×
Hair

ဆံပင်တဖြည်းဖြည်းပါးလာစေမယ့် အကျင့်ဆိုးကြီး (၆) ခု

ဒါလေးတွေသိထားဖို့လိုတယ်နော်

by Randy Win

January 14, 2021

                ဆံပင်ကျွတ်ခြင်းဆိုတာက ဘယ်သူမဆိုရင်ဆိုင်ကြုံတွေ့နိုင်တဲ့ ပုံမှန်သဘာဝဖြစ်စဉ်တစ်ခုပါ။ ဒါပေမဲ့ အဲဒါထက်ပိုပြီး ဆံပင်အထွေးလိုက်ကျွတ်တာ နဲ့ မကြာခဏကျွတ်ပြီး ဆံပင်ပါးလာတာမျိုးကတော့ ဂရုစိုက်ဖို့ လိုအပ်တဲ့အခြေအနေဖြစ်လာပါပြီ။ ဆံပင်အလွန်အကျွံကျွတ်ခြင်းကိုဖြစ်ပေါ်စေနိုင်တဲ့အဓိကအချက်တွေထဲမှာ အာဟာရဓာတ်ချို့တဲ့မှုနဲ့ ဟော်မုန်းမညီမျှမှုတွေအပြင် ကိုယ့်ရဲ့နေ့စဉ်ဘဝလုပ်ဆောင်နေကျအရာတွေထဲက လွဲမှားနေတဲ့ တချို့အလေ့အကျင့်လေးတွေကြောင့်လည်း ဖြစ်နိုင်ပါတယ်။ ဒါကြောင့် ကိုယ့်ရဲ့ဘယ်လိုအလေ့အကျင့်တွေက ဆံပင်ကျွတ်ခြင်းကို ဖြစ်ပေါ်စေလည်းဆိုတာသိရှိပြီး ရှောင်ရှားသင့်တဲ့အရာတွေကို အတတ်နိုင်ဆုံးရှောင်ရှားနိုင်ဖို့အတွက် ဆံပင်ကိုထိခိုက်စေတဲ့အလေ့အကျင့်ဆိုးလေးတချို့ကို စုစည်းဖော်ပြပေးလိုက်ပါတယ်။

၁.ရေစိုဆံပင်

ခေါင်းလျှော်ပြီး ဆံပင်ကိုချက်ချင်းအခြောက်မခံပဲ အစိုအတိုင်းအကြာကြီးထားတတ်တဲ့သူတချို့ရှိကြမှာပါ။အဲဒီလိုဆံပင်ကိုအစိုအတိုင်းအကြာကြီးထားထားခြင်းက ဆံပင်ရဲ့ကြံ့ခိုင်မှူကိုလျော့နည်းစေပြီး အခန့်မသင့်ရင် ရေရှည်မှာဆံပင်ကျွတ်တာ ၊ပါးတာတွေဖြစ်လာနိုင်ပါတယ်။

၂.ဆံပင်စတိုင်လ်

ဆံပင်ကိုပိုနီတေးတင်းကြပ်စွာစည်းနှောင်ခြင်းနဲ့ hair spray တွေတောင့်ခဲနေအောင်ဖြန်းခြင်းတို့ကလည်း ဆံပင်အမြစ်တွေကို pressure တစ်ခုနဲ့ဆွဲထားသလိုဖြစ်တာကြောင့် အချိန်ကြာလာတာနဲ့အမျှ နဖူးထိပ်ဆံပင်ပါးလာခြင်းနဲ့ ‌ဆံပင်ကျွတ်ခြင်းတွေကိုဖြစ်ပေါ်လာစေပါတယ်။ နေ့တိုင်းရုံးသွား ၊အပြင်သွား ဆံပင်ကို အနေအထားတစ်မျိုးတည်း ခပ်တင်းတင်းစည်းသွားတတ်တဲ့ မိန်းကလေးတွေအနေနဲ့ အထူးသတိထားသင့်တဲ့အချက်ပါ။

၃.ဦးထုပ်

အပြင်သွားတိုင်းဦးထုပ်အမြဲလိုလိုဆောင်းတတ်တဲ့အကျင့်ရှိသူတွေအနေနဲ့ ဆံပင်ပါးလာဖို့အခွင့်အလမ်းများပါတယ်။ အကြောင်းကတော့ ဦးထုပ်တွေမှာ မမြင်နိုင်တဲ့ ပိုးမွှားတွေကပ်ငြိနေနိုင်ပြီး မလျှော်ပဲအမြဲလိုလိုဆောင်းမိနေတဲ့အခါမျိုးမှာ ဦးရေပြားကို infection ဝင်ပြီး ဆံပင်ကျွတ်ဆံပင်ပါးတာကို ပိုဖြစ်စေမှာပါ။ ဒါကြောင့် ဦးထုပ်အမြဲဆောင်းချင်တယ်ဆိုရင် တစ်ပတ်တစ်ခါလောက်သေချာလျှော်ပြီးမှဆောင်းသင့်ပါတယ်။

၄.စိတ်ဖိစီးမှု

စိတ်ဖိစီးမှုများခြင်းနဲ့ အတွေးများခြင်းတွေကလည်း ဆံပင်ကျွတ် ဆံပင်ပါးခြင်းကိုဖြစ်စေတဲ့အကြောင်းရင်းခံတွေထဲကတစ်ခုပါပဲ ။ စိတ်ဖိစီးမှူအရမ်းများတဲ့အခါမျိုးမှာ
telogen effluvium လို့ခေါ်တဲ့ ဓာတ်တစ်မျိုးထွက်ရှိလာပြီး အဲဒီအရာက ဆံပင်တွေကိုသက်တမ်းမတိုင်ခင် ကျွတ်စေနိုင်ပါတယ်။ဒါကြောင့် ငယ်ငယ်ရွယ်ရွယ်နဲ့ထိပ်မပြောင်ချင်ရင် စိတ်ဖိစီးမှုကို တတ်နိုင်သမျှလျှော့ချဖို့လိုမှာပါ။

၅.အိပ်ချိန်မမှန်ခြင်း

အိပ်ချိန်အလုံအလောက်မရခြင်းနဲ့ အိပ်ချိန်မမှန်ခြင်းတွေကလည်း ဆံပင်ကျွတ်ခြင်းကိုဖြစ်စေတဲ့အဓိကတရားခံတွေပါ။ အိပ်ချိန်အပြည့်အဝမရတာက စိတ်ပိုင်းဆိုင်ရာကိုအနည်းနဲ့အများ affect ဖြစ်စေတဲ့အပြင် စိတ်ဖိစီးမှုများခြင်း ၊စိတ်ကျခြင်းတွေနဲ့လည်း များစွာဆက်နွယ်နေတဲ့အတွက် ကိုယ့်ဆံပင်အတွက် ဘယ်လိုမှကောင်းကျိုးမဖြစ်စေပါဘူး။

၆. ဆေးလိပ်နဲ့ Diet

ဒါကတော့ ဆေးလိပ်သောက်တတ်သူတွေနဲ့ diet လုပ်သူတွေအထူး ဂရုစိုက်ရမယ့်အချက်ပါ။ ဆေးလိပ်သောက်ခြင်းက ဆံပင်အောက်ခြေမှာရှိတဲ့ ဆဲလ်‌တချို့ရဲ့ DNA ကို ပျက်စီးစေနိုင်သလို အလွန်အကျွံ Diet လုပ်ခြင်းကလည်း ဆံပင်ရဲ့လိုအပ်တဲ့အာဟာရတွေကိုမရရှိအောင် ဖြတ်တောက်ထားသလိုဖြစ်စေတာကြောင့် ဆေးလိပ်သောက်ခြင်းနဲ့ Diet လုပ်ခြင်းကို အထူးဂရုပြု လျှော့ချသင့်ပါတယ်။

