ နားလည်ပြီး စမ်းသပ်လာကြတယ်။ ဆိုင်မှာဆိုလည်း Customerတွေကို ဒီလိုလေးတော့လိုက်မယ်၊ ဒါလေးတွေ အဆင်ပြေမယ်ဆိုပြီး ညှိပြီးလုပ်ပေးလာတယ်။ လူတွေကလည်း အကြံပေးစရာမလိုပဲနဲ့တောင် သိလာကြတယ်။ ကိုယ်ပိုင်ဒီဇိုင်းတွေနဲ့ ဖြစ်လာကြတယ်။”



သင်္ကြန်နဲ့ ပတ်သတ်ပြီး Hair Style တွေ ပြောင်းလဲလာပုံကိုလည်း တီချိုက ပြောပြပါသေးတယ်။ “သင်္ကြန်မှာ အရင်တုန်းက ကောက်ကောက်စိုစိုလေးတွေခေတ်စားတယ်။ နောက်ပိုင်းမှသာ ကျစ်ဆံမြီးတွေ စခေတ်စားလာတာပေါ့။ ကျစ်ဆံမြီးကတော့ ပုံစံမျိုးစုံပြုလုပ်ကြပါတယ်။ အရင်တုန်းကတော့ ဘောလုံးသမားတွေကျစ်တဲ့ပုံစံလေးတွေ ခေတ်စားတယ်။ လိုင်းလေးတစ်လိုင်းနဲ့ ကပ်ကပ်ကလေးတွေပေါ့။ နောက်ပိုင်းမှာ အရောင်စုံကြိုးလေးတွေနဲ့ ကျစ်တာခေတ်စားလာတယ်။ အရှေ့နှစ်တုန်းကတော့ ဖွေးဖွေးနဲ့ မိုးယုစံရဲ့ ကျစ်ဆံမြီးပုံစံ အရမ်းလာကျစ်ကြတယ်။ ကြိုးရောင်းတဲ့ဆိုင်တွေမှာတောင် ကြိုးတွေပျက်ထွက်ထိနီးပါးရောင်းရတယ်။ ဖွေးအတွက် သူက သင်္ကြန်မလည်ဖြစ်ပေမယ့်လည်း သင်္ကြန်အငွေ့အသက်ရချင်တယ်ဆိုလို့ အိမ်မှာလည်း ပေါ့ပေါ့ပါးပါးနဲ့ တကူးတကမထိန်းသိမ်းရတဲ့ ပုံစံကို ပြင်ဆင်ပေးခဲ့ပါတယ်။ မိုးယုစံအတွက်တော့ မိန်းကလေးဆန်ဆန်၊ ပန်းရောင်လေးနဲ့ လုပ်ပေးလိုက်တယ်။ သူနဲ့ လည်း အရမ်းလိုက်သွားတယ်။”

Hair Color ပိုင်းနဲ့ ပတ်သတ်ပြီးတော့လည်း “သင်္ကြန်အတွက် Hair Color ကတော့ မျိုးစုံပဲ။ လူငယ်တွေကတော့ အရောင်စုံဆိုးကြတယ်။ ကိုယ်ပိုင်ဒီဇိုင်းနဲ့ပဲ ထင်ပေါ်အောင် ပြင်ဆင်လာကြပါတယ်။” ကျစ်ဆံမြီးရှိဖို့ ပြင်ဆင်နေတဲ့သူဖြစ်ဖြစ်၊ ခုမှ စကျစ်မယ့်သူတွေအတွက်လည်း ဒါလေးတွေက သိထားဖို့လိုပါမယ်။ “ကျစ်ဆံမြီးကျစ်ဖို့အတွက် အဓိကခံနိုင်ရည်ရှိဖို့လိုပါတယ်။ အချောင်းရေနည်းနည်းနဲ့ ကျစ်တာရယ်။ အချောင်းရေအများကြီးနဲ့ ကျစ်တာရယ်ဆိုပြီး နှစ်မျိူးရှိတာပေါ့။ အချောင်းရေများတာက အချိန်ပိုကြာပြီး လေးလည်းလေးတယ်။ ထိန်းသိမ်းရတာလည်း နည်းနည်းခက်တယ်။ သင်္ကြန်နဲ့က အရမ်းလှပေမယ့် ခံနိုင်ရည်သိပ်မရှိတဲ့သူအတွက်ဆိုရင်တော့ မသင့်တော်ဘူးပေါ့။ ခေါင်းနာ သက်သာတဲ့ အချောင်းရေနည်းနည်းနဲ့ ကျစ်တဲ့ပုံစံကတော့ အားလုံးနဲ့ အကောင်းဆုံးပဲ။ တစ်ချိူ့ဆို ကျစ်ဆံမြီးကျစ်ပြီး ဖျားသွားတဲ့သူရှိတယ်။ အဲ့ဒီတော့ ခံနိုင်ရည်ရှိဖို့လိုပါတယ်။ ခေါင်းနဲ့ ပတ်သတ်ပြီး နာတတ်၊ ကိုက်တတ်တဲ့သူဆိုရင်တော့ အဆင်မပြေပါဘူးလို့ အကြံပေးချင်ပါတယ်။”



“ကျစ်ဆံမြီးကျစ်ထားပြီးရင်လည်း ခေါင်းကို ခပ်ပြင်းပြင်းကုတ်တာ၊ ဘီးနဲ့ ဖြီးတာတော့လုပ်လို့မရဘူးပေါ့နော်။ သင်္ကြန်မှာ ရေထိပြီးရင်လည်း အိမ်ရောက်တာနဲ့ ခေါင်းကို ရေသန့်နဲ့ လောင်းလိုက်ရင် ရပြီ။ ကျစ်ဆံမြီးစိုစိုနဲ့တော့ အိပ်ရာမဝင်ပါနဲ့။ ကျစ်ဆံမြီးကျစ်ထားတာဖြစ်လို့ ပုံမှန်ဆံပင်ထက်စာရင်တော့ အခြောက်နှေးတတ်တယ်။ ဒါကြောင့် ကိုယ်ခေါင်းလျော်ထားတဲ့ ဆံပင်တွေလိုပဲ သုတ်မယ်၊ အခြောက်ခံမယ်ဆိုရင် ရပါပြီ။ ရေပိုပြီးစုပ်အောင် ခေါင်းအုံးပေါ်မှာ သတင်းစာလေးခင်းပြီး အိပ်လို့ရပါတယ်။ သတင်းစာက ရေစုပ်တဲ့အတွက် တစ်နည်းအားဖြင့် ခေါင်းမြန်မြန်ခြောက်တာပေါ့။ မဟုတ်ရင် စိုထိုင်းမှုကနေ ဖျားနာတာတွေဖြစ်မှာစိုးတဲ့အတွက်ကြောင့်ပါ။ ကျစ်ဆံမြီးကျစ်ပြီးလို့ ပြန်ဖြည်မယ်ဆိုရင်လည်း ကိုယ်ကိုယ်တိုင်ဖြည်လို့ရသလို၊ အချို့စိတ်မရှည်တဲ့သူတွေဆိုရင်တော့ ဆိုင်မှာလဲဖြည်လို့ရပါတယ်။ ဖြုတ်ပြီးရင်လည်း ဆံပင်နဲ့ ဦးရေပြားအတွက် Treatment လေးယူပေးပါ။ ပုံမှန်ကတော့ ကျစ်ဆံမြီးကျစ်လို့ ထွေထွေထူးထူးပြဿနာဖြစ်တာတော့ မရှိသေးပါဘူး။” လို့ တီချိုက ဆံပင်ထိန်းသိမ်းဖို့အတွက် နည်းလမ်းလေးတွေလည်း မျှဝေပေးခဲ့ပါတယ်။

