×
People

မျက်ရစ်မပါလည်း ညှို့အားပြင်းတယ်ဆိုတာသက်သေပြနေတဲ့ ကိုရီးယားမင်းသား(၈)ဦး

မျက်ရစ်မပါတာကိုက ဆွဲဆောင်မှူရှိနေတာ

by Randy Win

November 23, 2020

            ကိုရီးယားနိုင်ငံရဲ့ သရုပ်ဆောင်တော်တော်များများဟာ သရုပ်ဆောင်ကောင်းမှူအပြင် သူတို့ရဲ့ချောမောခန့်ညားတဲ့ ရုပ်ရည်နဲ့ ပုံပန်းသွင်ပြင်တို့ကြောင့်ပါ နာမည်ကျော်ကြားကြသူတွေဖြစ်ပါတယ်။ တချို့ကလည်း ခွဲစိပ်ပြုပြင်မှူအနည်းငယ်ပြုလုပ်ထားကြသလို တချို့ကလည်း ပင်ကိုယ်သဘာဝအတိုင်းကို ဆွဲဆောင်အားကောင်းတဲ့ ရုပ်ရည်ကိုပိုင်ဆိုင်ထားကြပြီး ဘယ်လိုပဲဖြစ်ဖြစ် ကြည့်ရှူသူ ပရိသတ်တွေအတွက် အနုပညာအရမှာရော ရူပကာအရမှာပါ မျက်စေ့ပသာဒကို ပေးစွမ်းနိုင်သူတွေဖြစ်တယ်ဆိုတာတော့ ငြင်းမရတဲ့ အနေအထားပါပဲ။ ဒီလိုချောမောမှူတစ်မျိုးစီကို ကိုယ်စီပိုင်ဆိုင်ထားကြတဲ့ကိုရီးယားနာမည်ကျော်သရုပ်ဆောင်တွေထဲကမှ တချို့သော သရုပ်ဆောင်မင်းသားချောတွေကတော့ အာရှဆန်လွန်းတဲ့ မျက်ရစ်မပါတဲ့ Monolid တွေကို ပိုင်ဆိုင်ထားကြပြီး အဲဒီလို မျက်ဝန်းတွေကပဲ သူတို့ကို ထူးထူးခြားခြားဆွဲဆောင်အားပိုနေစေတာတွေ့ရပါတယ်။ဒါကြောင့်မို့ မျက်ရစ်မပါတဲ့မျက်ဝန်းပိုင်ရှင်တွေထဲကမှ လူသိပိုများတဲ့ Monolid ပိုင်ရှင် မင်းသားချောတချို့ကို ရွေးထုတ်ဖော်ပြပေးထားတာမို့ ဒီထဲမှာ ကိုယ်သဘောကျရတဲ့ မင်းသားများပါမလားဆိုတာ တချက်ကြည့်လိုက်ကြရအောင်။

Park Seo Joon


Park Seo Joon ကတော့ သူ့ရဲ့ သိမ်မွေ့တည်ငြိမ်တဲ့ဟန်ပန်ကြောင့် နွေးထွေးမှူနဲ့ ချောမောခန့်ညားမှူတို့ ဒွန်တွဲနေတဲ့သူတစ်ဦးအဖြစ် ခဏခဏ ညွှန်းဆိုခံရတဲ့သူပါ။ ဒါကိုမှ မျက်ရစ်မပါတဲ့ မျက်ဝန်းလေးတွေနဲ့ သူ့ရဲ့နှစ်လိုဖွယ်အပြုံးတို့ ထပ်ပေါင်းထည့်လိုက်တဲ့အခါ မိန်းကလေးပရိသတ်တွေတော်တော်များများ သဘောကျခဲ့ရတာ ဆန်းတဲ့ကိစ္စတော့မဟုတ်ပါဘူး။ သိပ်မကြာသေးခင်ကထုတ်လွှင့်ပြသခဲ့တဲ့ Itaewon Class ဇာတ်ကားမှာလည်း အသက် ၃၁နှစ်အရွယ်ရှိပြီဖြစ်တဲ့ Park Seo Joon ဟာ မြင်နေကျမဟုတ်တဲ့ ကတုံးကေ ဆံပင်ပုံစံနဲ့ နှုတ်ခမ်းနီမလေးတွေရဲ့ နှလုံးသားကို ကောင်းကောင်းကြီး ညှို့ယူသွားခဲ့ပါသေးတယ်။

Gong Yoo


ကိုရီးယားရဲ့ ဝါရင့်သရုပ်ဆောင်မင်းသားကြီးတစ်ဦးဖြစ်တဲ့ Gong Yoo ကတော့သူ့ရဲ့ အနုပညာမှော်ဝင်တဲ့သရုပ်ဆောင်ချက်တွေအပြင် သူ့ရဲ့မျက်ရစ်မပါတဲ့ မျက်ဝန်းလေးကြောင့်လည်း လူသိများခဲ့တဲ့သူပါ။ မျက်ရစ်မပါပေမဲ့ မျက်လုံးအိမ်ကျယ်ကျယ်ကို ပိုင်ဆိုင်ထားတာကြောင့် တချို့ပရိသတ်တွေက မျက်ရစ်ရှိတဲ့သူလို့ထင်ကြပြီး ကြင်နာတတ်တဲ့ မျက်ဝန်းနဲ့ ယောက်ျားဆန်ဆန်ခန့်ညားမှူတို့ကြောင့် သူ့အသက် ၄၀ ဆိုတာကို အားလုံးက မေ့ထားမိသလောက်ပါပဲ။

Lee Joon Gi

မြန်မာပရိသတ်တွေကြားမှာ K လို့ နာမည်ကျော်ကြားခဲ့တဲ့ မင်းသားချော Lee Joon Gi ကတော့ သူရဲ့ မျက်ရစ်မပါတဲ့မျက်လုံးကြောင့်ပဲ ပရိသတ်တွေကို ထူးထူးခြားခြား ဆွဲဆောင်မှုနိုင်ခဲ့တဲ့သူတစ်ဦးပါ။ တိပစူးရှတဲ့ အကြည့်မျိုးနဲ့ သေသပ်ကျနတဲ့မျက်နှာကျမျိုးကို ပိုင်ဆိုင်တာမို့လည်း ဘယ်ဇာတ်ကောင်စရိုက်ကိုပဲရိုက်ရိုက် ပရိသတ်တွေရဲ့ သည်းသည်းလှုပ်အားပေးခြင်းကို ကောင်းကောင်းရရှိခဲ့တဲ့သူတစ်ဦးပါပဲ။

Lee Jong Suk


Lee Jong Suk ကတော့ သူ့ရဲ့ ချောမောတဲ့ မျက်နှာကျနဲ့ အရမ်းကိုလိုက်ဖက်လွန်းတဲ့ မျက်ရစ်မဲ့မျက်ဝန်းကို ပိုင်ဆိုင်ထားတဲ့သူတစ်ဦးလို့ဆိုရမှာပါ။ ဘယ်ဇာတ်ကောင်အနေနဲ့ပဲသရုပ်ဆောင်သည်ဖြစ်စေ သူ့ရဲ့ အကြည့်စူးစူးတွေနဲ့ ကြည့်လိုက်တဲ့အခါမျိုးမှာ ဘယ်သူမှတင်းမခံထားနိုင်လောက်အောင် ကြွေခဲ့ကြရပါတယ်တဲ့။

Kim Soo Hyun


Kim Soo Hyun ကတော့ Dream High ဇာတ်ကားနဲ့ လူသိများခဲ့ပြီး အခုချိန်မှာတော့ ထိပ်တန်းမင်းသားစာရင်းဝင် သရုပ်ဆောင်တစ်ဦးအဖြစ်ရပ်တည်နေပြီဖြစ်ပါတယ်။ My Love From Another Star , It's Okay to Not Be Okay လို နာမည်ကျော်ဇာတ်လမ်းတွဲတွေနဲ့ မိန်းကလေးပရိသတ်တွေရဲ့ သည်းသည်းလှုပ်အားပေးခြင်းကိုခံခဲ့ရတဲ့ Kim Soo Hyun ဟာ အခုချိန်မှာ အသက် ၃၁နှစ်ရှိနေပြီဖြစ်ပေမယ့် သူ့ရဲ့ ချောမောခန့်ညားတဲ့ရုပ်ရည်နဲ့ မျက်ရစ်မပါတဲ့မျက်ဝန်းတစ်စုံရဲ့ ဆွဲဆောင်အားကောင်းမှူတွေကတော့ လုံးဝရပ်တန့်မသွားဘူးလို့ဆိုရမှာပါပဲ။

Rain

ချစ်စံအိမ်ဇာတ်ကားမှာ မင်းသမီးချောလေး Song Hye Kyo နဲ့ အတွဲညီညီသရုပ်ဆောင်ပြီး အားလုံးရဲ့ရင်ထဲမှာ အချိန်ကာလအတော်ကြာ နေရာတစ်ခုယူနိုင်ခဲ့တဲ့ Rain ကိုတော့ အားလုံးမှတ်မိကြမယ်ထင်ပါတယ်။ အဆိုတော်တစ်ဦးလည်းဖြစ်သလို သရုပ်ဆောင်တစ်ဦးလည်းဖြစ်ခဲ့တဲ့ Rain ဟာ အမိုက်စားခန္ဓာကိုယ်အချိုးအစားနဲ့ ကလေးဆန်ဆန်အပြုံးချိုချိုကိုပိုင်ဆိုင်ထားသလို မျက်ရစ်မပါတဲ့ မျက်ဝန်းတစ်စုံပိုင်ရှင် Korean Actors တွေထဲကတစ်ဦးပါ။

