အဆီပြန်တဲ့အသားအရေပိုင်ရှင်တွေအတွက် Glow နေတယ်ဆိုတာက မကြားချင်ဆုံးစကားဖြစ်မှာပါ။ Highligher လိမ်းထားတယ်လို့ ထင်ရလောက်အောင် Glow တာလောက် စိတ်ညစ်ရတာမရှိဘူးနော်။ ဘာလို့ဆို အဆီတအားပြန်တာက အဆီဖုတွေဖြစ်စေပြီး ဝက်ခြံထွက်တာ၊ မျက်နှာနီမြန်းနေတာတွေဖြစ်လာနိုင်လို့ပါ။ အဆီ Gland တွေကနေ အသားအရေစိုပြေဖို့အတွက် အဆီနည်းနည်းထုတ်ပေးရင် လိုလောက်ပေမယ့် Oily Skin သမားတွေက အချိန်နဲ့အမျှကို အဆီထုတ်လုပ်မှုများနေတဲ့အတွက်ကြောင့်ပါ။

ဒီလိုပြောနေလို့ စိတ်ဓာတ်မကျသွားပါနဲ့..အသားအရေကို ပြန်လည်ကောင်းမွန်လာနိုင်ဖို့ ပုံမှန်ထိန်းသိမ်းမှုလေးတွေ လုပ်ရင် အဆင်ပြေပါတယ်နော်။ အလွယ်ဆုံးနဲ့ ထိရောက်မှုရှိတဲ့ Face Mask လေးတွေက Oily Skin တွေအတွက် မရှိမဖြစ်ပါ။ Face Mask ကောင်းကောင်းတစ်ခုက မျက်နှာပေါ်မှာရှိတဲ့ အညစ်အကြေးနဲ့ အဆီတွေကို ဖယ်ရှားပေးပြီး အသားအရေကို စိုပြေဖို့အတွက် ကူညီပေးပါတယ်။ အသားအရေကို ရေဓာတ်လုံလောက်ရင် အဆီပြန်စရာအကြောင်းမရှိလို့ Moisture ဖြည့်ပေးဖို့ မကြောက်ပါနဲ့။

Fresh Umbrian Clay Purifying Mask

ဒီ Mask က Umbrian Clay, Sandalwood Oil, Chamomile နဲ့ Lavender Water တို့ ပါဝင်လို့ အသားအရေကို Calm ဖြစ်စေပြီး မကောင်းတဲ့ Impurities တွေကို ဖယ်ရှားပေးပါတယ်။ Shine Free Texture ဖြစ်လို့ Oily Skin နဲ့ အသင့်တော်ဆုံးပေါ့။

Origins Clear Improvement Charcoal Mask

Origin က Clay Mask က နာမည်ကြီးတာ တော်တော်များမျာသိမှာပါ။ ဝက်ခြံတွေအတွက်လည်း ကောင်းတာမို့ ကိုယ်က အဆီလည်းပြန်တယ်၊ ဝက်ခြံတွေလည်း ထွက်တတ်ရင် ဒါလေးကို Try ကြည့်သင့်တယ်နော်။

Biore Charcoal Instant Warming Clay Mask

Brand သုံးမှ မဟုတ်ဘူး။ ဒီလို ဈေးသက်သာပြီး တကယ်လည်းကောင်းတဲ့ Mask တွေလည်း ကပ်လို့ရတယ်နော်။ တစ်ပတ် နှစ်ခေါက်လောက်ကပ်ရင် ဆားဝက်ခြံတွေလည်း ပျောက်၊ အဆီပြန်တာလည်းလျော့။

Aztec Secret Indian Healing Clay Facial Treatment



အခြား ဘာတွေထွက်လာ၊ ထွက်လာ Review အမြဲကောင်းပြီး လူသုံးများတဲ့ Indian Healing Clay ကိုလည်း မေ့ထားလို့မရပါဘူး။ 100 % Natural Clay ဖြစ်တယ်၊ ဈေးလည်းသက်သာတဲ့အပြင် များများလည်း သုံးရလို့ သဘောတွေ့မှာပါ။

Neutrogene Deep Clean Purifying Clay Cleanser Mask



DrugStore ထဲက ကောင်းကောင်းလေး သုံးချင်ရင် Neutrogena ရဲ့ Deel Clean Clay Mask လေးရှိပါတယ်။ Tube လေးနဲ့ မို့ သုံးရတာ အဆင်ပြေသလို ဒီမှာလည်း ရှာဝယ်ရ လွယ်လောက်တဲ့ Product လေးဖြစ်မှာပါ။ Salicylic Acid နဲ့ BHA ပါဝင်တာမို့ တည့်မတည့်ကိုတော့ သတိပြုရမှာပါ။

The Mix by Su Midnight Deram Clay Mask

Local Brand ထဲမှာ တော်တော်လေး နာမည်ကြီးတဲ့ The Mix by Su က ဒီ Product လေးကိုလည်း Recommend ပေးချင်ပါတယ်။ ဒီ Clay Mask လေးက အဆီပြန်တာကို တော်တော်လေးထိန်းညှိပေးသလို ဝက်ခြံတွေကိုလည်း သက်သာစေတာမို့ ကိုယ့် ပြည်တွင်းက Brand လေးကိုလည်း သုံးကြည့်ပါ။ Editor သုံးကြည့်တဲ့ အတွေ့အကြုံအရ မျက်နှာလေးကို ကြည်ကြည်ဝင်းဝင်းလေးကျန်ခဲ့စေလို့ သဘောကျသလို Oily Skin အတွက် သက်သက်ထုတ်ထားဖို့ Must Try ပါ။

 လှချင်ရက်စက်စက်ယိုလေးတွေရှိလား။ အသားအရေနဲ့ အလှအပကို အမြဲထိန်းသိမ်းသူလေးတွေအတွက် အသားအရေထိန်းသိမ်းတဲ့ Skin Care Products တွေကမသုံးမဖြစ်သုံးရမှာပါ။ Skin Care တွေက အရေပြားမှာလိုအပ်တဲ့ အာဟာရဓာတ်တွေကိုဖြည့်တင်းပေးတယ်၊ အသားအရေကို ပြန်ပြီး Energize ဖြစ်စေတယ်၊ လိုအပ်တဲ့ PH Balance Level ကိုလည်း ထိန်းညှိပေးတယ်။ ဒါပေမယ့်တစ်ချို့ကျတော့လည်း Skin Care တွေအများကြီးသုံး၊ Skin Care Steps တွေလည်းတစ်ခုမကျန်လိုက်လုပ်ပေမယ့် အသားအရေက Improve မဖြစ်လာတာတို့၊ ကြည်ကြည်လင်လင်မရှိတာတို့လည်းဖြစ်တတ်တယ်။ တကယ်တော့ အသားအရေလှပမှုဆိုတာလည်း ကိုယ့်ရဲ့ကိုယ်တွင်း Within ကလာတာမို့ ကိုယ့်ရဲ့အနေအထိုင်အပြုအမူတွေအပေါ်လည်း အများကြီး မူတည်နေပါတယ်။ ကိုယ်အတွင်းက ရေဓာတ်မပြည့်ဝဘူး၊ မကျန်းမာဘူးဆို Skin Care တွေဘယ်လောက်သုံးသုံး အသားအရည်က လှပနိုင်မှာ မဟုတ်ဘူး။
Skin Care တွေသိပ်မလုပ်သည့်တိုင် ကိုယ့်နေထိုင်တဲ့ Lifestyle အမူအကျင့်လေးတွေက နည်းစနစ်ကျတယ်ဆိုရင် အသားအရေလေးက ကြည်လင်ချောမွေ့နေမှာပါ။ အဲ့ဒါကြောင့် Skin Care လုပ်ရမှာပျင်းလို့ပဲဖြစ်ဖြစ်၊ သဘာဝအတိုင်း Skin ကို Healthy Glow ချင်လို့ဖြစ်ဖြစ် ဒီအောက်မှာပြထားတဲ့ နည်းလမ်းကောင်းလေးတွေကို လိုက်နာဖို့တော့လိုမယ်နော်။

နေရောင်ခြည်မထိတွေ့အောင်ရှောင်ပါ
နေပူသည်ဖြစ်စေ၊ မပူသည်ဖြစ်စေ၊ အပြင်သွားတဲ့အခါ နေရောင်ခံကာကွယ်တဲ့ Sunscreen ကိုအလကားလိမ်းခိုင်းတာမဟုတ်ပါဘူး။ အကြောင်းအရင်းရှိပါတယ်။ နေရောင်ထဲမှာပါဝင်တဲ့ ခရမ်းလွန်ရောင်ခြည် UVA/ UVB တွေက အသားအရေကို ပျက်စီးစေနိုင်ပါတယ်။ အရွယ်မတိုင်ခင် အသားအရေအိုမင်းရင့်ရော်ခြင်းရဲ့ ၉၀ ရာခိုင်နှုန်းက နေရောင်ခြည်ကြောင့်ဖြစ်တာပါ။ ဒီ UV Rays တွေကအခန့်မသင့်ရင် အရေပြားကင်ဆာဖြစ်တဲ့အထိအန္တရယ်ရှိတာကြောင့် အပြင်သွားတိုင်းမျက်လုံးနဲ့ အရေပြားကို သေချာ Protect လုပ်သွားသင့်တယ်နော်။