မျက်နှာ အနေအထားနဲ့ ဘယ်လိုကျစ်ဆံမြီး ကျစ်ရမလဲဆိုတဲ့ မေးခွန်းကိုတော့ “မျက်နှာပြည့်တဲ့သူ၊ ဝိုင်းတဲ့သူတွေအတွက်ဆိုရင်တော့ ရှေ့ဆံပင်နည်းနည်းချန်ပြီး ကျစ်ပေးလေ့ရှိတယ်။ ဆံပင်နည်းတဲ့သူတွေအတွက်ဆိုရင်တော့ ကြိုးများများလေးနဲ့ ကျစ်ပေးတာပေါ့နော်။” လို့ ပြောပြခဲ့ပါတယ်။
တီခိုင်ကလည်း မိတ်ကပ်၊ အသားအရေနဲ့ ပတ်သတ်ပြီးတော့ “သင်္ကြန်အတွင်း နေပူပူ၊ ရေတွေ အချိန်ပြည့်ထိနေရမယ့် အသားအရေအတွက် Sunscreen လေးတစ်ဘူးတော့ မဖြစ်မနေလိုပါတယ်။ ကိုယ်လွယ်သွားမယ့်အိတ်လေးထဲမှာ ဘူးလေးတစ်ဘူး ထည့်သွားလိုက်ပေါ့။ အသားအရေအတွက်ကိုတော့ သင်္ကြန်ပြီးမှပဲ ထိန်းသိမ်းတာက ပိုပြီးကောင်းပါတယ်။ သင်္ကြန်မှာ မိတ်ကပ်လိမ်းမယ်ဆိုရင် Waterproof လေးတွေ ခံမယ်။ Moez က Sun gel လေးကို တောက်လျှောက်လိမ်းပေါ့။ အဓိကကတော့ Waterproof Product လေးသုံး၊ ကိုယ်သုံးနေကျ Sunscreen၊ Sun gel လေးသုံးပေ့ါ။”
သင်္ကြန်နဲ့ ပတ်သတ်ပြီး လူငယ်တွေ အများဆုံးလုပ်ဖြစ်တဲ့အလှအပအကြောင်းအရာတွေကိုလည်း ပြောပြခဲ့ပါတယ်။ “အရင်နှစ်တွေတုန်းကတော့ သင်္ကြန်မတိုင်ခင် မျက်တောင်အရမ်းလာဆက်ကြတယ်။ အဓိက ရေစိုလည်း မျက်နှာလေးပေါ်နေစေတဲ့အတွက် လူကြိုက်များတာပေါ့နော်။ တစ်ပင်ချင်းဆက်တာရှိတယ်၊ အစုလိုက်ဆက်တာရှိတယ်။ ဆိုတော့ မျက်နှာပေါက်နဲ့ လိုက်၊ မလိုက်ကြည့်ပြီးမှပဲ လုပ်ပေးဖြစ်တာများတယ်။ အရင်တုန်းကဆို Eye shadow တောက်တောက်၊ နှုတ်ခမ်းနီတောက်တောက်တွေ ပြင်ကြတယ်။ ဒါမယ့် ခုနောက်ပိုင်းကတော့ အဲ့လို Heavy ကြီးတော့ မလုပ်ကြတော့ဘူး။ အမအနေနဲ့ အကြံပေးရမယ်ဆိုရင် Waterproof Eyeliner လေးခြယ်၊ မျက်တောင်လေးဆက်ထား၊ ပါးနီရဲရဲလေးခြယ်ထားလိုက်ရင် သဘာဝဆန်ဆန် ပေါ့ပေါ့ပါးပါးလေးလှနေမှာပါ။ အဓိကတော့ Foundation အများကြီးလိမ်းတာကို လျော့ခိုင်းစေချင်တယ်။ အဓိကက သင်္ကြန်မှ မဟုတ်ဘူး..အပူချိန်များတဲ့ နွေရာသီဖြစ်တာကြောင့် မျက်နှာကိုပြင်ဆင်သလိုပဲ..လည်ပင်းနဲ့ အခြား အစိတ်အပိုင်းကိုလည်း ကာကွယ်ဖို့ အကြံပေးချင်ပါတယ်။ ကိုယ်သယ်သွားလို့ရမယ့် Sunscreen ကို အမြဲတမ်းဆောင်ထားပါ။ တီခိုင် ကတော့ Moe z ရဲ့ sun gel လေးကို Recommend ပေးချင်ပါတယ်။ ပြာတာ၊ စေးကပ်တာ၊ ပူစပ်တာတွေ မဖြစ်တဲ့အတွက် အရမ်းကြိုက်တယ်။



သင်္ကြန်မှာ ပျက်စီးသွားတဲ့ အသားအရေကို ပြုပြင်ထိန်းသိမ်းဖို့အတွက်ကိုလည်း “သင်္ကြန်ပြီးသွားရင်လည်း Body Treatment Face Treatment တွေကိုသေချာလုပ်ပေးဖို့လိုပါတယ်။ ဆိုင်မှာလည်း သင်္ကြန်ပြီးရင် အရမ်းလာလုပ်ကြတယ်။ သင်္ကြန်တွင်းက ပျက်စီးထားတဲ့ မျက်နှာနဲ့ ခန္ဓာကိုယ်က မဖြစ်မနေထိန်းသိမ်းရမှာပါ။ ပုံမှန် Body Treatment ကို တစ်ခါမှ မလုပ်ဘူးသေးတဲ့သူတွေအတွက်ဆိုရင်တော့ တစ်လကို နှစ်ခေါက်တော့ ပြုလုပ်စေချင်ပါတယ်။ နောက်ပိုင်းဆိုရင်တော့ တစ်လတစ်ခေါက်နှုန်းနဲ့ သွားရင် အဆင်ပြေပါတယ်။ အဓိက ဘာကောင်းလဲဆိုတော့ အသားအရေကို ကြည်လင်သန့်စင်စေပြီး Skin အသစ်အတိုင်းဖြစ်သွားစေလို့ပါ။ Spa တွေ၊ Salon တွေမှာ လုပ်နိုင်ရင်တော့ အကောင်းဆုံးပေါ့။ ကိုယ်ပုံမှန်လုပ်နေကျထက် ပိုမိုထိရောက်ပြီး ပေါ့ပါးတဲ့ခံစားချက်ကိုရရှိမှာပါ။”
သင်္ကြန်နဲ့ ပတ်သတ်ပြီးတော့လည်း တီချိုနဲ့ တီခိုင်ရဲ့ အမြင်က “သင်္ကြန်က လွတ်လပ်ပေါ့ပါးတယ်၊ ဒီဇိုင်းမျိုးစုံ၊ ကာလာမျိုးစုံ ပြင်ဆင်နိုင်တယ်။ ဒီအချိန်က ကဲ့ရဲ့တာဘာတွေလည်းမရှိဘူး။ Hair Style အနေနဲ့ကတော့ ကျစ်ဆံမြီးက ဘာတွေ ဘယ်လိုပဲ ခေတ်စားနေ လုပ်နေကြအုံးမှာပါ။ ကာလာတွေ တွေ့ရမယ်။ မိတ်ကပ်ဆိုလည်း ပေါ့ပေါ့ပါးပါးလေးတွေက သင့်တော်ပါတယ်။”

ကဲ သင်္ကြန်နဲ့ ပတ်သတ်ပြီး အမှတ်ရစရာတွေ၊ ဗဟုသုတတွေရလို့ ကျေနပ်ကြမယ်လို့ထင်ပါတယ်။ ဒီနှစ်ကတော့ ရေမစိုတဲ့ သင်္ကြန်ဖြစ်တာကြောင့် အားလုံးဝမ်းနည်းနေကြမှာဆိုပေမယ့်လည်း ရောဂါကာကွယ်တားဆီးခြင်းအတွက် အိမ်ထဲမှာနေတာက အကောင်းဆုံးပါ။ နောက်နှစ်သင်္ကြန်ကိုတော့ ဒီနှစ်အတွက်ပါ အတိုးချပြီး အစွမ်းကုန်ပျော်ကြရအောင်နော်။ 