Kwon Sang Woo


အငိုမင်းသားရယ်လို့ နာမည်ကြီးခဲ့ပြီး သရုပ်ဆောင်ပိုင်နိုင်သလို ယောက်ျားပီသတဲ့ရုပ်ရည်နဲ့ခန္ဓာကိုယ်ကိုပိုင်ဆိုင်ထားတဲ့ မင်းသားချော Kwon Sang Woo ကိုတော့ သက်လတ်ပိုင်းအရွယ် မိန်းကလေးပရိသတ်အများစု မသိသူရှိမှာမဟုတ်ပါဘူး။ လက်ရှိအသက် ၄၄ နှစ်ရှိနေပြီဖြစ်တဲ့ ကလေးနှစ်ယောက်အဖေ Kwon Sang Woo ကတော့ သူ့ခေတ်သူ့အခါကလည်း မျက်ရစ်မပါတဲ့မျက်ဝန်းရဲ့ညှို့ဓာတ်ပြင်းပြင်း သရုပ်ဆောင်ချက်တွေနဲ့ ဖမ်းစားနိုင်ခဲ့သလို ခုချိန်ထိလည်း ငယ်ရွယ်စဉ်ကအတိုင်း ကြည့်ကောင်းနေဆဲပါပဲ။

Kim Bum


F4 ဇာတ်ကားမှာ အဓိကဇာတ်ဆောင်တစ်ယောက်မဟုတ်ခဲ့တာတောင် ကလေးဆန်တဲ့ ချစ်စရာမျက်နှာချိုချိုလေးကြောင့် မိန်းကလေးအများစုရဲ့ရင်ထဲကို ကောင်းကောင်းရောက်ခဲ့တဲ့ Kim Bum ကလည်း မျက်ရစ်မရှိတဲ့မင်းသားချောလေးပါပဲ။ အခုချိန်မှာတော Tale of the Nine Tailed ဆိုတဲ့ ဇာတ်လမ်းတွဲမှာ ခပ်မိုက်မိုက် မြေခွေးလူသားလေးတစ်ဦးအနေနဲ့ ပရိသတ်ရဲ့ရင်ထဲကို ထပ်ပြီးဝင်ရောက်လာခဲ့ပြန်ပါပြီ။


Photo Credit To The Rightful Owners

, , , ,
People

Body Shaming လုပ်ခံရတာကို ယုံကြည်ချက်မလျော့ပဲ ပြန်လည်ချေပခဲ့ကြတဲ့ အမျိူးသမီး Celebrity (၁၀) ယောက်

Negative Comment တွေကို ဥပက္ခာပြုပါ

by JN Ja Seng Pan

December 25, 2020

တစ်စုံတစ်ယောက်ရဲ့ ခန္ဒာကိုယ်အသွင်အပြင်၊ ရုပ်ရှင်အသွင်အပြင်နဲ့ ပတ်သတ်ပြီး လှောင်ပြောင်တာက တကယ့်ကို ဆိုးဝါးနိမ့်ကျတဲ့ လုပ်ရပ်တစ်ခုပါ။ နိုင်ငံကျော်တစ်ယောက်၊ Celebrity တစ်ယောက်ဖြစ်နေရင်တောင်မှ Body Shaming ဒဏ်ကို အကြီးအကြယ်ခံရတဲ့သူတွေရှိပါတယ်။ ဒီလိုမလုပ်သင့်တာကို သိကြပေမယ့် ပတ်ဝန်းကျင်မှာ၊ နေရာအနှံ့အပြားမှာ လှောင်ပြောင်ဝေဖန်မှုတွေက ရှိနေစမဲပါ။ Social Media တွေ ခေတ်စားလာတဲ့နောက်ပိုင်းမှာ ဒီလိုပြဿနာကို လူတိုင်း အထူးသဖြင့် အမျိူးသမီးတော်တော်များများ ကြုံတွေ့ခံစားလာရမှာပါ။ Celebrity တွေထဲမှာလည်း အမျိူးသမီးတွေက ပစ်မှတ်တစ်ခုသဖွယ် ဝေဖန်မှုတွေကို နစ်နစ်သီးသီးခံကြရပါတယ်။ “ဗိုက်ကြီးနေပြီလား မသိဘူး၊ ဝလာလိုက်တာ၊ မိန်းကလေးဖြစ်ပြီး ပြားချပ်နေတာပဲ” စသဖြင့် အထင်အမြင်ပေါင်းစုံနဲ့ တိုက်ခိုက်နေကြတာပါ။


ဒီ Article လေးကို ဖတ်နေတဲ့ ပျိူမေတွေကို မျှဝေချင်တာက ဒီလို ကြုံတွေ့နေရတာက သင်တစ်ယောက်တည်း မဟုတ်ပါဘူး..လူတိုင်းက သဘောကျနှစ်သက်ရတဲ့ Celebrity တွေတောင်မှ ဝေဖန်ခံရပါတယ်။ ဒါကြောင့် ကိုယ့်ကိုယ်ကိုယ် မလှဘူးဆိုပြီး စိတ်ဓာတ်မကျပါနဲ့..ဒီလို Negative Comment တွေကို ဥပက္ခာပြုလိုက်ပါ။ ယုံကြည်မှုပိုရှိပါလို့ ပြောချင်ပါတယ်။ Body Shaming လုပ်ခံရတဲ့ Celebrity တွေကော ဒီပြဿနာကို ဘယ်လိုရင်ဆိုင်ဖြေရှင်းကြလဲဆိုတာကို သင်ယူလိုက်ရအောင်နော်။


Gigi Hadid

ကမ္ဘာကျော် Super Model တစ်ယောက်ဖြစ်တဲ့ Gigi Hadid က ဒီလိုဝေဖန်မှုတွေနဲ့ မစိမ်းဘူးဆိုရင် သိပ်များအံ့သြသွားမလား။ အရမ်းပိန်တာပဲလို့ ဝေဖန်ကြသလို Runway Model ဖြစ်ဖို့ အရမ်းဝလွန်းတယ်လို့ ဝေဖန်မှုတွေ မကြာမကြာကြုံတွေ့နေရသူပါ။ ဒါပေမယ့် Gigi ကတော့ သူမခန္ဒာကိုယ်ကို ဘယ်လိုပဲဖြစ်နေပါစေ ချစ်ကြောင်းနဲ့ ဝေဖန်တိုက်ခိုက်သူတွေကို Mind their own business လို့ပြောခဲ့ပါတယ်။


Demi Lovato



ကလေးဘဝထဲက အနုပညာလာကမှာ အောင်မြင်ကျော်ကြားမှုနဲ့ လူတွေရဲ့ စောင့်ကြည့်မှုကို ခံရတာ လွယ်ကူတဲ့ကိစ္စတော့မဟုတ်ပါဘူး။ အားလုံးသဘောကျရတဲ့ Demi Lovato တောင်မှ Body Shaming လုပ်တာကို ဆိုးဆိုးဝါးဝါးခံရသူပါ။ ကျေးဇူးတင်စရာကောင်းတာက Demi က ဒီလိုကိစ္စနဲ့ပတ်သတ်ပြီး စိတ်ဓာတ်ကျ ဝမ်းမနည်းနေပဲ အမြဲ Speak Up လုပ်ပြီး ပြန်လည် ခုခံတဲ့သူတစ်ယောက်ပါ။


Selena Gomez


Selena ရဲ့ ကိစ္စကိုလည်း တော်တော်များများ သတိထားမိမှာပါ။ သူမရဲ့ ရောဂါဝေဒနာနဲ့ပတ်သတ်ပြီး ကိုယ်အလေးချိန် ပြောင်းလဲမှုအပေါ် Celebrity တစ်ယောက်ဖြစ်ပြီး လှအောင်မနေဘူး၊ Weight မထိန်းဘူးဆိုပြီး ဝေဖန်ခံရတာပါ။ Selena က ဒီအရာတွေကို မတုန်လှုပ်ခဲ့ပါဘူး။ “ကျွန်မ ကိုယ့်ကိုယ်ကိုယ် Take Care လုပ်ပါတယ်..ဒီအရာနဲ့ ပတ်သတ်ပြီး ကျွန်မ ဘယ်သူကိုမှ ဘာမှ လုပ်ပြ၊ ရှင်းပြနေစရာမလိုဘူး လို့ဆိုခဲ့ပါတယ်။ သူမရဲ့ ထွက်ခဲ့ဘူးတဲ့ Who says သီချင်းလေးနဲ့ ပြန် Fight Back လုပ်ရအောင်နော်။