Silk/Satin သားခေါင်းအုံးစွပ်နဲ့အိပ်ပါ
ချည်သား၊ လီနင်သား ခေါင်းအုံးစွပ်တွေနဲ့ အိပ်တဲ့အခါ ပွတ်တိုက်ပါများတာကြောင့် မျက်နှာမှာ အရေးကြောင်းပေါ်တာတို့၊ ဝက်ခြံပေါက်တာတို့၊ ဆံပင်တွေရှုပ်ထွေးတာတို့ဖြစ်စေနိုင်ပါတယ်။ ပိုးသားနဲ့ ဖဲသား ခေါင်းအုံးစွပ်တွေက ချောမွေ့ပြီး မျက်နှာမှာရှိတဲ့ အစိုဓာတ်ကိုလည်း Maintain လုပ်ပေးတဲ့ အပြင်အရေးအကြောင်းတွေမဖြစ်အောင်လည်းတားဆီးပေးပါတယ်။ ပြီးတော့သူ့ရဲ့ Surface ကစိုထိုင်းမှုကို တားဆီးပေးတာကြောင့် ဘက်တီးရီးယားတွေကို မကပ်တွယ်စေတာကြောင့် ဝက်ခြံလည်းမဖြစ်စေပါဘူး။

ရေများများသောက်ပါ
ရေများများသောက်ဖို့ဆိုတာလည်း အမြဲတမ်းပြောနေရတဲ့ Reminder တစ်ခုပါ။ ကျွန်မတို့ခန္ဓာကိုယ်ရဲ့ ၉၅% ခန့်ကို ရေဓာတ်တွေနဲ့ဖွဲ့စည်းထားတာပါ။ ဒါကြောင့် ရေဓာတ်က အလိုအပ်ဆုံးအရာတစ်ခုပါ။ ကိုယ်ကရေကို လုံလုံလောက်လောက်မသောက်တဲ့အခါ Dehydrated ဖြစ်လာပြီး အသားအရေတွေခြောက်လာမယ်၊ နှုတ်ခမ်းတွေခြောက်လာမယ်၊ ဆံပင်တွေကြမ်းတမ်းလာမယ်။ အဲ့ဒါကြောင့် ရေသောက်တဲ့ အကျင့်လေးကို မွေးမြူထားရင် အသားအရေလေးက Moisturizer မလိမ်းပဲတောင် ရေဓာတ်ပြည့်ဝပြီး စိုစိုပြေပြေလေးဖြစ်နေပါလိမ့်မယ်။

မျက်နှာကို ခဏခဏလက်နဲ့မကိုင်မိပါစေနဲ့
ဒါကမိန်းကလေးအများစုလုပ်လေ့ရှိတဲ့ အမှားပါ။ ကိုယ်က မသိလို့ဖြစ်စေ၊ အကျင့်ပါနေလို့ဖြစ်စေ မျက်နှာကို လက်နဲ့ ကိုင်တာတို့၊ ပွတ်တာတို့၊ ဝက်ခြံတွေကိုလက်နဲ့ညှစ်တာတို့ ပြုလုပ်လေ့ရှိကြတယ်။ တကယ်တော့ ဘယ်လောက်သန့်ရှင်းတယ်ပြောပြော လက်မှာ မမြင်နိုင်တဲ့ Bacteria တွေကပ်ညိနေနိုင်တာမို့ မျက်နှာကို အတတ်နိုင်ဆုံး လက်နဲ့ မကိုင်တာကတော့ စိတ်အချရဆုံးပါ။

Makeup Brush တွေကိုပုံမှန်ဆေးပါ
မိန်းကလေးအများစု မျက်နှာမှာ ဝက်ခြံတွေ၊ အမဲစက်တွေပေါက်လာတာ၊ Allergy တွေဖြစ်လာတာက Expired ဖြစ်နေတဲ့ Products တွေနဲ့ မသန့်ရှင်းတဲ့ Makeup Brush တွေကြောင့်ပါ။ Makeup Brush တွေမှာ မိတ်ကပ်တွေ၊ Shadow ၊ Powder အမှုန့်တွေက ထပ်ခါထပ်ခါမျက်နှာပေါ်ပြန်တင်မိသလိုဖြစ်တဲ့ အခါ ဓာတ်မတည့်ပဲ ယားယံလာတတ်ပါတယ်။ အဲ့ဒါကြောင့် Makeup Brush ကိုမကြာခဏဆေးပေးသလို အဲ့ Brush တွေကို သူများနဲ့မ Share ပဲ တစ်ကိုယ်ရည်ပဲသုံးသင့်ပါတယ်။

စိတ်ဖိစီးမှုကင်းအောင်နေပါ
စိတ်ဖိစီးမှုများတာ၊ စိုးရိမ်ကြောင့်ကျစိတ်များတာတွေကလည်း Skin ကိုအနည်းနဲ့အများ သက်ရောက်မှုရှိပါတယ်။ သင်တစ်ခုခုကို စိုးရိမ်တဲ့အခါ၊ စိတ်ပူပန်တာတွေများတဲ့အခါ မျက်နှာက ပူထူပြီး နီမြန်းလာတာကို သတိထားမိလား။ အဲ့ဒါက ကိုယ့်မျက်နှာအရေပြားအောက်ခြေက Blood Flow တွေကအရမ်းမြန်ဆန်သွားတာကြောင့်ပါ။ ကျွန်မတို့စိတ်ဖိစီးတဲ့အခါ၊ Anxiety တွေများတဲ့အခါ ခန္ဓာကိုယ်က Cortisol လို့ခေါ်တဲ့ Hormone တစ်ခုထွက်ပါတယ်။ ဒီ Hormone ကသွေးလည်ပတ်တာကို မြန်မြန် Respond လုပ်ပေးနိုင်တာမို့ကောင်းပါတယ်။ ဒါပေမယ့် Cortisol တွေအရမ်းများလာတဲ့အခါ အသားအရေကို ရေဓာတ်လုံလောက်အောင်မထိန်းသိမ်း နိုင်တာတို့၊ မျက်နှာမှာ အဆီတွေအရမ်းပြန်တာတို့ဖြစ်စေပါတယ်။

လေ့ကျင့်ခန်းပုံမှန်လုပ်ပါ
ကိုယ်လက်လေ့ကျင့်ခန်းလုပ်လိုက်လို့ ထွက်ချွေးထွက်ပြီးပေါ့ပါးလန်းဆန်းသွားတာက ခန္ဓာကိုယ်တစ်ခုတည်းအတွက်မဟုတ်ပဲ အသားအရေအတွက်လည်း အကျိုးကျေးဇူး အများကြီးရှိပါတယ်။ လေ့ကျင့်ခန်းလုပ်တာကြောင့် Stress တွေကိုလျော့စေပြီး သွေးလည်ပတ်မှုကောင်းမွန်စေတာကြောင့် အသားအရေကို သူ့ပါသူ ပြန် Repair လုပ်နိုင်သလို ချွေးကနေတစ်ဆင့် အဆိပ်အတောက်တွေထွက်သွားတာမို့ မျက်နှာလေးကို ပန်းရောင်သန်းပြီး Glow လာစေပါတယ်။

Cigarette အငွေ့မရှုရှိက်မိပါစေနဲ့
Cigarette မှာပါတဲ့ ကျန်းမာရေး ဆိုးကျိုးတွေကို အားလုံးသိပြီးသားဖြစ်မှာပါ။ ဒါပေမယ့် တော်တော်များများမသိကြတာက Cigarette မှာပါတဲ့ Nicotine နဲ့ တခြား Chemicals တွေက Skin ကိုအားဖြည့်ပေးတဲ့ Oxygenတွေ၊ Vitamins တွေ၊ Nutrients တွေကိုသယ်ဆောင်ပေးတဲ့ သွေးကြောမျှင်တွေကို တားဆီးပစ်တာကြောင့် အသားရေက Toxic တွေများလာတယ်။ အဲ့တော့ အကျိုးဆက်အနေနဲ့က အိုမင်းလွယ်တယ်၊ မျက်ကွင်းတွေညိုလာမယ်၊ အသားအရေညစ်ပြီး ဆားဝက်ခြံတွေထွက်လာတတ်တယ်။ အဲ့ဒါကြောင့် Cigarette မသောက်သလို Cigarette အငွေ့ကိုလည်း မရှုရှိုက်မိစေနဲ့နော်။