, , , , ,

Hair

နွေရာသီမှာ ဆံပင်တိုတို အထာကျကျနဲ့ လှပကြစေဖို့

ဒီလိုပူအိုက်တဲ့ရာသီမှာ ဆံပင်အတိုထားဖို့ မဝံ့မရဲဖြစ်စရာမလိုတော့ပါဘူး

by Randy Win

March 12, 2020

အခုဆိုရင် ရာသီဥတု အနေနဲ့ကလည်း ပူပြင်းခြောက်သွေ့တဲ့ နွေကာလကို စတင်ချည်းနင်းဝင်ရောက်လာပါပြီ။ ဒီလို ပြင်းပြလှတဲ့ နေရောင်ခြည်ရဲ့ အပူရှိန်အောက်မှာ အပူဒဏ်ကိုမခံစားနိုင်တဲ့ မိန်းကလေးတွေတော်တော်များများ ဆံပင်ကို အတတ်နိုင်ဆုံး ခပ်တိုတိုလေးတွေညှပ်လာကြတာတွေ့ရပါတယ်။ အဲဒီလို ဆံပင်အတိုလေးတွေကိုညှပ်ပြီးကြတဲ့အခါ တစ်နေ့တစ်မျိုးမရိုးအောင် ဘယ်လိုဆက်ပြီး ပုံသွင်းရမလဲဆိုတာ မိန်းကလေးတချို့အတွက် ခေါင်းစားစရာကိစ္စတစ်ခုပါပဲ။ဒါကြောင့်မို့ ဆံပင်တိုတဲ့ မိန်းကလေးတွေအတွက်ရော ဆံပင်အတိုညှပ်ချင်ပေမယ့် လှပါတော့မလားလို့စိုးရိမ်နေတဲ့မိန်းကလေးတွေပါ အဆင်ပြေပြေနဲ့ အလှဆုံးထုံးဖွဲ့ပုံသွင်းနိုင်မယ့် ဆံပင်အတိုပုံစံလေးတွေကို လေ့လာကြည့်လိုက်ကြရအောင်နော်။


1. ဆံထုံးသေးသေး

ဆံပင်ကို အိမ်မှာနေရင် ဖြစ်သလိုပဲ လှန်တင်ထားတတ်တယ် အပြင်သွားရင်လည်း လွယ်လွယ်ပဲဆံပင်ကိုလှန်တင်ထားရတာကြိုက်တယ် ။ဒါပေမဲ့ အချိန်ပေးပြီးသေချာလည်းမလုပ်ချင်ဘူး သပ်သပ်ရပ်ရပ်လေးလည်းဖြစ်ချင်တယ်ဆိုတဲ့သူတွေအတွက် အဆင်အပြေဆုံးကတော့ ထိပ်မှာစုချည်ထားတဲ့ ဆံပင်ပုံစံပါပဲ။ မြန်မြန်ဆန်ဆန်နဲ့ လှလှပပလေးဖြစ်ဖို့အတွက် ဦးခေါင်းထိပ်ကဆံပင်တစ်ဝက်လောက်ကို စုစည်းပြီး အပေါ်မှာဆွဲလိမ်လိုက်ရုံပါပဲ။ပိုပြီးမြဲမြံစေဖို့အတွက် ဆံညှပ်လေးတွေနဲ့ထိန်းပေးထားဖို့တော့လိုမယ်နော်။

2. အကောက်ပြေပြေ

ဒီပုံစံလေးကတော့ တော်တော်များများလည်းနှစ်သက်ကြမယ့်ပုံစံလေးပါ။ လှလှပပပြင်ပြင်ဆင်ဆင်ပုံစံနဲ့လည်းလိုက်ဖက်သလို တော်ရုံတန်ရုံဖြစ်သလိုဝတ်သွားရင်တောင် လိုက်ဖက်နေမယ့်ဆံပင်စတိုင်လေးပါပဲ။ စပြီးပုံသွင်းတဲ့နေ့ထက်စာရင် ပုံသွင်းပြီးနောက်နေ့ ခပ်ပွယောင်းယောင်းရှုပ်ရှုပ်လေးဖြစ်နေတာက ပိုပြီးတောင်လှပါသေးတယ်။

3. ခပ်ပွပွကျစ်ဆံမြီး

ဒီပုံစံလေးကတော့ ဆံပင်အတိုနဲ့ အမြဲတမ်းတွဲဖက်ပြီး မြင်ရနေကျ Best Friend for Short Hair လေးပါ။ အကောင်းဆုံး ကတော့ ဆံပင်ကိုထိပ်မှာ ကျစ်ဆံမြီးခပ်ပွပွကျစ်ပြီး အနောက်ဘက်ကိုဖိချလိုက်တဲ့ပုံစံလေးပါပဲ။ ပြီးရင်တော့ ညှပ်ကလစ်လေးတွေ ဂွကလစ်လေးတွေနဲ့ ခိုင်ခံ့အောင် ထိန်းပေးလိုက်ရုံပါ။ ဒီလို ကျစ်ဆံမြီးခပ်ပွပွလေးကျစ်ပြီး အပေါ်မှာဆံထုံးအသေးလေးလုပ်ချင်လည်းရပါသေးတယ်။

4. ဘက်ပြောင်းခွဲပါ

သင့်ရဲ့ သမားရိုးကျ မြင်နေကျပုံစံကနေ အမြန်ဆုံး ပုံပြောင်းချင်တယ်ဆိုရင်တော့ ဆံပင်ကိုဘက်ပြောင်းခွဲလိုက်ရုံပါပဲ။အမြန်ဆုံးနဲ့ အလွယ်ဆုံး ပုံပြောင်းနည်းဆိုတော့ သေချာရှင်းပြဖို့လိုမယ်မထင်ပါဘူးနော်။

5. Accessory လေးနဲ့အလှဆင်

နောက်ထပ် အလွယ်ကူဆုံး ဆံပင်အတိုကို စတိုင်လ်ပြောင်းချင်တယ်ဆိုရင်တော့ Accessor လေးတွေပေါင်းထည့်လိုက်ပါ။ ဘီးကုတ် ၊ ကလစ်လှလှလေးတွေနဲ့ ခေါင်းစည်းကြိုးလှလှလေးတွေက ဆံပင်အတိုသမားတွေအတွက် အသက်ပါပဲ။

 

Photo Credit to Rightful Owners

 

 

 

, , , ,

Hair

သန်စွမ်းကျန်းမာတဲ့ ဆံနွယ်ရှည်တွေကို ပိုင်ဆိုင်စေမယ့် နည်းလမ်း (၈)သွယ်

လူတစ်ယောက်ရဲ့ ဒုတိယမျက်နှာဖြစ်တဲ့ ဆံပင်ရဲ့ ကျန်းမာခြင်းကလည်း အလှအပအတွက် အရေးပါတဲ့အချက်တွေထဲကတစ်ခုပါ

by Randy Win

February 27, 2020

              မိန်းကလေးတိုင်းရဲ့ အိပ်မက်ဟာ သန်စွမ်းကျန်းမာတဲ့ ဆံနွယ်ရှည်တွေပါပဲ ။ တချို့တွေကတော့ ကံကောင်းစွာနဲ့ပဲ အရှည်မြန်ပြီး ကျန်းမာတဲ့ ဆံပင်တွေကို မွေးရာပါ ပိုင်ဆိုင်ကြပေမယ့် အများစုကတော့ ဆံပင်ကျန်းမာသန်စွမ်းဖို့အတွက် ဆံပင်အားဖြည့်ဆေးတွေ ထိန်းသိမ်းဆေးတွေကို မဖြစ်မနေ အသုံးပြုကြရပါတယ်။ အဲဒီလို တန်ဖိုးကြီးတဲ့ ဆံပင်ထိန်းသိမ်းမှူတွေပြုလုပ်တာတောင်မှ ဆံပင်ကထင်သလောက်မသန်စွမ်းလာတဲ့အတွက်လည်း စိတ်ညစ်စိတ်ပျက်ခဲ့ရတာတွေအများကြီးပါ။ တကယ်တမ်းတော့ ဆံပင်ထိန်းသိမ်းတဲ့အခါမှာ ဆေးကောင်းဝါးကောင်းတွေအပြင် မှန်ကန်တဲ့ နည်းလမ်းကောင်းလေးတွေပါပေါင်းစပ်ပါမှ မိမိတို့လိုချင်တဲ့ ကျန်းမာတဲ့ဆံပင်ကိုပိုင်ဆိုင်နိုင်မှာပါ။ အဲဒီအတွက် ဘယ်လောက်လုပ်လုပ် အရာမထင်အလုပ်မဖြစ်ဘူးလို့ အထင်ရောက်နေကြတဲ့ ပျိုမေလေးတွေအတွက် ဆံပင်အရှည်မြန်စေမယ့် နည်းလမ်းကောင်းလေးတွေကို စုစည်းတင်ပြပေးလိုက်ပါတယ်။

