မျက်မှန်တပ်တဲ့ကောင်မလေးတွေအတွက် မိတ်ကပ်ပြင်တာက တစ်ခါတစ်လေ အခက်တွေ့နိုင်မယ့် ကိစ္စတစ်ခုပါ။ ဒါပေမယ့် မိတ်ကပ်အလွယ်တကူပြင်နိုင်ဖို့ Editor က အမြန်ဆုံးနဲ့ အလွယ်ဆုံးဖြစ်မယ့် ပြင်ဆင်နည်းလေးတွေကို မျှဝေပေးသွားမှာပါ။ မိတ်ကပ်အထူကြီးတွေ၊ ဆန်းဆန်းပြားပြားတွေ မဟုတ်သလို မျက်မှန်တပ်ထားတဲ့မိန်းကလေးတွေနဲ့ အလိုက်ဖက်ဆုံးဖြစ်မယ့် သဘာဝကျကျပုံစံလေးတွေဖြစ်ဖို့ သဘောတွေ့မှာပါနော်။ မျက်မှန်တပ်ထားရတာမို့ မျက်လုံးလေးတွေကို ပိုပြီးအသက်ဝင်သွားစေဖို့ ဒီအချက်လေးတွေက အကူအညီဖြစ်မှာပါ။ ဒီပုံစံလေးတွေပြင်ပြီး တွေ့တဲ့သူတိုင်းက မျက်မှန်နဲ့ ကောင်မလေးချစ်စရာလေး၊ သူက မျက်မှန်လေးနဲ့မှ ပိုချောတယ်လို့ ပြောခံရတတ်တယ်ဆိုတာကိုလည်း ကြိုပြီး သတိပေးချင်ပါတယ်နော်။

Eye Concealer

မျက်ကွင်းညိုနေတဲ့ မျက်ဝန်းတွေက မျက်မှန်တပ်ထားရင် အရိပ်ပိုကျပြီး မဲမဲထင်းထင်းနဲ့ ကွင်းကွင်းကွက်ကွက် မြင်နေရစေပါတယ်။ ဒါကြောင့် လန်းလန်းဆန်းဆန်းနဲ့ အိပ်ငိုက်နေတဲ့ပုံစံမပေါက်ရအောင် Concealer လေးတွေက မရှိမဖြစ်ပါ။


Curl Your Lashes



မျက်တောင်မွှေးရှည်တဲ့ ကောင်မလေးတွေဆို ပိုသတိထားမိမှာပါ။ မျက်တောင်ရှည်တွေက မျက်မှန်နဲ့ ထိနေတာက ခူးလုခူးလုနဲ့ သက်တောင့်သက်သာမဖြစ်စေတာ အမှန်ပါ။ ဒါကြောင့် မျက်တောင်လေးတွေကို ကော့ြ့ပီး တစ်ချက်ခုတ်နှစ်ချက်ဖြတ်အနေနဲ့ အလှပါပိုနိုင်တယ်နော်။ မျက်လုံးလေးကို ပိုပြီးဝင်းလက်ဝိုင်းစက်သွားစေသလို မျက်မှန်လေးနဲ့ ပိုပြီးဆွဲဆောင်မှုပိုနေစေမှာပါ။

Light Eyeshadow

Eyeshadow ရင့်ရင့်တွေက ရှိရင်းစွဲအသက်ထက် ပိုရင့်စေသလို ပင်ပန်းနေတဲ့ပုံကိုဖြစ်စေပါတယ်။ Eyeshadow ခပ်ဖျော့ဖျော့နဲ့ Shimmery Color တွေက ပိုပြီး နုနယ်စေသလို ချစ်စရာလည်းကောင်းစေတာမို့ ဒီလိုအရောင်လေးတွေကို ဝယ်စုထားပါ။

Makeup Look

မျက်မှန်ဘောင်တွေ၊ ကိုင်းတွေ ပိုထူရင် Eye Makeup ကို Idea ရှိရင်ရှိသလောက် ခြယ်သနိုင်ပါတယ်။ ကိုယ်က ရိုးရိုးရှင်းရှင်း ကိုင်းပါးပါးလေးနဲ့ မျက်မှန်မျိုးတပ်တယ်ဆိုရင်တော့ သဘာဝကျကျ မိတ်ကပ် Look တွေက ပိုပြီးလိုက်ဖက်မှာပါ။ Eyeliner ဆိုးမယ်ဆိုလည်း ကိုင်းထူထူမျက်မှန်တပ်ရင် ခပ်ကြီးကြီး၊ ခပ်ထူထူ ဆိုးလို့ရသလို Liner ပါးပါးလေးကတော့ Simple Frame လေးနဲ့ အဆင်အပြေဆုံးမို့ Makeup Style ကိုလည်း ပြောင်းလဲဖို့ လိုမယ်နော်။


Thick Brow

မျက်ခုံးတွေကိုလည်း ပုံသွင်းဖို့ မမေ့ပါနဲ့။ မျက်ခုံးမွှေးဆွဲတဲ့အခါမှာလည်း နည်းနည်းလေး ထူလိုက်တာက မျက်မှန်တပ်တဲ့ကောင်မလေးတွေနဲ့ ပိုပြီး လိုက်ဖက်မှုရှိနေမှာပါ။


Makeup Base

အကယ်လို့ မျက်မှန်က အရောင်နဲ့ ဒါမှမဟုတ် အရောင်ပြေးပုံစံ Shiny ဖြစ်တဲ့ Material နဲ့ လုပ်ထားတယ်ဆိုရင် ကိုယ်လိမ်းမယ့် ပါးနီ ဒါမှမဟုတ် Foundation ကို Matte Type ကိုရွေးချယ်ပါ။ အနက်ရောင်ဒါမှမဟုတ် အရောင်ပိတ်ပိတ်အသားမျိူး မျက်မှန်ဆိုရင် ပါးနီကို အလက်အလက်လေးတွေ ပါတာမျိူးသုံးကြည့်ပါနော်။

