×
Style Note

ဘယ်အချိန် ဓာတ်ပုံရိုက်ရိုက် Photogenic ဖြစ်နေစေမယ့် Outfit Idea များ

Photoshoot မှာဘာဝတ်ရမှန်းမသိရင် ဒီလို Fashion တွေသာ ဝတ်သွားလိုက်

by May Shoon

June 22, 2020

အခုလို Social Media ခေတ်ကြီးမှာ ကိုယ့်ရဲ့ အလန်းစား အပြင်အဆင်နဲ့ ဓာတ်ပုံတွေကို Facebook နဲ့ Instagram တွေမှာတင်ကြတာ ဘယ်အချိန်မှ မတိမ်ကောမယ့် Trend ကြီးတစ်ခုလိုပါပဲ။ အထူးသဖြင့် မိန်းကလေးတွေပေါ့။ အခုဆို Celebrity တွေ၊ Influencer၊ Model တွေထက်တောင် Post တွေ Photo တွေက အထာကျတဲ့ ကောင်မလေးတွေ အများကြီးရှိလာပါပြီ။ Phone နဲ့ပဲရိုက်ရိုက်၊ DSLR Camera နဲ့ပဲရိုက်ရိုက်၊ အလှ Portrait ပဲရိုက်ရိုက်၊ Fashion Editorial ပဲရိုက်ရိုက် လူပဲလှပြီး Pose တွေဂေါ်နေရုံနဲ့ မလုံလောက်ပါဘူး။ ရိုက်မယ့် Photoshoot အတွက် အသင့်တော်ဆုံးနဲ့ အမိုက်ဆုံးဖြစ်စေမယ့် Fashion Style ကိုလည်း ရွေးချယ်တတ်ဖို့က အရေးကြီးပါတယ်။ အကုန်လုံးမိုက်နေပြီး မှ Outfit ကဂွမ်းနေလို့ မဖြစ်ဘူးလေ။ အဲ့လိုပြောလို့ အရမ်း Extra ဖြစ်တဲ့အပြင်ဆင်နဲ့ အလွန်အကျူး ဖက်ရှင်တွေကိုလည်း ဝတ်စရာမလိုပါဘူး။ ကိုယ့်မှာရှိပြီးသာ ရိုးရိုးရှင်းရှင်း Casual Cloth တွေထဲကပဲ ဘယ် Outfit လေးတွေက အချိန်မရွေး ဖက်ရှင်ကျနေစေလဲဆိုတာပြောပြမယ်နော်။ တကယ်လို့ Photoshoot ရိုက်ဖို့ ဘာဝတ်ရမှန်းမသိရင် ဒီ Outfit တွေသာ ကောက်ဝတ်သွားလိုက်ပါ။ Timeless ဖြစ်တဲ့ Style တွေမို့ ဓာတ်ပုံထဲမှာလည်း ဘယ်လိုကြည့်ကြည့်အာထာကျနေစေမှာသေချာပါတယ်။

Little Black Dress
ကိုယ်က Sexy ဆန်ဆန်၊ စွဲစောင်မှုရှိရှိနဲ့ Elegant ဖြစ်တဲ့ ပုံစံမျိုးလိုချင်တယ်ဆို ဘာမှ မစဉ်းစားနဲ့ အနက်ရောင် Dress လေးကိုသာ ဝတ်သွားလိုက်ပါ။ ဒါပေမယ့် Little Black Dress ကဘယ်လိုပုံစံ ဘယ်လို Theme ပဲရိုက်ရိုက် Unique ဖြစ်နေစေပါတယ်။

 

Graphic Tees and Denim Short
ပေါ့ပေါ့ပါးပါးနဲ့ လူငယ်ဆန်ဆန်လေးပဲရိုက်ချင်တယ်ဆိုရင် သင့်မှာရှိပြီးသား Graphic Tee လေးနဲ့ Denim Short Dress လေးက ဓာတ်ပုံထဲမှာ Pop-Up ဖြစ်နေမှာပဲ။

 

Basic Crop Tops
အရိုးဆုံးက အဆန်းဆုံးဆိုတဲ့အတိုင်း အနက်ရောင်၊ အဖြူရောင် တို့လို Basic Color Crop Top လေးတွေက ဘယ်အချိန်ကြည့်ကြည့် အရမ်းကြီး ပြင်ဆင်ထားတယ်လို့ မထင်ရအောင် Minimalist ဆန်ဆန် လှနေမှာပါ။

 

White Prarie Dress
Lace တွေ၊ Embroidered တွေ၊ Ruffled အတွန်းအဖတ်တွေနဲ့ အဖြူရောင် Dress လေးတွေကလည်း ကောင်းကင်က နတ်သမီးလေးတစ်ယောက်လို ရှင်းရှင်းသန့်သန့်လေး ဖြစ်နေစေပါတယ်။

 

Off-Shoulder Tops
မိန်းကလေးရဲ့ ပခုံးအလှကို ဖော်ပြပေးတဲ့ Off-Shoulder Dress လေးတွေကလည်း သင့်ကို Photogenic ဖြစ်တဲ့ ကောင်မလေးတစ်ယောက်အသွင်ဖြစ်အောင် ပံ့ပိုးပေးပါလိမ့်မယ်။

 

Denim Jacket
ဘာဝတ်ရမှန်းကိုမသိတော့ဘူး။ ခေါင်းရှုပ်လာပြီဆိုရင် Denim Jacket တစ်ထည်သာ အပေါ်ကထပ်ဝတ်သွားလိုက်။ သင့်ကို နောင်တရစေမှာမဟုတ်ဘူး။

 

Biker Jacket
ဓာတ်ပုံရိုက်ရင် ခပ်မိုက်မိုက် Edgy Style မှကြိုက်တယ်ဆိုတဲ့ မမတွေအတွက် Biker Jacket ထက်သင့်တော်တဲ့ Outfit ရှိဦးမှာလား။ ဒီလိုလေးဝတ်ရင် ဖိနပ်ကို Ankle Boots လေးနဲ့ Match ကြည့်နော်။

 

Blazers
Blazer တွေက Formal ဆန်ပေမယ့် အထဲက T-Shirt တွေ၊ Graphic Tees တွေနဲ့ တွဲပြီး အမိုက်စား Streetstyle Look တွေကို ဖန်းတီးကြည့်လို့ရပါတယ်။


Oversized Sweatshirts
မိန်းကလေးဆန်တဲ့ Fashion တွေမကြိုက်တဲ့ ကောင်မလေးတွေအတွက် Sporty ဆန်ဆန် Sweatshirt လေးတွေကို Try ကြည့်စေချင်ပါတယ်။ ခပ်ပွပွ Oversized Hoodie တွေဆို ဓာတ်ပုံထဲမှာပို Style ကျပါတယ်။

 

All White
အပေါ်အောက်တစ် Set လုံးကို အဖြူရောင် ဝတ်ကြည့်လိုက်တာကလည်း အမြင်တစ်မျိုးလေးနဲ့ ကြည့်ရတာအထာကျပါတယ်။

 

Floral Dress
ဘယ်တော့မှာ မရိုးနိုင်တဲ့ Floral Print Dress လေးတွေကလည်း ဘယ်လိုနေရာ၊ ဘယ်လိုအချိန်မှာရိုက်ရိုက် Femenine ဆန်ဆန်လေးချစ်စရာကောင်းပါတယ်။

 

90's Vibe
အခုတစ်ခါပြန်ခေတ်စားနေတဲ့ Retro ဆန်ဆန် 90’s ဆန်ဆန် Mini Skirtတွေ၊ Cardigan တွေနဲ့ Bandana Scarf လေးတွေကလည်း Aesthetic ဖြစ်တဲ့ Photography လေးတွေရိုက်ချင်တဲ့သူဆိုရင် ကွက်တိပဲနော်။

 

, , ,
Style Note

ဗိုက်ပူမလေးတို့အတွက် ဗိုက်ဖျောက်ဝတ်ဆင်နည်း

ဗိုက်အဆီလေးတွေကို ဖက်ရှင်ကျကျ ဝှက်ကြမယ်

by Randy Win

July 2, 2020


                 Pandemic ကာလအတွင်းမှာ အများစုသောမိန်းကလေးတွေဟာ Stay Home အနေများလာတာနဲ့အမျှ အိပ်လိုက်စားလိုက် ၊Work from home လိုက် နဲ့ ဗိုက်မှာ အဆီလေးတွေ အနည်းနဲ့အများ စုမိလာပြီး Love Handle လေးတွေ ကိုယ်စီပိုင်ဆိုင်လာကြတာကိုတွေ့ရပါတယ်။ ပုံမှန် Workout လုပ်ဖြစ်တဲ့သူတွေတော့ မပါဘူးပေါ့နော်။ ဒီလို ဗိုက်အဆီလေးတွေကြောင့်ပဲ ရုံးတွေပြန်ဖွင့်လို့ အဝတ်အစားတွေလှလှပပလေးဝတ်ပြီး ရုံးပြန်တက်မယ်လုပ်တဲ့အခါ စိတ်အနှောင့်အယှက်အနည်းနဲ့အများဖြစ်ကြရပြီး ဘာဝတ်လို့ဝတ်ရမှန်းမသိနဲ့ ပြသနာတက်ကြရပါတယ်။ ဒါကြောင့်မို့လို့ Stay Home ကာလအတွင်း စုဆောင်းထားတဲ့ စုဗူးလေးတွေကို လေ့ကျင့်ခန်းတွေလုပ်ပြီး ပြန်မချခင်မှာ ဘယ်လိုကိုယ့်နည်းကိုယ့်ဟန်လေးတွေနဲ့ ဖက်ရှင်ကျကျ ကွယ်ဝှက်ဖုံးအုပ်ထားလို့ရနိုင်မလဲဆိုတဲ့ နည်းလမ်းလေးတွေကို စုစည်းပြီး မျှဝေပေးသွားမှာမို့ တချက်ချင်းစီ သေချာလေးဖတ်ကြည့်ဖို့တော့လိုမယ်နော်။