၁ ။ အစားအစာကို သမမျှတစွာစားသုံးပါ


ဦးရေပြားဟာလည်း အခြားခန္ဓာကိုယ်အစိတ်အပိုင်းတွေလိုပဲ သန်စွမ်းကျန်းမာဖို့အတွက် လိုအပ်တဲ့အာဟာရဓာတ်တွေဖြစ်တဲ့ ပရိုတင်းနဲ့ သတ္တုဓာတ်တွေ လိုအပ်ပါတယ်။ ဆံပင်ကျွတ်ခြင်း ဆံပင်ပါးခြင်းကိုသက်သာစေဖို့အတွက် ဆံပင်ရဲ့ ကျန်းမာခြင်းကို အထောက်အကူပြုတဲ့ ဗီတာမင် အေ ၊ ဗီတာမင် ဘီ ၊ဗီတာမင် အီး ၊ ဇင့် နဲ့ အိုမီဂါ (3) ၊ ဖောလစ်အက်ဆစ် ၊ ဘိုင်အိုတင် နဲ့ အခြားဒြပ်ပေါင်းများစွာပါဝင်တဲ့ အစားအစာတွေကို မဖြစ်မနေစားသုံးပေးရပါမယ်။ ဒါ့အပြင် ပရိုတင်းဓာတ်ကြွယ်ဝသောအစားအစာတွေဖြစ်တဲ့ ဟင်းနုနွယ်၊ ပန်းဂေါ်ဖီစိမ်း ၊ ဗာဒံစေ့ ၊ မြေပဲ ၊သစ်ကြားသီး ၊ဥအမျိုးမျိုးနဲ့ ချိစ်၊ နို့ ၊အသား ၊ ဆယ်လ်မွန်ငါး ၊ထောပတ်သီး စတာတွေကို များများစားသုံးပေးခြင်းဖြင့် ဆံပင်နဲ့ ဦးရေပြားရဲ့ ကျန်းမာသန်စွမ်းခြင်းကို အထူးတလည်အထောက်အကူပြုပေးနိုင်မှာ အမှန်ပါပဲ။

၂ ။ တစ်ပတ်ကို နှစ်ကြိမ်ထက်ပိုပြီး ခေါင်းလျှော်ခြင်းမှ ရှောင်ကြဉ်ပါ


နေ့စဉ်ခေါင်းလျှော်ခြင်းကြောင့် ဦးရေပြားရဲ့ ဆံပင်သန်စွမ်းမှူကိုပေးစွမ်းနိုင်တဲ့ သဘာဝအဆီဓာတ်ကို ထိခိုက်စေပြီး ခေါင်းလျှော်တဲ့အကြိမ်ရေများလေလေ ဆံပင်အားဖြည့်အဆီဓာတ်ကို လျော့ကျစေလေပါပဲ။ဒါကြောင့်မို့ ခေါင်းလျှော်တဲ့အကြိမ်အရေအတွက်ကို အများဆုံး တစ်ပတ်ကို နှစ်ကြိမ်ခန့်သာ လျှော်သင့်ပါတယ်။ဒါမှသာ ဆံပင်ရဲ့ အာဟာရဓာတ်ဖြည့်အဆီဓာတ်ကို များများထုတ်လွှတ်စေခြင်းဖြင့် ဦးရေပြားခြောက်သွေ့ခြင်း ဘောက်ထခြင်းတို့ကို ကာကွယ်နိုင်မှာပါ။ ဒါကြောင့်မို့ ဆံပင်ဆိုတာ နေ့စဉ်ခေါင်းလျှော်မှသန့်တယ်ဆိုတဲ့အတွေးကိုဖယ်ပြီး လျှော်တဲ့အကြိမ်ရေနည်းလေ ပိုသန့်ရှင်းလေဆိုတာကို သတိရသင့်ပါတယ်။


၃ ။ အပူပါတဲ့ဆံပင်ပုံသွင်းပစ္စည်းနဲ့ ဓါတုဆံပင်ပုံသွင်းဆေးတွေကို အတတ်နိုင်ဆုံးလျှော့သုံးပါ


အပူနဲ့ဆံပင်ပုံသွင်းတဲ့ပစ္စည်းတွေကို မကြာခဏအသုံးပြုခြင်းကြောင့် ဆံသားပျက်စီးခြင်း ၊ ဆံပင်နှစ်ခွဖြစ်ခြင်းနဲ့ ဗောက်ထခြင်းတွေကို ပိုပြီးဖြစ်ပေါ်စေပါတယ်။ မဖြစ်မနေသုံးမယ်ဆိုရင်လည်း အပူကိုအတတ်နိုင်ဆုံးလျှော့ချပြီး အပူကာကွယ်ဆေးလိုအရာမျိုးနဲ့ ဆံသားကို အရင်ဖြန်းပြီးမှသာ သုံးသင့်ပါတယ်။ ခေါင်းကိုမကြာခဏဖြီးခြင်းနဲ့ Chemical ပါဝင်တဲ့ ဆံပင်ပုံသွင်းဆေးတွေကြောင့်လည်း ဆံသားကိုထိခိုက်ပျက်စီးစေပါတယ်။ ဒါကြောင့်မို့ Shampoo နဲ့ အခြား Hair Products တွေကို အသုံးပြုတဲ့အခါ ဆံသားထိခိုက်ပျက်စီးမှူ အနည်းဆုံးဖြစ်စေဖို့ ဆာလ်ဖိတ်ဓာတ်ပေါင်း ၊Paraben နဲ့ ဆိုးဆေးမပါတဲ့ ပစ္စည်းမျိုးတွေကိုသာ ရွေးချယ်ဝယ်ယူ အသုံးပြုသင့်တယ်ဆိုတာကို အထူးသတိပြုသင့်ပါတယ်။

၄ ။ ဆံပင်အားဖြည့်ဆေး မှီဝဲပါ


အခုအချိန်မှာဆိုရင် ဆံပင်နဲ့ပတ်သက်တဲ့ အားဖြည့်ဆေးတွေကို အလွယ်တကူ ဝယ်ယူနိုင်နေပြီဖြစ်ပါတယ်။ အမှတ်တံဆိပ်မျိုးစုံ အာနိသင်မျိုးစုံရှိကြတဲ့ အထဲကမှ ကိုယ့်အတွက်အသင့်တော်ဆုံးဖြစ်မယ့် ဆံပင်အားဖြည့်ဆေးတစ်မျိုးမျိုးကို စွဲမြဲသောက်သုံးခြင်းဖြင့် ဆံပင်ရဲ့ကျန်းမာခြင်းကို ရရှိနိုင်မှာပါ။အဒိကအားဖြင့်တော့ ဆံပင်အားဖြည့်ဆေးတွေမှာ ဆံသားနဲ့ဦးရေပြားအတွက်လိုအပ်တဲ့ ဒြပ်ပေါင်းတွေဖြစ်တဲ့ ဗီတာမင် အေ၊ဘီ၊စီ၊အီး၊ သံဓာတ်၊ အိုမီဂါ (3) ၊ဖောလစ်အက်ဆစ်နဲ့ ဇင့်ဓာတ်တို့ အဓိက ပါဝင်တတ်ကြပါတယ်။


၅ ။ ဦးရေပြားကိုနှိပ်နယ်ပေးပါ

 
ဆံပင်တွေအရှည်မြန်ဖို့အတွက် နောက်ထပ်အထိရောက်ဆုံးနည်းလမ်းကတော့ ခေါင်းကို ခြေထောက်နှစ်ဖက်ကြားထဲအထိ ငုံ့ပြီး ဦးရေပြားကို နှိပ်နယ်ပေးခြင်းပါပဲ။
ပထမအဆင့်အနေနဲ့ ထူးခြားတဲ့ရလဒ်ရှိမရှိသိနိုင်ဖို့ ဆံပင်ကိုအရင်းကနေ အဖျားထိ တိုင်းတာထားပါ။
ဒုတိယအဆင့်အနေနဲ့ ခုံတစ်လုံးပေါ်မှာထိုင်ပြီး ဦးခေါင်းကို ခြေထောက်ကြားထဲ ငိုက်စိုက်ချလိုက်ပါ။ အဲဒီလိုထားခြင်းအားဖြင့် ဦးခေါင်းရဲ့ သွေးလည်ပတ်မှူကိုမြှင့်တင်ပေးပြီး ဆံပင်သန်စွမ်းမှူကို အထောက်အကူဖြစ်စေပါတယ်။
တတိယအဆင့်အနေနဲ့လက်ချောင်းထိပ်ဖျားလေးတွေကိုအသုံးပြုပြီး ဦးရေပြားတစ်လျှောက် ၁၀မိနစ်ခန့်နှိပ်နယ်ပေးပါ။နှိပ်နယ်တဲ့အခါ အုန်းဆီ ၊ သံလွင်ဆီတွေကို အသုံးပြုနှိပ်နယ်ပေးခြင်းက ပိုပြီးကောင်းမွန်တဲ့ရလဒ်ကိုရရှိစေမှာဖြစ်ပြီး တစ်ချိန်တည်းမှာပဲ ဆံသားကိုလည်းနူးညံ့ပျော့ပြောင်းစေမှာပါ။
စတုတ္ထအဆင့်အနေနဲ့ ဆံပင်ကို ခေါင်းလျှော်ရည် ၊ Conditioner အပျော့စားနဲ့ ပြန်လျှော်ပါ။
နောက်ဆုံးအဆင့်အနေနဲ့ ဒီနည်းလမ်းကို တစ်ပတ်လောက်ပြုလုပ်ပြီးတိုင်း တစ်လခန့်ရပ်နားပြီးမှ နောက်တစ်ကြိမ်ပြန်လုပ်ဖို့ သတိပြုပါ။