Lili Reinhard


Riverdale ထဲက မင်းသမီးလေး Lili Reinhard ကလည်း ချစ်သူဟောင်းဖြစ်တဲ့ Cole Sprouse နဲ့ တွဲခဲ့စဉ်က ကိုယ်အလေးချိန်တက်လာတဲ့အပေါ် ဗိုက်ကြီးနေပြီဆိုပြီး အင်တာနက်ပေါ်မှာ Body Shaming လုပ်ခံရတာပါ။ “ကျွန်မခန္ဒာကိုယ်နဲ့ ပတ်သတ်ပြီး ဘယ်တော့မှ နောင်တရမှာမဟုတ်ပါဘူး။ ကျွန်မခန္ဒာကိုယ်က ပြောင်းလဲမှု အမျိူးမျိူး ရှိနေမှာပဲ။ ရှင်တို့လည်း ပြောင်းလဲလာမှာပဲ။ ဒါက အရေးမကြီးပါဘူး။ ဒီလို လူတစ်ယောက်ရဲ့ ခန္ဒာကိုယ်အစိတ်အပိုင်းကို လိုက်ဝေဖန်ပြီး အချိန်တွေ အင်အားတွေသာ အကုန်မခံပါနဲ့” ဆိုပြီး ပြန်လည်တုံ့ပြန်ထားတာပါ။


Ashley Graham


နာမည်ကျော် Plus Size Model Ashley Graham ကို လူတိုင်းသိမှာပါ။ Model Industry မှာ ဝလွန်းတယ်လို့ ဝေဖန်ခံရပေမယ့် အရှိကိုအရှိတိုင်း ပြသတဲ့ သူမရဲ့ Body Confident နဲ့ Pluz Size အမျိူးသမီး တွေအတွက် Body Positive လှုပ်ရှားမှုတွေက အားတစ်ခုဖြစ်စေပါတယ်။ တော်ရုံ ပြသဖို့ မဝင့်ရဲကြတဲ့ ခန္ဒာကိုယ်က Cellulite တွေ၊ အကြောပြတ်ရာတွေကအစ ယုံကြည်မှုရှိရှိနဲ့ ပြသရဲတဲ့သူပါ။


Lady Gaga


အနုပညာစလုပ်ကတည်းက ရုပ်ရှင်အသွင်အပြင်ပိုင်းနဲ့ကော Body ပိုင်းဆိုင်ရာနဲ့ပါ ဆိုးဆိုးဝါးဝါး ဝေဖန်ခံရသူပါ။ 2017 Super Bowl ပွဲမှာတုန်းက ချပ်ရပ်နေတဲ့ ဗိုက်သားမရှိမှုအပေါ် သီချင်းအာရုံစိုက်လို့မရဘူး၊ ဗိုက်ပဲမြင်နေတယ်၊ လေ့ကျင့်ခန်းလုပ်ပါ စသဖြင့်ဝေဖန်ခံရတာပါ။ ဒီ ဝေဖန်မှုအပေါ် Lady Gaga က “ကျွန်မခန္ဒာကိုယ်က ပြောစရာတစ်ခုဖြစ်နေတယ်လို့ ကြားရတယ်၊ ဒါကြောင့် ကျွန်မပြောချင်တာက ကျွန်မခန္ဒာကိုယ်ကို ကျွန်မနှစ်သက်တယ်၊ ဂုဏ်ယူတယ်၊ ရှင်တို့လည်း ကိုယ့်ခန္ဒာကိုယ်နဲ့ ပတ်သတ်ပြီး နှစ်သက်သင့်တယ်”ဆိုပြီး တုံ့ပြန်ထားပါတယ်။


Adele

Adele ကလည်း အနုပညာလောကကို စစဝင်လိုက်တဲ့အချိန်ထဲက Body Shaming ဒဏ်ကိုခံလာရသူပါ။ ဝေဖန်မှုတွေကို ဂရုမစိုက်ခဲ့ပေမယ့် နာကျင်ဘူးဆိုတာတော့ ဘယ်ရှိမလဲလေ..လူထဲကလူပဲ။ ၂၀၁၅ တုန်းက Interview တစ်ခုမှာ သူမရဲ့ Body Image နဲ့ ပတ်သတ်ပြီး ရုန်းကန်ရတဲ့အချိန်တွေရှိခဲ့ပါတယ်လို့ဆိုပါတယ်။ ဒါပေမယ့် ဒီဝေဖန်မှုတွေကို သူမရဲ့ဘဝထဲကို အဝင်မခံခဲ့ပါဘူးလို့ ဆိုပါတယ်။


Beyonce

Queen Bey ကိုဘယ်သူကများ Body Shaming လုပ်ကြတာလဲ စဉ်းစားမိမှာပါ။ သူမရဲ့ သီချင်းတစ်ပုဒ်ဖြစ်တဲ့ Bootylicious မှာ ဒီပြဿနာကို မီးမှောင်းထိုးပြထားတာပါ။ “ကျွန်မ ဝိတ်တက်နေတဲ့အချိန်မှာ ဒီသီချင်းကို ရေးဖြစ်ခဲ့တာပါ။ လူတွေက ပိန်ဖို့ လိုနေတယ်လို့ ဝေဖန်ကြပြီး ဒီအရာတွေက ကျွန်မအတွက်ဖိအားတွေဖြစ်စေခဲ့ပါတယ်။ ဒီသီချင်းက အမျိူးသမီးတွေကို လူတွေပြောဆိုတာကို မေ့ထားပြီး ကိုယ့်ခန္ဒာကိုယ်အစိတ်အပိုင်းနဲ့ ပတ်သတ်ပြီး ပျော်ရွှင်ဖို့ ကောက်ကြောင်းတွေကို Celebrate လုပ်နိုင်ဖို့ အတွက်ဖြစ်ပါတယ်”လို့ ဆိုပါတယ်။


Chloe Grace Moretz



အားလုံး ချစ်ရတဲ့ Chloe က Body Shaming ကို ငယ်ငယ်လေးထဲက ကြုံတွေ့ရသူပါ။ အားလုံးသိတဲ့အတိုင်း ပြည့်ပြည့်ဖြိုးဖြိုးရှိတဲ့ Chloe ကို Billboard ကြောငြာတစ်ခုမှာ Overweight ဖြစ်နေလို့ သိပ်မလှဘူးဆိုပြီး ဝေဖန်ခံရတာပါ။ အသက် ၁၅ နှစ်တုန်းက ရိုက်ကူးခဲ့တဲ့ ရုပ်ရှင်မှာ အတူတွဲသရုပ်ဆောင်တဲ့ မင်းသားက တကယ့်ဘဝမှာ သူမနဲ့မတွဲနိုင်ဘူး..ခန္ဒာကိုယ်အရမ်းကြီးတယ်လို့ လှောင်ပြောင်ခံခဲ့ရပါတယ်။ ၂၀၁၇ ခုနှစ်က Interview တစ်ခုမှာ “တကယ့်ပဲ စိတ်သဘောထားသေးသိမ်ပြီး မကောင်းတဲ့သူတွေက ရှိနေတာ သိလိုက်ရတယ်…ကျွန်မဘက်က ခွင့်လွှတ်ပေးလိုက်ပေမယ့် ဘယ်တော့မှ ဒီအဖြစ်အပျက်ကို မမေ့ပါဘူး။ စဉ်းစားကြည့် ကျွန်မ ၁၅ ပဲရှိသေးတာ..တော်တော့်ကိုဆိုးဝါးတာပဲ” လို့ဆိုပါတယ်။


JLo

အကဘုရင်မ JLo က အနုပညာလောကထဲ စစဝင်လာချင်းမှာ ဒီဝေဖန်မှုတွေနဲ့ကြုံရတာပါ။ ဝိတ်ချဖို့ လိုတယ်လို့ အမြဲအပြောခံခဲ့ရတာပါ။ “ကျွန်မက အဲ့ဒီအချိန်တုန်းက အကသမား၊ အားကစားလည်း လုပ်တယ်။ ကျွန်မ မန်နေဂျာကတောင်မှ ဝိတ်မချဘူးဆိုရင် အလုပ်ဆက်မလုပ်နိုင်ဘူးဆိုပြီး အပြောခံရတာပါ။” ဒါပေမယ့် Jlo က ဒီလို တုံ့ပြန်ခဲ့ပါတယ်။ ဒါကို ကျွန်မမလုပ်နိုင်ဘူး။ ဝိတ်ချလိုက်ရင် ကျွန်မမဟုတ်တော့ဘူး။ ဆိုလိုချင်တာ သိတယ်မလား” လို့ ခပ်ချေချေ တုံ့ပြန်ခဲ့တာပါ။