1 . အလွှာအထပ်ထပ်

လိုက်ကာစလေးတွေချိတ်ထားသလို အလွှာအတွန့်အတွန့်လေးတွေ ၊ အထပ်ထပ်လေးတွေပါတဲ့ အင်္ကျီမျိုးတွေ နဲ့ ရင်ဘတ်နားမှာကြပ်ပြီး အောက်ဘက်ကို အနည်းငယ်ပွသွားတဲ့ အဝတ်အစားမျိုးတွေက ဗိုက်အဆီထွက်ခြင်းကို တော်တော်လေးဖုံးအုပ်ပေးနိုင်ပါတယ်။ ကိုယ့်ရဲ့ကောက်ကြောင်းကိုလည်း ပေါ်လွင်သယောင်အမြင်လှည့်စားပေးနိုင်ပြီး ယောင်ယောင်လေးထွက်နေတဲ့ ကိုယ့်ရဲ့ ဗိုက်အဆီလေးတွေပေါ်ကို လုံးဝအာရုံမရောက်စေနိုင်တော့ပါဘူးတဲ့။

2. ဒေါင်လိုက်စင်း

ခပ်ပြည့်ပြည့်ကောင်မလေးတွေနဲ့ စုဗူးပိုင်ရှင်မမတို့အတွက် အသင့်တော်ဆုံး ကတော့ ဒေါင်လိုက်အစင်း အဝတ်အစားလေးတွေပါပဲ။ ဘေးတိုက်စင်းအင်္ကျီအဝတ်အစားတွေနဲ့ ဆန့်ကျင်ဘက်အနေနဲ့ ဒေါင်လိုက်စင်းအဝတ်အစားတွေဟာ အရပ်ကိုပိုမြင့်သယောင်ထင်ရစေပြီး ခန္ဓာကိုယ်ကိုလည်းပိုပြီး ပိန်သွယ်သယောင်ခံစားရစေပါတယ်။ ဒီလိုဒေါင်လိုက်စင်း အဝတ်အစားတွေကိုဝတ်ထားရင် ဗိုက်ထွက်နေမလားဆိုတဲ့ စိုးရိမ်စိတ်ကို လုံးဝမေ့ဖောက်ထားလိုက်လို့ရပါပြီ ။

3. ပြောင်အင်္ကျီနဲ့ စကတ်အတွန့်

ဗိုက်အဆီရှိနေတဲ့ကောင်မလေးတွေအနေနဲ့ စကတ်ဝတ်ရင်မလှလောက်ဘူးလို့ တွေးထင်တတ်ကြပါတယ်။ တကယ်တော့ ဒီအတွေးကအရမ်းဒိတ်အောက်လွန်းပါတယ်။ စကတ်ခပ်ကြပ်ကြပ်တွေဝတ်ရင်တော့ အဲဒါမျိုးကဖြစ်ကောင်းဖြစ်နိုင်ပေမယ့် အတွန့်အတွန့်လေးတွေပါတဲ့စကတ်ကို အပေါ်ကပြောင်အင်္ကျီတွေနဲ့တွဲဝတ်ကြည့်လိုက်ရင်တော့ အရင်တွေးခဲ့တဲ့ အတွေးကမှားတယ်ဆိုတာ လက်ခံသွားပါလိမ့်မယ်။ အပေါ်ကပြောင်အင်္ကျီကိုတော့ တအားကြပ်တာမျိုးထက် ခပ်မပွတပွလေးထဲကရွေးချယ်ဖို့လိုပါတယ်။ စကတ်မှာပါတဲ့အတွန့်တွေက အပေါ်ဘက်ကိုစုသွားသယောင် အမြင်ရောက်စေတာမို့ သင့်ရဲ့အဆီစုဗူးလေးကိုဘယ်သူမှသတိထားမိမှာမဟုတ်တော့ပါဘူး။

4. အရောင့်ရင့်ရင့်


ဗိုက်ဖျောက်ဖို့အတွက် အရောင်ရင့်ရင့်တွေကိုအသုံးပြုတယ်ဆိုတာ ဘယ်တော့မှ မမှားနိုင်တဲ့နည်းလမ်းတစ်ခုပါ။ ပြောင်ပဲဖြစ်ဖြစ် Pattern တွေပဲပါပါ အရောင်ခပ်ရင့်ရင့်တွေက သင့်ခန္ဓာကိုယ်ရဲ့ ပြည့်ဝနေတဲ့အစိတ်အပိုင်းတွေအတော်များများကို ကောင်းကောင်းဖုံးအုပ်ပေးပါလိမ့်မယ်။ အဲဒီထက်ပိုပြီး ထိရောက်ချင်တယ်ဆိုရင်တော့ အရောင်ရင့်ရင့် အကြေသား၊ လှိုင်းတွန့်သား လိုမျိုးတွေကိုသာ ရွေးချယ်လိုက်ပါ။

5. ပွပွချောင်ချောင်အင်္ကျီနဲ့ ဘောင်းဘီ


ဒီအတွဲအစပ်ကတော့ ကြည့်လိုက်တာနဲ့ ခပ်မိုက်မိုက်လေးဖြစ်နေစေမှာဖြစ်သလို ဗိုက်စုဗူးလေးကိုလည်း ကောင်းကောင်းဝှက်ထားပေးနိုင်ပါလိမ့်မယ်။ အပေါ်အင်္ကျီတွေကို ကိုယ်ပုံမှန်ဝတ်နေကျထက် တစ်ဆိုဒ်ပိုကြီးတာကို ရွေးချယ်ပြီး အောက်ကနေ Slim Fit ဘောင်းဘီ ၊ Legging ၊ ဂျင်းဆွဲသားလိုမျိုးလေးတွေနဲ့ပေါင်းစပ်လိုက်ခြင်းအားဖြင့် အထာကျကျကောင်မလေးတစ်ယောက်လို ခပ်ချေချေလန်းနိင်ပါပြီ။ ဘောင်းဘီရွေးချယ်တဲ့အခါမှာတော့ တတ်နိုင်ရင် ခါးအောက်အကျဘောင်းဘီလိုမျိုးလေးတွေရွေးချယ်ရင် ပိုပြီး လိုက်ဖက်နိုင်ပါတယ်။ ပြီးရင်တော့ ကိုယ်နှစ်သက်ရာ Accessories လေးတေပေါင်းစပ်ပြီး အမိုက်စားကောင်မလေးတစ်ယောက်အဖြစ် ခပ်လန်းလန်းလေး အသွင်ပြောင်းလိုက်ပါ။

Photo Credit To The Rightful Owners

 

, , , ,

Style Note

Cardigan တွေကို အထာကျအောင် ဘယ်လိုဝတ်ကြမလဲ

ပူချင်ပူ အေးချင်အေး ဖက်ရှင်ကို လုံးဝအလျော့မခံနိုင်ဘူးဆိုရင် Cardigan တွေက အသင့်တော်ဆုံးပါပဲ

by Randy Win

July 1, 2020

               အခုအချိန်ဟာ မိုးရာသီကိုရောက်ရှိလာပြီမို့ အေးတယ်လို့လည်းဆိုနိုင်သလို တခါတလေ မိုးမရွာတဲ့နေ့တွေမှာလည်း ခြစ်ခြစ်တောက်ပူတတ်တာမို့ အဲဒီလိုရာသီဥတုရဲ့ အပူအအေး ကွာဟမှူအတွက် အသင့်တော်ဆုံးထိန်းညှိပေးနိုင်မယ့် အနွေးအင်္ကျီမျိုးကိုရွေးချယ်တတ်ဖို့ကလည်း အရမ်းကိုအရေးပါလာပြီပဲဖြစ်ပါတယ်။ အဲဒီလို ရာသီဥတုမညီမျှမှူအတွက် အကောင်းဆုံးနဲ့အသင့်တော်ဆုံးရွေးချယ်မှူကိုပြောပါဆိုရင်တော့ ဘယ်လိုရာသီဥတုမျိုးနဲ့မဆိုကိုက်ညီတဲ့ Cardigan အပေါ်ထပ်လေးတွေကိုပဲ ညွှန်ပြရမှာပါ။ Cardigan တွေဟာ ပေါ့ပေါ့ပါးပါးနဲ့ သယ်ရလွယ် ဝတ်ဆင်ရလွယ်သလို ဖက်ရှင်လည်းကျတဲ့အပေါ်ထပ်လေးတွေပဲဖြစ်ပါတယ်။ ဒါပေမဲ့ မတော်တဆများ ရွေးချယ်မှူမှားခဲ့ရင် လူကိုပိုပြီးကြည့်ရဆိုးစေသလို ပိုပြီးလည်း အိုစာစေနိုင်တာမို့ Cardigan တွေကိုရွေးချယ်တဲ့အခါ မှန်ကန်စေဖို့နဲ့ ဖက်ရှင်ကျကျဝတ်ဆင်နိုင်ဖို့အတွက် ဆောင်ရန်ရှောင်ရန်အချက်လေးတချို့ကို စုစည်းဖော်ပြပေးလိုက်ပါတယ်။

1.အရှည်ကိုကြည့်ပါ


ယေဘုယျအားဖြင့်ကြည့်မယ်ဆိုရင် မိန်းကလေးတွေရဲ့ခန္ဓာကိုယ်ဖွဲ့စည်းပုံတွေဟာ တစ်ဦးနဲ့တစ်ဦးလုံးဝကွဲပြားတာကြောင့် အဝတ်အစားရွေးချယ်တဲ့အခါမှာ တသမတ်တည်းတွက်လို့ရမှာမဟုတ်ပါဘူး။ ဒါကြောင့် ဘယ်လိုပုံစံ ဘယ်လိုစတိုင်လ်ကတော့ဖြင့် ကိုယ်နဲ့ လိုက်ဖက်မယ်ဆိုတာကို ကိုယ်ကိုယ်တိုင်သေချာရွေးချယ်ပြီးဝယ်ယူတာကအကောင်းဆုံးပါပဲ။ ဒါကြောင့် Cartigan တွေကိုဝယ်ယူတဲ့အခါမှာလည်း ကိုယ်ဘယ်လိုစတိုင်လ်မျိုးဝတ်ချင်တယ် ဘယ်လောက်အရှည်နဲ့လိုက်ဖက်မယ်ဆိုတာကို ကိုယ်စိတ်တိုင်းကျဝတ်ကြည့်ပြီး ဝယ်ယူတတ်ဖို့လိုပါတယ်။

2. အကြပ်နဲ့တွဲ


Cartigan တွေကို ဝတ်တဲ့အခါမှာ ပွယောင်းယောင်းနဲ့ ခါးပျောက်နေတာမျိုးမဖြစ်ချင်ဘူးဆိုရင် အတွင်းကအင်္ကျီ သို့မဟုတ် Dress ကို ကိုယ်နဲ့ Fitting ကျတာကို ဝတ်ဆင်ဖို့လိုပါတယ်။ အတွင်းအင်္ကျီကို အကြပ် ဒါမှမဟုတ် ခါးနေရာကိုပေါ်လွင်စေတဲ့ပုံစံမျိုးကို ရွေးချယ်ခြင်းဖြင့် Cardigan ဝတ်လို့ ခါးပွနေတယ်ဆိုတာမျိုးမဖြစ်နိုင်တော့ပါဘူးနော်။