Photo Credit to the Rightful Owners

, , , ,
Hair

သင့်ရာသီခွင်နဲ့ လိုက်ပြီး ဆိုးသင့်တဲ့ Hair Color လှလှလေးတွေ

ဘယ်အရောင်ဖြစ်မလဲ

by JN Ja Seng Pan

January 30, 2021

ဆံပင်အရောင်ပြောင်းဖို့ စဉ်းစားနေတဲ့သူရှိလား။ အရောင်ဆိုးချင်ပေမယ့် ဟိုအရောင်ကလည်း၊ ဒီအရောင်ကလည်း ဆိုးချင်နဲ့ ဗြာများနေရပြီဆိုရင်တော့ ဒီ Article လေးကို ဆက်ပြီးဖတ်သွားဖို့ လိုပြီနော်။ ပုံစံကလည်းပြောင်းချင်တယ် မလိုက်မှာလည်း ဆိုးနေရင် ရာသီခွင်ကို လိုက်ပြီး အရောင်လေးတွေ ပြောင်းလဲမကြည့်ချင်ဘူးလား။ သင့်ရဲ့ ရာသီခွင်က ဘယ်အရောင်ဆိုးဖို့ပြောနေပြီလဲ..စိတ်ထဲက အရောင်လေးနဲ့ကော တစ်ထပ်တည်းကျလားဆိုတာ ကြည့်လိုက်ရအောင်နော်။

Aries (March 21 - April 19)
မီးဓာတ်ဖြစ်တဲ့ Aries တွေက အရောင်လင်းလင်းတောက်တောက်လေးနဲ့မှ လိုက်ဖက်မှုရှိမှာပါ။ အရောင်နည်းနည်းလေး တောက်တယ်ဆိုပေမယ့်လည်း အပြောင်းအလဲအနေနဲ့ ဆိုးကြည့်ဖို့ တိုက်တွန်းချင်ပါတယ်။

 

Taurus (April 20 - May 20)
Taurus သမားတွေကပဲ အားစိုက်ထုတ်စရာမလိုပဲ အလိုလိုလှနေတဲ့သူပါ။ ဒါကြောင့် Rose Gold အရောင်လေးက အသင့်တော်ဆုံးဖြစ်မှာပါ။ အရောင်တောက်တောက်နေလို ထင်ပေါ်မနေပေမယ့် အခြားအရောင်တွေနဲ့ မတူပဲ ကွဲထွက်ဆန်းသစ်နတဲ့ စတိုင်လေးဖြစ်နေစေမှာပါ။

Gemino (May 21 - June 20)
Twin Sign ပိုင်ရှင်တွေဖြစ်တာကြောင့် ခုခေတ်စားနေတဲ့ အရောင်နှစ်ရောင်ကွဲ Split Dye Style လေးကို ဆိုးဖို့ အကောင်းဆုံးပါ။ စပ်ဆိုးမယ့်နှစ်ရောင်ကို ကိုယ်တိုင်ပဲ စိတ်တိုင်းကျ ရွေးချယ်ကြည့်ပါနော်။



Cancer (June 21 - July 22)
လဂြိုလ် စိုးမိုးတဲ့ ရာသီခွင်တွေဖြစ်တာကြောင့် အရောင်ဆိုးမယ်ဆို အဆိုးသင့်ဆုံးက ငွေရောင်လေးပါ။

Leo (July 23 - August 22)
ကြည့်လိုက်တိုင်း တက်တက်ကြွကြွနဲ့ Positive Energy ပေးတဲ့ Leo တွေအတွက် Hair Color လေးက နေရောင်ထိထားတဲ့ SunKiss အရောင်လေးပါ။ ဒီ Blonde Highlight စတိုင်က ဆံပင်တွေကို ပိုပြီးရွှန်းစိုစေတာကြောင့် Leo တွေနဲ့ အလိုက်ဖက်ဆုံးဖြစ်နေမှာပါ။



Virgo (August 23 - September 22)
တစ်ခုခုဆို စနစ်တကျနဲ့ အသေးစိတ်လုပ်တတ်တဲ့အကျင့်ကြောင့် အများက ချီးကျူးတာခံရသူလေးတွေပါ။ ဒီ Personality ရှိတဲ့ Virgo လေးက Blonde Ombre Hair Style ပြောင်းလဲကြည့်သင့်ပါတယ်။ ဒီ Hair Color က အနုစိတ်ပြီး ပညာသားပါလို့ Virgo တွေနဲ့ အလိုက်ဖက်ဆုံးပေါ့။




Libra (September 23 - Ocotber 22)

Libra တွေရဲ့ Sign က ချိန်ခွင်ပုံဖြစ်တာကြောင့် ဘဝမှာ ဘယ်လိုအရာပဲ ကြုံလာကြုံလာ ဟန်ချက်ချချနေထိုင်နိုင်တဲ့သူတွေပါ..ဆံပင်ပုံစံအပါအဝင်ပေါ့။ ဆိုတော့ ၂၀၂၀ နောက်ပိုင်းက နေခုချိန်ထိ ခေတ်စားနေတဲ့ Face Framing Highlight တွေက Libra တွေကို စိတ်ကျေနပ်မှုပေးမှာပါ။



Scorpio (October 23 - November 21)
ရာသီခွင်ထဲမှာ Scorpio တွေက Mysterious အဆန်ဆုံးဖြစ်ပြီး တသီးတသန့်နေထိုင်ကြတဲ့သူတွေပါ။ လျှို့ဝှက်နက်နဲမှုကို ဆောင်တဲ့ အနက်ရောင်နက်နက် Jet Black Color က Scorpio တွေအတွက်ပါ။


Sagittarius (November 22 - December 21)
အရာရာကို ပေါ့ပေါ့ပါးပါးမြင်တတ်ပြီး စွန့်စားတတ်တဲ့ စရိုက်လက္ခဏာရှိတာကြောင့် အရောင်ဆန်းဆန်းလေးတွေက Best Choice ပါ။ ဒီလို Mermaid ဆန်ဆန် Color လေးက Sagittarius တွေကို သဘောကျမဆုံးဖြစ်နေစေမယ့်အရောင်ပါ။


Capricorn (December 22 - January 19)
စည်းကမ်းရှိသလို နူးညံ့ညင်သာတဲ့ နန်းဆန်းသူလေးတွေဖြစ်တာကြောင့် ဆံပင်အရောင်ဆိုးမယ်ဆို အရောင်ငြိမ်ငြိမ်လေးတွေပဲ ရွေးသင့်ပါတယ်။ Chocolate Brown Color က မျက်နှာကို ပိုလင်းစေပြီး Classic ဆန်ဆန်လှနေစေမှာပါ။



Aquarius (January 20 - Febrauary 18)
ရေတံခေါင်းကနေ ရေတွေ သွန်ချနေတဲ့ Water Bearer Symbol ပိုင်ရှင်တွေဖြစ်တာကြောင့် နက်ပြာရောင် စိုစိုဘက်သွားတဲ့ Hair Color က အလိုက်ဖက်ဆုံးပါနော်။


Pisces (February 19 - March 20)
သူများထက် ထူးခြားတယ်၊ နှစ်လိုဖွယ်ကောင်းတဲ့ Character ရှိတဲ့ သူတွေဖြစ်တာကြောင့် Pastel Color တွေက မဖြစ်မနေဆိုးကြည့်ရမယ့်အရောင်ပါ။ Unique ဖြစ်တဲ့ Pisces တွေမို့ Pastel Purple လေးက အသင့်တော်ဆုံးပါပဲ။