၆ ။ ဆီ သို့မဟုတ် ပေါင်းဆေးသုံးပေးပါ


တစ်ပတ်လျှင်တစ်ကြိမ်အနည်းဆုံး ဆီ ဒါမှမဟုတ် ပေါင်းဆေးကို ဦးရေပြားပေါ် လိမ်းကျံပေးခြင်းဖြင့် ဆံသားကို သန်စွမ်းကျန်းမာပြီး တောက်ပစေပါတယ်။အဲဒီလိုအသုံးပြုတဲ့အခါ အုန်းဆီ ၊ ရှားစောင်းလက်ပတ် ၊ သံလွင်ဆီနဲ့ ကြက်ဥလိုမျိုးတွေကို အသုံးပြုနိုင်ပါတယ်။ ဒီလိုအရာတွေက ဦးရေပြားကို အစိုဓာတ်နဲ့ အာဟာရဓာတ်တွေ ကောင်းကောင်းပေးစွမ်းနိုင်တာမို့ ဆံပင်ကို သန်စွမ်းတောက်ပြောင်စေပြီး ဘက်တီးရီးယားကြောင့်ဖြစ်တဲ့ ဗောက်ထခြင်းတွေကို ကောင်းကောင်းထိန်းချုပ်ပေးပါတယ်။ အဲဒီအပြင်ကိုမှ ဆံသားနှစ်ခွဖြစ်ခြင်းနဲ့ ဆံပင်ပျက်စီးခြင်းတွေကိုလည်း ကာကွယ်ပေးဦးမှာပါ။


၇။ ချည်ခေါင်းအုံးအစား ဖဲသားကိုသုံးပါ


ခေါင်းအုံး ဒါမှမဟုတ် ခေါင်းအုံးစွပ်ကို ချည်သားထက် ဖဲသား၊ပိုးသားလို နူးညံ့တဲ့အသားတွေကိုအသုံးပြုခြင်းဖြင့် ဆံသားကြိုးကြေပျက်စီးခြင်းနဲ့ ဆံပင်ပါးခြင်းတွေကိုကောင်းကောင်းကာကွယ်ပေးနိုင်ပါတယ်။ ဒါကြောင့်မို့ ဆံပင်ကို လှပသန်စွမ်းစေချင်တယ်ဆိုရင်တော့ ဒီအချက်လေးကလည်း မဖြစ်မနေ ထည့်သွင်းစဉ်းစားရမယ့်အချက်တွေထဲက တစ်ခုပါပဲ။


၈ ။ ဆံပင်ကို တင်းကြပ်စွာ စည်းနှောင်ခြင်းကိုရှောင်ကြဉ်ပါ


ဆံပင်တွေပျက်စီးရခြင်းရဲ့ နောက်ထပ်တရားခံကတော့ တင်းကြပ်စွာစည်းနှောင်ခြင်းပါ။ အဲဒီလိုတင်းကြပ်စွာစည်းနှောင်ခြင်းကြောင့် ဆံပင်လည်းကျွတ်နိုင်သလို ဆံပင်ရှည်တာကိုလည်းနှောင့်နှေးစေပါတယ်။ ဒါကြောင့်မို့ ဆံပင်စည်းတဲ့အခါ တင်းကြပ်စွာစည်းနှောင်ခြင်းကိုရှောင်ရှားသင့်ပြီး အသုံးပြုသင့်ဆုံးနဲ့ အကောင်းဆုံး ကတော့ စပရိန်ကွင်းလို ခေါင်းစည်းကွင်းလေးတွေပါပဲ။

 

, , , , ,

Hair

Valentine's Day အတွက် အရွေးချယ်သင့်ဆုံး ဆံပင်ပုံစံ (၅)မျိုး

ကိုယ့်ချစ်သူရှေ့မှာ အလှဆုံးဖြစ်နေစေဖို့ ဆံပင်ပုံစံလေးတွေ အရွေးမမှားဖို့လည်းလိုတယ်နော်

by Randy Win

February 13, 2020

ကိုယ့်ရဲ့ အရေးပါတဲ့ တစ်စုံတစ်ဦးနဲ့ တွေ့ရတော့မယ်ဆိုတဲ့အခါမှာ မပြင်မဆင်ပဲ ဖြစ်သလိုသွားမယ်ဆိုတဲ့ မိန်းကလေးမျိုးကတော်တော်ကိုရှားပါလိမ့်မယ်။ အထူးသဖြင့် ချစ်သူများနေ့လို အချိန်မျိုးမှာ ကိုယ်ချစ်ရသူမျက်လုံးထဲမှာ ချစ်စရာကောင်းနေဖို့အပြင် အခြားစုံတွဲတွေကြားထဲ အလှပိုချင်ကြတာ မိန်းကလေးတော်တော်များများရဲ့သဘာဝလို့ဆိုရမှာပါ။ အဲဒီလို အလှအပအတွက်စဉ်းစားမယ်ဆိုရင်တော့ ဆံပင်ပုံစံလေးလှဖို့ကိုလည်းချန်လှပ်ထားခဲ့လို့မရပါဘူး ။ ဒီတော့ ဘယ်လိုဆံပင်ပုံစံရွေးချယ်မှူလေးတွေက ချစ်သူများနေ့မှာ ပိုပြီးချစ်စရာအရမ်းကောင်းတဲ့ကောင်မလေးတစ်ယောက်ဖြစ်အောင် ပံ့ပိုးပေးနိုင်မလဲဆိုတာ လေ့လာကြည့်လိုက်ရအောင်နော်။

 

1 . အသည်းပုံဆံပင်အစည်း


ဒါကတော့ ချစ်သူများနေ့အတွက် အလိုက်ဖက်ဆုံးတစ်ခုလို့တောင်ဆိုလို့ရပါတယ်။ အသည်းနှလုံးပုံစည်းဖွဲ့ထားတဲ့ ဆံပင်ပုံစံလေးက Creative လည်းဖြစ်သလို မိန်းကလေးဆန်ဆန်နဲ့ အရမ်းကိုချစ်ဖို့ကောင်းနေမှာအမှန်ပါပဲ။ ဒီလိုအသည်းပုံလေးရဖို့ အရမ်းခက်ခက်ခဲခဲကြီးတော့လုပ်ယူရမှာမဟုတ်ပေမယ့် ဂရုတစိုက်လေးတော့ ပုံဖော်ယူရမှာပါ။ ဆံပင်ကိုနှစ်ခြမ်းခွဲစည်းပြီး ကျစ်ဆံမြီးလေးလိုကျစ်ပြီးမှအသည်းပုံဖော်တာမျိုးလည်းလုပ်နိုင်သလို ဒီအတိုင်း လှည့်ကျစ်ပြီးတော့လည်း အသည်းပုံလေးဖြစ်အောင်စည်းနှောင်နိုင်ပါတယ်။ ပိုပြီးခိုင်မြဲစေဖို့ ဆံညှပ်ကလစ်လေးတွေ သားရေပင်လေးတွေတော့သုံးပေးရပါမယ်။