, ,

People

ကြောက်တတ်ရင် မီးဖွင့်ပြီးကြည့်ဖို့ပြောလာတဲ့ Sweet Home မင်းသားချောလေး Song Kang

သည်းထိတ်ရင်ဖိုကြိုက်တဲ့သူတွေနဲ့တော့ အံကိုက်ပဲ

by Randy Win

December 25, 2020

                အသက် ၂၆ နှစ်အရွယ်ရှိပြီဖြစ်တဲ့ တောင်ကိုရီးယားမင်းသားချောလေး Song Kang ကို ခုလတ်တလော နာမည်ကြီးလူကြိုက်များနေတဲ့ Sweet Home ဇာတ်လမ်းတွဲမှာ အရင်ဇာတ်လမ်းတွဲတွေနဲ့ မတူညီတဲ့ ဇာတ်ကောင်စရိုက်တစ်ခုနဲ့ ပြန်လည်တွေ့မြင်ခဲ့ကြရပါတယ်။ Webcomic ကို Live Action အနေနဲ့ ပြန်လည်အသက်သွင်းထားတဲ့ ဒီဇာတ်ကားမှာ မိဘတွေဆုံးပါးသွားပြီးနောက်ပိုင်း တိုက်ခန်းတွဲတစ်ခုကို ပြောင်းရွှေ့လာတဲ့ တစ်ယောက်တည်းနေရတာကိုသဘောကျသူ အထက်တန်းကျောင်းသားလေး ဟွန်းဆူအဖြစ် သရုပ်ဆောင်ထားတာတွေ့ရမှာပါ။ အကြောင်းတစ်ခုကြောင့် Monster တွေအဖြစ် ပြောင်းလဲသွားသူတွေကြားမှာ ဟွန်းဆူနဲ့ တိုက်ခန်းကလူတွေနဲ့အတူ ဘယ်လို အသက်ရှင်ရပ်တည်ဖို့ကြိုးစားကြမလဲဆိုတာကို အသည်းတယားယားနဲ့ စိတ်ဝင်စားဖွယ် ကြည့်ရှူရမယ့်ဇာတ်ကားကောင်းလေးပါပဲ။
              ဒီဇာတ်လမ်းတွဲဟာ တစ်ရက်တည်းမှာပဲ ဇာတ်လမ်းအစအဆုံး ၁၀ ပိုင်းလုံး ထုတ်လွှင့်ခဲ့တဲ့ Netflix ရဲ့ စီးရီးတစ်ခုဖြစ်သလို လက်ရှိအချိန်မှာ ကြည့်ရှူနှုန်း ၁.၂သန်းကျော်ထိ အောင်မြင်မှူရရှိခဲ့တာတွေ့ရပါတယ်။ ဇာတ်ကား အပိုင်းတစ်ပိုင်းကို ကန်ဒေါ်လာ ၂.၇ သန်းကျော်အထိ ကုန်ကျစရိတ်အမြင့်ဆုံး အသုံးပြုထားတဲ့ ဇာတ်လမ်းတွဲတစ်ခုဖြစ်ပြီး ကြမ်းကြမ်းရမ်းရမ်း Horror ကားမျိုးကို နှစ်သက်သူတွေအတွက် လုံးဝကိုကြည့်သင့်တဲ့ဇာတ်ကားကောင်းတစ်ခုပါ။ဒီဇာတ်ကားထဲမှာတော့ Song Kang ကို အရင်နာမည်ရခဲ့တဲ့ ဒရာမာဇာတ်လမ်းတွဲ Love Alarm တုန်းကနဲ့ လုံး၀ မတူညီတဲ့ ကာရိုက်တာတစ်ခုနဲ့မြင်တွေ့ရမှာဖြစ်ပါတယ်။

                ဒီဇာတ်ကားနဲ့ ပတ်သက်လို့ Song Kang က Forbes မဂ္ဂဇင်းနဲ့အင်တာဗျူးတစ်ခုမှာ “အားလုံးအပေါ် စိတ်ရင်းကောင်းတတ်တဲ့ အထက်တန်းကျောင်းသားတစ်ယောက်ဖြစ်ခဲ့ပေမယ့် အဖြစ်အပျက်တစ်ခုကြောင့် လူတွေနဲ့ရော သူ့မိသားစုနဲ့ပါ သိပ်အရောတဝင်မရှိတော့ပဲ အဆိုးမြင်တတ်သူတစ်ဦးအဖြစ်ရပ်တည်နေတဲ့ ဟွန်းဆူ ဆိုတဲ့အထက်တန်းကျောင်းသားနေရာက သရုပ်ဆောင်ခဲ့ရတာပါ” လို့ ဆိုခဲ့သလို သူ့အနေနဲ့ “Webtoon တွေ ဖတ်လေ့မရှိပေမယ့် ဖတ်ဖူးသမျှ အနည်းစုထဲမှာတော့ Sweet Home ကို သဘောအကျဆုံးဖြစ်တယ်”လို့လည်း ဆိုခဲ့ပါတယ်။ နောက်ပြီး Song Kang က သရဲကားတွေ သည်းထိတ်ရင်ဖိုတွေ ကြိုက်တတ်သူလားဆိုတဲ့ မေးခွန်းအပေါ်မှာတော့ သူ့အနေနဲ့ သည်းထိတ်ရင်ဖိုဇာတ်လမ်းတွေနဲ့ သိပ်အဆင်မပြေပေမယ့် ဇာတ်ကားအတွက် မဖြစ်မနေ ဖတ်ခဲ့ရပြီး ဇာတ်လမ်းတစ်ခုလုံးကလည်း သေအောင်ကြောက်စရာကောင်းတဲ့အခန်းတွေချည်းပဲမို့ အဲဒီ Webtoon ကို နေ့ဘက်မှာပဲဖတ်ခဲ့ရတယ်လို့ ရယ်ရယ်မောမောနဲ့ဖြေခဲ့ပါတယ်။ ဒါ့အပြင် ကြောက်တတ်တဲ့သူတွေအနေနဲ့ဒီဇာတ်လမ်းတွဲကို မီးဖွင့်ပြီးကြည့်ကြဖို့ပါ တိုက်တွန်းလိုက်ပါသေးတယ်။


              “ဒီဇာတ်ကားထဲမှာ မကောင်းဆိုးဝါးတွေအကောင်စုံအောင် တွေ့မြင်ရမှာဖြစ်ပြီး ကြောက်ရွံ့ဖွယ် နဲ့ စိတ်ဝင်စားဖွယ်ရသနှစ်ခုကို တစ်ပြိုင်နက်တည်းပေးစွမ်းနိုင်မှာပါ။ ရိုက်ကူးရေးလုပ်နေတုန်းကလည်း ဆက်တင်ပေါ်မှာ ဒီအကောင်ကြီးတွေက တော်တော်လေးပီပြင်တာမို့ ဇာတ်လမ်းထဲမှာ ပိုပြီးအသက်ဝင်နေမှာအသေအချာပါပဲ” လို့သူကဆိုခဲ့ပါတယ်။ “တခြားအကောင်ကားတွေနဲ့မတူတဲ့အချက်ကတော့ ဒီဇာတ်ကားထဲက Monster တွေက သူတို့ရဲ့ ကိုယ်ပိုင်ဇာတ်လမ်းလေးတွေကိုယ်စီရှိကြပြီး အားလုံးက သူတို့ဘဝရဲ့ဆန္ဒနဲ့ ရယူလိုမှူတွေပေါ်မှာမူတည်ပြီး မတူညီတဲ့ သတ္တဝါတွေဖြစ်သွားကြတာဖြစ်တယ်”လို့လည်း Song ကရှင်းပြခဲ့ပါတယ်။

               Song Kang အနေနဲ့ ၂၀၁၇ တုန်းက Manga တစ်ခုကို အခြေခံပြီးရိုက်ကူးထားတဲ့ The Liar and His Lover ဇာတ်ကားနဲ့ debut ခဲ့တာဖြစ်ပြီး ၂၀၁၉ မှာတော့ Love Alarm ဆိုတဲ့ Sci-fi romance ဇာတ်ကားလေးမှာတော့ အောင်မြင်မှူတွေနဲ့အတူ အမာခံပရိသတ်များစွာပိုင်ဆိုင်နိုင်ခဲ့သူဖြစ်ပါတယ်။Sweet Home ကတော့ သူ့ရဲ့ ဒုတိယမြောက် အဓိကဇာတ်ဆောင်နေရာက သရုပ်ဆောင်ရတဲ့ ဇာတ်လမ်းတွဲတစ်ခုဖြစ်ပြီး ဒီဇာတ်ကားမှာ Love Alarm တုန်းကနဲ့ လုံးဝကွဲပြားတဲ့ကာရိုက်တာတစ်ခုကို သရုပ်ဆောင်နိုင်ခဲ့သူမို့ Song ရဲ့ ပရိသတ်တွေက တော်တော်လေး သဘောတွေ့ခဲ့ကြပါတယ်။