, ,

Hair

2021 မှာ Trend ဖြစ်လာဦးမယ့် K drama ထဲက ဆံပင်ပုံစံလေးတွေ

ကိုယ်နဲ့လိုက်ရင် အကုန်လုံးကလှနေမှာပဲ

by Randy Win

January 20, 2021

              ကိုရီးယားဇာတ်လမ်းတွဲအများစုဟာ ဇာတ်လမ်းဇာတ်အိမ်အရရော ပါ၀င်တဲ့သရုပ်ဆောင်တွေရဲ့အနုပညာစွမ်းရည်ကြောင့်သာမက သူတို့ရဲ့ဖက်ရှင်နဲ့ဆွဲဆောင်မှုရှိခြင်းတွေကြောင့်ပါ ကြည့်ရှုသူများစွာရဲ့ နှလုံးသားတွေကို သိမ်းယူနိုင်ခဲ့တာ အားလုံးလက်ခံပြီးသားပါ။ နှစ်စဉ်နှစ်တိုင်းမှာ ကိုရီးယားဇာတ်လမ်းတွဲတွေအနေနဲ့ ကြည့်ရှုသူပရိသတ်ကို ဖက်ရှင်အရရော မိတ်ကပ်ဆံပင်ဆင်ယင်ထုံးဖွဲ့မှုအရပါ ကောင်းကောင်းလွှမ်းမိုးနိုင်ခဲ့တဲ့အားလျော်စွာ ဇာတ်ကားထဲက ကာရိုက်တာအချို့ရဲ့ ဖက်ရှင်နဲ့ ဆံပင်ပုံစံတွေကလည်း လူငယ်ပရိသတ်တွေကြားမှာ trend တစ်ခုအနေနဲ့ ရပ်တည်စေခဲ့တဲ့အထိပါပဲ။ ခုလက်ရှိအချိန်မှာလည်း ပြသပြီးနဲ့ ပြသနေဆဲ K drama ဇာတ်ကားကောင်းတွေက 2020 နှစ်ကုန်ခါနီး ဆက်တိုက်ဆိုသလို ထွက်ရှိလာတာမို့ ဒီဇာတ်လမ်းတွဲတွေထဲက အမျိုးသမီးသရုပ်ဆောင်တချို့ရဲ့ ခပ်မိုက်မိုက်ဆံပင်ပုံစံလေးတွေကလည်း 2021 ခုနှစ်အတွက် လူငယ်မိန်းကလေးတွေကြားခေတ်စားတဲ့ Hairstyle trend လေးတွေဖြစ်လာဦးမယ်လို့ မျှော်လင့်ရပါတယ်။

1.Long waves

True Beauty ဇာတ်ကားထဲက Moon Ga Young ၊Crash Landing On You ထဲက So Ye Jin နဲ့ The King: Eternal Monarchထဲက Jung Eun Chae တို့ရဲ့ ဆံပင်အရှည်ကို wave ပြေပြေလေးကောက်ထားတဲ့ ဆံပင်ပုံစံက မိန်းမသားဆန်မှုနဲ့ တည်ငြိမ်ရင့်ကျက်စွာလှပမှုတွေကိုဖော်ညွှန်းနေပြီး ဆံပင်ရှည်ပိုင်ဆိုင်ထားတဲ့ မိန်းကလေးတွေအနေနဲ့ 2021 မှာ ပြန်လည်အရွေးများလာဖို့ရှိတဲ့ Hairstyle တစ်မျိုးဖြစ်နိုင်ပါတယ်။ Moon Ga Young က Find Me in Your Memory ဆိုတဲ့ဇာတ်ကားထဲမှာလည်း ဒီ Long Waves Hairstyle လေးနဲ့ပဲ အရမ်းကိုလှနေခဲ့တာတွေ့ရပါလိမ့်မယ်။

2.Half-up, half-down

ဆံပင်ကို အပေါ်တစ်၀က်သိမ်းပြီး တစ်၀က်ချထားတဲ့ပုံစံကိုတော့ Hotel Del Luna ထဲက IU နဲ့ It's Okay to Not Be Okay ဇာတ်ကားထဲက Seo Ye Ji တို့ ဆင်ယင်ထုံးဖွဲ့သွားတာတွေ့နိုင်ပြီး ထည်ဝါတဲ့ ဘုရင်မတစ်ပါးဆန်ဆန်ဟန်ပန်ကို ဒီဆံပင်ပုံစံနဲ့ အပြည့်အ၀ဖော်ကျူးသွားတာပါ။ ဒါကိုမှ ပိုပြီးလှအောင်ကွန့်ညွန့်ချင်သေးတယ်ဆိုရင် ကျစ်ဆံမြီးပတ်ကျစ်ထားတဲ့ braided crown လေးပါ ပေါင်းထည့်နိုင်ပြီး ဆံပင်ရှေ့ကျနေရင်စိတ်ရှုပ်တတ်ပါတယ်ဆိုတဲ့ မိန်းကလေးတွေအတွက် 2021မှာ အရွေးများတဲ့ ထုံးဖွဲ့မှုစတိုင်လ်တစ်မျိုးဖြစ်လာနိုင်ပါတယ်။

3.Pixie Cut

ဆံပင်ခပ်တိုတိုနဲ့လည်း ဆွဲဆောင်မှုအပြည့်ရှိနိုင်တယ်ဆိုတာကို ဖော်ပြသွားခဲ့သူတွေကတော့ လက်ရှိပြသနေတဲ့ Uncanny Counter ဇာတ်လမ်းတွဲထဲက စုံထောက်မလေး Choi Yoon Young , Kairos ဇာတ်လမ်းတွဲထဲက Lee Se Young နဲ့ She Was Pretty ဇာတ်လမ်းတွဲထဲက Go Joon Hee တို့ဖြစ်ပြီး ဆံပင်ခပ်တိုတိုညှပ်ဖို့စဉ်းစားထားတဲ့ မိန်းကလေးတွေအနေနဲ့ မဖြစ်မနေထည့်စဉ်းစားရမယ့် ဆံပင်အတိုပုံစံဖြစ်ပြီး 2021 မှာ ထပ်ပြီးခေတ်စားလာနိုင်တဲ့ Trend တစ်ခုလည်းဖြစ်ပါတယ်။

4.Short Curly with See through Bang

Uncanny Counter ဇာတ်လမ်းတွဲထဲက Kim Sejeong နဲ့ Forest ဆိုတဲ့ K drama ထဲက Jo BoAh တို့ရဲ့ ဆံပင်အကောက် (messy curl) ကို see through bang လေးရှေ့ချထားတဲ့ပုံစံက လူငယ်ဆန်ဆန်နဲ့ နုပျိုတဲ့ဟန်ပန်ကို အပြည့်အ၀ဖော်ကျူးနိုင်တာမို့ ဆံပင်မတိုမရှည်ပိုင်ဆိုင်ထားတဲ့မိန်းကလေးတွေအနေနဲ့ အရွေးများလာနိုင်တဲ့ Hairstyle တစ်မျိုးပါ။ ဒါကိုမှ trend ပေါ်မူတည်ပြီး Color အငြိမ်လေးတွေနဲ့ ထပ်ပြီးမွမ်းမံလိုက်မယ်ဆိုရင်တော့ ရိုးရိုးရှင်းရှင်းနဲ့ ချစ်စရာကောင်းတဲ့ လူငယ်ကောင်မလေးတစ်ယောက်အသွင်ကို ရရှိစေမှာအမှန်ပါပဲ။