အိပ်ရေးဝပါစေ
ဒီအချက်ကတော့ အားလုံးထဲမှာ အရေးအကြီးဆုံးနဲ့ အလိုအပ်ဆုံးအချက်ပါ။ အပေါ်က ကိုးချက်လုံးလိုက်နာပြီး အိပ်ရေးကျဝဝမအိပ်ဘူး၊ အိပ်ချိန်တွေမမှန်ဘူးဆိုရင် အသားအရေက ဒုံရင်းက ဒုံရင်းပဲ ဖြစ်နေမှာပါ။ လူ့အရေပြားလွှာကညတိုင်း ဆဲလ်အသစ်တွေ Regenerate လုပ်တာဖြစ်ပြီး အဲ့လို ဆဲလ်အသစ်တွေထုတ်လွှတ်တဲ့အချိန်က ည ၁၁ ကနေမနက် ၄ နာရီအတွင်းဖြစ်တာမို့ အဲ့အချိန်အတွင်းမှာမအိပ်ရင် New Cells တွေ မထုတ်နိုင်တော့တာမို့ အသားအရည်က ညစ်နွမ်းပြီး ကြည်လင်တော့မှာမဟုတ်ဘူး။

  ဘယ်သူပဲဖြစ်ဖြစ် အသက်ကြီးကြီးငယ်ငယ်၊ ဖြူဖြူညိုညို ကိုယ့်အသားအရေလေးကို ကြည်လင်ပြီး ချောမွတ်တောက်ပချင်နေတာက လူတိုင်းရဲ့ ဆန္ဒပဲလေ။ အဲ့ဒါကြောင့်လည်း မိန်းကလေးတိုင်းရဲ့ Daily Routine ထဲမှာ အသားအရေထိန်းသိမ်းတာ၊ Skin Care တွေကိုအသုံးပြုတာက အရေးကြီးတဲ့ နေရာက ပါဝင်လာတာပဲမလား။ အသားအရေကိုပုံမှန်ထိန်းသိမ်းတဲ့သူတစ်ယောက်အတွက် မိတ်ကပ်တွေလိမ်းတာထက် Skin Care ကိုပိုပြုလုပ်ပေးတာ၊ အသားအရေကိုအားပြည့်အောင် ရေများများသောက်တာ၊ အိပ်ရေးဝအောင်အိပ်တာတို့က မလုပ်မဖြစ်လုပ်ပေးရမယ့်အလုပ်တွေပါ။ ဒါပေမယ့် Skin Care တယ်ဆိုတာလည်း တန်ဆေးလွန်ဘေးဆိုတဲ့အတိုင်း နည်းလမ်းမမှန်တဲ့အခါ၊ လိုအပ်တာထက်ပိုလုပ်တဲ့အခါ Skin ကို Benefit မရှိစေတဲ့အပြင် ပိုတောင်ပျက်စီးသွားစေနိုင်တာမို့ သတိထားစေလိုပါတယ်။
လုပ်တာတော့ အသားအရေကို Glow စေချင်လို့လုပ်တာပဲ ဒါပေမယ့် Glow ချင်ဇောနဲ့လုပ်လိုက်တဲ့ နည်းမကျတဲ့၊ မှားနေတဲ့ Skin Care ပြုလုပ်တာတွေက ဘာတွေဖြစ်မလဲကြည့်လိုက်ရအောင်။

Over-Cleansing လုပ်တာ

ကြည်လင်တဲ့အသားအရည်ကိုရရှိဖို့ဆို မျက်နှာလေးကို အညစ်အကြေးကင်းစင်အောင် မှန်မှန်သန့်စင်ရမယ်ဆိုတာ အားလုံးသိကြပါတယ်။ ဒါပေမယ့် Cleansing ကို စနစ်တကျနဲ့ လုပ်တဲ့သူဆိုတာ ရှားပါတယ်။ Make-Up လိမ်းတဲ့သူတွေဆိုရင် အိမ်ပြန်ရောက်ရင် မျက်နှာတန်းမသစ်သေးပဲ Make-up Remover (သို့) Cleansing Oil/Cleansing Cream တို့နဲ့ အရင် Cleanse လုပ်ပြီးမှ ရေနဲ့ Facial Wash နဲ့ မျက်နှာသစ် သင့်ပါတယ်။ ဒါပေမယ့် မျက်နှာကို Cleansing လုပ်တာကို တစ်နေ့မှာ နှစ်ကြိမ်လောက်ပဲလုပ်သင့်ပါတယ်။ နှစ်ကြိမ်ထက်ပိုပြီး Cleansing လုပ်ရင် အရေပြားမှာလိုအပ်တဲ့ အဆီဓာတ်တွေကိုပါ ရှင်းထုတ်လိုက်သလိုဖြစ်တာမို့ အသားအရေကို ပိုပြီး ခြောက်သွေ့ကြမ်းတမ်းလာစေ နိုင်တာမို့ ရှောင်ကျဉ်သင့်ပါတယ်။

Face ကို ခဏခဏ Scrub တိုက်တာ

Skin ပေါ်မှာ မလိုအပ်တဲ့ အဆီတွေ၊ ဖုန်မှုန့်တွေ၊ အညစ်အကြေးတွေအပြင် ဆဲလ်အသေတွေကိုပါ ရှင်းလင်းဖို့ဆိုရင် သာမန်မျက်နှာကို Cleansing လုပ်တာအပြင် မကြာခဏ Exfoliate လုပ်ဖို့လည်းလိုအပ်ပါတယ်။ မျက်နှာကို သင့်တော်တဲ့ Scrub လုပ်ပေးခြင်းအားဖြင့် အဆီဖုတွေ၊ ဆားဝက်ခြံတွေပါးသွားစေပြီး မျက်နှာကိုကြည်လင် ချောမွေ့စေပါတယ်။ အဲ့ဒါကြောင့်လည်း မိန်းကလေးတွေ Scrub ကိုနှစ်နှစ်ခြိုက်ခြိုက်သုံးလာကြတာပေါ့။ ဒါပေမယ့် Scrub က အရမ်း Sensitive ဖြစ်တဲ့အသားအရေနဲ့ မတည့်သလို ခဏခဏ Scrub လုပ်ရင်အသားအရေပါးသွားစေနိုင်သလို အရေပြားအပေါ်ယံလွှာကိုပါ ပျက်စီးစေနိုင်တာမို့ ခဏခဏ Scrub မလုပ်နဲ့နော်။ Exfoliate လုပ်တာကတစ်ပတ်မှာ အများဆုံးနှစ်ကြိမ်ဆို လုံလောက်ပါတယ်။

Face Mask ကိုအကြာကြီးကပ်ထားမိတာ

ဒါကတော့ အယ်ဒီတာအပါအဝင် လှချင်ရက်စက်စက်ယိုလေးတွေ လုပ်နေကြအကျင့်တစ်ခုပါ။ ဘာလဲဆိုတော့ မျက်နှာပေါင်းတင်တဲ့ Sheet Mask တွေကပ်တဲ့အခါ ပိုပြီးများ Mask မှာပါတဲ့ Essence တွေက အသားထဲကို စိမ့်ဝင်သွားမလား၊ ပိုအားပြည့်ပြီး Glow သွားမလားဆိုပြီး Face Mask တွေကို အကြာကြီးကပ်ကြပါတယ်။ တစ်ချို့ဆို ၄၅မိနစ်လောက်တောင်ဖြစ်သွားတယ်။ တကယ်တော့ Face Mask မှာပါတဲ့ Instruction တွေအရ ၁၅ မိနစ်ကနေ မိနစ် ၂၀ အတွင်းကအလုံလောက်ဆုံးအချိန်ပါ။ ဒီ့ထက်ပိုကြာအောင်ထားရင် Skin မှာရှိတဲ့ အစိုဓာတ်တွေကို Mask ကပြန်စုပ်ယူသွားစေနိုင်တာမို့ မGlow တဲ့အပြင် အသားကိုတောင်ပိုခြောက်သွေ့သွားနိုင်ပါတယ်။

Skin Care Brand တွေမကြာခဏပြောင်းသုံးတာ

အသားအရေထိန်းသိမ်းဖို့ Skin Care တွေ၊ Beauty Product တွေသုံးတာကောင်းပါတယ်။ သို့ပေမယ့် ကိုယ်သုံးတဲ့ Skin Care က ကိုယ့်အတွက် Effective ဖြစ်တယ်ဆိုတာကအနည်းဆုံး ခြောက်လကနေ ရှစ်လအထိ စွဲသုံးကြည့်ပြီးမှသိမှာပါ။ အဲ့ဒါကို နှစ်လသုံးလနဲ့ မသိသာဘူးဆိုပြီး တခြား Skin Care Brand တွေပြောင်းသုံးရင် ပိုမကောင်းလာတဲ့အပြင် ပိုက်ဆံလည်းကုန်၊ Product တွေအစုံပြောင်းသုံးရင်အသားအရေလည်းပျက်စီးနဲ့ နှစ်ခါနာပါတယ်။