Lip Color

နှုတ်ခမ်းနီလေးတွေကိုလည်း အရောင်အမျိူးမျိူး ဝယ်ထားပါလို့ Recommend ချင်ပါတယ် အဓိက အရောင်ရင့်ရင့်လေးတွေပေါ့။ အရောင်ရင့်ရင့်တွေက ဆွဲဆောင်မှုပိုစေသလို အသားဘက်ဆောင်တဲ့အရောင်တွေက တည်တည်ငြိမ်ငြိမ်နဲ့ လှစေတာမို့ Mood အလိုက် ပြောင်းလဲပြီးဆိုးကြည့်ပါ။ ကောင်လေးတွေရဲ့ အမြင်မှာ နီနီရဲရဲနှုတ်ခမ်းတွေနဲ့ မှန်ကြောင်လေးတွေက ပိုပြီး Sexy ကျပါတယ်တဲ့နော်။

 မိန်းကလေးတွေအတွက် မိတ်ကပ်ပြင်တဲ့အခါမှာ Lipstick Color ကလည်း ကိုယ့်ရဲ့ Look ကိုပြောင်းလဲသွားနိုင်ပါတယ်။ ဒါ့အပြင် နှုတ်ခမ်းနီအရောင်က မျက်နှာအသွင်အပြင်ကိုလည်းပိုလင်းလက်ပြီး Polished ဖြစ်သွားစေတယ်လေ။ ဒါပေမယ့် ဆိုးတားတဲ့နှုတ်ခမ်းနီ Shades က ကိုယ့်ရဲ့ Skin Tone၊ ဝတ်ထားတဲ့ Outfit ၊ သွားမယ့် နေရာ Occasion နဲ့ လိုက်ဖက်ဖို့ကိုလည်း ထည့်စဉ်းစားသင့်တယ်နော်။ Lipstick Shades ကိုရွေးတဲ့အခါ ကြည့်လို့လှနေတယ်ဆိုတာထက် အချိန်တိုင်း ကြည့်ကောင်းနေဖို့နဲ့ ကိုယ့်ကို Cheap မဖြစ်တဲ့အရောင်မျိုးကိုလည်းသေချာရွေးချယ်ဖို့က အရေးကြီးပါတယ်။ အောက်မှာပြထားတဲ့ Lipstick ကာလာလေးတွေကတော့ သင့်ကို ပိုပြီး Expensive and Classy ဖြစ်တဲ့ Vibe ကိုပေးနိုင်ပြီး Daily Wear ကစလို့ Glamorous Look အထိပွဲတိုးတဲ့ကာလာတွေမို့ ရှိထားသင့်တဲ့ ကာလာလေးတွေပါ။ Beauty Blogger တွေ၊ Supermodel တွေနဲ့ Celebrity မမတွေရဲ့ အကြိုက်ဆုံးကာလာတွေကလည်း ဒီ Shades တွေပဲဆိုတာတွေရမှာပါ။

Pure Blood Red

အနီရောင်ထက် Classic ဖြစ်တဲ့၊ Bold ဖြစ်တဲ့အရောင်ရှိတော့မှာမဟုတ်ဘူး။ မိန်းကလေးတွေအတွက်လည်း Lipstick Color တွေထဲမှာ အနီရောင်က မရှိမဖြစ်အရောင်တစ်ရောင်ပါ။ ပွဲနေပွဲထိုင်တွေမှာလည်းတင့်တယ်သလို သင့်ကိုလည်းပိုပြီး ယုံကြည်မှုရှိသွားစေပါတယ်။ အနီရောင်ကိုမှ အရမ်းတောက်တဲ့ Vibrant Red လိုမဟုတ်ပဲ နည်းနည်း ငြိမ်တဲ့ Blood Red ကာလာက အကောင်းဆုံးပါပဲ။

Deep Reddish Brown

တည်တည်ငြိမ်ငြိမ်နဲ့ Elegant ဖြစ်တဲ့ Makeup Look ကိုလိုချင်တဲ့ မိန်းကလေးတိုင်းအတွက် အနီနည်းနည်းသမ်းတဲ့ အညိုပုပ်ရောင် Reddish Brown ကအရွေးချယ်သင့်ဆုံး အရောင်ပါ။ ရင့်ကျက်ပြီး ကျက်သရေရှိတဲ့ အသွင်ကိုလည်းရရှိစေတယ်။ ဒီလို Deep Reddish Brown ကာလာမျိုးကို ဆိုးမယ်ဆိုရင်တော့ Outfit ကို Minimalist style၊ Formal style တွေနဲ့က ပိုလိုက်ဖက်ပါတယ်။

Mauve Pink

ပန်းရောင် Lipstick Shade တွေအများကြီးရှိတဲ့ထဲကမှ ပန်းရောင်မှိန်မှိန် Mauve Pink လေးက မိန်းကလေးတိုင်းနဲ့လိုက်ဖက်သလို သင့်ကို ပိုပြီး ငယ်ရွယ်နုပျိုသွားစေပါတယ်။ အရမ်းတောက်တဲ့ Vivid Pink လိုပန်းရောင်မျိုးက သင့်ကို ကလပ်တဲ့ Look မျိုးကို ဖြစ်စေနိုင်တာမို့ ဒီလို Mauve Pink ကာလာလေးက အသားလည်းဆောင်သလို ကြည့်ရတာလည်း Classy ဖြစ်ပါတယ်။

Bare Nude

အသားရောင်လို့လည်း အများကခေါ်ကြတဲ့ Bare Nude လိုကာလာက ဘယ်လိုအသားအရေနဲ့ဖြစ်ဖြစ် ကြည့်လို့ကောင်းပြီး သင့်ရဲ့Fashion ကိုပါ Polish လုပ်ပေးနိုင်ပါတယ်။ Natural Makeup Look တွေကိုမှကြိုက်သူတွေအတွက် Nude Shade ကကြည့်ရတာလည်း မျက်စိအေးသလို ကြိုက်နှစ်သက်ရာ Outfit တိုင်းနဲ့လည်း လိုက်ဖက်နေတာပေါ့။ နာမည်ကြီး Celebrity တွေ၊ မော်ဒယ်မမတွေရဲ့ Favourite ကာလာဆိုလည်း မမှားပါဘူး။