3. ပုံစံကျကျ


Cardigan တွေက အရွယ်စုံနဲ့လိုက်ဖက်သလို လူငယ်တွေအတွက်ပဲ ပိုလိုက်ဖက်မယ့် ဒီဇိုင်းမျိုးတွေလည်းအများကြီးပါ။ဥပမာ အရပ်ရှည်ရှည်သွယ်သွယ် မိန်းကလေးမျိုးဆိုရင် Oversized Cardigan နဲ့ပိုလိုက်ဖက်ပြီး ခန္ဓာကိုယ်ကိုလည်း ပိုပြီး ခပ်ပြည့်ပြည့်လေးဖြစ်သယောင်ဖန်တီးပေးနိုင်တာမျိုးပေါ့။ဒါပေမဲ့ များသောအားဖြင့်တော့ Cardigan တစ်ထည်ကိုရွေးချယ်တော့မယ်ဆိုရင် ကိုယ့်ရဲ့ခန္ဓာကိုယ်အရွယ်အစားနဲ့အနီးစပ်ဆုံးတူညီပြီး Fitting အကျနိုင်ဆုံးဖြစ်မယ့် ပုံစံမျိုးကိုရွေးချယ်တာဟာ အများကြီးပိုပြီး ကြည့်လို့ကောင်းနိုင်တယ်ဆိုတာကိုတွေ့ရပါလိမ့်မယ်။

4. ပခုံးနဲ့လက် ပုံကျဖို့


Cardigan တွေဝယ်ရင် အရေးကြီးဆုံးကြည့်ရမယ့်အချက်ကတော့ လက် Fitting ကျဖို့ပါ။ လက်အပွဒီဇိုင်းမျိုးတွေတော့မပါဘူးပေါ့။အကယ်လို့များ ကိုယ်ကခပ်ပြည့်ပြည့်လေးမို့ ကိုယ့်ရဲ့ လက်မောင်းကတုတ်တယ်ဆိုရင်တောင် လက်မောင်းနေရာမှာ Fitting ကျတဲ့ ဒီဇိုင်းမျိုးတွေက လက်မောင်းကို ပိန်သွယ်သယောင်ဖန်တီးပေးနိုင်ပါလိမ့်မယ်။ နောက်တစ်ချက်ကတော့ ပခုံးနဲ့ကွက်တိဖြစ်ဖို့ပါပဲ။ ပခုံးကျနေတဲ့ Cardigan မျိုးက ကိုယ့်ရဲ့ ရှိရင်းစွဲပခုံးထက်ပို ကျယ်သယောင်အမြင်ရောက်စေတာမို့ ဘယ်မိန်းကလေးကမှတော့ ပခုံးကျယ်ကျယ်ကြီးဖြစ်ချင်ကြလောက်ဘူးထင်ပါတယ်နော်။

5.အနည်းငယ်ဖော်ပါ


ဒီအချက်ကတော့ Cardigan ကိုဘယ်လိုဝတ်ရမယ်ဆိုတာထက် Cardigan အောက်က အဝတ်အစားကို ဘယ်လိုဝတ်ရမယ်ဆိုတဲ့အချက်ကို ပိုပြောရမှာပါပဲ။ Cardigan တွေကို နွေးထွေးဖို့နဲ့ ဖက်ရှင်ကျဖို့ဝတ်ဆင်ကြတာဖြစ်တဲ့အတွက် ခပ်ပါးပါးလည်ထောင်အင်္ကျီတွေ ၊ လည်ဝိုင်းအင်္ကျီတွေနဲ့လိုက်ဖက်တယ်ဆိုပေမယ့် တခါတလေမှာတော့ လည်ဟိုက်အင်္ကျီတွေ Croptopတွေနဲ့လည်း တမျိုးဆွဲဆောင်မှူရှိနေနိုင်တာကို သတိပြုရပါမယ်။ အထူးမှာချင်တာကတော့ အေးလို့ဆိုပြီး Cardigan ပေါ်က လည်စည်းပုဝါထူထူကြီးပတ်ထားတာမျိုး ၊ Cardigan အောက်မှာ ရှပ်အင်္ကျီခံဝတ်မျိုးတွေဟာ ကြည့်လို့လည်းအရမ်းအဆင်မပြေသလို ခန္ဓာကိုယ်ကောက်ကြောင်းကိုလည်းမပေါ်လွင်စေတာမို့ အတတ်နိုင်ဆုံး ရှောင်သင့်တယ်လို့ဆိုပါရစေ။

 

Photo Credit To The Rightful Owners

, , , , , ,

Style Note

အဂွမ်းကြီးလို့ အပြောခံမှာလား

သပ်သပ်ရပ်ရပ်၀တ်စားတတ်ဖို့ အရမ်းအရေးကြီးပါတယ်။

by Randy Win

June 28, 2020

               ‌တောင်းမှာအကွပ် လူမှာအ၀တ်ဆိုတဲ့စကားအတိုင်း အ၀တ်အစားဟာ လူတစ်ယောက်ရဲ့ Lifestyle မှာ‌ တော်တော်လေးကို အရေးကြီးတဲ့အခန်းကဏ္ဍက ပါ၀င်နေပါတယ်။ ဒါကြောင့်မို့ အ၀တ်အစားကို ဖြစ်သလို၀တ်မိတာမျိုးက ကိုယ့်ကို ဖြစ်ကတတ်ဆန်းနေတတ်တဲ့သူတစ်ယောက်လိုအထင်ရောက်စေတဲ့အပြင် ကိုယ့်အပေါ်ယုံကြည်မှူလည်းလျော့နည်းစေနိုင်ပါတယ်။ အခန့်မသင့်ရင် လူတွေရဲ့ နှာခေါင်းရှူံ့စရာ အတင်းပြောစရာတောင်ဖြစ်သွားနိုင်တာမို့ အ၀တ်အစား၀တ်တဲ့အခါ သပ်သပ်ရပ်ရပ်စမတ်ကျကျ၀တ်စားတတ်ဖို့ အလွန်အရေးကြီးပါတယ်။ ဒါကြောင့်အောက်မှာဖော်ပြထားတဲ့ ဆောင်ရန်ရှောင်ရန်အချက်လေးတွေအတိုင်းလိုက်နာပြီး ကိုယ့်ရဲ့အကျင့်ဆိုးလေးတွေကိုသေချာပြင်ခဲ့မယ်ဆိုရင် ကိုယ့်ကိုဘယ်သူမှ အပြစ်ပြောလို့မရတော့ပါဘူးနော်။
 
1.အ၀တ်အစားတွန့်ကြေနေခြင်း
တွန့်ကြေနေတဲ့အ၀တ်အစားဟာ လူတစ်ယောက်ရဲ့ First Impression ကို ထိခိုက်စေသလို ပျင်းရိသူတစ်ယောက်လို့လည်းသတ်မှတ်ခံရနိုင်ပါတယ်။ အင်္ကျီတစ်ထည်ကိုမီးပူတိုက်တဲ့အခါမှာလည်း ကော်လာတွေ ၊ဂျိုင်းအောက်ဘက်တွေနဲ့ အနားစွန်းလိုနေရာမျိုးတွေက တော်ရုံသတိမထားမိရင် ဘယ်လောက်တိုက်တိုက် တွန့်ကြေနေတတ်ပြီး ဒီအချက်လေးကိုတော့ အထူးဂရုပြုသင့်ပါတယ်။
 
2. ဝါကျင်ကျင်
အ၀တ်အစားအဖြူရောင်လေးတွေ ၀တ်ဆင်တာဟာ အရမ်းကိုကြည့်ကောင်းပြီး သန့်ပြန့်နေတဲ့သဘောကိုဆောင်ပေမဲ့ အဲဒီအဖြူရောင်အ၀တ်အစားတွေမှာ နေဒဏ်၊ လေဒဏ် နဲ့ လျှော်ဖွပ်တဲ့အကြိမ်ရေတွေကြောင့် လည်ဂုတ် ၊ရင်ဘတ်နဲ့ ချိုင်းအောက်လိုနေရာတွေမှာ ဝါကျင်ကျင်ကြီးတွေဖြစ်နေတာမျိုးကတော့ ကြည့်ရဆိုးပြီး ကိုယ့်ကိုလည်း အထင်အမြင်သေးစေနိုင်ပါတယ် ။ ဒါကြောင့် အဖြူရောင်အ၀တ်အစားတွေ အရောင်ပြောင်းပြီး အဲလိုဝါကျင်ကျင်ဖြစ်လာတဲ့အခါ သေချာပြန်လျှော်ကြည့်လို့အဆင်မပြေတော့ဘူးဆိုရင် အ၀တ်ဗီဒိုထဲကနေ ဖယ်ရှားပစ်ဖို့လိုပါတယ်။
 
3. ခေါင်းစည်းကြိုး
မိန်းကလေးအများစုအနေနဲ့ ခေါင်းစည်းကြိုးကိုအလွယ်တကူမပျောက်ရှအောင်ရော ဖက်ရှင်တစ်ခုအဖြစ်ပါ လက်မှာ ပတ်ထားတတ်တဲ့အကျင့်ရှိပါတယ်။ အဲဒီလိုအကျင့်မျိုးသင့်မှာရှိတယ်ဆိုရင်တော့ အဲအကျင့်ကို အမြန်ဆုံးဖျောက်ပစ်သင့်ပါတယ်။ ပုံမှန်ထသွားထလာအတွက်ကိစ္စမရှိပေမယ့် စမတ်ကျတဲ့သူတစ်ယောက်ဖြစ်ချင်တယ်ဆိုရင်တော့ ဒီအချက်ကို လုံး၀ရှောင်သင့်တယ်လို့ဆိုပါရ‌စေ။
 