Sunscreen ကိုအိမ်ထဲမှာနေရင် မလိမ်းတာ

မိန်းကလေးတော်တော်များများက ပုံမှန် Skin Care Step တွေကိုလုပ်ကြပေမယ့် Sunscreen လိမ်းဖို့ကိုကျ ပျင်းကြပါတယ်။ လိမ်းပြန်ရင်လည်း အပြင်ထွက်တဲ့အခါမျိုးတွေ၊ ကမ်းခြေသွားတဲ့အခါတွေ၊ ခရီးသွားတဲ့အခါတွေကျမှ လိမ်းကြပါတယ်။ တကယ်တော့ အိမ်မှာ၊ Air-Con ခန်းထဲမှာနေရင်လည်း Sunscreen ကလိမ်းသင့်တယ်နော်။ အိမ်ထဲမှာနေတယ်ဆိုရင်တောင် အပြင်က Sunlight တွေဝင်နိုင်တဲ့အပြင် Indoor မှာပဲအသုံးပြုတဲ့ Blue Light တွေဒဏ်ကနေလည်း ကာကွယ်သင့်တာကြောင့်ပါ။

မျက်နှာကိုလက်နဲ့ ခဏခဏကိုင်တာ

မျက်နှာကိုတသသနဲ့ လှချင်လိုက်တာလည်းကိုယ်တွေပဲ။ ပြီးရင် မျက်နှာကိုတစ်ချိန်လုံးလက်နဲ့ကိုင်နေတာလည်း ကိုယ်တွေပဲ။ ဟုတ်တယ်မလား။ အထူးသဖြင့် မျက်နှာမှာဆားဝက်ခြံတွေ၊ ဝက်ခြံဖုတွေဖြစ်နေရင် ပိုတောင် ကိုင်ချင်ညှစ်ချင်စိတ်ပေါက်သေးတယ်။ ဒီခံစားချက်ကို အယ်ဒီတာကိုယ်တိုင်လည်း နားလည်ပါတယ်။ ဒါပေမယ့် ဘယ်လောက်ပဲလက်ကသန့်ရှင်းနေသည်ဖြစ်ပါစေ မမြင်ရတဲ့ ဖုန်လေးတွေနဲ့ Bacteria တွေကအချိန်မရွေးရှိနေနိုင်တာမို့ မျက်နှာကိုကိုင်လိုက်တဲ့အခါ ပိုးဝင်ပြီး Infection ဝင်သွားနိုင်ပါတယ်။ အဲ့ဒါကြောင့် ဘယ်လောက်ပဲထိန်းလို့မရဘူးပြောပြော အတတ်နိုင်ဆုံးတော့ လက်လေးကိုမျက်နှာနဲ့ခပ်ခွာခွာမှာထားပါနော်။

 ဆောင်းတွင်းက တဖြည်းဖြည်းနဲ့အေးလာပြီမို့ အသားအရေတွေလည်းခြောက်သွေ့လာပြီနော်။ အခုလိုအချိန်က ပုံမှန်ကာလတွေထက် Moisture ပိုလိုအပ်တဲ့ အချိန်မို့ ရေများများသောက်ပြီး Hydration ကောင်းအောင် နေထိုင်ဖို့အရေးကြီးပါတယ်။ အိပ်ရေးဝအောင်အိပ်ပြီး Moisture၊ Hydration ပြည့်ဝစေမယ့် Skin Care တွေပုံမှန်လုပ်ဖို့လည်း မမေ့နဲ့နော်။ အထူးသဖြင့် ဒီလိုအချိန်က Face Mask လေးတွေကပ်ပေးဖို့ အကောင်းဆုံးအချိန်လို့လည်းပြောလို့ရပါတယ်။ သင့်အသားအရေက Normal Skin ဖြစ်ဖြစ်၊ Oily Skin ဖြစ်ဖြစ်၊ Dry Skin ဖြစ်ဖြစ်၊ Combination Skin ဖြစ်ဖြစ် အသားအရေတိုင်းအတွက် အခြေခံ Hydration ကလိုအပ်ပါတယ်။ အဲ့ဒီ Hydration ကိုလည်း တော်ရုံ Moisturizer တွေထက် Face Sheet Mask တွေက ရေဓာတ်ကို အပြည့်အဝဖြည့်ဆည်းပေးနိုင်တယ်။ အရေပြားအတွင်းပိုင်း ကျန်းမာစိုပြေစေတာမို့ အခုလို ဆောင်းတွင်းကာလမှာ Mask Sheet လေးတွေ တစ်ပတ်နှစ်ကြိမ်၊ သုံးကြိမ် ကပ်ပေးဖို့ Recommend ပေးလိုက်ပါတယ်နော်။
ဘယ် Face Mask ကသုံးလို့ကောင်းလဲဆိုရင် ဈေးကွက်ထဲမှာအလွယ်တကူ ရှာဖွေနိုင်သလို Affordable လည်းဖြစ်တဲ့ Face Mask လေးတွေရွေးချယ်ပေးလိုက်ပါတယ်။

Jayjun Intensive Shining Mask
Jayjun Mask တွေကတော့ ဈေးကွက်ထဲစရောက်တည်းက အခုချိန်ထိ မိန်းကလေးတွေမှာမက ယောင်္ကျားလေးတွေကြားမှာပါ ရေပန်းစားတဲ့ Face Mask ပါ။ သူကတော့ ပေးရတဲ့ ဈေးတဲ့ ရတဲ့ Skin Benefit ကတကယ် Worth ဖြစ်တယ်ပြောနိုင်ပါတယ်။ Jayjun Mask တွေအမျိုးအစားတိုင်းကတော့ သူ့ Effect နဲ့သူကောင်းတာပါပဲ။ ဒါပေမယ့် အယ်ဒီတာကတော့ ဒီဆောင်းတွင်းမှာ အသားအရေကို Baby Face လေးအသွင်ဖြစ်စေမယ့် Jayjun Intensive Shining 3 Step Mask ကိုကပ်ကြည့်ဖို့ Recommend ပေးတယ်။ Baby Skin လေးအပြင်စိုပြေပြီး Glow Look ပါရစေမှာနော်။

Garnier Hydra Bomb Soothing Serum Mask
Garnier Serum Mask တွေအားလုံးက Serum ပါပြီးသားမို့ ကပ်ပြီးပြီးချင်းကို ချောမွေ့စိုပြေသွားစေတယ်။ ဆောင်းတွင်း Garnier Mask ကပ်တော့မယ်ဆိုရင် Whitening ပါတာထက် Skin ကို Moisturizing ဖြစ်စေမယ့် Energizing ဖြစ်စေမယ့် Type တွေကိုပိုရွေးချယ်သင့်ပါတယ်။ အခုချိန်ကအသားအရေခြောက်သွေ့လွယ်တာမို့ Skin ကိုလည်းပိုဝန်ပိစေတယ်။ ဒီ Hydra Bomb Soothing Mask မှာပါတဲ့ Lavender က ပင်ပန်းနွမ်းနယ်နေတဲ့အသားအရည်ကို ပြန်လည်အားဖြည့်ပေးတဲ့အပြင် ကပ်နေတုန်းရော၊ ကပ်ပြီးသွားတဲ့အချိန်မှာပါ Lavender ပန်းရနံ့လေးက စိတ်ကို Relax ဖြစ်စေပါတယ်။

The Body Shop Aloe Calm Sheet Mask
Aloe Vera က အလွန်နူးညံ့ပြီး Side Effect ကင်းတာကြောင်း အသားအရေတိုင်း၊ အထူးသဖြင့် Sensitive Skin တွေအတွက်ပါသင့်တော်တာ အားလုံးသိပြီးသားဖြစ်မှာပါ။ ရှားစောင်းလက်ပပ်က Skin ဓာတ်မတည့်လို့ဖြစ်တတ်တဲ့ အနီစက်နဲ့ အဖုတွေကိုလည်း သက်သာစေတယ်၊ အသားအရေကို အေးမြပြီး Calm ဖြစ်စေတယ်။ The Body Shop Aloe Calm Sheet Mask မှာ Mexico က Community Trade Oragnic Aloe Vera နဲ့ပြုလုပ်ထားတာမို့ ထိခိုက်ပျက်စီးတတ်တဲ့အသားအရေပိုင်ရှင်တွေတောင်မှ အေးမြပြီး အစိုဓာတ်ကိုအကောင်းဆုံးဖြည့်ပေးနိုင်ပါတယ်။