Light Peach

ကြည့်ရတာလည်း Cheap မဖြစ်ချင်ဘူး။ ဒါပေမယ့်အများကြားမှာလည်း ထင်းနေစေချင်တယ်။ လူငယ်ဆန်ဆန်လည်းဖြစ်ရမယ်ဆိုရင်တော့ လိမ္မော်ဘက်သန်းတဲ့ Coral Peach အရောင်လေးစမ်းဆိုးကြည့်လိုက်နော်။ သူက ထသွားထလာကနေ Party တွေ၊ ပွဲတက်တွေအထိ ဆိုးလို့ အဆင်ပြေသလို အများကြားမှာလည်း မျက်နှာလေးကထင်းနေမှာပါ။

Christmas လာတော့မယ်။ New Year ကလည်းရောက်တော့မယ်..အိမ်ထဲမှာပဲ နေရတယ်ဆိုပေမယ့် တစ်နှစ်တစ်ခါရတဲ့ ဒီ Holiday ကို အစဉ်အလာမပြတ် ဆင်နွဲရမှာပေါ့။ မိသားစုနဲ့ Dinner လုပ်စားစား၊ သူငယ်ချင်းတွေ စုပြီး သောင်းကျန်းဖို့ စီစဉ်ထားတယ်ဆိုရင်တော့ ရှိုးကတော့ ပါးပါးလေးထုတ်ရမှာပါ။ Editor က ၂၀၂၀ တစ်နှစ်ပတ်လုံးခေတ်စားခဲ့တဲ့ Look တွေထဲကမှ ဒီအချိန်လေးနဲ့ အလိုက်ဆုံးဖြစ်မယ့် Look လေးတွေကို စုစည်းထားပါတယ်။ တော်တော်များများက မျက်လုံးအသားပေးတဲ့ Eye Makeup Look လေးတွေများပါတယ်။ (Mask တွေပဲ တပ်ရတာ ဒီမျက်လုံးပဲ ပြင်စရာရှိတာကိုးနော်)။ နှစ်လည်း ကုန်တော့မှာဆိုတော့ ပျော်စရာအငွေ့အသက်တွေနဲ့ အစပျိူးနိုင်အောင် ဒီ Look လေးတွေက အစွမ်းကုန်ပံ့ပိုးပေးမှာပါ။ Insta Look လေးတွေမို့ ဓာတ်ပုံရိုက်တင်လည်း မိမိုက်နေမှာနော်။ 

Classic Red Lips
အခြား ဘာမှပြင်စရာမလိုပဲ Red Lip တစ်ခုတည်းနဲ့ ပွဲထိန်းနိုင်တယ်နော်။ ဒီလိုညမျိူးမှာ ပေါ့ပေါ့ပါးပါးနဲ့ ဆွဲဆောင်မှုလည်း အပြည့်ဖြစ်နေစေမယ့် အနီရောင် Lip Stick လေးကို ဆောင်ထားဖို့လိုမှာ အသေအချာပါ။

Euphoria Eyes
Euphoria Makeup Look က တစ်နှစ်ပတ်လုံး ခေတ်စားခဲ့ပေမယ့် ဒီအချိန်နဲ့ အလိုက်ဖက်ဆုံးဖြစ်မှာပါ။ အရမ်း Bling Bling မဖြစ်ချင်တဲ့ကောင်မလေးတွေ ဒီလို ရိုးရိုးလေးနဲ့ မိုက်နေမယ့် Look ကို Try ကြည့်သင့်တယ်နော်။ အပြီးသတ်အနေနဲ့ Lip Gloss လေး On လိုက်ရုံပါပဲ။

Subtle Pastel
မျက်လုံးထောင့်လေးတွေမှာပဲ အရောင်လေးတင်တဲ့ Look ကလည်း Festive Vibe အပြည့်ပေးမှာပါ။ Eyeshadow ကောင်းကောင်းမခြယ်တတ်သေးတဲ့ Newbie လေးတွေပါ Rock လို့ရမယ့် Look လေးဆိုလည်း မမှားဘူးနော်။

Bright Green Shadow
New Year Night နဲ့ အလိုက်ဖက်ဆုံးဖြစ်မှာပါ။ ခါတိုင်းနှစ်တွေလို မပျော်ရတဲ့အချိန်မှာ ဒီအရောင်လေးနဲ့ လင်းလက်တက်ကြွမှုကို ခံစားလိုက်ပါ။

Classic Glam
မိသားစုနဲ့ Dinner စားမယ်၊ အမျိူးတွေနဲ့ Gathering လုပ်မယ်ဆို ဒီ Look လေးက ငြိမ်ငြိမ်လေးနဲ့ ချစ်စရာကောင်းနေစေမှာပါ။ ပိုပြီး Classic Look လေးဖြစ်သွားအောင် ပုလဲဆံညှပ်လေးတွေနဲ့ ဆံပင်ကိုလည်း အလှဆင်ဖို့ မမေ့နဲ့နော်။

Pink Flush
ချစ်သူနဲ့ပဲ အေးအေးဆေးဆေး ကုန်ဆုံးမယ့် ဒီပိတ်ရက်လေးတွေမှာ ချစ်စရာကောင်းနေစေဖို့ ဒီ Look လေးကို Try ကြည့်နော်။ ဆောင်းအငွေ့အသက်နဲ့ ပန်းသွေးရောင် ဒီ Look က အလိုက်ဖက်ဆုံး ပေါင်းစပ်မှုတစ်ခုဖြစ်မှာပါ။

Blue Eyeshadow
အပြာရောင်က ၂၀၂၀ ရဲ့ Trend အဖြစ်ဆုံး Color ဆိုတော့ နှစ်မကုန်ခင် ပြင်ဆင်သွားကြည့်ဖို့ လိုပါမယ်။ အသားအရောင်တိုင်းနဲ့ လိုက်ပြီး Fashion ကျတဲ့ အသွင်အပြင်ကို ဆောင်စေတာမို့ Selfie ရိုက်ဖို့ပဲဖြစ်ဖြစ် Tik Tok ရိုက်ဖို့ပဲဖြစ်ဖြစ် ခြယ်သဖို့ အကြောင်းပြချက်ကောင်းကောင်းတစ်ခုဖြစ်မှာပါ။ 