5.Long Bob

It's OK to Not be OK ဇာတ်လမ်းတွဲမှာ Seo Ye Ji ပြောင်းလဲလိုက်တဲ့ Long Bob Hairstyle ပုံစံကတော့ ပုံမှန်ညှပ်နေကျဆံပင်တွေကိုရိုးအီနေပြီဆိုတဲ့သူတွေနဲ့ မျက်နှာကို အပြောင်းအလဲလေးဖြစ်သွားအောင် ဆံပင်ပုံစံချိန်းချင်ပါတယ်ဆိုတဲ့မိန်းကလေးတွေအတွက် ရွေးချယ်နိုင်တဲ့ Hairstyle လေးဖြစ်ပါတယ်။ Long Bob တွေက 2017၊2018 လောက်၀န်းကျင်ကလည်း ခေတ်စားခဲ့တာမို့ ခုချိန်မှာလည်း တစ်ဖန်ပြန်ပြီး ခေတ်စားလာဦးမယ်လို့ ခန့်မှန်းရပါတယ်။

Photo Credit to the Rightful Owners

, , , , ,

Hair

ချက်ခြင်း အရောင်ဆိုးချင်စိတ်ဖြစ်သွားမယ့် ၂၀၂၁ ရဲ့ ဆံပင်ကာလာခပ်မိုက်မိုက်လေးတွေ

အရောင်လေးတွေက ကိုယ်တွေအသားအရေနဲ့ လည်းလိုက်တယ်

by JN Ja Seng Pan

January 6, 2021

ဘာလိုလိုနဲ့ ၂၀၂၁ ကြီးတောင် ဖင်လှည့်ခေါင်းလှည့်နဲ့ ရောက်လာခဲ့ပြီ..အစစအရာရာ အဆင်မပြေသေးပေမယ့် နှစ်သစ်မှာ ပိုပြီးပျော်ရွှင်စရာကောင်းတဲ့အချိန်တွေပိုင်ဆိုင်ဖို့ အပြောင်းအလဲလေးလုပ်ဖို့တော့လိုမယ်နော်။ New Year New Me လုပ်ဖို့အတွက်ဆိုရင် ဆံပင်ပုံစံပြောင်းလဲတာကလည်း Must Try ထဲမှာပါပါတယ်။ ဒါကြောင့် ၂၀၂၁ မှာ ခေတ်စားနေတဲ့ အရောင်တွေလေးတွေနဲ့ ခေါင်မိုးလဲလိုက်မယ်ဆိုရင် ဘယ်လိုလဲ။ အရောင်လေးတွေကလည်း မတရားလှလို့ ကြိုပြီး အသိပေးပါမယ်နော်..မဆိုးရ မနေနိုင် ရောဂါထနေရမှာပါလိမ့်မယ်။

Pastel Hair

Korea မှာကော နိုင်ငံတကာမှာပါ ခေတ်စားမယ့်အရောင်လေးပါ။ Pastel Hair Color ဖြစ်တာကြောင့် ဆိုင်မှာ သေချာသွားဆိုးဖို့တော့ လိုမယ်နော်။ အရောင်လွင်လွင်လေးတွေက နှစ်သစ်မှာ အသစ်အသစ်တွေလုပ်ဖို့ အားဖြစ်စေမှာပါ။

Icy Silver



ဆံပင်အရောင်လုံး၀ ပြောင်းချင်တဲ့သူတွေ ဒီ အရောင်လေးက အသင့်တော်ဆုံးနော်။ ပုံစံလုံးဝပြောင်းသွားမှာဖြစ်သလို ၂၀၂၁ ရဲ့ Hair Color ထဲက တစ်ရောင်ဆိုတော့ အမိုက်စားလေးဖြစ်နေမှာပါ။

Dark undelight



၂၀၂၀ မှာ ခေတ်စားခဲ့တဲ့ Lisa ဆံပင်လို လူသိများတဲ့ Ear Loop Highlight က ဒီနှစ်မှာတော့ ဆံပင်အတွင်းပိုင်းကို အရောင်ရင့်ရင့် ထားတဲ့ ပုံစံပါ။ 90 style တွေ ပြန်ခေတ်စားလာတာမို့ ဒီ Retro Hair Style ကလည်း လူငယ်တွေ အကြိုက်တွေ့ဦးမှာပါ။

Rouge

Netflix မှာ နာမည်ကြီးသွားတဲ့ The Queen's Gambit ကြောင့်ပဲလို့ ပြောရမလား..ဒီ ကြေးနီရောင်ကာလာလေးကလည်း ၂၀၂၁ မှာ အရမ်းလူကြိုက်များနေတဲ့ အရောင်လေးတစ်ခုပါ။ ဆံပင်သိပ်မပျက်စီးသလို အသားအရောင်တိုင်းနဲ့ လိုက်ဖက်တဲ့အရောင်ပါ။


Ashy 

Blonde တွေ Sliver တွေ ဆိုးတာမလိုက်ဘူးထင်ရင် Ashy ဘက်ကို သွားလို့ရတယ်နော်။ အာရှဘက်မှာ ခေတ်စားနေတဲ့အရောင်မို့ မြန်မာမိန်းကလေးတွေနဲ့လည်း ပိုပြီး သင့်တော်မှာပါ။ Cool Tone ဖြစ်တာကြောင့် အသားအရေ နီမြန်းတာ၊ ဝါကျင့်ကျင့်ဖြစ်တာကိုလည်း ပျောက်သွားစေတာမို့ မျက်နှာ ကြည်ကြည်တောက်တောက်လေးလည်းဖြစ်စေတာပေါ့။


Natural Black

နောက်ပိုင်း သဘာဝကို လူတွေက ပိုပြီးမြတ်နိုးလာကြတာ အလှအပ၊ အစားအသောက်၊ အသုံးအဆောင်ပစ္စည်းရွေးချယ်မှုမှာတောင် သိသာလာတယ်နော်။ ဆိုတော့ ၂၀၂၁ ရဲ့ Hair Trend ထဲမှာ ကိုယ့်ရဲ့ သဘာဝအမဲရောင်လေးလည်းပါလို့ ပျော်လိုက်တော့။ နက်မြောင်တောက်ပနေဖို့ Hair Care လုပ်ဖို့လည်း မမေ့နဲ့နော်။

 

, ,

Hair

ဆံပင်အမြဲစည်းလေ့ရှိတဲ့ ကောင်မလေးတွေအတွက် အပြောင်းအလဲဖြစ်စေမယ့် ဆံပင်စည်းပုံစံလေးတွေ

by JN Ja Seng Pan

December 7, 2020

နေပူပူ၊ မိုးရွာရွာ ဆံပင်အမြဲစည်းလေ့ရှိတဲ့ကောင်မလေးတွေရှိလား။ ကြည့်လိုက်ရင် ရိုးရိုးရှင်းရှင်းနဲ့ ချစ်စရာကောင်းနေသူလေးတွေပါ။ ဆံပင်စည်းတာကတော့ ဟုတ်ပါပြီ..ပုံမှန်စည်းနေကျအတိုင်း နေ့တိုင်း မပြောင်းမလဲပဲစည်းရတာ ငြီးငွေ့စရာကြီးနော်။ ခုခေတ်စားနေတဲ့ Hair Accessory လေးတွေနဲ့ လှနေအောင် စည်းလို့ရတဲ့ ပုံစံလေးတွေ လုပ်မကြည့်ချင်ဘူးလား။ စတိုင်လည်းကျ ဘယ်လိုအချိန်မျိူးနဲ့မဆို လိုက်ဖက်နေတော့ တစ်နေ့တစ်မျိူး မရိုးရအောင် စည်းကြည့်ကြည့်နော်။