Skin Food Broccoli Sous Vide Mask Sheet
Korean Brand ဖြစ်တဲ့ Skin Food ကလည်း သူ့ရဲ့ Organically ပြုလုပ်ထားတဲ့ Skin Care Line တွေး ကြောင့်အရမ်းလူကြိုက်များပါတယ်။ ပြီးတော့ Product တိုင်းက သဘာဝကရတဲ့ အသီးအနှံအသီအရွက်တွေကပဲ သဘာဝပြုလုပ်ထားတာမို့ အသားအရေကို Side Effect လုံးဝမရှိစေပါဘူး။ သူ့ Face Mask လေးတွေထဲမှာ Editor သဘောကျတာက Organic Veggie လေးတွေနဲ့ပြုလုပ်ထားတဲ့ Sous Vide Mask Sheet Series ပဲ။ အဲ့ထဲမှာမှ Toner Type ထဲက Broccoli Sous Vide Sheet Mask ဆိုရင် အသားအရေကို အတွင်းပိုင်းအထိအားဖြည့်ပေးပါတယ်။ ကြည်လင်ပြီး အသားအရောင်မညီတာတွေကိုလည်းလျော့သွားစေတယ်။ ကိုယ်တွေတောင် အသားအရည်လှချင်လို့ Broccoli တွေစားပေးရတာပဲမလား။

Hearty Heart Watermelon Face Mask
Hearty Heart ရဲ့ Face Mask လေးတွေက Affordable လည်းဖြစ်သလို အရမ်းလည်းကောင်းတာမို့ အယ်ဒီတာဆို အများကြီးဝယ်ထားပြီး ကပ်ဖြစ်တယ်။ Packaging လေးတွေကလည်းချစ်စရာကောင်းပြီး ဆယ်ကျော်သက်အရွယ်တွေကစလို့ အသက်အလတ်ပိုင်းအထိပါသုံးဖို့သင့်တော်ပါတယ်။ သူက Mochi၊ Strawberry၊ Lemon နဲ့ Watermelon ဆိုပြီး လေးမျိုးထွက်ရှိထားပေမယ့် အသားအရေတိုင်းအတွက်တော့ Mild ဖြစ်တဲ့ Watermelon လေးကအသင့်တော်ဆုံးပါ။ သူက ဖရဲသီးလိုပဲရေဓာတ်ဖြည့်ပေးတဲ့အပြင် Hyaluronic Acid နဲ့ Vitamin C တို့လည်းပါတာကြောင့် သိသိသာသာ ကြည်လင်လာပြီး Clear Skin လေးဖြစ်စေပါတယ်။

SAI Hydrating Face Mask
SAI Cosmetix ရဲ့တစ်ခုတည်းသော Skin Care Line ဖြစ်တဲ့ Face Mask တွေကလည်းအရမ်းကပ်လို့ကောင်းပါတယ်။ သူလည်းအမျိုးအစားတွေအများကြီးထွက်ရှိထားသလို Soothing နဲ့ Hydrating Face Mask တွေကတော့ ရွေးချယ်ဖို့ ကောင်းဆုံး Face Mask တွေပါ။ Hydrating Face Mask လေးက အသားအရေစိုပြေစေဖို့ အဓိကထုတ်လုပ်ထားတာမို့ ကြမ်းတမ်းခြောက်သွေ့နေတဲ့အသားအရည်ကို နူးညံ့ချောမွေ့သွားစေပြီး ရေဓာတ်ကို ၁၀၀%ဖြည့်တင်းပေးနိုင်ပါတယ်။ Mask မှာပါတဲ့ Sodium Hyaluronate နဲ့ H2o Molecules တွေက အသားအရည်ပျက်စီးတာကနေလည်းကာကွယ်ပေးပါသေးတယ်။

              အလှအပဆိုတာ အသက်အရွယ်မရွေးအားလုံးနီးပါးမက်မောကြတဲ့အရာတစ်ခုပါ။ အရေပြားတစ်ထောက်စာဆိုပေမယ့်လည်း အဲဒီအရေပြားတစ်ထောက်စာကပဲ လူမှူပတ်၀န်းကျင်မှာ များစွာသော ကွာခြားမှူတွေကိုပြုလုပ်နိုင်ပါတယ်။ လူတစ်ယောက်ဟာ ရုပ်ရည်မချောမောနေရင်တောင်မှ သပ်ရပ်စမတ်ကျမှူနဲ့ ကြည့်ကောင်းတဲ့ပြင်ဆင်ခြယ်သမှူရှိရင် အကြောင်းကိစ္စတိုင်းမှာ လူတွေရဲ့ယုံကြည်မှူကို ပိုပြီးရနိုင်တာမို့ အလှအပနဲ့ပတ်သက်ရင် ဆင်းရဲချမ်းသာမရွေး ၊ရုပ်ချောသည်မချောသည်မရွေး အားလုံးဂရုတစိုက်ရှိသင့်တယ်ဆိုတဲ့အချက်ကို သတိပေးပါရစေ။ အခုလည်း အလှအပနဲ့ပတ်သက်လို့ ငွေကုန်ကြေးကျများများစားစားမလိုပဲ ကိုယ့်ပတ်၀န်းကျင်မှာရှိတဲ့တချို့အရာလေးတွေကို အသုံးပြုရုံ၊ဂရုစိုက်ပေးရုံနဲ့ အရင်ကထက်ပိုကောင်းတဲ့ အသားအရည်ကိုပိုင်ဆိုင်ပြီး နှစ်ဆတိုးလှပလာနိုင်တယ်ဆိုတာကို သိရှိစေဖို့အတွက် ငွေကုန်ကြေးကျနည်းနည်းနဲ့ လှအောင်နေနည်းတချို့ကို မျှဝေပေးလိုက်ပါတယ်နော်။

မိတ်ကပ်သေချာဖျက်ပါ

မိတ်ကပ်မဖျက်ပဲညအိပ်ခြင်းက အသားအရည်ကို အဆိုးရွားဆုံးထိခိုက်ပျက်စီးစေတဲ့အချက်တွေထဲက အရေးကြီးဆုံးတစ်ခုပါ။ ချွေးပေါက်ပိတ်ပြီး အရေးပြားယားယံတာ ၊၀က်ခြံထွက်တာတွေအပြင် ငယ်ငယ်ရွယ်ရွယ်နဲ့ အရေး‌အကြောင်းပေါ်တာမျိုးတွေကိုပါဖြစ်စေနိုင်တာကြောင့် အပြင်ကနေ ဘယ်လောက်ပင်ပန်းပြီးပြန်လာလို့ပဲဖြစ်ဖြစ်၊ night out မှာ အမူးသောက်လာလို့ပဲဖြစ်ဖြစ် ဘယ်လိုအခြေအနေမျိုးမှာမဆို မိတ်ကပ်ဖျက်ဆေးနဲ့သေချာဖျက်ပြီးမှသာ အိပ်ရာ၀င်သင့်ပါတယ်။

ခေါင်းအုံးစွပ်ပုံမှန်လဲပါ

လူအတော်များများက အလှအပနဲ့ပတ်သက်ရင် သေချာဂရုစိုက်တတ်ကြပေမယ့် ခေါင်းအုံးစွပ်ပုံမှန်လဲဖို့ကိုတော့ အမှူမဲ့အမှတ်မဲ့ မေ့လျော့နေတတ်ကြပါတယ်။ ခေါင်းအုံးစွပ်တွေက ကိုယ့်မျက်နှာအသားအရည်ကို ထိခိုက်ပျက်စီးစေတဲ့အရာတွေထဲမှာ အဓိကပါ၀င်နေတဲ့အနီးဆုံးရန်သူပါပဲ။ ဒါကြောင့် ခေါင်းအုံးစွပ်တွေကို အနည်းဆုံးတစ်ပတ်တစ်ကြိမ်လောက် ပုံမှန်လေး လဲလှယ်တာမျိုး၊ လျှော်ဖွပ်တာမျိုးမဖြစ်မနေလုပ်ပေးသင့်ပါတယ်။

ရေဖြန်းဖို့လိုပြီ

အသားအရည်နဲ့ခန္ဓာကိုယ်ကို ပုံမှန်ရေဓာတ်ဖြည့်သွင်းပေးဖို့ကို လုံး၀မမေ့ပါနဲ့။ ရေပုံမှန်သောက်တာမျိုး ၊ရေဓာတ်ပြည့်တဲ့အသီးအနှံတွေစားတာမျိုး ၊မျက်နှာအသားအရည်ကို ရေဓာတ်ပါတဲ့ Skincare တွေ ၊အသီးအနှံတွေနဲ့ ရေဓာတ်ဖြည့်ပေးတာမျိုး အမြဲပြုလုပ်ပေးသင့်ပါတယ်။ နောက်ဆုံး အစိုဓာတ်ဖြည့်ဖို့ Skincare တွေအတွက် ပိုက်‌ဆံအကုန်အကျမခံချင်ဘူးဆိုရင် Spray ဘူးထဲရေထည့်ပြီး မျက်နှာကို ပုံမှန်ဖြန်းပေးတဲ့အကျင့်မျိုး ပြုလုပ်ပေးပါ။