Photo Credit To The Rightful Owners

, , , , ,

People

2020 ရဲ့ သရုပ်ဆောင်ကြေးအမြင့်ဆုံး ကိုရီးယားမင်းသား (၅) ဦး

ရသင့်ပါတယ်လေ

by Randy Win

December 7, 2020

            ကိုရီးယားအနုပညာရပ်၀န်းအနေနဲ့ K-pop နဲ့သာမက K Drama series တွေနဲ့ပါ နိုင်ငံတကာပရိသတ်တွေကို အင်အားပြင်းပြင်းဆွဲဆောင်နိုင်ခဲ့တယ်ဆိုတာ အားလုံးလက်ခံပြီးသားဖြစ်ပါတယ်။ ဇာတ်လမ်းတွဲတွေကိုအားပေးကြတဲ့ အများစုသော အမျိုးသမီးပရိသတ်တွေကြားမှာ TV Series တွေအောင်မြင်လာတာနဲ့အမျှ တောင်ကိုရီးယားကနာမည်ကျော်အမျိုးသားသရုပ်ဆောင်တွေရဲ့ အနုပညာကြေးတွေဟာလည်း ထင်မှတ်မထားလောက်အောင်ကို မြင့်မားလွန်းလာတာတွေ့ရမှာပါ။ ဒီအနုပညာကြေးတွေဟာ ကြည့်လိုက်ရင် အရမ်းများလွန်းတယ်ထင်ရပေမယ့် နိုင်ငံပေါင်းများစွာက ပရိသတ်တွေရဲ့ စိတ်နှလုံးကို ညှို့ငင်ဖမ်းစားနိုင်တဲ့ သူတို့ရဲ့ အနုပညာ ၊သူတို့ရဲ့ဆွဲဆောင်အားကောင်းတဲ့ ပုံပန်းသွင်ပြင်၊သရုပ်ဆောင်ဟန်တွေ နဲ့ သူတို့ကြောင့်ပြန်ရတဲ့၀င်ငွေအောင်မြင်မှူနှုန်းတွေအရ ပြန်တွက်ကြည့်မယ်ဆိုရင်တော့ ဒီအနုပညာကြေးတွေဟာ တကယ်ကို ထိုက်တန်တယ်လို့ဆိုရမှာပါပဲ။ ဒီတော့ လက်ရှိ 2020 ခုနှစ်မှာရော ဘယ်တောင်ကိုရီးယားအမျိုးသားအနုပညာရှင်တွေကများ အမြင့်ဆုံးသရုပ်ဆောင်ကြေးတွေကို ရရှိထားလဲဆိုတာ စပ်စုကြည့်လိုက်ကြရအောင်။

5.Lee Min Ho

F4 Series နဲ့ မိန်းကလေးတွေရဲ့အသည်းကိုစတင်ဖမ်းစားနိုင်ခဲ့သလို “The King: Eternal Monarch” ဇာတ်လမ်းတွဲနဲ့ အောင်မြင်မှူတွေထပ်မံပိုင်ဆိုင်ခဲ့တဲ့ Lee Min Ho ရဲ့ အနုပညာကြေးကတော့ ဇာတ်လမ်းတွဲ အပိုင်းတစ်ခုကို အမေရိကန်ဒေါ်လာ 62,000 (မြန်မာငွေ သိန်း800ကျော်) ဖြစ်ပါတယ်။ နာမည်ကျော်ဟောလိဝုဒ်အော်စကာဆုရမင်းသား လီယိုနာဒိုရဲ့ Big Fan တစ်ဦးဖြစ်ပြီး လီယိုနာဒိုနဲ့အပြင်မှာဆုံခွင့်ရဖို့အတွက် ဟောလိဝုဒ်ထိ ထိုးဖောက်အောင်မြင်ချင်တယ်လို့ ဆိုထားခဲ့သူတစ်ဦးဖြစ်ပါတယ်။

4.So Ji Sub

ကိုရီးယားမင်းသားတွေထဲမှာ သူ့ရဲ့အမည်နဲ့ လမ်းနာမည်ကို ပထမဆုံးစတင်ပိုင်ဆိုင်ခဲ့တဲ့သူတစ်ဦးဖြစ်ပြီး အသက်43 နှစ်ဆိုတဲ့အရွယ်နဲ့မလိုက်အောင် နုပျိုအောင်မြင်နေဆဲပါပဲ။ သူ့ရဲ့လက်ရှိအမြင့်ဆုံးအနုပညာကြေးကတော့ ဇာတ်လမ်းတွဲအပိုင်းတစ်ပိုင်းကို အမေရိကန်ဒေါ်လာ 67,100(မြန်မာငွေ သိန်း 880ကျော်) ဖြစ်ပါတယ်။

3.Jo In Sung

Song Hey Kyo ရဲ့ ခင်ပွန်းဟောင်း Song Jun Ki နဲ့ အရမ်းရင်းနှီးတဲ့မိတ်ဆွေတစ်ဦးဖြစ်သလို အရင်က Song Jun Ki နဲ့ Song Hye Kyo တို့ရဲ့အချစ်ရေးမှာလည်း ဖူးစာရေးနတ်လေးတစ်ဦးဖြစ်ခဲ့တဲ့သူပါ။ ဒီနှစ်အတွက် Escape ဆိုတဲ့ ဇာတ်ကားမှာပါ၀င်သရုပ်ဆောင်ထားပြီး သူ့ရဲ့ အမြင့်ဆုံးအနုပညာကြေးကလည်း So Ji Sub နဲ့အတူတူပါပဲ ။ ဇာတ်လမ်းတွဲတစ်ပိုင်းစာကို USD 67,100 ပါ။

2. Hyun Bin

“Crash Landing On You” ဇာတ်လမ်းတွဲနဲ့ ပရိသတ်တွေအချစ်ကို ထပ်မံရရှိခဲ့တဲ့ ဗိုလ်ကြီးရဲ့ စိတ်ကူးထဲကမိန်းကလေးပုံစံကတော့ သူအခုလိုလူသိများတဲ့ အနုပညာရှင်တစ်ဦးဖြစ်နေတဲ့အပေါ်နားလည်ပေးနိုင်သူဖြစ်ရပါမယ်တဲ့။ ဗိုလ်ကြီးရဲ့ ဇာတ်လမ်းတွဲတစ်ပိုင်းစာ အမြင့်‌ဆုံး အနုပညာကြေးက အမေရိကန်ဒေါ်လာ 83900(မြန်မာငွေ သိန်း 1100 ကျော် ) ပါ။ သူ့အလုပ်အပေါ် နားမလည်ပေးနိုင်တဲ့သူရှိပါ့မလားနော်။

1.Kim Soo Hyun

Netflix/TvN drama ဇာတ်လမ်းတွဲတစ်ပုဒ်ဖြစ်တဲ့ It's Okay To Not Be Okay မှာ လက်ရှိပါ၀င်သရုပ်ဆောင်နေတဲ့ ပရိသတ်အသည်းကျော်လေး Kim Soo Hyun ရဲ့ အမြင့်ဆုံးအနုပညာကြေးက ဇာတ်လမ်းတွဲတစ်ပိုင်းစာကို အမေရိကန်ဒေါ်လာ 84,000 ( မြန်မာငွေ သိန်း 1110 ကျော် ) ဖြစ်ပါတယ်။ ငယ်ငယ်က အနေအေးလွန်းလို့ သူ့အမေက သရုပ်ဆောင်သင်တန်းကိုအတင်းတက်ခိုင်းခဲ့ရတဲ့ Kim Soo Hyun က အခုချိန်မှာတော့ နာမည်ကျော်မင်းသား Lee Byung Hyun (Mr.Sunshine ဇာတ်လမ်းတွဲမှာ) ရခဲ့တဲ့ အနုပညာကြေး USD 134,000 ကျော်ကို တဖြည်းဖြည်း အမီလိုက်လာနေတာကတော့ တကယ့်ကို ‌ထူးခြားတဲ့ပါရမီလို့ပြောရမှာပါပဲ။

Photo Credit to the Rightful Owners

, , , ,

People

Johnny Depp အမျိုးသမီးဗားရှင်းလို့ တင်စားရမယ့် Helena Bonham ရဲ့ ထူးခြားတဲ့ဇာတ်ရုပ် (6)ခု

သူတို့နှစ်ယောက်လုံးပါတဲ့ဇာတ်ကားတွေဆို အရမ်းမိုက်

by Randy Win

December 3, 2020

                   Helena Bonham လို့ဆိုလိုက်တာနဲ့ ထူးခြားတဲ့ကာရိုက်တာမျိုးစုံကို အပိုအလိုမရှိ ထိမိနေအောင်သရုပ်ဆောင်တတ်သူ အမျိုးသမီးအနုပညာရှင်တစ်ဦးအနေနဲ့ တန်းမြင်မိကြမှာပါ။၁၉၆၆ ခုနှစ်မှာ မွေးဖွားခဲ့သူမို့ အခုချိန်မှာ သူမရဲ့အသက်က ၅၄နှစ်ကျော်ရှိနေပြီဆိုပေမယ့် အရွယ်နဲ့မလိုက်အောင်နုပျိုနေဆဲဖြစ်သလို သူမရဲ့ အနုပညာစွမ်းရည်တွေကလည်း ဟိုးအရင်ကအတိုင်း နည်းနည်းမှမလျော့ပဲ ပြောင်မြောက်နေဆဲပါပဲ။ပရိသတ်အတော်များများက “မိန်းမ Johnny Depp” လို့တင်စားခေါ်ဝေါ်ရတဲ့အထိ စိတ်ဝင်စားစရာကောင်းတဲ့ အမိုက်စားဇာတ်ကောင်နေရာတွေမှာ အကောင်းဆုံးသရုပ်ဆောင်ခဲ့သူဖြစ်သလို မင်းသားကြီး Johnny Depp နဲ့လည်း ဇာတ်ကားပေါင်းများစွာကို အတွဲညီညီသရုပ်ဆောင်ခဲ့သူတစ်ဦးပါ။ Helena Boham Carter အနေနဲ့ မင်းသားကြီး Johnny Depp နဲ့တွဲဖက်ပြီး ထူးထူးခြားခြားကာရိုက်တာများစွာသရုပ်ဆောင်ခဲ့တဲ့အထဲကမှ ကြည့်ရှူသူပရိသတ်ရင်ထဲမှာ အမြဲတမ်းထင်ကျန်ရစ်ခဲ့မယ့် ထင်ရှားတဲ့ဇာတ်ကောင်အချို့ကို သူမရဲ့ပရိသတ်တွေအတွက် အမှတ်တရအနေနဲ့ ပြန်ပြီး Highlight လုပ်ဖော်ပြပေးချင်ပါတယ်။