ဆောင်းဝင်ပြီဆိုတော့ ရာသီဥတုကတော့ နေလို့ထိုင်လို့ကောင်းလာပြီနော်။ ကောင်မလေးတွေ အနေနဲ့လည်း မိတ်ကပ်စတိုင်လေးတွေ ပြောင်းလဲရမယ့် အချိန်ရောက်ပါပြီ။ ဆောင်းရာသီနဲ့ လိုက်ဖက်တဲ့ မိတ်ကပ် Look တွေက Editor အရမ်းကြိုက်ရတဲ့ Makeup Look ပုံစံတွေများလို့ ဆောင်းရောက်ရောက်၊ မရောက်မရောက် ကျွန်မကတော့ ပြင်တာပါပဲ။ ဒီ Look တွေထဲကမှ Korea Style Look လေးတွေက ပိုပြီး ရက်ရက်စက်စက်ကို လှလွန်းနေပါရောလား။ ချစ်စရာကောင်းသလို ဆွဲဆောင်မှုလည်းပိုစေတဲ့ အစွမ်းတွေရှိနေပါတယ်။ Selfie ရိုက်ရင်လည်း လှတာမို့ ဒီနှစ်ဆောင်းမှာ ဒီလို Look လေးတွေ ခြယ်သကြည့်ရအောင်နော်။

Dewy Glass Skin Look

ဆောင်းမနက်ခင်းတွေမှာ ကြည်ကြည်လင်လင်နဲ့ Fresh ဖြစ်နေစေမယ့် Look လေးပါ။ မပူမအေး ခုလိုရာသီဥတုနဲ့ ဒီ Makeup Look က အလိုက်ဖက်ဆုံးပါပဲ။

Orangey Look

ဒီ Look ရဲ့ အဓိကအရောင်က လိမ္မော်ရောင်ပါ။ ကိုးရီးယားမလေးတွေကြားမှာ ခေတ်စားနေတဲ့ Look လေးဖြစ်သလို ကိုယ်တွေအသားအရောင်နဲ့လည်း ထင်းလင်းစေတာမို့ ခြယ်သကြည့်ဖို့ တိုက်တွန်းချင်ပါတယ်။ ဆောင်းရာသီနဲ့ လိုက်ဖက်တဲ့ Look ဆိုလည်း မမှားဘူးနော်။

Warm Caramel Look

မိတ်ကပ်ပြင်ထားတာ သိပ်မသိသာချင်တဲ့ကောင်မလေးတွေ သဘောတွေ့မယ့် Look လေးပါ။ Warm Caramel ဆိုတဲအတိုင်း လူကို နွေးနွေးထွေးထွေးနဲ့ ဆွဲဆောင်မှုပိုစေမယ့် မိတ်ကပ်ခြယ်သမှုပါ။

Brownie Look

အသားညိုတဲ့ကောင်မလေးတွေနဲ့ တော်တော်လေးလှမယ့် Look ပါနော်။ မျက်နှာတစ်ပြင်လုံးကို အညိုနဲ့ပဲ Monotone Style ခြယ်သတဲ့ပုံစံပါ။ အေးစိမ့်စိမ့်ဖြစ်လာတဲ့ ဆောင်းညနေခင်းတွေနဲ့ လိုက်မှလိုက်။ အညိုခပ်များများခြယ်ရတာ ကြိုက်တဲ့ကောင်မလေးတွေလည်း Try ကြည့်သင့်တယ်နော်။

Bold Lip

အရင်ကလို နှုတ်ခမ်းကို Gradient ဆိုးတာထက် နှုတ်ခမ်းကို အပြည့်အရောင်တစ်မျိူးတည်းဆိုးတာ ကိုးရီးယားမှာလည်း ပြန်ခေတ်စားနေပါတယ်။ 3CE တို့ဘာတို့ကြည့်ရင် သိသာတယ်နော်။ ဆွဲဆောင်မှုပိုနေတဲ့ နှုတ်ခမ်းနီနီရဲရဲရယ်၊ ဝိုင်တစ်ခွက်ရယ်က ဆောင်းညတွေနဲ့ အလိုက်ဖက်ဆုံးဖို့ အများကြီးမစဉ်းစားနဲ့ ခြယ်သကြည့်လိုက်တော့နော်။

အလှအပဆိုတာ အရင်အချိန်တွေကတည်းက အမျိူးသမီးတွေကို အရှုးအမှုးစွဲလန်းစေတဲ့အရာပါ။ စံနှုန်းစံထားတွေနဲ့ အလှတရားကို ခွဲခြားတာကတော့ သဘောတွေ့စရာမကောင်းတာ အမှန်ပါ။ ဒါပေမယ့် အမျိူးသမီးထုတော်တော်များများက လှပတဲ့ မျက်နှာ၊ ကြည့်ကောင်းတဲ့ ခန္ဒာကိုယ်ပိုင်ဆိုင်ဖို့အတွက် နည်းလမ်းမျိူးစုံ အသုံးပြုကြတာလည်း ငြင်းလို့မရပြန်ပါဘူး။ ဒီဘက်ခေတ်မှာ စက်ပစ္စည်းကိရိယာအပြည့်အစုံနဲ့ စိတ်ကြိုက် ပြောင်းလဲပြုပြင်လို့ရပေမယ့် အရင်ခေတ်တွေက ဘယ်လိုမျိူးပြုပြင်ကြလဲ စိတ်ဝင်စားစရာပါ။ အဲ့ဒီခေတ်အချိန်တုန်းက လှပတဲ့ မိန်းကလေးတစ်ယောက်ဖြစ်ဖို့ အားထုတ်ကြိုးပမ်းမှုတွေက အံ့သြစရာကောင်းသလို ကြောက်စရာလည်း ကောင်းတယ်ဆိုတာကို ဒီပုံတွေက သက်သေပြနေမှာပါ။

Stocking, 1926

Stocking ဝတ်ထားသယောင်ဖြစ်စေဖို့ ဆိုင်ကိုသွားပြီး ခြေထောက်တွေကို ဒီလို ဆေးသုတ်လိမ်းကြပါတယ်။