မီးဖိုချောင်ကိုမေ့မထားပါနဲ့

အလှအပနဲ့ပတ်သက်ရင် ကိုယ့်အိမ်ကမီးဖိုချောင်လေးကို လုံး၀အထင်မသေးလိုက်ပါနဲ့ ။မီးဖိုချောင်ထဲကပစ္စည်းတွေနဲ့ပဲ ကိုယ့်ရဲ့အသားအရည်ကို အကုန်အကျနည်းနည်းနဲ့လှပဖို့အတွက် အများကြီးအသုံးပြုနိုင်ပါတယ်။ ထောပတ်သီး၊ရှားစောင်းလက်ပတ် ၊ ခရမ်းချဉ်သီး ၊ ဒိန်ချဉ် ၊ အုန်းဆီ ၊ ရှောက်သီး အစရှိတဲ့ မီးဖိုချောင်သုံး ingredient တွေဟာ အသားအရည်အလှအပအတွက် အရမ်းကိုအသုံး၀င်တဲ့ သဘာ၀အရေပြားထိန်းသိမ်းရေးပစ္စည်းတွေဖြစ်တဲ့အကြောင်းကို လက်တွေ့အသုံးချဖူးတဲ့သူတိုင်းသိကြမှာပါ။

အကာအကွယ်ယူပါ

မနက်ပိုင်းအပြင်သွားမယ်လို့ပြင်တိုင်း နွေရာသီဖြစ်ဖြစ် ၊ဆောင်းရာသီဖြစ်ဖြစ် Sunscreen လိမ်းဖို့မမေ့ပါနဲ့။ နေရောင်ခြည်ဒဏ်ဟာ အသားအရည်ကို မသိမသာနဲ့ ထိခိုက်ပျက်စီးစေပြီး အိုမင်းလွယ်စေတဲ့ အကြီးမားဆုံးအကြောင်းရင်းတစ်ခုပါပဲ။ ဒါကြောင့် Sunscreen ကို အပြင်သွားတိုင်းအမြဲလိမ်းဖို့နဲ့ ဖြစ်နိုင်ရင် အိတ်ထဲမှာပါဆောင်သွားဖို့ သတိပေးချင်ပါတယ်။ Sunscreen အတွက်ပိုက်ဆံအကုန်မခံချင်ဘူးဆိုရင်တော့ အပြင်သွားတိုင်း ထီး၊ဦးထုပ်တစ်ခုခုကိုမဖြစ်မနေအသုံးပြုနိုင်ပါတယ်။

Photo Credit to the Rightful Owners

အဆီပြန်တဲ့အသားအရေ ဒုက္ခကို အဆီပြန်တဲ့သူတွေပဲ သိတယ်နော်။ အဆီပြန်ရတဲ့ အကြောင်းအရင်းက အရေပြားအတွင်းပိုင်းမှာရှိတဲ့ အဆီ Gland တွေ ပုံမှန်ထက် အဆီထုတ်လုပ်မှုများတဲ့အတွက်ကြောင့်ပါ။ ဒီအချက်အပြင် အဆီပိုပြန်ဖို့ အားပေးတဲ့အလုပ်တွေ ကိုယ်ကိုယ်တိုင် မသိပဲလုပ်နေမိတတ်ပါတယ်။ ကိုယ်က အဆီပြန်တဲ့သူတစ်ယောက်ဆိုရင် ဒီအချက်တွေထဲက ဘယ်အချက်တွေကို လုပ်မိနေလဲ ရှာဖွေလိုက်ရအောင်နော်။

မျက်နှာအသစ်လွန်တာ

မျက်နှာအဆီပြန်လို့ဆိုပြီး တစ်ရက်ကို သုံး၊လေး၊ငါးကြိမ် မျက်နှာသစ်ပစ်တာက လုံးဝမှားယွင်းပါတယ်။ အချိန်ခဏလောက်တော့ သန့်စင်ခြောက်သွေ့သွားမှာဖြစ်ပေမယ့် လိုတာထက်ပိုသစ်လိုက်တာက ရေဓာတ်ကို ခမ်းခြောက်စေပြီး အဆီပိုပြီးထုတ်လုပ်စေပါတယ်။ မနက်တစ်ခေါက်၊ ညတစ်ခေါက်သာ သစ်သင့်ပြီး Clay Mask လေးတွေကို တစ်ပတ် တစ်ကြိမ်၊ နှစ်ကြိမ်ခန့်အသုံးပြုပေးပါ။ Hydration Mask လေးတွေ ၁၅ မိနစ်ကပ်ပါ။

ကြမ်းကြမ်းတမ်းတမ်းပွတ်တာ

မျက်နှာအရေပြားက ခန္ဒာကိုယ်ရဲ့ ထိခိုက်အလွယ်ဆုံး အစိတ်အပိုင်းတွေထဲမှာပါပါတယ်။ အဆီတွေပြောင်သွားအောင်ဆိုပြီး မျက်နှာကို ခပ်ကြမ်းကြမ်းသန့်စင်တာ၊ Skincare တွေ ခပ်ကြမ်းကြမ်းလိမ်းတာတွေ မဖြစ်မနေရှောင်ရမှာပါနော်။ ဒီအချက်ကလည်း အပေါ်ကလိုပဲ အဆီထုတ်လုပ်မှု ပိုများစေလို့ Skincare ပဲဖြစ်ဖြစ် Cleansing ပဲလုပ်လုပ် စက်ဝိုင်းပုံသဏ္ဍာန် ညင်ညင်သာသာပွတ်လိမ်းပါ။

Exfoliate

ဆဲလ်သေတွေကို ဖယ်ရှားဖို့ Exfoliate လုပ်သင့်တယ်ဆိုပေမယ့် အကြိမ်အရေအတွက်များများ ပြုလုပ်တာကိုတော့ သတိပြုရမှာပါ။ ခပ်ကြမ်းကြမ်း Exfoliating Scurb တွေနဲ့ Alcohol ပါဝင်မှုများတဲ့ Product တွေကို အတတ်နိုင်ဆုံးရှောင်ပါ။ ရေဓာတ်ခမ်းခြောက်စေတဲ့အတွက် အရေပြားက အဆီထုတ်လုပ်မှုကို ပိုလုပ်ဆောင်နိုင်ပါတယ်။

Skincare Product အများကြီးသုံးတာ

Beauty Blogger တွေကြည့်၊ Review တွေဖတ်ပြီး ဟိုကောင်းနိုး၊ ဒီကောင်းနိုး အကုန်လျှောက်သုံးတာကို ရပ်ဖို့ လိုပါပြီ။ Skincare အဆင့်များလေလေ၊ အသားအရေအတွက် ကောင်းလေလေဆိုတာမရှိပါဘူး။ Product တွေ မျက်နှာပေါ်တင်တာများလွန်းရင် ပုံမှန်အသားအရေတောင် အဆီပြန်တဲ့ အသားအရေကို ကူးပြောင်းနိုင်ပါတယ်။ အလွယ်ကူဆုံး၊ အရိုးရှင်းဆုံး Skincare Step ဖြစ်တဲ့ Cleanser၊ Oil Free Moisturiser နဲ့ Water Base Sunscreen လေးသုံးပြီး ပုံမှန် အသားအရေထိန်းသိမ်းသွားရင် အိုခေပြီနော်။ Alcohol မပါတဲ့ Toner နဲ့ Face Mask လေးတွေလည်း အသုံးပြုနိုင်ပါတယ်။

Primer မသုံးတာ

အဆီပြန်တဲ့အသားအရေပိုင်ရှင်တွေ မိတ်ကပ်လိမ်းမယ်ဆိုတိုင်း မဖြစ်မနေလုပ်ရမယ့်အချက်က Primer လိမ်းဖို့ပါ။ အဆီပြန်တတ်တာမို့ မိတ်ကပ်တွေက အချိန်ကြာလာတာနဲ့အမျှ ကွက်လာတာ၊ မညီတာတွေဖြစ်လာနိုင်တဲ့အတွက်ကြောင့်ပါ။ Primer က အသားအရေကို ကြည်ကြည်လင်လင်နဲ့ အဆီပြန်တာကို ထိန်းချူပ်ပေးသလို မိတ်ကပ်သားကိုလည်း ပိုတာရှည်ခံစေပါတယ်။

လွဲမှားနေတဲ့ Foundation Type

Dewy Skin Look ကြိုက်တယ်ဆိုရင်တောင် ဒီလို Look ရဖို့အတွက် ထုတ်ထားတဲ့ Foundation မှန်သမျှကို ရှောင်ရမှာပါ။ (Editor ဆိုလည်း Dewy Look လိမ်းမယ်ဆိုပြီး Foundation တစ်ခုဝယ်ထားတာ..Oily Skin မို့ တော်တော်လေးအဆင်မပြေပဲ သူများကိုပေးပါပေးလိုက်ရတဲ့အထိပါ) ဒီ Foundation တွေက မျက်နှာအသားအရေကို တောက်ပြောင်စေတဲ့ Particle လေးတွေပါဝင်ပြီး Shiny Finish Look ကို ပေးတာမို့ အဆီပြန်ရင် ဘယ်လိုမှ မခံပါဘူး၊ အဆီတောင်ပိုပြန်စေပါတယ်နော်။ ဒါကြောင့် Oil Free တွေ၊ Matte Finish Foundation မျိူးတွေကိုသာ ရှာဝယ်ပါ။ Setting Powder လေးနဲ့ Makeup Look ကို အဆုံးသတ်ဖို့လည်း မမေ့နဲ့နော်။