1.Red Queen


Lewis Carroll ရဲ့ စိတ်ကူးယဉ်ဇာတ်လမ်း တစ်ပုဒ်ဖြစ်တဲ့ Alice In Wonderland နဲ့ Alice Thurough the Looking Glass ထဲက အနီရောင်ဘုရင်မကြီးကိုတော့ အားလုံးမှတ်မိကြမှာပါ။ ဦးခေါင်းကြီးကြီး ခန္ဓာကိုယ်သေးသေးနဲ့ ဒီဇာတ်ရုပ်ဟာ အမြင်အားဖြင့် ဗီလိန်လို့ဆိုလို့ရပေမယ့် ငယ်စဉ်ကတည်းက မတော်တဆမှူတစ်ခုကြောင့် ရုပ်ပိုင်းဆိုင်ရာပြောင်းလဲသွားရတဲ့အပေါ်လူတွေရဲ့လှောင်ပြောင်မှူနဲ့ မိသားစုကြားမျက်နှာသာပေးမခံခဲ့ရတဲ့အပေါ်တို့မှာ စိတ်ပိုင်းဆိုင်ရာ မာကြောခက်ထန်စွာနဲ့ ဗီလိန်တစ်ဦးဖြစ်မှန်းမသိဖြစ်လာခဲ့သူဖြစ်ပါတယ်။ ဒီလိုထူးခြားတဲ့ Red Queen ဇာတ်ရုပ်မှာ Helena Bonham အနေနဲ့ ဝါရင့်မင်းသမီးကြီးပီပီ အသက်ပါပါသရုပ်ဆောင်နိုင်ခဲ့သလို Mad Hatter အဖြစ်သရုပ်ဆောင်တဲ့ မင်းသားကြီး Johny Deppနဲ့လည်း အပေးအယူမျှမျှ အတွဲညီညီသရုပ်ဆောင်သွားခဲ့တာ အားလုံးအမြင်ပါပဲ။


2.Charlie And The Chocolate Factory

နာမည်ကျော် ကလေးဝတ္ထုတစ်ပုဒ်ကို ရုပ်ရှင်အနေနဲ့ပြန်လည်အသက်သွင်းထားတဲ့ Charlie And The Chocolate Factory ဇာတ်ကားမှာလည်း ဆင်းရဲတဲ့မိသားစုကချာလီလေးရဲ့ မိခင် Mrs.Bucket နေရာကနေ အကောင်းဆုံးသရုပ်ဆောင်ခဲ့ပြီး ထူးဆန်းအံ့ဖွယ်ချောကလက်စက်ရုံပိုင်ရှင်ကြီး Willy Wonka တစ်ဖြစ်လဲ Johnny Depp နဲ့အတူ ထူးထူးခြားခြားဇာတ်အိမ်လေးကို ထိထိမိမိသရုပ်ဆောင်သွားခဲ့ပြန်ပါတယ်။ကြည့်ဖူးကြသူတွေအနေနဲ့ ဒီဇာတ်ကားထဲကချောကလက်စက်ရုံကြီးကို အရမ်းကိုရောက်ဖူးချင်ခဲ့ကြတယ်မဟုတ်လား။


3.Dark Shadows

သည်းထိတ်ရင်ဖိုနဲ့ ဟာသဇာတ်မြူးရောထားတဲ့ ဇာတ်ကားတစ်ကားလို့ဆိုရမယ့် Dark Shadows ဇာတ်ကားမှာလည်း ကျိန်စာတိုက်ခံရပြီး Vampire တစ်ဦးဖြစ်လာခဲ့တဲ့ Brnabas (Johnny Depp) ကို လူပြန်ဖြစ်အောင်ကုသပေးဖို့ကြိုးစားနေတဲ့ Dr.Hoffin နေရာကနေ ပါဝင်သရုပ်ဆောင်ခဲ့ပါတယ်။ ဒီဇာတ်ကားဟာလည်း သမားရိုးကျ Vampire ဇာတ်ကားတွေထဲကနေခွဲထွက်ပြီး ထူးခြားတဲ့Horror ဇာတ်မြူးကားလေးတစ်ကားဖြစ်တာနဲ့အညီ ဝါရင့်သရုပ်ဆောင်ကြီးနှစ်ဦးရဲ့ အတွဲညီညီပေါင်းစပ်မှူနဲ့ အရမ်းကိုပနံသင့်နေတာတွေ့ရမှာပါ။


4.Sweeney Todd: The Demon Barber of Fleet Street

2007ခုနှစ်ဝန်းကျင်ကထွက်ရှိခဲ့တဲ့ Musical ဇာတ်ကားကောင်းလေးတစ်ကားဖြစ်ပြီး ကြည့်ဖူးသူတော်တော်များများရှိလိမ့်မယ်ထင်ပါတယ်။ သာယာတဲ့မိသားစုဘဝကို ဖျက်ဆီးခံလိုက်ရတဲ့ ဆံသဆရာတစ်ဦးရဲ့ အမုန်းတရားတွေကို Musical Horror ဆန်ဆန်ရိုက်ကူးပြထားတဲ့ ဒီဇာတ်ကားလေးမှာ ဆံသဆရာရဲ့ပါရမီဖြည့်ဘက် မုန့်ဖုတ်သမလေးနေရာကနေ သရုပ်ဆောင်ခဲ့တာကလည်း တကယ့်ကို အတွဲညီညီနဲ့ဇာတ်ရှိန်ကို အမြင့်ဆုံးရောက်စေခဲ့တယ်ဆိုရမှာပါပဲ။


5.The King's Speech


ဒီဇာတ်ကားကတော့ Johnny Depp နဲ့တွဲဖက်သရုပ်ဆောင်ထားတဲ့ဇာတ်ကားမဟုတ်ပေမယ့် Unique ဖြစ်တဲ့ ဇာတ်ရုပ်တစ်ခုကို ပိုင်ပိုင်နိုင်နိုင်သရုပ်ဆောင်ခဲ့တာကြောင့် ထည့်သွင်းထားရခြင်းဖြစ်ပါတယ်။ ဒီဇာတ်ကားက Historical Drama အမျိုးအစားဖြစ်ပြီး Helena Bonham က ဒီဇာတ်ကားထဲမှာ အဲလစ်ဇဘက်ဘုရင်မကြီးနေရာကနေပါဝင်သရုပ်ဆောင်ထားတာဖြစ်ပါတယ်။ ဗြိတိန်တော်ဝင်နန်းတွင်းရေးရာနဲ့ပတ်သက်တဲ့ စိတ်ဝင်စားစရာဇာတ်အိမ်ခိုင်ခိုင်နဲ့ကားမျိုးကိုကြည့်ချင်သူတွေအတွက်တော့ ရွေးချယ်သင့်တဲ့ဇာတ်ကားကောင်းတစ်ကားလို့ဆိုပါရစေ။


6.Corpse Bride

နောက်ဆုံးတစ်ခုကတော့ လူဇာတ်ကောင်မဟုတ်ပဲ ကာတွန်းဇာတ်ကောင်လေးကိုရွေးချယ်ချင်ပါတယ်။ Corpse Bride ဆိုတဲ့ နာမည်ကျော် Stop-Motion Animation ဇာတ်ကားလေးထဲမှာ သနားစရာအတိတ်ဇာတ်ကြောင်းနဲ့ သေဆုံးပြီးသားဖြစ်တဲ့ သတို့သမီးလေးနေရာကနေ Helena Bonham က အသံသရုပ်ဆောင်ပေးထားတာဖြစ်ပြီး ဒီဇာတ်ကားမှာ Helena Bonham နဲ့အတူ တွဲဖက်အသံသရုပ်ဆောင်ခဲ့သူက Johnny Depp ကိုယ်တိုင်ပါပဲ။ ဒီဇာတ်ကားလေးကလည်း လူကြီးရောလူငယ်ပါ အရမ်းသဘောကျခဲ့ကြသလို အော်စကာဆန်ကာတင်စာရင်းမှာပါဝင်ခဲ့တဲ့ထိ အောင်မြင်ခဲ့တဲ့ ကာတွန်းဇာတ်ကားကောင်းလေးတစ်ကားဖြစ်ခဲ့ပါတယ်။


Photo Credit To The Rightful Owners

 

 

, , , , , , , ,

People

အသည်းမာတဲ့သူကိုတောင် အရည်ပျော်သွားစေမယ့် The Return of Superman ထဲက ကလေးလေးတွေ

အူကျူကျုးလေးတွေ..