Ironing, 1964

ခုခေတ်ကတော့ ဆံပင်ကောက်စက်၊ ဖြောင့်စက်တွေနဲ့ အမျိူးမျိူးပြုပြင်လို့ရပေမယ့် အဲ့ဒီခေတ်တုန်းက ဖြောင့်စည်းတဲ့ ဆံပင်တွေရဖို့ မီးပူကို အသုံးပြုကြတာပါ။

Freckleproof Cape, 1940

Sunscreeen တွေ မပေါ်ခင်တုန်းက ခရမ်းလွန်ရောင်ခြည်ကြောင့်ဖြစ်တဲ့ အမဲစက်နဲ့ Freckle တွေ ကာကွယ်ဖို့ ဒီလို Cape တွေကို ဝတ်ဆင်ကြပါတယ်။ မသိရင် Halloween Costume ကြီးဝတ်ပြီး လျှောက်သွားနေရသလိုပဲနော်။

Rubber Mask, 1920


၁၉၂၀ ပတ်ဝန်းကျင်က အရေးအကြောင်းတွေ လျော့နည်းဖို့ Rubber နဲ့ လုပ်ထားတဲ့ Face Mask တွေကို ကပ်ကြပါတယ်။

Chinese Foot Binding, 10th Century

၁၀ ရာစု က တရုတ်ယဉ်ကျေးမှုအရ အမျိူးသမီးတွေရဲ့ လှပခြင်းဟာ ခြေထောက်သေးသေးလေးတွေပါ။ ဒီလိုခြေထောက်ရဖို့အတွက် မွေးလာကတည်းက ခြေထောက်တွေကို ပတ်စီးပြီးတော့ ထုတ်ထားရပါတယ်။

Dimple Machine, 1936

လှပခြင်းအင်္ဂါရပ်ထဲမှာ ပါးချိူင့်တွေက တစ်ခုလို့ ယုံကြည်ကြတဲ့အတွက် ပါးချိူင့်ဖော်တဲ့စက်ကို တီထွင်ခဲ့ကြပါတယ်။ ပါးချိူင့်ပုံဖော်တဲ့ အဖုလေးနှစ်ခုပါတဲ့ စပရိန် Device ပါ။ လိုချင်တဲ့ ပုံဖြစ်လာဖို့ တစ်ရက်ကို သုံးကြိမ် ဝတ်ကြရပါတယ်။

Ice Mask, 1931

ညက အကဲလွန်ပြီး မနက် Hangover ဖြစ်နေတဲ့ပွယောင်းယောင်းမျက်နှာအတွက် တီထွင်ထားတဲ့ Hangover Mask ပါတဲ့။ ရေခဲတုံးလေးတွေအပြည့်နဲ့ Plastic Mask လေးကို မျက်နှာမှာ သိုင်းပတ်လိုက်ပြီးနောက် ကြည်လင်အေးမြမှုကို ခံစားရပြီး နောက်ထပ် Party တွေနွဲဖို့ အဆင်သင့်ပါတဲ့။ မျက်နှာဖောယောင်တာကို သက်သာစေတဲ့အတွက် အကြိုက်တွေ့ကြတယ်လို့ဆိုပါတယ်။

To improve Blood Circulation,1938

သွေးလည်ပတ်မှုကောင်းဖို့ဆိုပြီး ခြေလက်အင်္ဂါတွေကို ရေထဲစိမ် လျှပ်စစ်တိုက်ကြပါတယ်တဲ့။ (ဓာတ်လိုက်ပြီး အသက်ပျောက်မယ့်အကွက်တွေပါ။)

Hair Dryer, 1920s

ကိုယ်တွေကသာ Hair Dryer တစ်ခုကို မသယ်ချင် သယ်ချင်နဲ့ ဖြစ်နေတာ။ ဒီလိုမျိူး Dryer တွေဆို ဘယ်လိုလုပ်မတုန်း။


Santized Tapeworm Diet, 1990s

သေးသွယ်ပိန်ပါးတဲ့ ခန္ဒာကိုယ်အချိူးအစားအတွက် Victorian ခေတ်တုန်းက Tapework Diet ကိုပြုလုပ်ကြပါတယ်တဲ့။ ရိုးရိုးလေးဆိုပေမယ့် တော်တော်လေး အော်ဂလီဆန်စရာကောင်းပါတယ်။ ဒီကပ်ပါးကောင်လေးက ခန္ဒာကိုယ်ထဲ ကြီးထွားပြီး ဥတွေအုချပါတယ်။ ဒီအရာတွေက လက်ခံကောင်စားတဲ့ အရာမှန်သမျှ ရှင်းလင်းရေးလုပ်ပေးတာပါ။ လေ့ကျင့်ခန်းလုပ်စရာမလို၊ အစာလျော့စရာမလိုသလို အစာစားချင်စိတ်ပျောက်လို့ လှချင်ရက် စက်စက်ယိုတွေက သဘောတွေ့ကြပါတယ်တဲ့။ အန္တရာယ်များလိုက်တာနော်။

မိတ်ကပ်လိမ်းတိုင်းကြာကြာမခံတာ၊ သိပ်သိပ်လေးမဖြစ်တာ ကြုံဖူးကြလား။ အကြာကြီးခံပြီး Flawless ဖြစ်ဖို့ဆိုပြီး မိတ်ကပ်အထူကြီးလိမ်းတာက လုံးဝနိုးပါနော်။ ဒီနောက်ပိုင်းမှာ ကြည်ကြည်လင်လင် သဘာ၀ Look တွေက နေရာယူလာပြီမို့ မိတ်ကပ်လိမ်းလိုက်တိုင်း လှနေစေဖို့ သတိထားရမယ့် အချက်လေးတွေရှိပါတယ်။ ကိုယ်တိုင် မသိပဲ လုပ်နေမိတဲ့အရာလေးတွေမို့ “Makeup on Fleek” ဖြစ်စေဖို့ လွဲနေတဲ့အရာလေးတွေကို ရှာဖွေလိုက်ရအောင်နော်။