4.ပျက်ခါစလက်သည်းနီ
ဆိုးထားတာ‌နည်းနည်းကြာလို့ ဒါမှမဟုတ် ကိုယ်ကလည်းထပ်ပြီးဆိုးဖို့မေ့နေလို့ ပျက်ခါစပြုနေတဲ့အနေအထားနဲ့ လက်သည်းနီဟာ အရမ်းလည်းရုပ်ဆိုးသလို ကိုယ့်ကိုအပျင်းထူတဲ့ကောင်မလေးတစ်ယောက်လို့လည်းအမြင်ရောက်စေနိုင်ပါတယ်။ ဒါကြောင့် အသစ်ထပ်မဆိုးနိုင်သေးရင်တောင် လက်သည်းဖျက်ဆေးနဲ့ သေချာလေးဖျက်ပေးဖို့မမေ့ပါနဲ့။
 
5.အရောင်မှိန်
ခဏခဏလျှော်တာများလို့ အရောင်မှိန်နေပြီဖြစ်တဲ့အ၀တ်အစားတွေရှိရင် နှမြောမနေသင့်ပဲ တခြား‌တစ်နေရာရာမှာသာ အသုံးချပစ်သင့်ပါတယ်။ အရောင်မှိန်အရောင်ကျနေတဲ့ အ၀တ်အစားတွေဟာ အပြင်ကို၀တ်ဖို့လုံး၀မသင့်တော်တော့တဲ့အပြင် ကိုယ့်ကိုလည်း လူမြင်မတင့်တယ်စေဘူးဆိုတာ သိထားသင့်ပါတယ်။
 
Photo Credit to the Rightful Owners
, , , , ,

Style Note

Date လုပ်တဲ့အခါ ကောင်လေးတွေမကြိုက်တဲ့ ကောင်မလေးတွေရဲ့ အပြင်အဆင် (၈) ခု

ကိုယ်ကသာ အရမ်းလှနေပြီထင်ပေမယ့် သူ့အတွက်တော့တကယ် Cross ပဲ

by May Shoon

June 23, 2020

Couple တွေအပြင်မှာ ပထမဆုံးအကြိမ် Date တာပဲဖြစ်ဖြစ်၊ ကိုယ့်ရဲ့ ချစ်သူနဲ့ Date လုပ်တာပဲဖြစ်ဖြစ် မိန်းကလေးအများစုကတော့ သူတို့ချစ်သူကောင်လေး သူတို့ကို ကြွေသွားအောင်ဆိုပြီး အဝတ်အစားနဲ့ အလှအပတွေကို အထူးဂရုစိုက်ပြီး ပြင်ဆင်လေ့ရှိကြပါတယ်။ ဒါပေမယ့် ကိုယ်တွေကသာ အဲ့လို အပီအပြင် ချယ်သပြီးသွားပေမယ့် ကောင်လေးရဲ့ မျက်စိထဲမှာတော့ ဘယ်လို မှလက်မခံနိုင်လောက်အောင် အဆင်မပြေတဲ့ ဖက်ရှင်အတွဲအစပ်တွေရှိနေပါတယ်။ အဲ့ဒါကြောင့် မမတို့၊ ညီမလေးတို့လည်း ကိုယ့်ချစ်သူနဲ့ ဖြစ်စေ၊ အခုမှစ Date မယ့်သူနဲ့ဲဖြစ်စေတွေ့ဖို့သွားတဲ့ အခါ ဒီအပြင်အဆင်တွေကို မပြုလုပ်မိအောင် သတိထားဖို့တော့ လိုမယ်နော်။
အဲ့ဒါမှ ကိုယ့်ကို လည်း Impression မကျစေသလို မြင်မြင်ချင်း သဘောကျမိသွားစေမှာပါ။

အရမ်းမြင့်တဲ့ ဒေါက်မြင့်ဖိနပ်
အရမ်း Slay လို့ပါဆိုပြီးကျွန်မတို့ အရမ်းစီးချင်နေတဲ့ ဒေါက်မြင့် Heels တွေက တကယ်တော့ သက်တောင့်သက်သာလည်းမရှိသလို ကောင်လေးတွေကလည်း အဲ့လို့ ဒေါက်မြင့်ကြီးတွေစီးရင် မနှစ်သက်ကြပါဘူးတဲ့။ ကောင်မလေးတွေက ဒေါက်မြင့်မစီးလို့ ဘယ်လောက်ပဲပုနေပါစေ ရင်ခွင်မှီအရပ်လေးတွေက သူတို့အတွက်ပိုချစ်ဖို့ ကောင်းတယ်လို့လည်း ပြောကြပါတယ်။


တွန့်ကျေနေတဲ့ အဝတ်အစား
ဒါကတော့ အထူးတလည် သတိပေးစရာလိုမယ်မထင်ပါဘူး။ ကိုယ့်ချစ်သူနဲ့မို့ အဝတ်အစား အနည်းငယ်တွန့်ကျေတာက ဘာမှပြဿနာမရှိပေမယ့် အခုမှ First Date သွားတွေ့မယ့်သူဆိုရင်တော့ တွန့်ကျေနေတဲ့ အဝတ်အစားတွေက အရမ်း Impression Down ပါတယ်။ တွန့်တာအပြင်တခြားဂရုစိုက်ရမှာက ကိုယ့် Fashion က အရမ်းကြီး ကပိုကရိုမဖြစ်နေဖို့ပါ။ အရမ်းပွတာ၊ ချောင်တာ၊ ကျပ်တာ တွေမရှိပဲ ကိုယ်နဲ့ Fit ဖြစ်မယ့် Outfit မျိုးကို အသားပေးရွေးချယ်ပါ။


အရမ်းတို၊ အရမ်းကျပ်လွန်းတဲ့ Skirt/Dress တွေ
ကိုယ်ကတော့ Sexy ဖြစ်မယ်၊ သူ့ကို ဆွဲဆောင်နိုင်မယ်ဆိုတဲ့ အထင်နဲ့ Dress အကျပ်တွေ၊ Skirt အတိုတွေ ဝတ်သွားပေမယ့် သူ့အတွက်တော့ ဒီဟာက လုံးဝကြည့်ရတာ အဆင်မပြေဖြစ်စေပါတယ်။ Sexy ဖြစ်တာမှန်ပေမယ့် ကောင်လေးတွေအတွက်က ဒီလို အတိုအပြတ်တွေကသူတို့ကို ချစ်မိလာစေဖို့ ပိုပြီး ဖြစ်နိုင်ချေမရှိပါဘူး။


အရောင်တောက်တောက်
Date သွားမယ့် ကောင်မလေးတွေအတွက် နောက်ထပ်အကြံပေးချင်တာက Outfit အရောင်တွေကို ရွေးချယ်တဲ့အခါ အရမ်း Vibrant ဖြစ်တဲ့ အရောင်တွေ၊ Neon ကာလာတွေ၊ ရှုပ်ယှက်ခတ်နေတဲ့ Pattern/Print တွေပါတဲ့ အဝတ်အစားတွေကို ရှောင်ကျဉ်စေချင်ပါတယ်။ သင့်ရဲ့ Fashionable Taste ရှိတာကို သူသိအောင်ပြချင်တာမှန်ပေမယ့် အခုလို Date သွားတဲ့ အခါမျိုးမှာတော့ Chic and Minimal ဖြစ်တဲ့ Style လေးတွေနဲ့၊ အရောင်ကိုဆိုရင်လည်း Neutal ကာလာ၊ Pastel ကာလာလေးတွေကိုပဲ ရွေးချယ်လိုက်ပါနော်။


အရမ်း Formal ဖြစ်တဲ့ အဝတ်အစား
တစ်ချို့ကျတော့လည်း Date သွားတွေ့တာကို အရမ်း Nervous တွေ ဖြစ်ပြီး Formal ဖြစ်တဲ့ အဝတ်အစားတွေ ဝတ်ဆင်သွားလေ့ရှိတယ်။ တစ်ဖက်ကောင်လေးအထင်ကြီးအောင်လည်း ဖြစ်ချင်ဖြစ်မှာပေါ့။ ဒါပေမယ့် Date သွားတွေ့တာ Interview သွားဖြေမှာမှ မဟုတ်တာ။ အရမ်းကြီး Classic မဖြစ်ပဲ ပေါ့ပေါ့ပါးပါး Style လေးတွေဆို အဆင်ပြေပါတယ်။


ရှုပ်ယှက်ခက်နေတဲ့ Jewelry
Date သွားတဲ့ အခါ မလိုအပ်ဆုံး Accessory တွေထဲမှာ ရှုပ်ယှက်ခက်ပြီး Bling Bling ဖြစ်နေတဲ့ Jewelry တွေက ထိပ်ဆုံးကပါပါတယ်။ ပြိုးပြိုးပြက်ပြက် Jewelry တွေက မျက်စိရှုပ်စေပြီး ကိုယ့်ရဲ့ အလှကိုလည်း မပံ့ပိုးပေးတဲ့အပြင် မှေးမှိန်သွားစေတယ်။ နားကပ်၊ ဆွဲကြိုး၊ လက်ကောက် Accessory တွေကိုလည်း အကုန်လုံးတစ်ပြိုင်တည်း ဝတ်သွားတာမျိုးမဟုတ်ပဲ Platinum Necklace ဆိုလည်း Necklace ပါးပါး လေးပဲဆွဲသွားရင်လည်း လုံးလောက်ပါတယ်။


Messy Hair
ဆံပင်ကလည် အရေးကြီးပါတယ်။ သေချာတာကတော့ ကပိုကရိုနဲ့ ရှုပ်ပွနေတဲ့ ဆံပင်နဲ့ဆိုရင်တော့ ဘယ်လိုမှ အဆင်မပြေနိုင်ဘူးဆိုတာပါပဲ။ တစ်ချို့ကျတော့လည်း ဆံပင်ကို အပြင်အဆင်တွေလွန်ကဲတာမျိုးတွေလည်း ရှိတတ်ပါတယ်။ ဆံပင်လေးကို သန့်ရှင်းမွှေးကြိုင်နေအောင် ဖီးလိမ်းလာပြီး ဒီတိုင်းသပ်သပ်ရပ်ရပ်လေး ချထားရင်တောင် ယောင်္ကျားလေးတွေက သဘောကျနေပါပြီ။ ဒါမှမဟုတ်ရင်လည်း ဆံပင်ကို တစ်ဝက်လောက်ယူပြီး ရိုးရိုးလေး စည်းထားရင်တောင် ကြည့်ရတာ ချစ်စရာကောင်းပါတယ်။