Valmont Cosmetics က Premium Skincare Lover တွေအတွက်တော့ စိမ်းမှာ မဟုတ်ပါဘူး။ စိတ်အားထက်သန်မှုတွေ၊ ချစ်ခြင်းမေတ္တာနဲ့ စစ်မှန်မှုတွေနဲ့အတူ Guillon မိသားစုက ဒီလုပ်ငန်းကို အလေးထားလုပ်ကိုင်လာခဲ့တာ ၃၅ နှစ်တိုင်ရှိခဲ့ပါပြီ။ ကမ္ဘာ့အကောင်းဆုံးနိုင်ငံတွေထဲက တစ်နိုင်ငံဖြစ်တဲ့ ဆွစ်ဇာလန်နိုင်ငံကနေ အကောင်းဆုံးနည်းပညာတွေနဲ့ ဖန်တီးထားတဲ့ တန်ဖိုးကြီး Brand တစ်ခုဆိုတာ ငြင်းလို့မရပါဘူး။ ယခုဆိုရင် နိုင်ငံပေါင်း ၅၀ ကျော်မှာ အောင်မြင်စွာနဲ့ ရပ်တည်နေပြီး အရောင်းစင်တာနဲ့ Spa ၂၂၀၀ ကျော်မှာ ဝယ်ယူရရှိနိုင်ပြီဖြစ်ပါတယ်။

Valmont ရဲ့ ပထမခြေလှမ်း

၁၉၀၅ ခုနှစ်မှာ Dr Henry Auguste Widmer က ခန္ဒာကျန်းမာရေးအတွက် ပထမဦးဆုံး Swiss Clinic ကို စတင်တည်ထောင်ခဲ့ပါတယ်။ နာမည်ကို Valmont လို့ ပေးခဲ့ပြီး ၁၉၈၅ မှာတော့ Anti - Aging နဲ့ ပတ်သတ်ပြီး စွမ်းဆောင်ရည်မြင့်မားတဲ့ Aesthetic Treatment တွေကို Dr. Nadia Avalle နဲ့အတူ ဖန်တီးထုတ်လုပ်ခဲ့ကြပါတယ်။ Dr. Nadia က ကျော်ကြားတဲ့ Cosmetologist တစ်ယောက်ဖြစ်ခဲ့သလို သူတို့နှစ်ယောက်ရဲ့ တီထွင်မှုက Cellular Cosmetics ကိုမွေးဖွားပေးခဲ့ပြီး Valmont Cosmetics အစပြုရာ နေ့ရက်တွေဖြစ်လာခဲ့ပါတော့တယ်။

လက်ရှိ Valmont

Guillon Family ကနေ လက်ဆင့်ကမ်းပြီး Valmont ကို ပုံဖော်လာခဲ့ကြတာ မျိူးဆက်နှစ်ဆက်တိုင်ခဲ့ပါပြီ။ တည်ထောင်သူနှစ်ယောက်ဖြစ်တဲ့ Didier Guillon နဲ့ Sophie Guillon တို့ ကိုယ်တိုင်က သူတို့ရဲ့ အင်အားတွေ၊ ဘဝတွေ၊ စိတ်ဆန္ဒတွေကို ဒီမှာပဲ နှစ်မြုပ်ထားခဲ့ကြတာပါ။ Didier ရဲ့ အနုပညာမြောက်လှတဲ့ တီထွင်ဖန်တီးမှုတွေနဲ့အတူ Sophie ရဲ့ နည်းပညာကျွမ်းကျင်မှုတွေက Valmont ကို အမြင့်ဆုံးနေရာမှာ ဖူးပွင့်ဝေဆာစေခဲ့ပါတယ်။

Valmont Group ကနေ လက်ရှိအချိန်အထိ Luxury Cosmetics Collection တွေကို ထုတ်လုပ်လျက်ရှိနေပြီး Skincare Collection တွေဖြစ်တဲ့ Valmont, L' Elixir des Glaciers နဲ့ Storie Veneziane လို့ အမည်ရတဲ့ ရေမွှေး Collection ပဲဖြစ်ပါတယ်။

Valmont Cosmetics

Anti - Aging ပိုင်းမှာ နာမည်ကြီးတဲ့ Valmont က ကမ္ဘာ့အကောင်းဆုံးပါဝင်ပစ္စည်းတွေ အသုံးပြုထားတာကို သတိထားမိမှာပါ။ Swiss Alps တောင်တန်းတွေကနေ စီးကျလာတဲ့ ကမ္ဘာ့အသန့်စင်ဆုံးနဲ့ Mineral ပါဝင်မှုအများဆုံးဖြစ်တဲ့ Glacier Water၊ Active Ingredient တွေနဲ့အတူ အသားအရေ တင်းရင်းနုပျိူစေတဲ့ DNA နဲ့ RNA တို့ပါဝင်ပါတယ်။ ထူးထူးခြားခြား Wild Salmon ကို အအေးခံပြီးရရှိလာတဲ့ DNA ကို ပြန်လည်ဖော်စပ် အသုံးပြုထားပါတယ်။ DNA က အသားအရေအတွက် ဘာကောင်းကျိုးတွေရှိလဲဆိုတော့ အစိုဓာတ်ဖြည့်ပေးတယ်၊ Skincare တွေကို စုပ်ယူအားကောင်းဖို့ ဆဲလ်တွေကို လူံဆော်ပေးတယ်၊ သူမတူတဲံ ဆဲလ်အသစ်ဖြစ်ပေါ်ဖို့အတွက် (Cell Regeneration) ကို အားပေးပါတယ်။ ဒီလို အရည်အသွေးမြင့်တဲ့ Ingredient တွေပါဝင်လို့ Cellular Cosmetics Brand ဆိုပြီး ရပ်တည်နေလာခဲ့တာပါ။ ဒါကြောင့် Valmont က သာမာန် Skincare တစ်ခုဆိုတာထက် အများကြီးပိုပါတယ်။ ဟောင်ကောင်မှာ ထိပ်တန်း Cosmetics Brand တစ်ခု အဖြစ်ရပ်တည်နေပြီး ဒီ Collection ထဲက Prime Renewing Pack ဟာဆိုရင် ၁ မိနစ်မှာ ၂ ဘူးရောင်းရတဲ့အထိ လူကြိုက်များပါတယ်။

L' Elixir Des Glaciers

Valmont ကနေ ဖန်တီးထားတဲ့ အပြောင်မြောက်ဆုံး Treatment Line တစ်ခုဆိုလည်း မမှားပါဘူး။ Valmont Cosmetics ထက်တောင် အရည်အသွေးမြင့်လို့ မှော်အစွမ်းနဲ့ နုပျိူစေတယ်လို့တောင် ထင်မှတ်မှားရလောက်ပါတယ်။ အဆပေါင်း ၁၅၀၀ရှိတဲ့ Triple DNA နဲ့အတူ Valmont ရဲ့ ကိုယ်ပိုင် စိုက်ခင်းတွေကရတဲ့ အကောင်းဆုံးသော သစ်ဥသစ်ဖုတွေနဲ့ ဖော်စပ်ထားပြီး အသန့်စင်ဆုံး Primeval Glacier Water ကို အသုံးပြုထားတာပါ။ ၂၀၀၁ ခုနှစ်ကနေ နောက်ပိုင်း အမျိူးသမီးတွေဟာ စွမ်းဆောင်ရည်ကောင်းတဲ့ အရည်အသွေးမြင့် Product တွေ ရှာဖွေသုံးစွဲလာတာနဲ့အမျှ L' Elixir Des Glaciers Collection က မက်မောစရာကောင်းတဲ့ ပစ္စည်းတစ်ခုဖြစ်လာခဲ့ပါတယ်။ ဒါ့အပြင် တည်ထောင်သူဖြစ်တဲ့ Didier ကိုယ်တိုင်က အနုပညာဆန်ဆန် Limited Edition Package တွေကိုလည်း နှစ်စဉ်ဖန်တီးထုတ်ဝေပြီး သုံးစွဲသူတွေကို အကြိုက်တွေ့စေခဲ့ပါတယ်။