Moisturizer မလိမ်းတာ
အထူးသဖြင့် Dry Skin သမားတွေအနေနဲ့ မိတ်ကပ်ပြင်တိုင်း Moisturizer မဖြစ်မနေလိမ်းရမှာပါ။ မဟုတ်ရင် မိတ်ကပ်သားအချပ်လိုက် မျက်နှာဖုံးစွပ်ထားသလိုဖြစ်နေမှာပါ။ ဒါကြောင့် Moisturizer ကို မိတ်ကပ်မလိမ်းခင် အရင် Apply လုပ်ပါ..အဆီပြန်တဲ့အသားအရေ ပိုင်ဆိုင်ထားရင်တောင်မှပေါ့။ ပြီးတော့ Oily Skin နဲ့ ပတ်သတ်ပြီး မှားနေတဲ့ ယူဆချက်တစ်ခုက အဆီပြန်နေတာမို့ ရေဓာတ်ထပ်ဖြည့်စရာမလိုဘူးဆိုတာပါ။ ရေဓာတ်ပြည့်နေမှ မလိုလားအပ်တဲ့ အဆီ ထုတ်လုပ်မှု လျော့နည်းစေတာမို့ ဘယ်လို အသားအရေမျိူးမဆို Moisturizer လိမ်းကိုလိမ်းရမှာပါ။

Concealer တစ်ရောင်ထဲ သုံးတာ
မျက်ကွင်းညိုတာအတွက် Concealer ကို အသားအရေထက် တစ်ဆင့်၊ နှစ်ဆင့်ဖြူတဲ့အရောင်ကို ရွေးချယ်သင့်ပေမယ့် အခြားအစိတ်အပိုင်းဖုံးအုပ်ဖို့အတွက်တော့ ဒီအရောင်ကိုပဲ ပြန်သုံးဖို့ မသင့်တော်ပါဘူး။ ဒါကြောင့် အသားအရေနီမြန်းတာ၊ အမာရွတ်နဲ့ အရောင်မညီတာစတဲ့ မျက်နှာပေါ်က အပြစ်အနာလေး တွေဖုံးဖို့ဆိုရင် Concealer နှစ်ရောင်နဲ့ အထက်ရှိသင့်ပါတယ်။ ဒါမှသာ Flawless Makeup Look ကို ပိုင်ဆိုင်ရမှာပါ။

Lighting မရှိတဲ့အခန်း
မှောင်နေတဲ့ အခန်းမှာ မိတ်ကပ်ပြင်ရင်တော့ အစပ်အဟပ်မတတ်လို့ အပြင်ထွက်လာရင် ရယ်စရာဖြစ်နေမှာပါ။ မီးရောင်တွေထက် သဘာဝအလင်းရောင်ရှိနေတဲ့ နေရာမှာ ပြင်တာက ပျိူမေတို့လိုချင်တဲ့ သဘာဝကျကျ Look လေးကို ပိုင်ဆိုင်စေမှာပါ။ မိုးအုပ်တဲ့နေ့တွေမှာဆိုရင် နေ့အလင်းရောင်နဲ့ အနီးစပ်ဆုံးတူတဲ့ LED Light လေးတွေကို အသုံးပြုလို့ရတယ်နော်။

မှားယွင်းနေတဲ့ Highlight နေရာ
မိတ်ကပ်လိမ်းတဲ့နေရာမှာ Pro ကျပြီးသားသူတွေတောင်မှ မှားတတ်တဲ့ အချက်လေးပါ။ Highlight ကို နေရာမှန်မှန်ခြယ်သရင် မျက်နှာကို ပင့်တင်ပေးသလို အချိူးကျကျ Shape ကိုပုံဖော်ပေးနိုင်တယ်နော်။ မဟုတ်ရင်တော့ အဆီတဝင်းဝင်းနဲ့ ချွေးပေါက်တွေပါမြင်နေရတဲ့ အလွဲကြီးကြီး ခြယ်သမှုကို ကြုံတွေ့ရမှာပါ။ Hightlight လုပ်သင့်တဲ့နေရာလေးတွေက ပါးရိုး၊ မျက်ခုံးရိုး၊ မေးစေ့၊ နှာခေါင်းထိပ်ဖျားနဲ့ မျက်လုံးအတွင်းထောင့်တွေပါ။ သဘာဝကျဖို့ ခပ်ဖျော့ဖျော့လေးသာ တင်ဖို့လည်း မမေ့နဲ့နော်။

Lip Liner ကို နှုတ်ခမ်း Outline မှာပဲ အသုံးပြုတာ
နှုတ်ခမ်းနီ သေသေသပ်သပ်နဲ့ မပေကျံဖို့နဲ့ နှုတ်ခမ်းသားဖူးဖူးဖောင်းဖောင်းပုံစံအတွက် နှုတ်ခမ်းကို လိုင်းဖော်ပြီးဆိုးကြမှာပါ။ ဒါပေမယ့် အချိန်တစ်ခုကြာလာတာနဲ့ နှုတ်ခမ်းနီအရောင်ပြယ်လာပြီး အဲ့ဒီလိုင်း တစ်နေရာမှာပဲကွက်ပြီး အရောင်ကျန်ခဲ့တတ်တာမို့ သတိထားရမှာပါ။ ဒါကြောင့် လိုင်းဖော်ပြီးဆိုးတိုင်း နှုတ်ခမ်းအတွင်းသားတွေမှာပါ Lip Pencil လေးနဲ့ လိုက်ဖြည့်ပေးဖို့ မမေ့ပါနဲ့။

တစ်ခုတည်းသော Eyeshadow Brush
Brush တွေကို အသုံးပြုပြီးတိုင်း သန့်ရှင်းရေးလုပ်ဖို့ဆိုတာ ထင်သလောက် မလွယ်တာ Editor ကိုယ်တိုင်လည်း နားလည်ပါတယ်။ ဒါပေမယ့် ကိုယ်က Eyeshadow Look လှလှလေးခြယ်မယ်ဆိုရင်တော့ အရောင်မျိူးစုံပေကျံနေတဲ့ Brush တစ်ချောင်းက ဒီ Look ကိုဖျက်စီးပစ်မှာပါ။ ဒါကြောင့် Eyeshadow Brush နှစ်ခု၊ သုံးခုလောက် ဝယ်ထားတာဖြစ်ဖြစ် Online မှာ ရောင်းတဲ့ Colour Removal Sponge လေး ဆောင်ထားဖို့ အကြံပေးချင်ပါတယ်။