မိတ်ကပ်ထူလပျစ်
ဒီအချက်ကတော့ အဆိုးဆုံး အချက်လို့ပြောရမယ်။ မိန်းကလေးတွေရဲ့ သဘာဝက နဂိုတည်းက အလှအပကြိုက်ပါတယ်ဆိုမှ သူကြွေသွားအောင်ဆိုပြီး မိတ်ကပ်တွေကို အများကြီး အထူကြီး လိမ်းသွားတတ်ကြတယ်။ မိတ်ကပ်ကြောင့် မှုန်နေအောင်လှကောင်းလှလိမ့်မယ်။ ဒါပေမယ့် မိတ်ကပ်အရမ်းများနေတဲ့ မျက်နှာကို ဘယ်ယောင်္ကျားလေးမှ မနှစ်သက်ကြပါဘူး။ အဲ့ဒါကြောင့် အတတ်နိုင်ဆုံးမိတ်ကပ်ကို ပါးပါးကြည်ကြည်လေးနဲ့ Natural ဆန်ဆန်လေးပြင်သွားတာက အသင့်တော်ဆုံးဖြစ်မှာပါ။

, ,

Style Note

 Oversized အင်္ကျီတွေကို အထာကျအောင် ဘယ်လို၀တ်မလဲ

  လေထိုးရုပ်ကြီးလိုတော့မဖြစ်စေနဲ့နော်

by Randy Win

June 23, 2020

               လူငယ်တွေကြားမှာ Street Style တွေတဖြည်းဖြည်းခေတ်စားလာတာနဲ့အမျှ Oversized အ၀တ်အစားတွေကလည်း ရွေးချယ်စရာတစ်ခုအနေနဲ့ပါ၀င်လာခဲ့ပါတယ်။ အဲဒီလို Oversized အ၀တ်အစားတွေကိုရွေးချယ်၀ယ်ယူတဲ့အခါမှာ Cutting ပိုင်းဟာ အရမ်းစကားပြောပါတယ်။ အရွေးမှားရင် ကြည့်မလှသလို ကွာလတီမကောင်းချုပ်ရိုးချုပ်သားညံ့ရင်လည်း ၀တ်ရတာရော ကြည့်ရတာပါအဆင်မပြေတာကို Oversized အင်္ကျီ၀တ်ဆင်ဖူးသူတိုင်းသိထားပြီးသားဖြစ်မှာပါ။ အဲဒီလိုပဲ ၀တ်တတ်ရင်အရမ်းအရမ်းမိုက်ပြီး ၀တ်ဆင်ပုံမှားယွင်းရင်လည်း အ၀တ်လှန်းထားသလိုကြီးဖြစ်နေတတ်တဲ့ Oversized Outfitတွေနဲ့ပတ်သက်လို့ ရွေးချယ်မှူမမှားယွင်းစေဖို့အတွက် ဘယ်လိုအချက်တွေကိုကြည့်ပြီး အထာကျကျနဲ့အလန်းဆုံးဖြစ်အောင်၀တ်ဆင်လို့ရမလဲဆိုတာကို စုစည်းဖော်ပြမျှဝေပေးလိုက်ပါတယ်။

1.အနီးစပ်‌ဆုံးဖြစ်ပါစေ

Oversized အင်္ကျီဆိုတာ မဟားတရားပွယောင်းနေတဲ့ ဆိုဒ်လွန်အင်္ကျီတွေကို၀တ်ရမယ်လို့ဆိုလိုတာမဟုတ်ပါဘူး။ ကိုယ့်ရဲ့ size အတွက်ကိုပဲ Oversized Cutting နဲ့ထုတ်လုပ်ထားတဲ့အ၀တ်အစားတွေဖြစ်တယ်ဆိုတာ သိထားဖို့လိုပါတယ်။ အဲဒါကို နားလည်မှူလွဲပြီး ဆိုဒ်ကြီးကြီးအင်္ကျီမျိုးတွေ၀ယ်မိမယ်ဆိုရင်တော့ အ၀တ်ကြီးက ကြည့်မကောင်းအောင် ပွယောင်းနေတာမျိုးဖြစ်ပြီး အတော်လေးကြည့်ရဆိုးစေမှာပါ။ တကယ်လို့ပွတာကြိုက်တယ်ဆိုရင်တော့ Oversized Cutting မှာပဲ တစ်size၊ နှစ် size လောက်ပိုကြီးတာ ၀တ်ချင်၀တ်လို့ရပါတယ်။

2.မျက်စေ့မနောက်စေဖို့

Oversized အ၀တ်အစားတွေကို၀တ်တဲ့အခါ အရမ်းမျက်စေ့နောက်လောက်အောင် ရှုပ်ယှက်ခတ်နေတဲ့ Textureတွေ၊ ဒီဇိုင်း တွေထက်စာရင် ရိုးရိုးရှင်းရှင်းနဲ့ Minimalist ဖြစ်တဲ့ ပုံစံမျိုးတွေက ပိုပြီးဆွဲဆောင်မှူရှိစေမှာပါ။ Oversized Outfit လိုမျိုးမှာ Texture တွေအရမ်းများသွားရင် အမြင်ရှူပ်ပြီး လူတကာအာရုံစိုက်ခံရသလိုဖြစ်တဲ့အပြင် အခန့်မသင့်ရင် ပန်းချီကားချပ်ကြီးတစ်ခုလမ်းလျှောက်လာသလိုဖြစ်နေတတ်ပါတယ်။

3.အလှမဖုံးအောင်

တချို့မိန်းကလေးတွေက Oversized အ၀တ်အစားတွေဟာ ခန္ဓာကိုယ်အလှကိုဖုံးအုပ်သွားစေပြီး ကောက်ကြောင်းပျောက်နေစေတယ်လို့ယူဆတာကြောင့် တော်တန်ရုံမ၀တ်ကြပါဘူး။ တကယ်တော့ ၀တ်လို့ရတဲ့နည်းလမ်းတွေရှိပါတယ်။ ဥပမာ Oversized Sweater လို ခပ်ပါးပါးနဲ့အတွင်းကိုဖောက်မြင်ရတာမျိုး ၊ Crop-top လို ခါးနေရာမှာပေါ်လွင်နေစေ‌တဲ့ Oversized အင်္ကျီမျိုးတွေကို ရွေးချယ်လို့ရမှာပါ။ ဒါတင်မက Oversized Tee ကို ဘောင်းဘီ(သို့မဟုတ်)စကတ် ထဲကိုထည့်၀တ်တာမျိုးနဲ့လည်း ခါးနေရာကိုပေါ်လွင်အောင် ဖန်တီးလို့ရပါသေးတယ်။

4.ပို၀မနေစေဖို့

Oversized အ၀တ်အစားတွေမှာ သူမူရင်းကိုက ခန္ဓာကိုယ်အလှကိုပေါ်လွင်စေဖို့အ၀တ်အစားမျိုးတွေမဟုတ်တဲ့အတွက် ဒီအပိုင်းကိုတော့ ကြိုမျှော်လင့်ထားလို့မရပါဘူး။ အဓိက,ကတော့ ရှိရင်းစွဲခန္ဓာကိုယ်ထက်ပို၀စေတဲ့အသွင်မျိုးဖြစ်မနေစေတဲ့ Cutting မျိုးကိုပဲရွေးချယ်ရမှာပါ။ Oversized အ၀တ်အစားတွေမှာလည်း သူ့ရဲ့ Shape နဲ့ Structure ရှိတာမို့ အဲဒါလေးကိုသေချာကြည့်ပြီး၀ယ်ဖို့လိုပါတယ်။ တကယ်လို့ ကိုယ်လုံးအလှပေါ်ချင်တယ်ဆိုရင်တော့ Oversized Blazer နဲ့ အတွင်းက ပုံမှန် Cutting နဲ့ Tee မျိုးလေးတွေတွဲ၀တ်ဆင်နိုင်ပြီး အပွပေါ်အပွဆင့်ဖောင်းဖောင်းကြီးဖြစ်မနေတော့ဘူးပေါ့။

5.လေထိုးရုပ်

Oversized တွေနဲ့ တွဲဖက်၀တ်လို့ကြည့်အကောင်းဆုံးနဲ့ Safe အဖြစ်ဆုံးကတော့ ဘောင်းဘီအကြပ်တွေပါ ။ အပေါ်အပွ အောက်အပွဆိုတာ ၀တ်တတ်တဲ့သူ ၀တ်နေကျသူတွေအတွက် ကြည့်ကောင်းပေမယ့် မ၀တ်တတ်တဲ့သူဆိုရင် လေထိုးရုပ်ကြီးလမ်းလျှောက်လာသလိုဖြစ်နေမှာမို့ Oversized ကိုခုမှစ၀တ်မယ်၊ သိပ်မ၀တ်တတ်သေးဘူးဆိုရင်တော့ အောက်က Skinny jean၊ Tight လိုမျိုးလေးတွေနဲ့ တွဲဖက်ပြီး၀တ်ဖို့ အကြံပြုချင်ပါတယ်။

Photo Credit to the Rightful Owners

, , , , ,

Style Note

Bandana တစ်ခုနဲ့ ဘယ်လိုအထာကျအောင် Style ထုတ်ကြမလဲ

Bandana တစ်ခုရှိရုံနဲ့ အကုန်အသုံးဝင်တာနော်

by May Shoon

June 19, 2020

ဖက်ရှင်ကျကျ ဝတ်ဆင်တဲ့သူတိုင်းက Bandana နဲ့တော့ ရင်းနှီးပြီးသားဖြစ်မှာတော့ သေချာပါတယ်။ ပေါ့ပါးပြီး ဝတ်ဆင်ရတာ ဖက်ရှင်ကျတယ်။ အဆင်ဒီဇိုင်းတွေ၊ အမျိုးအစားတွေလည်း စုံစုံလင်လင်ရှိတာမို့ Bandana တွေက Fashion Junkie လေးတွေရဲ့ Closet ထဲက မရှိမဖြစ် Essential Accessory ဖြစ်နေတာပေါ့။
Scarf အမျိုးအစားတစ်ခုဖြစ်တဲ့ “Bandana” က Hindu Language “Badhnati” ကနေဆင်းသက်လာတာဖြစ်ပြီး ချည်နှောင်တယ် ဆိုတဲ့ အဓိပ္ပာယ်ကို ဖော်ဆောင်တာပါ။ ၁၉ ရာစုလောက်မှာ ဒီလို Square-Shaped Scarf တွေကို Paisley Print တွေနဲ့ ထုတ်လုပ်လာကြတယ်။ Tie-Dye နဲ့ တခြား Patten တွေလည်း အများကြီးထွက်ရှိလာတယ်။ Bandana တွေအရမ်း Hot ဖြစ်ခဲ့တဲ့အချိန်ကတော့ 1990 ဝန်းကျင်ဖြစ်ပြီး HipHop Musician တွေနဲ့ Street Fashion Culture ကို အများကြီးလွှမ်းမိုးခဲ့တယ်။ Rapper တွေ၊ အမိုက်စား Pop Singer တွေရဲ့ Signature Symbol Accessory တစ်ခုလိုတောင်ဖြစ်လာတယ်။
အခုချိန်ထိလည်း Bandana တွေက Celebrity တွေ၊ Influencer တွေရဲ့ အမိုက်စားဖက်ရှင်တွေကို ပံ့ပိုးပေးနေတဲ့ Accessory ဖြစ်နေဆဲပါ။
တကယ်တော့ Bandana တွေက သင်ထင်ထားတာတဲ့ Accessory Scarf တစ်ခုဆိုတာထက်ပိုပါတယ်။ သူ့ကို Style အမျိုးမျိုး၊ Outfit အမျိုးမျိုးနဲ့ Match လုပ်လို့ရတဲ့အပြင် Top လိုပါဝတ်ဆင်လို့ရပါသေးတယ်။
အဲ့ဒါကြောင့် သင့်မှာ Bandana တစ်ခုရှိရုံနဲ့ ဘယ်လို အမိုက်စား Look တွေဖြစ်အောင် Upgrade လုပ်လို့ရလဲ ဆိုတာပြောပြမယ်နော်။