 

ဖဲကြိုး

ဆံပင်အမြဲစည်းပေမယ့် တခါတလေ စိတ်မပါတဲ့နေ့တွေရှိမှာပါ။ ဒီလိုပျင်းပျင်းရှိနေ့လေးတွေမှာ လွယ်လွယ်ကူကူနဲ့ အလှဆုံးဖြစ်နေစေမယ့် ဖဲကြိုးလေးတွေနဲ့ စည်းနှောင်ကြည့်ပါ။ ကိုယ့်စည်းထားတဲ့ Ponytail ပေါ်မှာ ဖဲပြားလေးဖြစ်ဖြစ်ချည်ရုံပဲဆိုတော့ Effortlessly ကြည့်ကောင်းနေမှာပါ။

 

Small Knot
ဆံထုံးအကြီးကြီးတွေ မကြိုက်ဘူး။ မိန်းကလေးဆန်ဆန် ရိုးရိုးလေးဝတ်ထားတဲ့နေ့တွေနဲ့ အလိုက်ဖက်ဆုံး Hair Style လေးဖြစ်မှာပါ။ ပုံမှန်မြင်နေကျ ဆံပင်တစ်ဝက်ကို ဒီတိုင်းစည်းတာမဟုတ်ပဲ ဒီလိုလေးပြန်ထုံးလိုက်တာက လူငယ်လည်းဆန်စေတယ်နော်။

 

Half Up
ခပ်မိုက်မိုက် ပေါ့ပေါ့ပါးပါးပုံစံလေးတွေ သဘောကျတဲ့ကောင်မလေးတွေအတွက် တစ်ဝက် Half Ponytail လေးတွေရှိပါတယ်။ ပြီးတော့ ဆံပင်အကုန်အပြောင် စည်းရတာမကြိုက်တဲ့ ကောင်မလေးတွေ (Editor အပါအဝင်) အကြိုက်တွေ့မှာပါ။ ဒီနောက်ပိုင်း Hollywood Celebrity ကြားမှာပါ ခေတ်စားလာတဲ့ ပုံစံလေးမို့ Must Try ပါ။

 

Hair Claw
Hair Claw တွေလည်း ပြန်ခေတ်စားလာတာ အားလုံးအသိနော်။ ဒီဆံညှပ်လေးတွေနဲ့ ကပိုကယိုပုံစံလေး Styling လုပ်မလား၊ သေသေသပ်သပ်လေး ညှပ်ထားမလား အမျိူးမျိူး ပြောင်းလဲလို့ရတယ်နော်။ ဒီတိုင်းဆံပင်ကြီးစည်းတာ ပျင်းစရာကောင်းတာမို့ ချစ်စရာကောင်းတဲ့ ဆံညှပ်လေးတစ်ခုတော့ ဝယ်ထားလိုက်တော့။

 

Big Scrunchie
Scrunchie လေးတွေ ပြန်ခေတ်စားလာတာတော့ ဆံပင်စည်းဖို့အတွက် နောက်ထပ် Idea တစ်ခုရတာပေါ့။ လျော့တိလျော့ရဲ ဆံထုံးလေးတွေကို ပိုအထာကျသွားအောင် ဒီလို Scrunchie ခပ်ကြီးကြီးနဲ့ အလှဆင်ကြည့်ပါ။ အထာပိုကျသွားစေမှာ မယုံမရှိနဲ့။

, ,

Hair

သိပ်အလုပ်ရှုပ်မခံချင်တဲ့ မိန်းကလေးတို့ ညှပ်သင့်တဲ့ ၂၀၂၁ မှာခေတ်စားလာမယ့် Short Hairstyle တွေ

အလုပ်လည်းမရှုပ်၊ Style လည်းကျ

by May Shoon

December 2, 2020

 မိန်းကလေးတွေရဲ့ သဘာဝကလည်း နားလည်ရတော့ခက်တယ်။ Hairstyle ကိုလည်းလန်းလန်းလေးဖြစ်ချင်တယ်။ အဲ့လိုဖြစ်ဖို့ အချိန်ပေးပြီးပြင်ဆင်ရမယ်ဆိုရင်လည်း မပြင်ဆင်ချင်ကြဘူး။ အလုပ်ရှုပ်မခံချင်ကြဘူး။ အိပ်ယာနိုးလာတာနဲ့ လှနေတဲ့ မျက်နှာ၊ ဆံပင်မျိုး (I woke up like this) မျိုးဖြစ်ချင်ကြတယ်။ အဲ့လို ဆံပင်ကိုသိပ်အချိန်မပေးပဲ လှနေချင်တယ်ဆိုရင်တော့ ဆံပင်အတိုထားဖို့ပဲ အကြံပေးချင်ပါတယ်။ ဆံပင်တိုလေးတွေက ပေါ့ပေါ့ပါးပါးရှိတယ်၊ ခေါင်းလျှော်ဖို့၊ ပုံသွင်းဖို့ သိပ်အများကြီးအားထုတ်စရာမလိုပဲ Style ကျနေစေတယ်။ ဒါပေမယ့်ကိုယ့်မျက်နှာကျနဲ့ လိုက်ဖက်တဲ့ ဆံပင်တိုဖြစ်ဖို့တော့ လိုတာပေါ့။ လာမယ့် ၂၀၂၁ နှစ်သစ်မှာ Hairstyle အသစ်လေးတွေနဲ့ လန်းချင်တယ်ဆိုရင် အောက်မှာပြထားတဲ့ 2021 Trendy Short Hairstyle လေးတွေကိုတော့ ညှပ်ကြည့်သင့်တယ်နော်။


Dazzling Pixie
Pixie Cut  ထက်ပို Sexy ကျပြီးပို Hot တဲ့ Hairstyle ရှိဦးမှာလား။ ထိန်းသိမ်းရလည်း အလွယ်ကူဆုံးဖြစ်ပြီး ကိုယ့် မျက်နှာကိုလည်းအများကြားမှာထင်းနေစေမှာပါ။ Pixie Cut ကအရမ်းမျက်နှာကြီးသူတွေ၊ ဝိုင်းတဲ့သူတွေနဲ့တော့ သိပ်မလိုက်ဖက်ပါဘူး။ ဒါပေမယ့် ကိုယ့်ကိုယ်ကိုယ် Confident ရှိတယ်ဆိုရင် တကယ်ထားကြည့်သင့်တဲ့ Hairstyle ပါ။


Textured Lob
ဆံပင်အရှည်မထားချင်ဘူး။ အရမ်းလည်းတိုအောင်မညှပ်ပစ်ရက်ဘူး ဆိုသူတွေအတွက် ဂုတ်လောက်အရှည်နဲ့ Lob Hairstyle လေးတွေကအဆင်အပြေဆုံးဖြစ်မှာပါ။ သူ့ကို Long-Bob လို့လည်းတစ်ချို့ကခေါ်ကြတယ်။ Shoulder-Length ဖြစ်တာမို့ ဆံပင်စည်းလို့လည်းရသလို ကြိုက်သလိုလည်း ပုံသွင်းရလွယ်တဲ့ Hairstyle လေးပါ။


