Vietjet Airline နဲ့ Moda Fashion Magazine တို့ ပူးပေါင်းတင်ဆက်လိုက်တဲ့ အခမ်းနားဆုံးသော ဖက်ရှင်ညတစ်ည

ရန်ကုန် နဲ့ ဗီယက်နမ်ကို အကောင်းဆုံး၀န်ဆောင်မှူ ၊ ချိုသာ‌သောဈေးနှုန်း‌တွေနဲ့ ပြေးဆွဲပေးနေတဲ့ ဗီယက်နမ်လေကြောင်းလိုင်းကြီးတစ်ခုဖြစ်တဲ့ Vietjet Airline နဲ့ Moda Fashion Magazine တို့ရဲ့ ပထမ‌ဆုံးပူးပေါင်းတင်ဆက်မှူတစ်ခုဖြစ်တဲ့ Moda Fashion Nightout ပွဲကြီးကို 2016 ခုနှစ် April 2 ရက်နေ့က Novotal Hotel Yangon Max မှာ ကျင်းပပြုလုပ်ခဲ့ပါတယ်။ ဒီပွဲကြီးကို Moda Fashion Magazine က အဓိကတာ၀န်ယူစီစဉ်ခဲ့ပြီး လေဆိပ်တစ်ခုထဲကိုရောက်ရှိသွားသလို ခံစားရစေမယ့် ပွဲအခမ်းအနားအပြင်အဆင်တွေနဲ့အတူ Novotel Hotel ရဲ့ Poolside မှာ ထူးထူးခြားခြားတင်ဆက်ခဲ့တာပဲဖြစ်ပါတယ် ။အဲဒီ Moda Fashion Nightout ပွဲကြီးကို နာမည်ကျော် အနုပညာရှင်များစွာတက်ရောက်ခဲ့ကြပြီး ဒီဇိုင်နာသျှတ္တရရဲ့ အမိုက်စား၀တ်စုံတွေနဲ့အတူ မော်ဒယ်တွေက ရေကန်အလည် Runway ထက်မှာ ကြွကြွရွရွ လျှောက်လှမ်းခဲ့ကြတာပါ ။ ဒီပွဲကြီးမှာတော့ အခမ်းအနားအစီအစဉ်တင်ဆက်သူအဖြစ် ကိုကောင်းထက်ဇော်နဲ့ DJ အဖြစ် DJ Bay Tar တို့က တာ၀န်ယူခဲ့ကြပါတယ်။ ပရိသတ်အချစ်တော် မင်းသမီးလေး ဖွေးဖွေးကလည်း ဒီပွဲမှာ Vietnam ခရီးစဉ်ပါ၀င်တဲ့ အထူး Lucky draw တွေကို ကံစမ်းမဲဖောက်ပေးခဲ့ပါသေးတယ်။ ကမ္ဘာကျော်လေကြောင်းလိုင်း Vietjet နဲ့ Moda Fashion Magazine တို့ရဲ့ ပူးပေါင်းတင်ဆက်မှူတစ်ခုဖြစ်တဲ့ ဒီ Moda Fashion Nightout ပွဲကြီးဟာ ခမ်းနားတဲ့တင်ဆက်မှူ ၊ရင်ခုန်ပျော်ရွှင်စရာအစီအစဉ်တွေနဲ့အတူ ထူးခြားတဲ့ ဖက်ရှင်ညချမ်းလေးအဖြစ် အောင်မြင်စွာ ကျင်းပနိုင်ခဲ့တဲ့ မှတ်တိုင်လေးတစ်ခုဖြစ်ခဲ့တယ်လို့ဆိုရမှာပါ။