Storie Veneziane

Valmont Group ကို နောက်ဆုံး Brand တစ်ခုအဖြစ် ၂၀၁၈ မှာ ဝင်ရောက်လာခဲ့တာကတော့ ရေမွှေး Collection ဖြစ်တဲ့ Storie Veneziane ပါ။ Guillon စုံတွဲရဲ့ ဖန်တီးမှုအနုပညာတွေကို ဒီရေမွှေးမှာ အမြောက်အမြားတွေ့ရမှာပါ။ အိပ်မက်ဆန်တဲ့ Venice မြို့ငါးမြို့ကို အခြေခံပြီး တမူကွဲပြားတဲ့ အနံ့ငါးမျိုး၊ ထူးခြားတဲ့ ပုလင်းဒီဇိုင်းငါးမျိူးနဲ့အတူ အရောင်အသွေးငါးမျိူးနဲ့ ထုတ်လုပ်ထားတာဖြစ်ပါတယ်။ ပုလင်းပေါ်က လူမျက်နှာအသွင်ဒီဇိုင်း ပုံဖော်ထားတဲ့ မျက်နှာဖုံးကို Murano Glass နဲ့ ထုဆစ်ပုံဖော်ထားပြီး ရွှေရောင်ဘူးခွံနဲ့ အဆင့်အတန်းမြင့်မြင့်ထုတ်လုပ်ထားတာပါ။ ပုလင်းအဖုံးကို Leather အစစ် နဲ့Handmade ချုပ်လုပ်ထားတာဖြစ်ပြီး Italy Made Collection တစ်ခုဖြစ်ပါတယ်။ ဒီဇိုင်းပိုင်းကိုကြည့်ရုံနဲ့တင် Venice မြို့ရဲ့ အလှက ထင်ဟပ်နေသလို တန်ဖိုးရှိလှတဲ့ အနုပညာလက်ရာတစ်ခုအဖြစ် စွဲကျန်စေမှာပါ။

Valmont Spa



အသစ်အသစ်သော ဖန်တီးမှုနဲ့အတူ ခေတ်နဲ့အညီ ဖန်တီးထုတ်လုပ်မှုတွေကို စဉ်ဆက်မပြတ်ပြုလုပ်နေပေမယ့် ရှေးယခင်တည်းကရှိခဲ့တဲ့ ရိုးရာ Treatment ပိုင်းကိုလည်း သုံးစွဲသူတွေနဲ့ ရင်းနှီးကျွမ်းဝင်စေပါတယ်။ Spa by Valmont နဲ့ La Maison Valmont တို့က ရိုးရာကုသမှုကို အဓိကဝန်ဆောင်မှုပေးပြီး မိတ်ဆွေတို့အတွက် တစ်သက်မမေ့နိုင်မယ့် အတွေ့အကြုံတွေကို ခံစားရရှိမှာပါ။ တစ်နည်းအားဖြင့် ကြယ်ငါးပွင့် ဟိုတယ်တွေမှာရှိတဲ့ Exclusive Spa တွေ၊ နာမည်ကြီး Premium Spa တွေမှာ အဆင့်အတန်းမြင့်တဲ့ ဇိမ်ခံပစ္စည်းတစ်ခုသဖွယ် Valmont ရဲ့ Treatment တွေကို ရယူနိုင်မှာပါ။ ဒီလိုထူးခြားတဲ့ အတွေ့အကြုံကို မြန်မာနိုင်ငံမှာလည်း ကိုယ်တိုင်ခံစားရရှိနိုင်ပြီဆိုတာကိုလည်း မျှဝေပေးချင်ပါတယ်။ Switzerland က Trainer တွေကိုယ်တိုင် သင်ကြားပို့ချထားတဲ့ အသိမှတ်ပြု Therapist တွေနဲ့ ဆုံတွေ့ရမှာဖြစ်တဲ့အတွက် Rangoon Espa၊ Fancy House နဲ့ Empress Spa တို့မှာ Valmont ရဲ့ ထူးခြားမှုကို သွားရောက်ခံစားကြည့်ပါ။

Valmont Myanmar

Valmont ကို မြန်မာနိုင်ငံကိုယ်စားလှယ်အနေနဲ့ Beauty Treasures Co., Ltd ကနေပြီး တိုက်ရိုက်တင်သွင်းရောင်းချပေးနေပြီဖြစ်ပါတယ်။ Showroom တွေအနေနဲ့ ရန်ကုန်မြို့မှာရှိတဲ့ Junction City နဲ့ Myanmar Plaza တို့မှာ ဖွင့်လှစ်ထားပြီး မန္တလေးမြို့ ၂၇ လမ်းမှာရှိတဲ့ Beauty Treasures Boutique မှာလည်း ဝယ်ယူအားပေးနိုင်ပြီဖြစ်ပါတယ်။ အသေးစိတ်ကို Valmont Myanmar ရဲ့ Facebook Page (@ValmontMyanmar) မှာ လည်း သွားရောက် မေးမြန်းနိုင်ပါတယ်။ ဒီလို အရည်အသွေးကောင်းမွန်ပြီး Premium Brand တစ်ခု ဖြစ်တဲ့ Valmont ဟာ မြန်မာနိုင်ငံကို ဝင်ရောက်လာပြီဆိုတဲ့အကြောင်းကို ဂုဏ်ယူဝမ်းမြောက်စွာနဲ့ပဲ MODA Fashion Magazine ကနေပြီး ပြန်လည်ရေးသားတင်ဆက်လိုက်ရပါတယ်။

  ဆောင်းတွင်းရောက်လို့ နှုတ်ခမ်းလေးတွေခြောက်သွေ့နေပြီလား။ အခုလို ရာသီဥတုပြောင်းလို့အေးလာပြီဆို နှုတ်ခမ်းတွေခြောက်သွေ့ပြီး အဖတ်တွေလန်တာ စိတ်ပျက်စရာပဲနော်။ ဒီကြားထဲ့ စိတ်မထိန်းနိုင်လို့သွားခွာမိရင် အသားပါသွားပြီ အနာဖြစ်သွားရော။ တစ်ချို့ကျတော့လည်း ဆောင်းတွင်းမှမဟုတ်ဘဲ ၁၂ရာသီ နှုတ်ခမ်းခြောက်တတ်တဲ့သူတွေရှိတယ်။ အဲ့ထဲမှာ အယ်ဒီတာလည်း အပါအဝင်ပေါ့။ တကယ်တော့ နှုတ်ခမ်းတွေစိုပြေမှုမရှိဘူး၊ ခြောက်သွေ့ကွဲအက်တာတွေဖြစ်တယ်ဆိုတာ ခန္ဓာကိုယ်မှာ ရေဓာတ်နည်းလို့ဖြစ်တာပါ။ အဲ့ဒါအပြင် ရေဓာတ်ခန်းခြောက်စေတဲ့ အချိုရည်နဲ့ ကော်ဖီတွေသောက်တာတို့၊ အပူများတာတို့ နဲ့ ကိုယ်ဆိုးတဲ့ Lipstick နဲ့ ဓာတ်မတည့်တာတွေကြောင့်လည်း ဖြစ်နိုင်ပါတယ်။
ဒါကြောင့် ရေဓာတ်ပြည့်ဝအောင် ရေများများသောက်၊ ကျန်းမာရေးနဲ့ညီညွတ်အောင်စားပြီး နှုတ်ခမ်းကလည်း စိုပြေပြီး အားဖြည့်ပေးမယ့် Lip Balm ကိုပုံမှန်ဆိုးပေးဖို့ လိုအပ်တယ်နော်။ နှုတ်ခမ်းနီဆိုးတဲ့အခါမှာလည်း အောက်က Lip Blam ခံဆိုးပေးရင် ကွဲအက်ခြောက်သွေ့တာတွေမဖြစ်ပဲ နူးညံ့ချောမွေ့နေစေပါတယ်။
မိတ်ကပ်မလိမ်းတဲ့နေ့တောင် Moisturizer နဲ့ Lip Blam လေးလိမ်းပေးဖို့တော့မမေ့နဲ့နော်။
နှုတ်ခမ်းအရမ်းခြောက်တဲ့သူတွေက တော်ရုံ Hydrating ဖြစ်တဲ့ Lip Blam တွေဆိုးရင်တောင် ဆိုးတုန်းခဏပါပဲ။ ဆိုးထားတာအချိန်တစ်ခုကြာ ပြီးရင်ပြန်ခြောက်သွားရော။ ဒီတော့ Normal Lips ပိုင်ရှင်တွေအတွက်တင်မဟုတ်ပဲ Super Dry Lips တွေအတွက်ပါ သင့်တော်တဲ့ Nourishing အကောင်းဆုံး Lip-Blam တွေကိုရွေးချယ်ပေးလိုက်ပါတယ်။ Modian လေးတွေရော ဘယ် Lip Blam ကိုအကြိုက်ဆုံးလဲ။

Fresh
Sugar Spice Tinted Lip Treatment $24

Glossier
Blam Dotcom $12

Kiehl's
Pear Lip Balm $10

The Body Shop
Shea Lip Butter $6

EOS
Visibly Soft Low-Flavour Lip Balm $4

Laneige
Lip Sleeping Mask $22

Burt's Bees
100% Natural Tinted Lip Balm $4.99

L'Occitane
Ultra-Rich 10% Shea Butter Nourishing Lip Balm $12

Vaseline
Lip Therapy Tinted Lip Balm $1

Maybelline New York
Baby Lips $3