Blunt Chin Bob
ဆံပင်ဂုတ်ဝဲလို့လည်းခေါ်ကြတဲ့ Bob Hairstyle တွေအများကြီးရှိတဲ့ထဲကမှ Blunt Cut ဆိုတာက Bob ကို Step တွေ၊ အဖျားကိုချွန်တာမျိုး မဟုတ်ပဲ ဆံပင်အဖျားကို ရှေ့နောက်တညီတည်းတုံးတိ ညှပ်တဲ့ပုံစံမျိုးပါ။ ရိုးရှင်းတယ်ထင်ရပေမယ့် ထားတတ်ရင် အရမ်းအထာကျတဲ့ Hairstyle ပါ။ အဝတ်အစားတိုင်းနဲ့ အဆင်ပြေပြီး ဆံပင်ထူတဲ့သူတွေနဲ့ဆိုပိုလိုက်ပါတယ်။


Cheekbone-Grazing Omega
1960 လောက်က Hollywood မင်းသမီးတွေရဲ့ Favourite ဖြစ်တဲ့ ဂုတ်အဖျားလန်လန်လေးနဲ့ Omega Hairstyle လေးကို Ariana Grande “Positions” Music Video မှာအပြင် Fashion Runway တွေမှာလည်းပြန်တွေ့လာရပြီနော်။ မိန်းကလေးဆန်ဆန် ချစ်စရာကောင်းပြီး အထူးတလည်ကြီးပြင်ဆင်နေစရာမလိုပါဘူး။ ဘာလို့လဲဆိုတော့ ဂုတ်လောက်ဆံပင်တွေကအဲ့အရှည်လောက်ဆို ဂုတ်ထောက်ပြီးသူ့အလိုလိုလန်နေပြီလေ။


Bob with Bangs
ဒီ ဆံပင်လေးကတော့ စပေါ်တည်းက အချိန်တွေဘယ်လောက်ကြာကြာ၊ ဘယ်လောက်ပြောင်းပြောင်း မိန်းကလေးတွေ အကြိုက်ဆုံး Hairstyle List ထဲမှာရှိနေဦးမှာသေချာပါတယ်။ ထိန်းသိမ်းရသက်သာတယ်၊ Fashionable ဖြစ်တယ်၊ မျက်နှာကိုလည်း ပိုပြီးငယ်ရွယ်သွားစေတယ်။ တစ်ချို့ကဒီဆံပင်ကို အသက်ကြီးတဲ့သူတွေနဲ့မလိုက်ဘူးပြောတယ်။ အဲ့ဒါဆို Vogue Magazine ကြီးရဲ့ Former Chief-Editor “Anna Wintour” ဒီဆံပင်လေးနဲ့ဘယ်လောက်မိုက်နေလဲပဲကြည့်လိုက်တော့နော်။


Fancy Mullet
1980's ရဲ့ Disco နေ့ရက်တွေကိုတစ်ခါပြန်သွားကြည့်ရအောင်။ Punk Hair လို့လည်းလူသိများကြတဲ့ Mullet Hairstyle ကိုအဲ့အချိန်အခါက အမျိုးသားအမျိုးသမီးမရွေး နှစ်ခြိုက်ကြတဲ Hairstyle ပါ။ ဒီ Style ကို ၂၀၂၁ မှာပြန်ညှပ်လာကြတယ်။ ဂေါ်တယ်ဆိုတာထက်ကိုဂေါ်တာမို့ Baddie ဆန်ဆန် Edgy ဖြစ်တဲ့ မိန်းကလေးတွေကိုသာညှပ်ကြည့်ဖို့ Recommend လုပ်ချင်ပါတယ်။


Grace of Twiggy
တစ်ခေတ်တစ်ခါက နာမည်ကျော်မော်ဒယ်/မင်းသမီး Twiggy ရဲ့ Iconic ဆံပင်အတိုလေးဖြစ်တဲ့ Pixie Bob လေးကလည်း အတိုညှပ်ချင်နေပေမယ့် Pixie လောက်လည်း ယောင်္ကျားမဆန်ချင်တဲ့ မိန်းကလေးတွေညှပ်ဖို့ သင့်တော်တဲ့ ဆံပင်ပုံစံလေးပါ။ Twiggy Hairstyle အတိုလေးက Bob လိုလည်းမရှည် Pixie လိုလည်းအရမ်းမတိုပဲ လုံးလုံးဖောင်းဖောင်းလေးနဲ့ချစ်စရာကောင်းပါတယ်။ Oval Shape မျက်နှာ၊ Heart Shape မျက်နှာရှိပြီး ဘေးခွဲထားတတ်တဲ့သူတွေနဲ့ဆို ဒီ Hairstyle လေးက Perfect ပဲနော်။

 

, , ,

Hair

ဆံပင်အမြဲ တသသနဲ့ မထိန်းသိမ်းချင်တဲ့ ကောင်မလေးနဲ့ အလိုက်ဖက်ဆုံး Hair Color တွေ

ဆံပင်သိပ်မပျက်စီးစေမယ့် ထိန်းသိမ်းရလွယ်ကူတဲ့ Hair Color လေးတွေ

by JN Ja Seng Pan

November 24, 2020

ဆံပင်ဆိုးတာက ကြည့်လို့တာကောင်းနေတာ နောက်ကနေ လိုက်ပြီးထိန်းသိမ်းရတာ မလွယ်ပါဘူး။ ကိုယ့်ရဲ့ မူလဆံပင်ကို Chemical တွေနဲ့ အရောင်ပြောင်းလဲရတာဖြစ်တဲ့အတွက် အရောင်ဆိုးထားတဲ့ ဆံပင်တွေက ပုံမှန် ဆံပင်ထိန်းသိမ်းနေကြပုံစံနဲ့ အဆင်မပြေပါဘူး။ ဒါပေမယ့် ဆံပင်သိပ်မပျက်စီးစေမယ့် ထိန်းသိမ်းရလွယ်ကူတဲ့ Hair Color လေးတွေ ရှိနေပါတယ်။ ဆံပင်အမဲတွေ ပြန်ထွက်လာလာ၊ အရောင်ပျယ်သွားရင်တောင် ကြည့်ကောင်းနေမှာမို့ တကူးတကကြီး ဆံပင်ကို သမနေချင်တဲ့ ကောင်မလေးတွေ အကြိုက်တွေ့မှာပါ။

1. Brown


Chocolate Brown က မျက်နှာကိုလင်းသွားစေသလို ကရိကထမများစေမယ့်အရောင်ပါ။ ဆံပင်စစချင်းဆိုးမယ့် မိန်းကလေးတွေနဲ့လည်း သင့်တော်ပြီး နဂိုလ်ဆံပင်အရောင်နဲ့လည်း သိပ်မကွာတာမို့ အရောင် ငြိမ်ငြိမ်လေးဆိုးချင်ရင် Must Try ပါ။


2. Dip Dye

|
Dip Dye ဆိုတဲ့အတိုင်း ထိပ်ကနေစဆိုးတာ မဟုတ်ပဲ ဆံပင်အဖျားလေးတွေကိုသာ အရောင်တင်တာဖြစ်တဲ့အတွက် ဆံပင်ကို အဆိုးဆုံး ဒီတိုင်းတောင်ပစ်ထားလို့ရပါတယ်။ ဆံပင်အရင်းကို ထိဖို့ အဝေးကြီးဖြစ်လို့ ပျက်စီးမှာ မစိုးရိမ်ရတဲ့အပြင် ညှပ်ချလိုက်လည်း No Problem ပဲနော်။

 