2. ဆံထုံးလျော့လျော့ ကျော့ကျော့ရှင်းရှင်း


ရိုမက်တစ်ဆန်ဆန် ညနေခင်းမျိုးလေးအတွက် အလိုက်ဖက်ဆုံးကတော့ မိန်းကလေးဆန်ဆန် သပ်သပ်ရပ်ရပ်ထုံးဖွဲ့ခြင်းမျိုးပါ။ ဆံပင်ကို အနည်းငယ် wavy လေးဖြစ်အောင်ကောက်ပြီး ကိုယ့်မျက်နှာကိုရှင်းရှင်းလင်းလင်းပေါ်အောင် ခပ်ပွပွထုံးဖွဲ့တာမျိုးပဲဖြစ်ဖြစ် Low Bum လေးချထားတာမျိုးပဲဖြစ်ဖြစ်ပြုလုပ်နိုင်ပြီး အရမ်းရိုတဲ့ကိုယ့်ချစ်သူတည်ခင်းကျွေးမွေးတဲ့ ညစာစားပွဲမှာCocktail Dress လှလှလေးနဲ့ ကျော့ရှင်းတဲ့နတ်သမီးလေးတစ်ပါးအသွင်ကိုဆောင်နေစေပါလိမ့်မယ်။

3. တစ်ဝက်စည်း တစ်ဝက်ချ


ဆံပင်ကို တစ်ဝက်စည်းပြီး တစ်ဝက်ကိုချထားတဲ့ပုံမျိုးလေးကလည်း အရမ်းကိုကြည့်လို့လှသလို ကိုယ့်ရဲ့ မိန်းမသားဆန်တဲ့အလှကိုလည်းပိုပြီးပေါ်လွင်စေပါတယ်။ဒီတိုင်းလေးစုပြီးစည်းတာပဲဖြစ်ဖြစ် ကျစ်ဆံမြီးလေးကျစ်ပြီးစည်းတာပဲဖြစ်ဖြစ်လုပ်လို့ရသလို ဆံပင်ရှည်သူဆိုရင် အောက်နားလေးတွေကို ခပ်ဖွဖွလေးကောက်ထားနိုင်ပါတယ်။ Casual Look နဲ့လည်းလိုက်ဖက်သလို Cocktail Dressနဲ့လည်း အရမ်းကိုလိုက်ဖက်နေမယ့်ဆံပင်ပုံစံလေးဖြစ်တာမို့ ရွေးချယ်သင့်တဲ့ထဲမှာပါပါတယ်။

4. ရိုးမသွားနိုင်တဲ့ အလယ်ခွဲအလှ


အလှပြင်တာလွန်ပြီး သူနဲ့ချိန်းထားတာ အရမ်းကိုအချိန်နောက်ကျနေပြီ ဆံပင်ကိုဘာလုပ်ရမလဲဆိုတာဗျာများနေပြီဆိုရင်တော့ Kim Kardashian ကိုသတိရလိုက်ပါ။ အချိန်တိုအတွင်းမှာ ဆွဲဆောင်မှူရှိရှိနဲ့ လှနေစေမယ့်ဆံပင်ပုံစံလေးပါပဲ။ ဆံပင်ကို အလယ်တည့်တည့်ခွဲ ဆီလေးနည်းနည်းနဲ့သေချာဖိပြီး ပုံဖော်ထားတဲ့ ဆံပင်အလယ်ခွဲပုံစံဟာ မိန်းကလေးတွေအတွက် ဘယ်တော့မှမရိုးနိုင်တဲ့ Hairstyle တစ်ခုလို့တောင်ဆိုနိုင်ပါတယ်။

5. ဆံပင်တိုတို ဆံသားကောက်ကောက်


ဆံပင်တိုတဲ့ မိန်းကလေးတွေအတွက်အသင့်တော်ဆုံးကတော့ wave ကြီးကြီးကောက်ထားတဲ့ ဆံပင်ပုံစံပါပဲ။ ဒီလိုဆံပင်ပုံမျိုးက ဆံပင်တိုတဲ့သူတွေတင်မဟုတ်ပဲ ဆံပင်အရှည်သမားတွေပါအရွေးမမှားနိုင်တဲ့ ပုံစံမျိုးပါ။ ဆံပင်ကို ကောက်စက်နဲ့ခပ်ပြေပြေလေးကောက်ပြီး hair spray ခပ်ပါးပါးဖြန်းထားရုံပါပဲ။ သွားရင်းလာရင်းလည်း လက်လေးနဲ့ ထိုးထိုးဖွပြီး ကောက်သားပြန်ပေါ်အောင် လုပ်နိုင်ပါသေးတယ်။ ဒီဆံပင်ပုံလေးနဲ့ နှုတ်ခမ်းနီပန်းရောင်နုနုလေးဆိုထားမယ်ဆို အရမ်းကိုချစ်ဖို့ကောင်းတဲ့ကောင်မလေးတစ်ယောက်ဖြစ်နေမှာ ကျိန်းသေပါ။

 

 

 

, , , ,

Hair

နှစ်သစ်မှာ New Hairstyle နဲ့ လန်းနေတဲ့ Miley Cyrus

Miley Cyrus က သူမရဲ့ Hair Style အသစ်နဲ့ အမိုက်စား Photo တွေကို သူမရဲ့ Instagram မှာ တင်ထားတာကို တွေ့ရပါတယ်။

by Lin Lin

January 15, 2020

နှစ်သစ်မှာ Miley Cyrus တစ်ယောက်ကတော့ New Hairstyle နဲ့ လန်းနေပါတယ်နော်။
Fashion နဲ့ ပတ်သက်ရင် အမြဲမိမိုက်နေတဲ့ Miley Cyrus က သူမရဲ့ Hair Style အသစ်နဲ့ အမိုက်စား Photo တွေကို သူမရဲ့ Instagram မှာ တင်ထားတာကို တွေ့ရပါတယ်။ ဒါ့အပြင် သူမရဲ့ သီချင်းအသစ်လည်း မကြာခင်မှာထွက်ရှိလာတောမယ်လို့ ကြေငြာထားတာတွေ့ရပါတယ်။ Instagram မှာတော့ "New Hair. New Year . NEW MUSIC! " ဆိုတဲ့ Caption နဲ့ တင်ထားခဲ့တာဖြစ်ပါတယ်။
ပြီးခဲ့တဲ့နှစ်မှာတော့ Cyrus ကို ဆံပင်ရှည်နဲ့သာ တွေ့ခဲ့ရပြီး သူမနောက်ဆုံး ဆံပင်ပုံစံပြောင်းလဲခဲ့တာကတော့ ၂၀၁၉ခုနှစ် မတ်လ ကဖြစ်ပါတယ်။ Cyrus ရဲ့ ဖက်ရှင်တွေဟာ အမြဲ update ဖြစ်နေပြီး Hair Colour တွေဟာလည်း ဆန်းသစ်တဲ့ colour တွေနဲ့ အမြဲလန်းနေတဲ့ cele တစ်ဦးလည်း ဖြစ်ပါတယ်။

Editor : Lin Lin

,

MODA TV 


Hair

ဒီဇင်ဘာဆောင်းနေ့ရက်တွေတိုင်းနဲ့ လိုက်ဖက်နေမယ့် Winter Hair Trend

ဘယ်လိုပုံစံတွေကို သင်နဲ့ လိုက်ဖက်မှုရှိပြီး ဆွဲဆောင်နိုင်မလဲဆိုတာကို ကြည့်လိုက်ကြရအောင်နော်။

by Lin Lin

December 25, 2019

ချမ်းအေးတဲ့ ဆောင်းကာလလေးမှာ စတိုင်လ်ကျကျ အမိုက်စား Hair style တွေကို ထုံးဖွဲ့ဖို့အတွက် ဖော်ပြပေးမယ်နော်။ ဆောင်းရာသီကာလလေးမှာ ဆံပင်ကို စည်းထားလို့ပဲ ဖြစ်ဖြစ်၊ ချထားလို့ပဲ ဖြစ်ဖြစ် ဖက်ရှင်ကျနေဖို့က အဓိကဖြစ်တာကြောင့် ဘယ်လိုပုံစံတွေကို သင်နဲ့ လိုက်ဖက်မှုရှိပြီး ဆွဲဆောင်နိုင်မလဲဆိုတာကို ကြည့်လိုက်ကြရအောင်နော်။