Head-Scarf
90's လောက်က အရမ်း Trendy ဖြစ်တဲ့ ဒီလို Head-Scarf ဖက်ရှင်လေးတွေအခုပြန်လာပြီနော်။ Retro ဆန်ဆန်လေးနဲ့ အရမ်းမိုက်ပါတယ်။ Head-Scarf လေးတွေကို ချည်ပြီး မိန်းကလေးဆန်ဆန် Boheminan Style လည်းလုပ်လို့ရသလို Hip Hop Vibe ခပ်မိုက်မိုက်ပုံစံပြင်ဆင်ကြည့်လည်း လှပါတယ်။


Tie Your Pony
Ponytail ချည်ထားတဲ့ ဆံပင်ကို Scrunchie အစား Bandana နဲ့ချည်ကြည့်လိုက်ပါ။ သင့်ရဲ့ Hairstyle လေးကိုပိုပြီး သပ်သပ်ရပ်ရပ်ဖြစ်စေပြီး တည်ငြိမ်တဲ့ Look ကိုပေးပါတယ်။


Headband
Gipsy ဆန်ဆန် Headband လေးချည်ထားတာကလည်း သင့်ကို ကပိုကရိုလေးနဲ့ Efforless Look ကိုပေးနိုင်သလို Instagramic ဖြစ်တဲ့ ဖက်ရှင် Vibe ကိုရရှိစေနိုင်ပါတယ်။


Knot It Up
ဆံပင်ကို Ponytail ပုံစံမချည်ချင်ဘူးဆိုရင် Bun လေးထုံးပြီး အပေါ်ကနေ အထုံး Knot ပုံစံလေးချည်ကြည့်လို့ရပါတယ်။


Cute Choker
Bandana ရဲ့နောက်ထပ်ကောင်းတဲ့ အားသာချက်က လည်ပင်းမှာ Choker လိုချည်ထားလို့ရတာပါပဲ။ အထူးသဖြင့် White Shirt နဲ့ Jeans တွေ၊ အဖြူရောင် Outfit တွေနဲ့ဆို Bandana က Pop-Up ဖြစ်နေပြီး အများကြားမှာထင်းနေစေမှာပါ။


Knot Necklace
Cowboy Style ချည်ထားတာလေးတွေ၊ လည်ပင်းမှာ Knot လိုထုံးထားတာကလည်း Music Festival တွေ၊ Vacation တွေနဲ့ အရမ်းလိုက်ဖက်ပြီး ဘယ်အချိန်ကြည့်ကြည့် မိုက်နေမှာပါ။


Swing in Denim
Bandana ကို Demin Pants တွေ၊ Short Pants တွေမှာ ခါးပတ်အနေနဲ့ပဲသုံးဦးမလား။ အဲ့လိုဆိုလည်း အမြင်ဆန်းပြီး Unique ဖြစ်နေဦးမှာပဲ။

 

Bag Accessory
Outfit တွေဆံပင်တွေမှာ Accessorize လုပ်လို့ရိုးသွားပြီလား။ အဲ့လိုဆိုလည်း သင့်ရဲ့ Tote Bag တွေ၊ Cross-over Bag တွေနဲ့ တခြား အိတ်တွေမှာလည်း Bow Tie လေးချည်ပြီးဖြစ်ဖြစ်၊ Hanger မှာ ပဲဖြစ်ဖြစ်၊ Knot Tie လေးချည်ပြီးတော့ပဲဖြစ်ဖြစ် ချည်ထားလည်း Creative ဖြစ်ပါတယ်။

 

Bandana Top
Photoshoot ရိုက်ဖို့ အမိုက်စား Outfit မရှိဘူးလား၊ Festival/Party တွေမှာ ဘာဝတ်ရမှန်းမသိဘူးဖြစ်နေလား။ Bandana လေးကိုပဲ Traingle ခေါက်ပြီး Crop Top လိုချည်ဝတ်လိုက်ပါ။ အားလုံးထက် ပိုဂေါ်ပြီး မိမိုက်နေစေရမယ်။


Crop Bikini
ကမ်းခြေကို သူများနဲ့မတူတဲ့ Bikini လန်းလန်းလေး ဝတ်ချင်တယ်ဆိုရင်လည်း Bandana ကို ခြည်ပြီး Bikini Top လုပ်ဝတ်လို့ရသေးတယ်နော်။ ရင်သားမှာ Cross ပုံစံယှက်ပြီး ချည်လို့ရသလို Tie ကို အရှေ့မှာထားပြီး ချည်ကြည့်လို့လည်းရပါတယ်။

, , , ,

MODA TV 


Style Note

 မိုးရာသီမှာ လုံး၀မ၀တ်သင့်တဲ့ Outfit များ

 မိုးသည်းသည်းမှာ ဒါတွေ၀တ်မိရင်တော့ မလွယ်ကြောပဲ

by Randy Win

June 15, 2020

          မြန်မာနိုင်ငံအနေနဲ့ ရာသီဥတုသုံးမျိုးရှိတဲ့အနက် အအေးချမ်းဆုံး၊စိမ်းစိုလှပမှူအရှိဆုံးနဲ့ ငယ်ဘ၀ကိုအလွမ်းရဆုံးရာသီကတော့ မိုးရာသီပါပဲ။ ဒါပေမဲ့ အရာရာမှာ အကောင်းအဆိုးဒွန်တွဲနေသလို မိုးရာသီမှာလည်း လူအများစု ကြုံတွေ့ရတတ်တဲ့ အခက်အခဲလေးတွေ အနည်းနဲ့အများရှိတတ်ပါတယ်။ အထူးသဖြင့်တော့ မိုးသည်းသည်းမည်းမည်းရွာတဲ့အခါ စိုတိစိုစွတ်နဲ့ အပြင်သွားရလာရတာ ဒုက္ခရောက်တာ ၊အ၀တ်အစားတွေအလွယ်တကူပျက်စီးတတ်တာနဲ့ မှိုစွဲလွယ် ၊အနံ့ဆိုးထွက်လွယ်တဲ့ ဒုက္ခတွေပါ။ ဒီလိုဒုက္ခတွေ အခက်အခဲတွေကြားထဲက အပြင်ကိုမသွားမနေရ သွားလာနေရတဲ့သူတွေအနေနဲ့မိုးသည်းသည်းကြားမှာ ဒုက္ခရောက်စေနိုင်တဲ့ အ၀တ်အစားတွေကိုတော့ အတတ်နိုင်ဆုံး ရှောင်ဖို့လိုပါတယ်။ ဒါကြောင့်မို့ မိုးရာသီရောက်တဲ့အခါ ထုတ်၀တ်သင့်တဲ့အ၀တ်အစားတချို့ကိုထုတ်၀တ်ပြီး သိမ်းထားသင့်တဲ့အ၀တ်အစားတွေကို ဗီဒိုထဲသော့ခတ် သိမ်းထားနိုင်ဖို့အတွက် မိုးရာသီနဲ့လုံး၀မအပ်စပ်တဲ့ အ၀တ်အစားတွေထဲကတချို့ကို ရွေးချယ်စုစည်းဖော်ပြပေးလိုက်ပါတယ်နော်

1.ဂျင်းဘောင်းဘီအပွ

ဂျင်းဘောင်းဘီအရှည်ဆိုတာ မိုးရာသီနဲ့ ဘယ်လိုမှမအပ်စပ်တဲ့ Outfit တစ်ခုပါ။ အဲဒီထဲမှာမှ ဂျင်းအပွအရှည်လိုမျိုးဘောင်းဘီကတော့ ဒုက္ခအပေးဆုံးလို့ဆိုရမှာပါပဲ။ ဂျင်းမို့လို့ ရေထိရင် အလွယ်တကူမခြောက်စိုစိစိနဲ့ လေးပင်နေရတဲ့ကြားထဲ အပွဖြစ်တဲ့အတွက် ခြေသလုံးမှာကပ်ပြီး ဘတ်လတ်ဘတ်လတ်နဲ့ အရမ်းကို တိုင်ပတ်စေတာမို့ မိုးရာသီဆိုရင် ဂျင်းဘောင်းဘီတွေနဲ့ ဂျင်းအပွတွေကို တတ်နိုင်သလောက်ရှောင်သင့်ပါတယ်။

2.စကတ်အရှည်

စကတ် ဂါဝန်အရှည်တွေလည်းထိုနည်းတူပါပဲ။ မိုးသည်းသည်းရွာလို့များ အောက်ပိုင်းတွေစိုသွားပြီဆိုရင် အသားမှာကပ်ပြီး လမ်းလျှောက်ရခက်တဲ့ထိဒုက္ခပေးပါလိမ့်မယ်။ ဒါကြောင့်မို့ စကတ်အရှည်တွေကို ရှောင်နိုင်သမျှရှောင်ပြီး ၀တ်ဆင်ခြင်းက သင့်ကို မိုးရွာထဲ ဒုက္ခမရောက်အောင် ကူညီပေးနိုင်ပါလိမ့်မယ်။