3. Peekaboo Hightlight


ဒီနောက်ပိုင်း မိန်းကလေးတွေကြားမှာ ခေတ်စားနေသလို Blackpink က Lisa ဆိုးထားတဲ့ပုံစံလေးပါ။ ဆံပင်စည်းလိုက်၊ သပ်လိုက်မှ မြင်ရတဲ့ Hair Style မို့ ဆံပင်ပုံစံ အရမ်းကြီး ပြောင်းစရာမလိုပါဘူး။ ပြီးတော့ Highlight က အများဆုံးမှ နှစ်ရောင်လောက်ဆိုတော့ မကြိုက်ရင် အမဲပြန်ဆိုးလို့လည်း ရတာပေါ့။

4. Brown Highlights


ကိုယ့် မူလဆံပင်အမဲမှာ ဒီလို အညိုရောင် Highlight ဖျော့ဖျော့လေးတွေ ဖောက်လို့ရပါတယ်။ ဆံပင်ပိုထူပြီး အရောင်စိုနေသလိုဖြစ်စေတဲ့အတွက် ဆံပင်သိပ်ဂရုမစိုက်တတ်တဲ့ကောင်မလေးတွေနဲ့ ကွက်တိပါ။ ညိုညိုစိုစိုကောင်မလေးတွေနဲ့ ပိုပြီးလိုက်ဖက်ကြည့်ကောင်းနေမယ့်အရောင်ပါ။ 

5. Bronde


တစ်ခေါင်းလုံး Blonde လုပ်ချုလိုက်ဖို့ Confident မရှိသေးဘူးဆိုရင် Bronde လေးကို အရင် Try လို့ရပါတယ်။ အညိုနဲ့ ရွှေရောင်မကျတကျလေးဆိုတော့ မြန်မာမိန်းကလေးတွေနဲ့ လိုက်ဖက်သလို ဆိုးဆေးသိပ်မထိတာမို့ ဆံပင်လည်း ထင်သလောက် မပျက်စီးတော့ဘူးပေါ့။


6. Balayage



ဘိုဆန်ဆန်အရောင်လေးနော်။ ဆံပင်ဆိုးထားတာ သိသာချင်ပြီး အမြဲထိန်းသိမ်းတာမျိူးလည်း မလုပ်ချင်ရင် ဒါမျိူးလေးက အဆင်ပြေမှာပါ။ 

,

MODA TV 


Hair

ဆံပင်အတိုထားခြင်းရဲ့ အားသာချက်လေးတွေ

ရုပ်ခံနဲ့ထိန်းထားရင် ဘိုကေတောင်လှတယ်ဟုတ်

by Randy Win

November 16, 2020

          မိန်းမတို့ဘုန်း ဆံထုံးဆိုတဲ့ဆိုရိုးစကားအတိုင်း မိန်းကလေးအများစုဟာ ဆံပင်အရှည်ထားရတာကိုနှစ်သက်ကြသလို မိန်းကလေးတွေနဲ့ဆံပင်အရှည်ဆိုတာ ခွဲထားလို့မရတဲ့ စံနှုန်းတစ်ခုလိုသဘောထားသတ်မှတ်ခဲ့ကြပါတယ်။ ဒါပေမဲ့ ခေတ်ကာလပြောင်းလဲလာတာနဲ့အမျှ မိန်းကလေးတွေဟာ ဆံပင်အရှည်ကိုဆက်ပြီးမြတ်မြတ်နိုးနိုးထားကြတဲ့သူတွေလည်းရှိသလို ခေတ်ရေစီးအရရော ရာသီဥတုနဲ့ လိုက်လျောညီထွေရှိဖို့ပါ ဦးစားပေးစဉ်းစားလာကြတဲ့အခါမှာတချို့က ဆံပင်ခပ်တိုတိုကပ်ကပ်လေးတွေညှပ်လာတာတွေ့မြင်ရပါတယ်။ ဆံပင်အတိုဟာဖက်ရှင်ရှူထောင့်ကကြည့်ရင်လည်း ခေတ်ဆန်ပြီးအမြင်တစ်မျိုးဆန်းသလို ကျန်းမာရေးရှူထောင့်ကကြည့်ရင်လည်း အများကြီးကောင်းကျိုးပေးနိုင်တာတွေ့ရပါတယ်။ ဒါကြောင့် မိန်းကလေးတွေအနေနဲ့ ဆံပင်အရှည်ထားတာနဲ့လည်း လိုက်ဖက်တင့်တယ်သလို ဆံပင်အတိုကပ်ကပ်လေးတွေညှပ်ဖို့ဆန္ဒရှိတယ်ဆိုရင်လည်း ရှက်မနေ တွေးပူမနေကြပဲ ရဲရဲဝံ့ဝံ့ညှပ်သင့်တယ်ဆိုတဲ့အကြောင်းကို အောက်ကအချက်လေးတွေနဲ့ သက်သေပြလိုက်ပါရစေ။

ထိန်းသိမ်းရလွယ်ကူခြင်း


ဆံပင်အတိုသမားတွေရဲ့ အကောင်းဆုံးအားသာချက်ကတော့ ဆံသားထိန်းသိမ်းရလွယ်ကူခြင်းပါ။ ဆံပင်ရှည်တဲ့သူတွေအနေနဲ့ ဆံပင်ရှူပ်တာ ၊ ငြိတာ ၊ ဆံသားနှစ်ခွဖြစ်တာတွေနဲ့ ထိန်းသိမ်းရ တော်တော်လေးကိုခက်ခဲပေမယ့် ဆံပင်အတိုသမားတွေမှာတော့ ဒီဒုက္ခတွေကမရှိသလောက်နီးပါးပါပဲ။

ဗောက်ပြသနာ

လေ့လာတွေ့ရှိချက်တွေအရ ဆံပင်အတိုသမားတွေအနေနဲ့ ဆံပင်ရှည်သူတွေထက်စာရင် ဗောက်ထဖို့အခွင့်အလမ်း ပိုပြီးနည်းပါးတယ်လို့ဆိုပါတယ်။အကြောင်းကတော့ ဗောက်ထခြင်းကိုဖြစ်ပေါ်စေတတ်တဲ့ ဦးရေပြားခြောက်သွေ့ခြင်းမဖြစ်စေဖို့အတွက် ဦးခေါင်းရဲ့ အရေပြားအောက်ကနေ အဆီတွေကို ပုံမှန်ထုတ်ပေးလေ့ရှိပါတယ်။ဆံပင်တိုသူတွေအတွက် လုံလောက်တဲ့ အဆီကိုထုတ်ပေးဖို့ မခဲယဉ်းပေမယ့် ဆံပင်ရှည်သူတွေအတွက်တော့ ဦးရေပြားက အဆီကို လုံလောက်အောင် ထုတ်ပေးနိုင်ခြင်းမရှိတော့တာကြောင့် ဦးရေပြား ခြောက်သွေ့ဗောက်ထခြင်းမျိုးနဲ့ ရင်ဆိုင်ရပါတော့တယ်။

ဆံပင်ကျွတ်


အိပ်ရာကနိုးရင် ခေါင်းအုံးပေါ်မှာ ဆံပင်တွေအထွေးလိုက်ကျွတ်နေတာမြင်ရတာနဲ့ ခေါင်းဖြီးတိုင်း၊ခေါင်းလျှော်တိုင်း ဆံပင်တွေကျွတ်ပြီးပါလာတာမျိုးတွေက လူကို တော်တော်လေးစိတ်အနှောင့်အယှက်ဖြစ်စေတဲ့အရာတွေပါ။ တချို့ဆို အစားအသောက်တွေထဲမှာပါ ဆံပင်တွေကျွတ်ပြီး ပါလာတတ်တဲ့ ဒုက္ခမျိုးနဲ့လည်းရင်ဆိုင်ရပါသေးတယ်။ ဆံပင်တိုတဲ့သူတွေမှာတော့ အဲဒီဒုက္ခတွေ တော်တော်လေးကို နည်းပါးတယ်လို့ဆိုနိုင်ပါတယ်။ ဘိုကေပုံစံမျိုး ညှပ်ထားတဲ့သူတွေဆိုရင်တော့ ဒီဒုက္ခက လုံးဝကိုမရှိသလောက်ပါပဲ။