Setting မလုပ်တာ
မိတ်ကပ်လိမ်းတိုင်း လိုအပ်တဲ့ အရေးအကြီးဆုံးအချက်ပါ။ တစ်နေကုန် သွားလာလှုပ်ရှားတော့မယ်၊ ကိုးရီးယားမလေးတွေလို Glass Skin Look လေးဖြစ်ချင်ရင်တော့ Setting Spray ကို မိတ်ကပ်လိမ်းပြီးတိုင်း ဖြန်းဖို့ပါ။ ကိုယ့်မျက်နှာပေါ်မှာ Product မျိူးစုံ တင်ထားတာဖြစ်တဲ့အတွက် အဆီပြန်လာတာနဲ့ ဟိုတစ်ကွက်၊ ဒီတစ်ကွက်စီ မိတ်ကပ်သားမခံတာကို ကာကွယ်ဖို့အတွက်ပါ။ Setting Spray ဖြန်းမယ်ဆိုရင် အဆီပြန်လွယ်တဲ့ T Zone နဲ့ မေးစေ့နေရာကို အဓိကထားပြီး ဖြန်းဖို့လိုမယ်နော်။

လက်တင်အမေရိကား၊ မြေထဲပင်လယ်နဲ့ အရှေ့တောင်အာရှက မိန်းကလေးတွေတော်တော်များများက အဝါရောင်အသားအရေကို ပိုင်ဆိုင်ထားကြတာပါ။ မြန်မာအမျိူးသမီးတွေရဲ့ တကယ့်အသားအရေက ဝင်းဝင်းဝါဝါလေးမို့ ကောင်းခြင်းတွေထဲက တစ်ခုပါ။ ဒါပေမယ့် ဒီအသားအရောင်ကို အခြားအရောင်တွေနဲ့ ရောထွေးမှားတတ်ကြပါတယ်..Green & Yellow Undertone မို့ အရောင်မှားတင်လို့ရှိရင် မျက်နှာက ဝါပုပ်ပုပ်ကြီးဖြစ်တတ်တာမို့ သတိထားရမှာပါ။ နိုင်ငံတကာက အလှကုန်ပစ္စည်းတွေဆိုလည်း အဖြူနဲ့ အညိုကိုပဲ ဦးစားပေးထုတ်လေ့ရှိတာမို့ ကိုယ်အသားအရောင်နဲ့ ကိုက်တဲ့ ပစ္စည်းရှာမတွေ့ဖြစ်နေမှာပါ။ အထူးသဖြင့် မိန်းကလေးတစ်ယောက်ရဲ့ ယုံကြည်မှုကို မြှင့်တင်ပေးတဲ့ နှုတ်ခမ်းနီကာလာတွေပေါ့။ ဝါဝါ၀င်းဝင်းအသားအရေနဲ့ အလိုက်ဖက်ဆုံး အရောင်လေးတွေက ဘာဖြစ်မလဲဆိုတော့..

Orange Red Shade

အနီရဲရဲတွေထက် ဒီ လိမ္မော်ဖောက် အနီတွေက ဝါဝါ၀င်းဝင်း အသားအရေနဲ့ အလိုက်ဖက်ဆုံးပါ။ Yellow Undertone နဲ့ အကိုက်ဆုံး အရောင်မို့ အနီဆိုးမယ်ဆို ဒီလိုအရောင်မျီူး ရွေးချယ်ပါ။

Caramel Brown Shade

အညိုဆိုးတော့မယ်ဆိုရင် အညိုပုပ်ပုပ်တွေအစား မျက်နှာကို ပိုလင်းသွားစေမယ့် Caramel Brown တို့ Chocolat Brown တွေကို ဆိုးကြည့်ပါ။

Berry Shade

Berry ရောင်ကတော့ မိန်းမသားဆန်တဲ့ Mood ကိုပေးပြီး နန်းဆန်ဆန်လှစေတာမို့ ရုံးတက်တဲ့နေ့ရက်တွေနဲ့ လိုက်ဖက်နေမှာပါ။

Coral Shade

လိမ္မော်ရောင်တောက်တောက်ကို မဆိုးရဲဘူးဆိုရင်တော့ Coral လေးတွေက သင့်တော်မှာပါ။ အဝါရောင် အသားအရေကို ပိုပြီးဝင်းပစေတဲ့အပြင် Trend ဖြစ်နေတဲ့ Lip Color ထဲက တစ်ရောင်ဆိုတော့ Fashion လည်းကျပြီးသားပေါ့။

Peachy Pink Shade

ပန်းရောင်လေးပဲဆိုးချင်တဲ့ မမတွေအတွက် အသားဆောင်တဲ့ Peachy Pink လေးကို ရွေးချယ်ပါနော်။ Baby Pink လို ခပ်ဖျော့ဖျော့ပန်းရောင်က အဝါရောင် အသားအရေပေါ်မှာ ဖြူဖပ်၊ ဖြူရော်နဲ့ အရောင်မတက်တာမို့ ရှောင်ရမှာပါ။

တက္ကသိုလ်ကျောင်းသားဘဝဆိုတာ ဘယ်အရာနဲ့မှ လဲလို့မရတဲ့ အချိန်တွေပါ။ ပြန်တွေးလိုက်တိုင်း အမှတ်ရကြည်နူးရတဲ့ ဒီ Memory တွေက အခုသာ မသိသာတာ၊ ကျောင်းပြီးသွားလို့ အလုပ်တွေလုပ်နေတဲ့အချိန်ကြရင် ပြန်လိုချင်တယ်ဆိုပြီးဖြစ်နေလိမ့်မယ် မယုံမရှိနဲ့။

Hollywood က ရိုက်ပြတဲ့ ရုပ်ရှင်ကားတွေမှာတော့ College Life က ပျော်ပါးဆော့ကစားနေရတာ တကယ့် လက်တွေ့နဲ့က နည်းနည်းတော့ လွဲတော့ လွဲနေတယ်နော်။ အမြဲတမ်း Runway က Model တွေလို မလှနိုင်ပဲ စာမေးပွဲတွေ၊ Paper တွေနဲ့ ယားလို့တောင် မကုတ်နိုင်တာ ကိုယ်တွေ့ပါ။