by JN Ja Seng Pan

November 14, 2020

ကိုးရီးယားမှာကော နိုင်ငံတကာမှာပါ ရေပန်းစားတဲ့ အစီအစဉ်တွေထဲကမှ The Return of Superman ကို စာဖတ်သူတွေလည်း ကြိုက်ကြတယ်ဟုတ်။ နာမည်ကျော် Celebrity ဖေဖေတွေက သူတို့တွေရဲ့ ကလေးတွေနဲ့ ၄၈နာရီကြာ အချိန်တွေကုန်ဆုံးရတဲ့ ချစ်စရာ Program လေးပါ။ ကိုယ့်မျက်စိရှေ့မှာတင် ကလေးတွေကြီးလာကြတာ အသက်တစ်ခုရောက်လို့ ခွဲခွာကြရင်လည်း ကိုယ့်အရင်းအချာကြီးလို ခံစားလိုက်ရတာနော်။ ကဲ Ep 1 ကနေ ခု Ep 342 ရှိလာတဲ့အထိ ကလေးတွေအများကြီး ပါဝင်တဲ့အထဲက မာတောင့်နေတဲ့ အသည်းနှလုံးကြီးကို ပျော့ပြောင်းသွားစေမယ့် ကလေးလေးတွေရှိပါတယ်။ မြင်တဲ့သူတိုင်း သည်းသည်းလှုပ်ချစ်ကြလို့ ကိုယ့်အချစ်တော်လေးကကော ဘယ်သူဖြစ်မလဲ ကြည့်လိုက်ရအောင်နော်။

 

Will-ben


Reality Show တွေနဲ့ လူသိများတဲ့ နိုင်ငံခြားသား Sam Hammington ရဲ့ သားလေးတွေပါ။ ညီအစ်ကိုနှစ်ယောက်ရဲ့ ရန်ဖြစ်စကားများတာကအစ တစ်ယောက်အပေါ် တစ်ယောက် ဂရုစိုက်၊ ချစ်ပြတာတွေက ပရိတ်သတ်တွေရဲ့ ရင်ကို နွေးထွေးစေပါတယ်။ သူတို့အပိုင်းတွေကြည့်လိုက်တိုင်း ရယ်ရလွန်းလို့ အဖေ့သွေး အပြည့်အဝပါတယ်ဆိုတာ ငြင်းလို့မရဘူးနော်။


Haru

အဆိုတော် Tablo ရဲ့ တစ်ဦးတည်းသော သမီးချောလေးပါ။ Show နဲ့ ပထမဦးဆုံး မိတ်ဆက်ပေးခဲ့တဲ့ ကလေးလေးဆိုလည်းမမှားပါဘူး။ သမီးပီပီ အဖေကို အချွဲပိုခဲ့တာတွေက ပရိတ်သတ်တွေကို အရည်ပျော်စေခဲ့ပါတယ်။


Seojun and Seoeon


အမွှာနှစ်ကောင်ရဲ့ ရန်ပွဲတွေက ကြည့်ရှုသူကို တဝါးဝါးတဟားဟားဖြစ်စေခဲ့ပါတယ်။ နှစ်ယောက်လုံးရဲ့ ချစ်စရာ အပြုအမှုကြောင့်လည်း Viewer တွေရဲ့ အသည်းကျော်လေးတွေဖြစ်ခဲ့ပါတယ်။


Tripletss (Daehan, Minguk, Manse)


ဂျူမှုံလို့ မြန်မာပြည်က ပရိတ်သတ်တွေ သိထားကြတဲ့ မင်းသားကြီး Song Ii Kook ရဲ့ သားအမွှာလေး သုံးယောက်ပါ။ အမွှာဆိုပေမယ့် Character လုံးဝမတူတဲ့ ဒီချစ်စရာကောင်လေးသုံးယောက်ကို ပရိတ်သတ်တွေက ချစ်မဝဖြစ်ခဲ့တာပါ။


Seungjae


Seungjae ရဲ့သနားကြင်နာတတ်တဲ့စိတ်လေးက ပရိတ်သတ်တွေရဲ့ အချစ်ကို သိမ်းပိုက်ထားတာပါ။


Sarang


Return of Superman ထဲက ချစ်စရာကလေးလေးထဲမှာ အစားပုတ်လေး Sarang ကို မေ့ထားလို့မရပါဘူးနော်။ နာမည်ကျော် Martial Artist Sung Hoon Choo နဲ့ စူပါမော်ဒယ် Shiho Yano တို့ရဲ့ ကိုးရီးယား၊ ဂျပန်စပ် ကလေးလေးပါ။ အသည်းနှလုံးတွေ အရည်ပျော်သွားလောက်အောင် ချစ်စရာကောင်းလွန်းသူလေးပါ။


Naeun and Gunhoo


Naeun နဲ့ Gunhoo လေးကတော့ လတ်တလော Show မှာ ပါဝင်နေတဲ့ ကလေးလေးနှစ်ယောက်ပါ။ ကပြားလေးတွေမို့ ချစ်စရာကောင်းတယ်ဆိုတာထက်ပိုတဲ့ ချစ်စရာကောင်းခြင်းတွေ စုထားတဲ့မောင်နှမတွေပါ။ အငယ်လေး Gunhoo ဆိုလည်း ဟာသ Memes တွေပါလုပ်ခံရတဲ့အထိ ပရိတ်သတ်ချစ်ခြင်းကို ပိုင်ဆိုင်ထားသူပါ။


Hao


Running Man အဖွဲ့ဝင်ဟောင်း Gary ရဲ့ သားတော်မောင်လေးပါ။ ဉာဏ်ကောင်းပြီး စကားသိပ်တတ်တဲ့ Hao လေးကိုလည်း ပရိတ်သတ်တွေက အူယား၊ သဘောကျမဆုံးဖြစ်နေရတာပါ။



, ,

People

ရိုးရှင်းပြီး Modern ဖြစ်တဲ့ Jewelry တွေကိုနှစ်သက်သူ American Vice President Kamala Harris

သူအကြိုက်ဆုံး Jewelry ကမြန်မာပြည်မှာအများဆုံးထွက်တာနော်

by May Shoon

November 12, 2020

    အမေရိကန်ရဲ့သမိုင်းမှာ Asian-African အမျိုးသမီးတစ်ဦးကို 2020 U.S Election မှာ Vice President အဖြစ်ခန့်အပ်ခဲ့ပါတယ်။ သူမဟာငယ်ငယ်တည်းက သွက်လက်ထက်မြက်သူတစ်ယောက်ဖြစ်ပြီး Politics လောကထဲကို 1990 ပြည့်နှစ်လွန်တည်းက ဝင်ရောက်ခဲ့သူပါ။ သူကတော့ Kamala Harris ပါ။ Democratic Party အဖွဲ့ဝင်ဖြစ်တဲ့ Harris က Joe Biden နဲ့အတူ ၂၀၂၀ ရွေးကောက်ပွဲမှာ President Donald Trump ကိုအနိုင်ရရှိခဲ့ပြီး ၂၀၂၁ ဇန်နဝါရီကစတင်ပြီး White House တာဝန်တွေကိုဆောင်ရွက်ကြရတော့မှာပါ။
ပိုပြီး ဂုဏ်ယူစရာကောင်းတာက Harris က အမေရိကန်သမိုင်းမှာ ပထမဦးဆုံး Highest-Ranking အဖြစ်ရွေးချယ်ခံရတဲ့ အမျိုးသမီး ဒုသမ္မတဖြစ်ပြီး ပထမဆုံးသော Asain-African Vice President ဆိုရင်လည်းမမှားပါဘူး။ ဒါဆို Kamala Harris ကဒီ 2020 U.S Election ကိုမရောက်ရှိခင် ဘာတွေလုပ်ခဲ့တာလဲ။

  Political Science နဲ့ Economics ကို Howard University မှာသင်ယူပြီးတဲ့နောက် Harris က University of California Hastings College of Law ကနေလည်း Law Degree ကိုရယူခဲ့သလို အဲ့တက္ကသိုလ်ရဲ့ Black Law Students Association ရဲ့ President အဖြစ်လည်းလုပ်ဆောင်ခဲ့တယ်။ 1990 မှာ Harris ဟာပထမဆုံးအလုပ်ဖြစ်တဲ့ Alameda County, California က အစိုးရရှေ့နေရုံးမှာ ခရိုင်ရှေ့နေအဖြစ်စတင်အမှုထမ်းခဲ့ပြီး နောက်ပိုင်းမှာတော့ City Attorney of San Francisco Office မှာဆက်လက်လုပ်ကိုင်ခဲ့တယ်။ ၂၀၁၀မှာတစ်ကြိမ် နဲ့ ၂၀၁၄ မှာတစ်ကြိမ် Californial ရဲ့ ရှေ့နေချုပ်အဖြစ်ရွေးချယ်ခြင်းခံရတယ်။ ၂၀၁၇ ကစတင်ပြီး United States , California ပြည်နယ်ရဲ့ အထက်လွှတ်တော်အမတ် အဖြစ်လုပ်ကိုင်ခဲ့တယ်။ Harris က 2020 Democratic Presidential Nomination ကိုလည်း စတင်ခဲ့ပြီး အဲ့ Campaign ကို ဒီဇင်ဘာ ၃ ရက် ၂၀၁၉ မှာအဆုံးသတ်ခဲ့ပါတယ်။ အခုတော့ Biden နဲ့အတူ အိမ်ဖြူတော်ရဲ့တာဝန်တွေကိုဆက်လက်ထမ်းဆောင်ရဦးမှာပါ။