3.အဖြူရောင်အ၀တ်အစား

အဖြူရောင်နဲ့ပတ်သက်ရင်တော့ ဘောင်းဘီ၊အင်္ကျီသာမက ဖိနပ်အပါအ၀င် ဘယ်အသုံးအဆောင်မဆို မိုးရာသီနဲ့ လုံး၀မအပ်စပ်ဘူးလို့ဆိုရမှာပါ။ မိုးရာသီဟာ ဗွက်တွေရွှံ့တွေမထင်ရင်မထင်သလို ပေကျံနိုင်သေးတဲ့အပြင် ရေစိုနေတဲ့ ထိုင်ခုံတွေများထိုင်မိရင် ဖုန်နဲ့ရေနဲ့ရောပြီး ဘောင်းဘီဖြူဖြူမှာ အကွက်လိုက်၊အကွင်းလိုက် ညစ်ပတ်စေဦးမှာပါ။ နောက်ဆုံး အလုပ်ပင်ပန်းလို့ ချက်ချင်းမလျှော်ဖွပ်မိရင် ဖားဥစွဲတာမျိုးဖြစ်ပြီး အ၀တ်အစားပျက်စီးတတ်ပါသေးတယ်။နောက်ဆုံး အဖြူရောင်အ၀တ်အစားအတော်များများဟာ ရေစိုရင် အလွယ်ဖောက်မြင်တာမျိုးကြုံရတတ်‌သေးတာမို့ အဖြူရောင်ကတော့လွယ်လွယ်နဲ့မရွေးချယ်သင့်တဲ့ outfit ထဲမှာပါပါတယ်။

4.အရောင်ကျွတ်လွယ်တဲ့အ၀တ်အစား

ဒါကတော့ အထူးတလည်ပြောနေစရာမလိုဘူးထင်ပါတယ်။ အရောင်ကျွတ်လွယ်တဲ့အ၀တ်အစားဆိုတာ ရေထိတာနဲ့ တစ်ကိုယ်လုံးကို ကောင်းကောင်းကြီးဒုက္ခပေးနိုင်တဲ့အ၀တ်အစားမျိုးပါ။ တချို့အ၀တ်အစားတွေဟာ စ၀ယ်တုန်းကတော့ ဆေးကျွတ်လွယ်မလွယ်ဘယ်လိုမသိနိုင်ပါဘူး။ ၀ယ်ပြီး တစ်ရေနှစ်ရေလျှော်ပီးတဲ့အခါမှာ ဆေးကျွတ်လွယ်တဲ့အ၀တ်အစားဟုတ်မဟုတ် သိနိုင်ပါတယ်။ ဒီလိုဆေးကျွတ်လွယ်တဲ့ အ၀တ်အစားမျိုးပိုင်ဆိုင်ထားတယ်ဆိုရင်တော့ မိုးရာသီရောက်ပီဆိုတာနဲ့ ချောင်တစ်ချောင်မှာသာထိုးထားလိုက်ပါ။ လုံး၀ကို ၀တ်သင့်တဲ့အ၀တ်အစားထဲမှာမပါပါဘူး။

5.ဒေါက်ဖိနပ်၊sneaker

ဒေါက်ဖိနပ်ကို မိုးရာသီမှာစီးမယ်ဆိုရင်တော့ ကိုယ့်ဒေါသနဲ့ကိုယ်လို့ပြောရမှာပါပဲ။ ကြက်ပေါင်ဖိနပ်စီးရင်တောင် ချော်မလဲအောင်မနဲထိန်းနေရတဲ့ မိုးရာသီလို ရာသီဥတုမှာ ဒေါက်ဖိနပ်စီးရဲတယ်ဆိုရင်တော့ သူရဲကောင်းဘွဲ့ပါချီးမြှင့်ရမယ်လို့ထင်ပါတယ်။ ‌Sneaker တွေကတော့ ရေစိုရင် တော်ရုံခြောက်သွေ့ဖို့ခက်တာမို့ လှောင်ပြီး အနံ့ဆိုးထွက်မှာစိုးလို့ မစီးသင့်တဲ့အထဲထည့်ထားတာပါ။ တကယ်တမ်းအကောင်းဆုံးကတော့ ခြောက်သွေ့လွယ်၊ ရေ၀င်‌ရေထွက် လေ၀င်လေထွက်ကောင်းတဲ့ မိုးတွင်းစီးဖိနပ် ၊‌ခြေညှပ်နဲ့ Slider တွေကအကောင်းဆုံးပါပဲ။ Sneakerမှ Sneaker မစီးရမနေနိုင်ဆိုရင်တော့ ရေစိုခံ Sneaker မျိုးတွေသာရှာ၀ယ်ပြီး စီးပါလို့ပဲ အကြံပြုချင်ပါတယ်။

Photo Credit to the Rightful Owners

, , , , ,

Style Note

Hoodies နဲ့ Sweatshirts တွေကို အမြင်ဆန်းအောင် ဘယ်လိုဝတ်ကြမလဲ

အခုချိန်က Hoodie တွေထုတ်ဝတ်ဖို့ အချိန်ကောင်းပဲနော်

by May Shoon

June 10, 2020


ဇွန်လလည်း ရောက်ပီမို့ မိုးတွေလည်းပြန်ရွာနေပြီနော်။ မိုးအေးအေးလေးနဲ့ Coffee ပဲသောက်သောက်၊ အပြင်မှာပဲ Hotpot စားစား၊ အလုပ်ပဲသွားသွား Hoodie နဲ့ Sweatshirt တွေကို ပြန်ပြီး ထုတ်ဝတ်ဖို့ အကောင်းဆုံးအချိန်နော်။ Hoodie နဲ့ Sweatshirt တွေက ယောင်္ကျားလေးတွေဝတ်ရင်လည်း အထာကျသလို၊ မိန်းကလေးတွေဝတ်ဆင်တဲ့ အခါကျရင်လည်း ချစ်စရာကောင်းတဲ့ Look လေးကို ရရှိစေမှာပါ။
အခုလိုမိုးလေးဖွဲဖွဲနဲ့ မိုးရာသီမှာ ဘာဝတ်ရမှန်းမသိဘူးဆိုရင် Hoodie တွေ၊ Sweatshirt တွေကိုသာ ယုံကြည်မှုအပြည့်နဲ့ ကောက်ဝတ်သွားလိုက်ပါလို့။ ကပိုကရိုနဲ့ Hoodie တွေရဲ့ ဖက်ရှင်ကလည်း သင့်ကို Streetstyle ဆန်ဆန် အထာကျစေမှာပါ။ Editor ကတော့ Hoodie တွေ ဆိုရင် ခပ်ပွပွ Oversized တွေကို ဝတ်ရတာပိုကြိုက်တယ်။ တကယ်လို့ သင့်မှာ Ovesized Hoodie တွေသိပ်မရှိဘူးဆိုရင် သင့် Boyfriend ရဲ့ Hoodie နဲ့ Sweatshirt တွေကိုလည်း ယူဝတ်ပြီး Style ထုတ်ကြည့်လို့ရတယ်နော်။
ဟုတ်ပါပြီ။ ဒါဆို Hoodie တွေရှိပေမယ့် အရင်လို Casual ဆန်ဆန် Denim Pants တွေနဲ့လည်း မဝတ်ချင်ဘူးဆိုသူတွေအတွက် Hoodie နဲ့ Sweatshirt တွေကို ဘယ်လိုအထာကျအောင် Outfit ကို Upgrade လုပ်ပြီး ဝတ်လို့ရလဲဆိုတာပြောပြမယ်နော်။


Biker Shorts Gang
Sport wear ပေမယ့် မိုက်တဲ့ Biker Shorts တွေကို Hoodie နဲ့ တော့ သိပ်ပြီးတွဲဝတ်လေ့မရှိကြဘူး။ ဒါပေမယ့် ဒီ Look က L.A Girl တွေအများဆုံး ဝတ်တဲ့ Style လေးဖြစ်ပြီး Casual ဆန်ဆန် အထာကျနေစေတယ့် Style ဆိုရင်လည်း မမှားပါဘူး။ Shoes ကိုလည်း Chunky Sneaker တွေ Sole ထူထူ Trainer တွေနဲ့သာတွဲဝတ်ကြည့်လိုက်ပါ။


Layer It Up
မိုးသည်းတဲ့နေ့တွေ၊ ချမ်းစိမ့်စိမ့်နေ့လေးတွေမှာ ဒီလို Hoodie ကို အပေါ်ကနေ Jacket တွေ၊ Coat တွေထပ်ပြီး ဝတ်တာကလည်း ရိုးရိုးလေးနဲ့ မိုက်နေစေပါတယ်။ Jacket ဆိုတဲ့နေရာမှာလည်း Denim Jacket မှ မဟုတ်ပဲ Biker Jacket၊ Bomber Jacket၊ Oversized Jacket ဘယ်လို Jacket နဲ့မဆို လိုက်ဖက်ပါတယ်။ ဒီ Look ကိုပိုပြီး ပြည့်စုံသွားအောင် သင်နဲ့သင့်တော်တဲ့ Sunglasses တစ်လက်ရယ်၊ Ankle Boots တစ်ရံရယ် ထပ်ပြီး ဖြည့်စွက်လိုက်ရုံပါပဲ။


Cropped but Hot
တစ်ခါတစ်လေလည်း Hoodie အရှည်ကြီး၊ Sweatshirt အရှည်ကြီးတွေဝတ်ရတာ ရိုးလာရင် Cropped Hoodie လေးတွေပြောင်းဝတ်ကြည့်လိုက်ပါ။ Cropped Hoodie မရှိရင် ရှိတဲ့ Hoodie အရှည်ကို ကိုယ်လိုချင်တဲ့ အတိုအနေအထားလောက်အထိ ဖြတ်ပြီး ဝတ်ကြည့်လို့ရပါတယ်။ Cropped Hoodie တွေကိုတော့ Cargo Pants တွေ၊ Wide-Legged Jeans တွေနဲ့ Sweatpants တွေနဲ့ တွဲဝတ်လို့အလိုက်ဖက်ဆုံးအတွဲအဖက်တွေပါ။ ပြီးရင် White Sneaker လေးတွေနဲ့ Match လုပ်ကြည့်ပါ။