တက္ကသိုလ်တက်နေရတဲ့အချိန်ဆိုတော့ မုန့်ဖိုးဆိုတာကလည်း Limit နဲ့ပဲ ရတာကို ဈေးကြီးကြီး ပစ္စည်းတွေဝယ်ပြီး အမြဲအလှပြင်နေဖို့ဆိုတာကလည်း အဆင်မပြေဘူးလေနော်။ ဒါကြောင့် တက္ကသိုလ်တက်နေတဲ့ ညီမလေးတွေ Buget နည်းနည်းနဲ့ လူငယ်ဆန်ဆန် ပေါ့ပေါ့ပါးပါးလှနေစေမယ့် Beauty Product လေးတွေကို ရှာဖွေထားပါတယ်။ ကျောင်းနဲ့ အိမ်နဲ့ ပြေးလွှားရင် လှနေစေဖို့ (ဒီတစ်လောကတော့ အိမ်ကနေပဲ ကျောင်းနေရပေမယ့်လည်း အတန်းဖော်တွေ၊ ဆရာတွေနဲ့ Video Call အသုံးပြုပြီး စာသင်နေရတာဆိုတော့) ဒီ Product လေးတွေတော့ မဖြစ်မနေလိုအပ်မှာပါ။

BB Cream

I woke up like this ဆိုပြီး ဖြစ်နေမယ့် Makeup Look ကိုလိုချင်လား။ ထူထူထဲထဲ Heavy Foundation တွေထက် သဘာဝဆန်ဆန်လှနေစေမယ့် BB Cream တွေက Must Try ပါ။ အခြားထပ်လိမ်းစရာမလိုတဲ့ All in One Cream ဖြစ်တာကြောင့် Budget လည်း ခြွေတာပြီးသားဖြစ်တာပေါ့။ Ponds BB Cream ဆိုလည်း မြန်မာမိန်းကလေးတွေရဲ့ အသားအရေနဲ့ လိုက်ဖက်အောင် ပြုလုပ်ထားပြီး သနပ်ခါးလည်း ထပ်လိမ်းလို့ရတာကြောင့် အဆင်ပြေမှာပါ။

Lip Tint

ကိုးရီးယားကျောင်းသူလေးတွေရဲ့ နီနီရဲရဲနှုတ်ခမ်းလေးတွေက Lip Tint အစွမ်းပါ။ အရောင်ရင့်ရင့်တွေ၊ Liner တွေဖော်ပြီး ရတဲ့ Look တွေက တက္ကသိုလ်ကျောင်းသူတွေနဲ့ ဘယ်လိုမှ မလိုက်ဖက်ဘူးနော်။ ဒီ Lip tint တွေက ကြိုးစားစရာမလိုပဲ ချစ်စရာကောင်းတဲ့အသွင်ကို ဆောင်စေပြီး ပါးနီအဖြစ်ပါ သုံးလို့ရတော့ ဘာလိုသေးလဲနော်။

Mascara

Paper တွေ၊ စာမေးပွဲတွေနဲ့ ညဘက်ထိ စာလုပ်ရနေရတာ နေမကောင်းတဲ့မျက်နှာဆိုပြီး အပြောခံနေရပြီလား။ Mascara တစ်ချက်လေးကော့လိုက်တာက ဒီပြဿနာကို အများကြီးဖြေရှင်းပေးပါလိမ့်မယ်။ မျက်ဝန်းလေးတွေကို ဝံ့ဝံ့လေးနဲ့ Fresh ဖြစ်စေပြီး တစ်ဖန်အားအင်ပြည့်နေတဲ့ Look ကို ပိုင်ဆိုင်စေမှာပါ။ Liner မဆွဲတတ်တဲ့ ကောင်မလေးတွေလည်း ဒါလေးနဲ့ဆို အဆင်ပိုပြေတာပေါ့။ Maybelline Hyper Curl က ဈေးသိပ်မကြီးပဲ သုံးလို့ကောင်းတယ်လို့ နာမည်ကြီးတာကြောင့် Must Buy ပါ။

Sunscreen

မြန်မာနိုင်ငံလို ပူပြင်းတဲ့ နေရာမှာ အသားအရေမပျက်စီးဖို့ Sunscreen တွေက မရှိမဖြစ်ပါ။ ဒီအရွယ်မှာ ထိန်းသိမ်းထားမှ အသက်နည်းနည်းရလာလည်း အရေးအကြောင်းကင်းကင်းနဲ့ နုပျိူကျန်းမာတဲ့ အသားအရေကို ပိုင်ဆိုင်နိုင်မှာပါ။ ကျောင်းသွားရတဲ့အချိန်ကလည်း နေအရမ်းပြင်းတဲ့အချိန်တွေဆိုတော့ ဒါလေးတွေကို ဆောင်ထားတာ အသင့်တော်ဆုံးပါ။ Sunscreen အတွက်ဆို Nivea ကတော့ နာမည်ကြီးပဲနော်။

Acne Cream

ဆယ်ကျော်သက်အရွယ်တွေဆိုတော့ ဝက်ခြံက ကိုယ့်ရဲ့ BFF လိုဖြစ်နေမှာပါ။ Covid ဖြစ်နေတဲ့ ဒီအချိန်မှာလည်း နေ့နဲ့ညတွေမှားပြီး အိပ်နေတာ အမေက ဆူရုံတင်မကပဲ ဝက်ခြံတွေကပါ ဆန္ဒပြနေပြီနော်။ Skincare တွေအများကြီး လုပ်ဖို့ကလည်း ပျင်းနေရင်တော့ Acne Cream က Best Product ဖြစ်မှာပါ။ ညဘက် မျက်နှာသေချာသစ်ပြီး ဝက်ခြံပေါ်မှာ တို့ထားလိုက်ပါ။ မနက်ကျရင် ဝက်ခြံလေးတွေ သိသိသာသာ သက်သာနေတာ တွေ့ရမှာပါ။ ဝက်ခြံတွေအတွက် Mentholatum က Acne Cream ကတော့ ထွေထွေထူးထူး ညွှန်းစရာမလိုလောက်ဘူးနော်။