High Ponytail
Ponytail ထုံးဖွဲ့ခြင်းဟာ fashion ကျစေတဲ့ ခပ်မိုက်မိုက် Hair style တွေထဲမှာ တစ်မျိုးအပါအဝင်ပါ။ International celebrity တော်တော်များများရဲ့ ပွဲတက် Hair Fashion တစ်မျိုးလည်း ဖြစ်ပါတယ်။ Retro Style အပြင်အဆင်တွေမှာလည်း High Ponytail ဆင်ယင်ထုံးဖွဲ့မှုတွေကို တွေ့ရတတ်ပါတယ်။ ခေတ်အဆက်ဆက် ရိုးမသွားတဲ့ ဆင်ယင်ထုံးဖွဲ့မှုလည်း ဖြစ်သလို ဆောင်းတွင်းဖက်ရှင်နဲ့ လိုက်ဖက်တဲ့ Hair Fashion လည်း ဖြစ်ပါတယ်။

Knotless Braids
ပွဲလမ်းသဘင်နဲ့ EDM ပွဲသွားလေ့ရှိတဲ့ ပျိုမေတို့အတွက် လိုက်ဖက်မယ့် Fashion ပါ။ တစ်ခေါင်းလုံးကို ကျစ်ဆံမြီး သေးသေးလေးတွေအပြည့် ကျစ်ထားတဲ့ ပုံစံမျိုးပါ။ ဖက်ရှင်ကျပြီး အမိုက်စားဖြစ်နေပေမယ့် ညဘက် အိပ်တဲ့အခါမှာတော့ နဲနဲလေး အခက်တွေ့စေမှာပါ။ ကျစ်ထားတဲ့ ကျစ်ဆံမြီး သေးသေးလေးတွေကို စုချည်ပြီး jewel ဒါမှမဟုတ် fancy တွေနဲ့လည်း ပျိုမေတို့ နှစ်သက်သလို အလှဆင်နိုင်ပါသေးတယ်နော်။

Low Ponytail
ရိုးရိုးရှင်းရှင်းနဲ့ ဆံပင်တွေကို သပ်သပ်ရပ်ရပ်လေး ထုံးဖွဲ့လိုသူတွေအတွက်ကိုတော့ Low Ponytail ထုံးဖွဲ့ဖို့အတွက် အကြံပြုပေးချင်ပါတယ်။ ခပ်ပြေပြေ ခပ်လျော့လျော့ ထုံးဖွဲ့မှုက ရိုးရိုးလေးနဲ့ သင့်ကို စမတ်ကျနေစေမှာပါ။

Variations on the Bob
နွေရာသီမှာ ပူအိုက်လို့ ညှပ်ထားတဲ့ ဆံပင်တိုတိုတွေကို ဆောင်းတွင်းရောက်တဲ့အခါ ဖက်ရှင်ကျကျပုံသွင်းပြီး အမိုက်စားပြင်ဆင်လို့ရပါပြီနော်။ ဆောင်းရာသီနဲ့ လိုက်ဖက်တဲ့ color ဖျော့ဖျော့လေးတွေနဲ့ ပုံသွင်းလိုက်တဲ့အခါမှာတော့ ပျိုမေတို့ရဲ့ Hair Fashion ဟာ အလန်းစားဖြစ်နေမှာပါ။

Pixie
ဒါကြောင့် ဆောင်းရာသီမှာ ဆံပင်တိုနဲ့ ဂေါ်မယ့် ပျိုမေတို့အတွက် အကြံပြုပေးချင်တာကတော့ Pixie Style Hair Fashion ဟာ အမြဲ up to date ဖြစ်နေစေမယ့် ဖက်ရှင်ပါ။ Shorter hair fashion နဲ့ တွေ့ရသူတော်တော်များများဟာ မိတ်ကပ်ကို အပြည့်အဝခြယ်သတတ်ကြပြီး Jewellery ကြီးကြီးတွေကို ဝတ်ဆင်တတ်ကြပါတယ်။

Editor : Lin Lin

,

Hair

ဘီးကုတ်လေးတွေပြန်တပ်ကြရအောင်...

90s born လေးတွေရဲ ႔ အသည်းစွဲ Hair Accessory တွေထဲကတစ်ခုဖြစ်တဲ့ Thick Headband

by Yin Moe Shinn

August 14, 2019

ဘီးကုတ်လေးတွေပြန်တက်ကြရအောင်… အခုဆိုရင်သိပ်မတွေ ႔ရတော့တဲ့ ဘီးကုတ်လို ႔ ခေါ်တဲ့ Headbandအမျိုးအစားကတစ်ခေတ်ပြန်ထလို ႔လာပါတယ်။ ခေတ်နောက်ပြန်ဆွဲနေတဲ့ဖက်ရှင်တွေထဲကမှ90s born တွေအရမ်းကြိုက်ခဲ့ကြတဲ့ hair accessory တွေထဲကတစ်ခုကိုပြောပါဆိုရင်တော့ ဘီးကုတ်လေးတွေ ကထိပ်ဆုံးကမပါမဖြစ်ပါ။ ဆံပင်အတိုအရှည် ဘာနဲ ႔မဆိုအဆင်ပြေလိုက်ဖက်နေပါတယ်။ ဘီးကုတ်အပါးလေးတွေရှိသလိုအထူတွေလည်းတပ်ကြပါတယ်။ ပြောင်လေးတွေရှိသလိုဒီဇိုင်းလေးတွေအရုပ်လေးတွေနဲ ႔စုံနေ အောင်တွေ ႔ရမှာပါ။ ကလေးတွေကအစ အရွယ်ရောက်ကောင်မလေးတွေအဆုံးဖက်ရှင်တစ်ခုအနေနဲ ႔ ခေတ်စားခဲ့တဲ့ ဒီဘီးကုတ်လေးတွေကအခု ၂၀၁၉ ရဲ ႔ Hair accessories trends တွေထဲကတစ်ခုပါ။ Thick headband လို ႔ ခေါ်တဲ့ဒီဘီးကုတ်ထူထူတွေကိုပိုသား ၊ ကတ္တီပါသား ၊ပုလဲစတာတွေနဲ ႔ ဖန်တီးထားကြတာကိုတွေ ႔ရပါတယ်။ ဆံပင်ကိုအနောက်ပြန်အပြောင်သိမ်းထားတဲ့ပုံစံမို့မျက်နှာကိုရှင်းရှင်းလေးနဲ ႔ ပေါ်လွင်စေမှာပါ။ အမိုက်စားဖက်ရှင်ကိုပိုထူးခြားစေတဲ့ ဘီးကုတ်ဖက်ရှင်လေးကပိုပြီးခေတ်စားလာမယ့်ဖက်ရှင်လေးမို ႔ ဝေမျှပေးလိုက်ပါတယ်နော်။ ဒီကနေစတစ်ဆင့်ဘီးကုတ်လေးနဲ ႔ အထာကျတဲ့ဆံပင်ပုံစံလေးကိုဖန်တီးနိုင်ပါစေနော်။


Hair

မိုးရာသီလည်းမရှောင် HAIR WIG တပ်ချင်သူတွေအတွက်

သင့်ရဲ ႔ ဆံပင်တုလေးတွေမပျက်စီးဘဲလှပနေဖို ႔ရာထိန်းသိမ်းနည်းလေးက....

by Yin Moe Shinn

July 25, 2019

အခုတစ်ခါမှာတော့ hair wig နဲ ႔ပတ်သတ်ပြီးသိကောင်းစရာလေးတွေ ဝေမျှချင်ပါတယ်။ အကြောင်းအမျိုးမျိုးကြောင့် hair wigကိုသုံးနေကြပါတယ်။ အရင်ကထက်စာရင်အတုလို ႔မထင်ရလောက်အောင်ကိုသေသပ်ပြီး

လှတဲ့ hair wig တွေကို celebrity တွေသာမက လူတိုင်းသုံးလာကြပါတယ်။ အဲ့လို hair wig ကိုသုံးနေကြသူတွေအတွက်အခုလို စိုစွတ်တဲ့ရာသီမှာဘယ်လိုလေးထိန်းသိမ်းရမလည်းဆိုတာကခေါင်းရှုပ်စေမှာပါ။ hair wig ကို အလှတပ်ကြတဲ့သူတွေရှိသလို တခြားသောအကြောင်းအမျိုးမျိုး ကြောင့်တပ်ကြတဲ့သူတွေလည်းရှိကြပါတယ်။ တစ်ချို ႔ဆံပင်တိုညှပ်ထားတဲ့သူတွေအနေနဲ ႔boring ဖြစ်လာတဲ့အခါဆံပင်အရှည်ဖက်ရှင်ကိုရဖို ႔ရာဆံပင်အတုတွေတပ်လာကြပါတယ်။ တစ်ချို ႔ကတော့ခေတ်စားနေတဲ့ trends အတိုင်း ဆံပင်အတိုလေးတွေညှပ်ကြပေမယ့်စိတ်အပြောင်းအလဲများတဲ့လူ ႔စိတ်အတိုင်း တိုနေရင် ရှည်ချင်လာပြန်တော့ hair extension တွေတပ်ကြပြန်ရော။