Match with Midi Skirt
Hoodie ဝတ်ထားပေမယ့် မိန်းမသားဆန်ဆန် Feminine လည်းဖြစ်ချင်တယ်ဆိုရင်တော့ Ruffled Midi Skirt တွေ၊ Pleated Midi Skirt နဲ့ Satin Skirt တွေကတော့ အသင့်တော်ဆုံးပါပဲ။ အဲ့ Midi Skirt လေးတွေကို Hoodie တွေနဲ့ ဝတ်တဲ့အခါ အထဲကို Tucked In မလုပ်ပဲ အပြင်ကို ထုတ်ပြီး ပွပွလေးဝတ်တာကလည်း ကပိုကရိုလေးနဲ့ အထာကျနေသလို တစ်ချိန်ထဲမှာပဲ Streetstyle Vibe ကိုလည်းရရှိစေပါတယ်။


Slouchy Overalls
ပေါ့ပေါ့ပါးပါးနဲ့လည်း ဖြစ်ရမယ်။ Fashion လည်း ကျရမယ်။ Effortless Look လည်းဖြစ်ရမယ်ဆိုရင်တော့ Hoodie တွေကို Overall တွေနဲ့သာတွဲဝတ်လိုက်ပါ။ သူကရိုးရိုးလေးနဲ့ အထာကျပြီးသားမို့ Accessories တွေလည်း အထူးတလည် ထပ်ထည့်စရာမလိုပါဘူး။ Sneakers လေးတွေနဲ့ဖြစ်ဖြစ် Boots လေးတွေနဲ့ဖြစ်ဖြစ် အရမ်းလိုက်ဖက်ပါတယ်။


Tie-Dye Fever
အခုချိန်က Tie-Dye Print တွေပြန်ခေတ်စားနေပြီမို့ Tie-Dye Hoodie တွေ၊ Sweatshirt တွေကို မေ့ထားလို့မဖြစ်ဘူးနော်။ Tie-dye Hoodie တွေကို မဝတ်ချင်ဘူးဆိုရင်လည်း သူနဲ့တွဲဖက်တဲ့ Accessories တွေ၊ Pants တွေ၊ Skirt တွေနဲ့ Shoes တွေကို ဒီလို Tie-dye Print တွေထဲက ရွေးချယ်ပြီး Styling လုပ်ကြည့်လိုက်ပါ။

Photos crd from Pinterest.

, , , ,

Style Note

ကိုယ့်အ၀တ်ဗီဒိုမှာ မရှိမဖြစ်လိုအပ်တဲ့ Outfit များ

ဒီအ၀တ်အစားတွေကတော့ မိန်းကလေးတိုင်းရဲ့အ၀တ်ဗီဒိုမှာ ရှိကိုရှိထားသင့်ပါတယ်

by Randy Win

June 4, 2020

               တစ်ခါတစ်လေ ကိုယ့်ရဲ့အ၀တ်ဗီဒိုကိုကြည့်ပြီး ငါ့မှာ၀တ်စရာဘာမှလည်းမရှိပါလားလို့ စိတ်ပျက်လက်ပျက် တွေးဖူးကြမှာပါ။ အ၀တ်အစားတွေအများကြီးရှိနေရဲ့သားနဲ့ ဒီလိုတွေးမိတာဟာ တကယ်တော့၀တ်စရာမရှိတာမဟုတ်ပါဘူး ၊ ကိုယ့်မှာရှိနေတဲ့ အ၀တ်အစားတွေပေါ်မှာငြီးငွေ့ပြီး ရှိသင့်တဲ့ အ၀တ်အစားမျိုးတွေမရှိတာကြောင့်ပါပဲ။ အဓိကရှိသင့်တဲ့အ၀တ်အစားဆိုတာဘယ်လိုမျိုးလဲ ။ လွယ်လွယ်ပြောရရင်တော့ ရာသီဥတုနဲ့လည်းသင့်တော်ပြီး ဘယ်အ၀တ်အစားမျိုးနဲ့ပဲ တွဲဖက်တွဲဖက် စတိုင်လ်အမျိုးမျိုးဖန်တီးယူနိုင်တဲ့အပြင် ရှိသင့်တဲ့ကွာလတီတစ်ခုမှာရှိနေတဲ့ Outfit မျိုးတွေကိုဆိုလိုပါတယ်။ ဒါကြောင့်မို့လို့ ကိုယ့်အ၀တ်ဗီဒိုကိုကြည့်ပြီး ၀တ်စရာမရိပါလားလို့ ငြီးတွားမိစရာမလိုအောင်၊ မလိုအပ်ပဲ ကိုယ့်၀င်ငွေကိုအလာဟသသုံးမိတာမျိုးတွေမဖြစ်ရအောင် မဖြစ်မနေကိုယ့်အ၀တ်ဗီဒိုမှာနေရာယူထားသင့်တဲ့ အ၀တ်အစားတွေက ဘာတွေဖြစ်မလဲဆိုတာ လေ့လာကြည့်လိုက်ရအောင်နော်။
 
1)Floral Dress
မိန်းမသားဆန်ဆန်၀တ်ရတာကိုသဘောကျသည်ဖြစ်စေ သဘောမကျသည်ဖြစ်စေ၊ မိန်းကလေးတစ်ယောက်အနေနဲ့ မိမိရဲ့အ၀တ်ဗီဒိုမှာ ပန်းပွင့်ဒီဇိုင်းနဲ့ ဂါ၀န် သို့မဟုတ် စကတ်တစ်ထည်တော့ရှိကိုရှိသင့်ပါတယ်။ ဒီလိုအ၀တ်အစားမျိုးဟာ ရာသီဥတုနဲ့လည်းသင့်တော်သလို ခရီးသွားတဲ့အခါမှာဖြစ်ဖြစ် ၊ထသွားထလာ ဘာနဲ့ပဲတွဲ၀တ်၀တ် အရမ်းကိုအဆင်ပြေစေမှာပါ။ သဘာ၀ရဲ့အနီးစပ်ဆုံးဒီဇိုင်းမျိုးမို့ ဘယ်လိုရာသီဥတုနဲ့မဆိုလိုက်ဖက်နေမယ့်အပြင် မိန်းမသားဆန်တဲ့ ပျိုမျစ်မှူကိုလည်းပေးစွမ်းနိုင်တာမို့ မိန်းကလေးတိုင်းရဲ့ အ၀တ်ဗီဒိုမှာ Floral Dress ကောင်းကောင်းလေးတစ်ထည်ကိုတော့ စုဆောင်းထားသင့်ပါတယ်။
 
FORCAST Greta Floral V-Neck Dress
2)Jumpsuit
သူငယ်ချင်းတွေနဲ့ night outပဲသွားသွား ၊ပါတီပဲတက်တက် ၊ ပွဲတက်ဖို့ပဲဖြစ်ဖြစ် ဘယ်လိုအခြေအနေမျိုးမှာမဆို အသင့်တော်ဆုံးကတော့ Jumpsuit လေးတွေပါ။cutting ကောင်းကောင်း Jumpsuit တစ်ထည်ဟာ နေရာတော်တော်များများအတွက် အသုံး၀င်ပြီး လှပစမတ်ကျတဲ့အသွင်ကို အလွယ်တကူပေးစွမ်းနိုင်တဲ့အပြင် ဘာနဲ့ဘာတွဲ၀တ်ရင်ကောင်းမလဲဆိုပြီး ခေါင်းရှူပ်ခံစရာလည်းမလိုတဲ့ outfitမျိုးလို့ဆိုနိုင်ပါတယ်။
 
bYSI BALLOON SLEEVES LACE JUMPSUIT
3)Blazer
ဘယ်လိုOutfit မျိုးမဆို ကြည့်ရတာ စတိုငလ်မကျဘူးလို့တွေးနေမိရင် Blazer လှလှလေးတစ်ထည်သာထပ်၀တ်လိုက်ပါ။ စကတ်နဲ့ပဲဖြစ်ဖြစ် ၊ဘောင်းဘီနဲ့ပဲတွဲတွဲ၊ Teeလေးတွေပေါ်ကပဲထပ်၀တ်၀တ် ဘာနဲ့မဆို လှပဖက်ရှင်ကျနေစေမယ့် အကောင်းဆုံးသော မရှိမဖြစ် Outfit တစ်မျိုးလို့တောင်ဆိုနိုင်ပါတယ်။ ဒီလို Blazer လေးတွေ ၀ယ်မယ်ဆိုရင်တော့ အမြင်အေးပြီး ဘာနဲ့မဆိုလိုက်ဖက်တဲ့အပြင် ရာသီဥတုနဲ့လည်းကိုက်ညီစေမယ့် Nude or Pastel color လေးတွေကိုရွေးချယ်ဖို့အကြံပြုချင်ပါတယ်။
 
MDS Myanmar Aden Blazer 
4)Skinny Jeans
Skinny jeans တွေဟာ ကိုယ့်ရဲ့ ‌ခြေတံကိုရှိရင်းစွဲထက်သွယ်လျစေပြီး ဘယ်လိုအ၀တ်အစားနဲ့မဆို အလွယ်ကူဆုံးတွဲစပ်နိုင်တဲ့ Essential Outfit တစ်မျိုးပါပဲ။ ထသွားထလာအတွက်သာမက ပွဲသွား ၊ပါတီတက် ၊ Nightout တွေအတွက်ပါ လိုအပ်သလို Dress up or down လုပ်နိုင်တာမို့ လူတိုင်းရဲ့အ၀တ်ဗီဒိုထဲမှာ Skinny Jeans တစ်ထည်ကတော့ ရှိကိုရှိနေသင့်တယ်လို့ပဲဆိုပါရစေ။
 
5)White shirt
ရှပ်အင်္ကျီအဖြူတစ်ထည်ဟာလည်း သင့်ရဲ့အ၀တ်ဗီဒိုထဲက မရှိမဖြစ် outfit တွေထဲမှာထည့်ထားသင့်တဲ့ အရာတစ်ခုပါပဲ။ ဘောင်းဘီနဲ့ပဲ၀တ်၀တ် ၊စကတ်နဲ့ပဲတွဲတွဲ ကိုယ် idea ရှိသလို ကောင်းကောင်းဖန်တီးနိုင်ပြီး လှပစမတ်ကျတဲ့အနေအထားကို အသာလေးဖန်တီးယူနိုင်တာမို့ ရုံးတက်အတွက်ပဲဖြစ်ဖြစ် ၊ပွဲတက်အတွက်ပဲရွေးရွေး ၊ ထသွားထလာအတွက်ပဲဆိုဆို အားလုံးအတွက် ဉာဏ်ရှိသလိုတွဲစပ်၀တ်ဆင်နိုင်တဲ့ Basic outfit တစ်မျိုးပဲဖြစ်ပါတယ်။
 
Hang Ten Women shirt-White
Photo Credit to The Rightful Owners
, , , , ,


Loading More post