Biden ကိုယ်တိုင်က Harris ကို “ အကြောက်တရားကင်းမဲ့တဲ့ စစ်သည်တော်တစ်ယောက်လိုပါပဲ၊ နိုင်ငံရဲ့ အတော်ဆုံးအထက်မြတ်ဆုံး Servant တွေထဲကတစ်ယောက်” လို့တင်စားခေါ်ဝေါ်ခဲ့ပါတယ်။ Kamala ကလည်း သူတို့ရဲ့ Commander-in-Chief ကြီး Biden အတွက်ဆို ဘယ်လိုနည်းနဲ့ဖြစ်ဖြစ်အသင့်ရှိနေမှာပါလို့ ကတိပြုခဲ့တဲ့အကြောင်းကိုလည်း သူမရဲ့ Instagram မှာတင်ထားပါသေးတယ်။
သူမရဲ့ Life Span ကို Law နဲ့ Politic နယ်ပယ်မှာပဲကျင်လည်ခဲ့သူမို့သူမဝတ်ဆင်တဲ့ဖက်ရှင်တွေကလည်း ဘယ်အချိန်ကြည့်ကြည့်ကျက်သရေရှိပြီး ကျော့ရှင်းနေတာတော့ဘယ်သူမှမငြင်းနိုင်ပါဘူး။ လူအများနဲ့ပြောဆိုလုပ်ကိုင်နေရတဲ့ Harris အတွက် Outfit ရွေးချယ်မှုမှာ Option များများမရှိပေမယ့် ရှိတဲ့ Limitation တွေထဲကနေ Smart ကျပြီး Elegant ဖြစ်အောင်ဝတ်ဆင်နိုင်သူပါ။ သူမရဲ့ Suit၊ Skirt နဲ့ Blazer တွေကလည်း Well-Tailored ဖြစ်ပုံကျ ကျနတယ်။ ဒါပေမယ့် Accessory မှာတော့ Harris အရူးအမူးစွဲလမ်းတဲ့ Jewelry တစ်ခုရှိတာသတိထားမိကြလား။ အဲ့ဒါကတော့ Pearls တွေပါ။ သူမကိုယ်ကြည့်လိုက်တိုင်း လည်တိုင်မှာ White Pearls (သို့) Black Pearls နဲ့ မတွေ့ရတဲ့ အခါဆိုတာခပ်ရှားရှားပါ။

၁၉၈၆ Howard University Graduation Photo မှာဆိုရင်လည်း Harris က One-String Pearl Necklace လေးနဲ့ Earrings လေးကိုဝတ်ထားပြီး အဲ့အချိန်တည်းက သူမ Pearls တွေကို ဘယ်လောက်နှစ်သက်ကြောင်းဖော်ပြနေသလိုပါပဲ။ သူမ ရှေ့နေဘဝ၊ လွှတ်တော်အမတ်ဘဝကနေ Vice President ဖြစ်လာတဲ့အချိန်ထိလည်း Pearls တွေကိုခုံခုံမင်မင် ဝတ်ဆင်နေဆဲပါ။ Pearls တွေကအများသောအားဖြင့် Feminine ဖြစ်တဲ့ အဝတ်အစားတွေ၊ Gown တွေနဲ့ဝတ်ဆင်လေ့ရှိပေမယ့် Harris ရဲ့ Pearls Jewelry တွေကတော့ သူမဝတ်ဆင်တဲ့ Political Suit တွေနဲ့လည်းလိုက်ဖက်နေပါတယ်။
ပုလဲတွေက Jewelry ထဲမှာ Sophisticated ဖြစ်တယ်။ တခြားကျောက်မြက်တွေလို မဝင့်ကြွားဘူး ဒါပေမယ့် တန်ဖိုးကြီးတယ်။ ဝတ်ဆင်လိုက်သူတွေရဲ့အသွင်အပြင်ကို Polished ဖြစ်စေတယ်။ ကျက်သရေရှိစေတယ်။” လို့ British Vogue Jewelry Director Rachel Garrahan က Harris ရဲ့ Pearls ဖက်ရှင်တွေကိုမှတ်ချက်ပေးထားပါတယ်။


ပုလဲလေးတွေက နေရာအချိန်အခါသိပ်မရွေးတာမို့ မရှိမဖြစ် Jewelry ထဲမှာပါတယ်နော်။ မြန်မာနိုင်ငံကလည်းဒီအဖိုးတန် Pearls လေးတွေကိုထုတ်လုပ်တဲ့ နိုင်ငံတစ်ခုလည်းဖြစ်တာမို့ မြန်မာမိန်းကလေးတို့လည်း Pearl လေးတွေနဲ့ကျော့ကျော့မော့မော့လေးလှပချင်တယ်ဆိုရင် ဝယ်ယူနိုင်တဲ့ Pearl Jewelry ဆိုင်တွေကိုလည်း ဖော်ပြပေးလိုက်ပါတယ်။

Hein Nadi Pearl and Jewelry Shop

https://www.facebook.com/heinnadipearl

 

Pwint Phyu Pearl & Jewelry

https://www.facebook.com/pwintphyupearl

 

Nan Htike Gems & Jewelry

https://www.facebook.com/nanhtikejewelry

 

Pearl Empress ပုလဲဧကရီ Pearl & Diamond Jewelry

https://www.facebook.com/pearlempressjewellary

 

Shwe Maha Pearl & Jewelry Shop

https://www.facebook.com/shwemaha.pearl

 

 

 

 

 

, , , ,

MODA TV 


People

ကင်မရာကို ကြည့်နေရုံနဲ့ Tik Tok ဆယ်လီဖြစ်လာခဲ့တဲ့အမျိုးသားရဲ့ လျှို့ဝှက်ချက်

ရုပ်တည်ကြီးနဲ့ ထိုင်ကြည့်နေတာနော်

by Randy Win

November 9, 2020

             ကိုဗစ်ရောဂါကြောင့် လူအများစုဟာ အလုပ်တွေလည်း အိမ်မှာလုပ် ၊ ဈေးတွေလည်းအိမ်ကနေပဲရောင်းပြီး အိမ်မှာပဲနေရတဲ့အချိန်တွေပိုများလာတဲ့အတွက် စိတ်ကျဉ်းကြပ်မှူကို ဖြေလျော့ပေးနိုင်မယ့် ဖျော်ဖြေရေးနဲ့ Social Media လိုအရာမျိုးတွေအပေါ်မှာ အတော်လေး အချိန်ပေးလာကြတာတွေ့ရပါတယ်။ ဒီလိုအချိန်မှာပဲ Entertain လည်းကောင်းကောင်းလုပ်ပေးနိုင်သလို Social Media Platform တစ်ခုအနေနဲ့လည်း သတ်မှတ်လို့ရတဲ့ Tik Tok ဟာ လူကြီး ၊လူငယ် အရွယ်မရွေးကြားထဲမှာ တော်တော်လေးကို ကျယ်ပြန့်အောင်မြင်လာခဲ့တာ အားလုံးမျက်မြင်ပါပဲ။ ဒါ့အပြင် ခေတ်ရေစီးကြောင်းရဲ့ လိုအပ်ချက်အရ အခြား Social Platfom တွေမှာလိုပဲ Tik Tok ပေါ်မှာလည်း Influencer တွေ တစ်စထက်တစ်စပေါ်ထွက်လာခဲ့ပါတယ်။ ဗန်းစကားနဲ့အလွယ်ပြောရရင်တော့ ဆယ်လီပေါ့။

             Social Media ခေတ်ကြီးမှာ Influencer တွေရဲ့ အခန်းကဏ္ဍကအများကြီးအရေးပါလာတာတွေ့ရတဲ့အပြင် ၉၀ ခုနှစ်တွေတုန်းကလို TV ကလာတဲ့ ကြော်ငြာတွေထက် Digital Platform ပေါ်ကနေ ကြောငြာခြင်းက ပိုထိရောက်တာကို သိမြင်လာကြတဲ့အခြေအနေမျိုးမှာ လုပ်ငန်းရှင်တွေရဲ့ ကြော်ငြာခြင်း Target ဟာ ဆယ်လီ (Social Influencer) တွေဖြစ်လာပြီး ဒီဆယ်လီတွေဟာ Social Platform ရဲ့ ကြော်ငြာမင်းသားမင်းသမီးလို့ တင်စားရမယ့်သူတွေဖြစ်လာကြပါတယ်။ တချို့ကလည်း ဒီလို influencer တစ်ယောက်ဖြစ်ဖို့ထိ ရည်ရွယ်ပြီး သေချာစနစ်တကျဖန်တီးယူကြသလို တချို့ကျပြန်တော့လည်း ကံတရားကပေးလို့ အလိုလိုနေရင်းကို ဆယ်လီစာရင်းဝင်သွားတဲ့သူတွေပါ။