ပူပူလောင်လောင်


ရာသီဥတုပူတဲ့အခါမှာ ခံရအခက်ဆုံးက ဆံပင်ရှည်တဲ့သူတွေပါ။ နေပူပူအောက်မှာ သွားလာရတဲ့အခါ ၊ အစားအသောက်ခပ်ပူပူကိုစားတဲ့အခါမျိုးတွေမှာ ဆံပင်ရှည်သူတွေအနေနဲ့ လည်ဂုတ်တစ်ဝိုက်ချွေးတွေထွက်ပြီး အနေရခက်တာမျိုး ၊စိတ်အိုက်တာမျိုးနဲ့ ခဏခဏကြုံရတတ်ပါတယ်။ ဆံထုံးထုံးထားတဲ့အချိန် ၊ဆံပင်စည်းထားတဲ့အချိန်ဆိုရင်သိပ်မသိသာပေမယ့် ဆံပင်အတိုသမားတွေမှာရတတ်တဲ့ ပေါ့ပါးလွတ်လပ်ခြင်းမျိုးတော့ခံစားရမှာမဟုတ်ပါဘူး။

အားလုံးရယ်ဒီ


ကိစ္စတစ်ခုခု အကြောင်းတစ်ခုခုပေါ်လို့ အရေးတကြီးသွားရတော့မယ်ဆိုရင်လည်း ဆံပင်အတိုသမားတွေက တစ်ပန်းသာပြန်ပါတယ်။ ဆံပင်အရှည်သမားတွေ ခေါင်းလျှော်ပြီး ခေါင်းခြောက်အောင် Dryer တွေမှုတ် ၊ ပုံသွင်းနေရတဲ့ ကြာချိန်တွေထက် ဆံပင်အတိုသမားတွေက ပိုပြီး မြန်မြန်ဆန်ဆန်ပြီးနိုင်ပါတယ်။ ဆံပင်အရမ်းတိုအောင်ညှပ်ထားတဲ့သူတွေဆိုရင် ပုံတောင် ထူးထူးထွေထွေသွင်းစရာမလိုပဲ အဝတ်အစားလဲပြီးထသွားလိုက်ရုံပါပဲ။

Photo Credit To The Rightful Owners

, , , , , ,

Hair

သင့်မျက်နှာကျနဲ့ လိုက်ပြီး ရွေးချယ်သင့်တဲ့ ရှေ့ဆံမြိတ်ပုံစံ

ဘယ်ဆံပင်ပုံစံက ကိုယ်နဲ့ အလိုက်ဖက်ဆုံးဖြစ်မလဲ

by JN Ja Seng Pan

November 11, 2020

ဆံပင်ဆိုတာက လူတစ်ယောက်ရဲ့ ဒုတိယစာမျက်နှာဆိုသလိုပဲ ကိုယ်ထားမယ့် ဆံပင်ပုံစံ က ကိုယ်နဲ့ လိုက်၊ မလိုက် သိပ်ကိုအရေးကြီးပါတယ်။ မျက်နှာကျနဲ့ လိုက်ပြီး ဆံပင်ပုံစံအမျိူးမျိူးရှိလို့ ရှေ့ဆံပင်ညှပ်မယ်ဆိုရင်လည်း ဒီအချက်တွေ ထည့်စဉ်းစားဖို့တော့ လိုမယ်နော်။ အခွင့်အရေးနှစ်ခေါက်ပြန်မရတဲ့အထဲမှာ ရှေ့ဆံပင်ညှပ်တာလည်း တစ်ခုအပါအဝင်ဆိုတာ လက်ခံကြတယ်ဟုတ်။ ဆိုတော့ ကိုယ်မျက်နှာကျ လေးထောင့်လား ၊ အဝိုင်းလားပေါ်မူတည်ပြီး ရှေ့ဆံပင်လှလှလေးတွေ ညှပ်ဖို့ ဘယ်ဆံပင်ပုံစံက ကိုယ်နဲ့ အလိုက်ဖက်ဆုံးဖြစ်မလဲဆိုတာ ကြည့်လိုက်ရအောင်နော်။


Round Face

ရှေ့ဆံပင်တွေက မျက်နှာကို လုံးဝန်းစေတဲ့အပြင် ပိုဖောင်းသွားသယောင်ဖြစ်စေလို့ မျက်နှာဝိုင်းတဲ့သူတွေက Hair Bang ထားမယ်ဆို သတိထားရမှာပါ။ Curved Shape ပုံစံ Side Bang တွေက ပါးပါးချွန်ချွန် Wispy Bang တွေထက် ပိုပြီးလိုက်ဖက်မှာပါ။ နောက်ပိုင်း ခေတ်စားလာတဲ့ အတိဆံပင် ညှပ်မယ်ဆိုလည်း Blunt Baby Bang ပုံစံလေးတွေ ညှပ်လို့ရပါတယ်နော်။


Square Face


လေးထောင့်ကျတဲ့ မျက်နှာပိုင်ရှင်တွေက ရှေ့ဆံပင်ညှပ်တော့မယ်ဆိုရင် မျက်ခုံးရဲ့ အောက်နားလေးထိ အရှည်ရှိဖို့လိုပါတယ်။ ဒီမျက်နှာကျတွေနဲ့ အလိုက်ဖက်ဆုံးက Long, Layered Bangs နဲ့ Curtain Bangs တွေပါ။ မျက်နှာ Shape ကို ပျော့ပျောင်းသွားစေပြီး မျက်နှာကို အချိူးကျအောင် ပြုလုပ်ပေးနိုင်တဲ့အတွက်ကြောင့်ပါ။


Heart Shaped Face


ကပ်ကြေးနဲ့ Professional ကျကျ သေချာလေး ညှပ်ထားတဲ့ Chopped Hair တွေက Heart Face လေးတွေနဲ့ လိုက်ဖက်နေတတ်ပါတယ်။ အပေါ်ပိုင်းကျယ်ပြီး အောက်ပိုင်းသေးသွယ်သွားတဲ့ မျက်နှာပိုင်ရှင်တွေဖြစ်လို့ မေးစေ့နေရာကို အာရုံလွဲဖို့ လိုပါတယ်။ ဘေးဘက်ရှည်ပြီး အလည်မှာ တိုသွားတဲ့ Crescent Bang တွေက အကောင်းဆုံးပါ။


Oval Face


ဒီမျက်နှာပိုင်ရှင်တွေက ကံအကောင်းဆုံးသူတွေပါ။ ဆံပင်ပုံစံတော်တော်များများ ပြောင်းလဲလို့ရသလို လိုက်ဖက်ကြည့်ကောင်းနေတတ်ပါတယ်။ စူပါမော်ဒယ်တွေ အညှပ်များတဲ့ Blunt Bang Hair Style က Oval သမားတွေအတွက်ပါ။ သူက Layer တွေမပါပဲ နုဖူးပေါ်မှာ တိတိဖြောင့်ဖြောင့်ကြီး ကျနေတာမို့ မျက်နှာကျလှတဲ့ Oval တွေနဲ့ လှနေတတ်ပါတယ်။

, ,