ဒါကြောင့်ဦးဆုံးအနေနဲ ႔အရည်အသွေးကောင်း တဲ့ hair wig , hair extension တွေကိုသာသုံးစေချင်ပါတယ်။ Remy hair တွေကတော့ အရည်အသွေးကောင်းတဲ့အတွက်နှစ်နဲ ႔ချီခံတယ်လို ႔ သိရတာကြောင့်တကယ်ကောင်းတဲ့အရာကိုသာ ရွေးချယ်စေချင်ပါတယ်။ အရင်ထပ်စာရင်ပိုပြီး trends ဖြစ်လာတဲ့ဆံပင်တု ဖက်ရှင်လက်တွေ ႔မှာအမြဲလှနေဖို ႔ရာထိန်းသိမ်းရတာမလွယ်ပါဘူး။ပိုဆိုးတဲအချက်ကတော့အခုရောက်နေတဲ့စိုစွတ်တဲ့ရာသီဥတုကြောင့်ပါဘဲ။ ဒီတော့သင့်ရဲ ႔ဆံပင်တုလေးတွေနဲ ႔ပတ်သတ်ပြီးဘယ်လိုထိန်းသိမ်းကြမလဲ ?

၁.ပထမဆုံးအနေနဲ ႔ရုတ်တရက်ထွက်ပေါ်လာမယ့်မိုးရေက သင့်ဆံပင်ကိုမစိုစွတ်စေဖို ႔ကအဓိကအချက်ပါ။သင့်ရဲ ႔ မွေးရာပါဆံသားမဟုတ်တဲ ႔အတွက်ခြောက်ဖို ႔ ခက်သလိုခြောက်အောင်လုပ်ရတာလည်းမလွယ်လောက်

ပါဘူး။ ဒါကြောင့်ရုတ်တရက်ရွာချလာမယ့်မိုးကို ကာကွယ်ဖို ႔ထီး ဒါမှမဟုတ် အကာအကွယ်ဖြစ်စေတဲ့ ဦးထုပ်လိုအရာမျိုးကိုအမြဲဆောင်ထားသင့်ပါတယ်နော်။ ထီးတွေ ဦးထုပ်တွေမကြိုက်တတ်ရင်တော့ silk scarf လိုပဝါမျိုးကိုအလွယ်တကူပတ်လိုက်မယ်ဆိုရင်လည်း မိုးရေမဆိုစေတဲ့အပြင် အခုခေတ်စားနေတဲ့ဖက်ရှင်နဲ ႔အညီအထာလည်းကျစေမှာပါ။

၂.နောက်တစ်ချက်ကတော့ မိုးရေဒဏ်ကကာကွယ်သည့်တိုင်အောင်ရေစိုသွားခဲ့တယ်ဆိုရင်တော့ အကောင်ဆုံးShampoo နဲ႔ သေချာပြန်လျှော်ပေးဖို ့လိုပါတယ်။ ရည်ရှည်အတွက်ဆိုရင်ပေါ့။သင့်ဆံသားနဲ ႔ ဆံပင်တုဆံသားမ

တူညီတဲ့အတွက် chemical များတဲ့ shampoo တွေကိုလုံးဝမသုံးသင့်ပါဘူးနော်။ chemical နည်းတဲ့ shampooအကောင်းစားနဲ့လျှော်တဲ့အခါမှသာအဆင်ပြေစေမှာပါ။ အဲ့လိုသေချာလေးဆေးကြောသန် ႔စင်လိုက်မယ်ဆိုရင်တော့ သင့် hair wig လေးကမပျက်စီးဘဲရေရှည်ခံစေတဲ ႔အပြင်ပုံကျလှပနေမှာပါ။

၃.ရေစိုနေတဲ့သင့်ရဲ ႔ဆံပင်တုလေးကိုဆေးကြောသန့်စင်ပြီးတဲ့အခါမှာတော့ ခြောက်အောင်လုပ်ဖို ႔လိုပါတယ်။ အကောင်းဆုံးခြောက်အောင်လုပ်ဖို ႔နည်းလမ်းလေးကတော့ hair dryer အပူ ကိုသုံးပြီးခြောက်အောင်လုပ်တာမျိုးမဟုတ်ဘဲသဘာဝအတိုင်းခြောက်အောင်ထားစေချင်ပါတယ်။ ဆံပင်တုကိုဒီတိုင်းပြီးစလွယ်တင်ထားဖို ႔အဆင်မပြေပါဘူး။ ဒါကြောင့်ရေရှည်အတွက်စဉ်းစားထားတယ်ဆိုရင်တော့ဆံပင်တုတင်တဲ ႔စင် ( သို ႔)ချိတ်လိုအရာလေးတွေရှိထားသင့်ပါတယ်။ ဒါမှ သင့်ရဲ ႔စိုနေတဲ့ဆံပင်တုကို ဆံပင်တုတပ်ဆင်ရတဲ့စင်ပေါ်ကိုတင်ပြီးတွဲလောင်းကျနေတဲ့သင့်ဆံပင်တုကို Hair dryerရဲ ႔ လေအေးလေးနဲ ႔ မှုတ်ပေးပြီးနောက်ဒီတိုင်းသဘာဝလေနဲ ႔ ခြောက်အောင်ထားနိုင်မှာပါ။ ဒါကသင့်ဆံပင်တုအတွက်မပျက်စီးစေတဲ့ထိန်းသိမ်းနည်းလေးပါ။

၄.တနေ ႔တာလုံးတပ်ထားတဲ့ဆံပင်တု ဖြစ်ဖြစ် မိုးရေစိုသွားပြီဆိုတာနဲ ႔ပုံမှန်ထက်ပိုရှုပ်ထွေးပြီး ကြည့်ရဆိုး စေပါတယ်။ အဲ့လိုအချိန်မျိုးမှာစိတ်လောပြီး ဘီးနဲ့ဖီးတတ်တဲ့ပျိုမေတွေကို သတိပေးချင်ပါတယ်။ မလုပ်သင့်တဲ ႔အရာလေးပါ။ ဘယ်လောက်ရှုပ်နေပါစေ သေချာ shampoo လိုအရာနဲ ႔ ဆေးကြောပြီးမှသာ ဘီးဖီးသင့်ပါတယ်။ ဆံပင်ကိုတောင့်တင်းစေတဲ့ spray တွေ gel တွေလုံးဝမသုံးသင့်ပါဘူးနော်။ နောက်တစ်ခုကဘယ်လိုဘဲ လူရဲ ႔ ဆံသာ နဲ ႔ လုပ် လုပ်တခြားပစ္စည်းတွေနဲ ႔ဘဲလုပ်လုပ် အဲဒီ hair wig နဲ ႔ hair extension ကိုအလောကတကြီးမဖီးဘဲ ခေါင်းလျှော်ပြီးမှသာသေချာဖီးပေးရပါမယ်။

ဒါတွေကတော့ရုတ်တရက်မိုးရွာတာနဲ ႔ ကြုံ တဲ့အခါ သင့်ဆံပင်တုလေးကိုကာကွယ်ရမယ့်နည်းလမ်းနဲ ႔ ပြန်ရောက်တဲ့အခါထိန်းသိမ်းရမယ့်နည်းလမ်းလေးပါ။ နောက်ပြီးသင့်မူလဆံပင်ကိုလည်းသန့်သန် ႔ ရှင်းရှင်းထားဖို့လိုပါတယ်။ ဒါမှသာ hair wig တပ်ဖို႔ အဆင်ပြေစေမှာဖြစ်ပါတယ်။ ဒီတော့ hair wig တပ်နေတဲ ႔ပျိုမေတို ႔ လည်းအခုလိုမိုးရာသီရဲ ႔မိုးရေထဲသင့်ဆံပင်တုလေးပျက်စီးသွားမှာစိတ်

မပူရအောင်ဒီနည်းလမ်းလေးနဲ ႔ထိန်းသိမ်းရအောင်နော်။



Loading More post